يا أهل السكويا الفزعة [الأرشيف]

مشاهدة النسخة كاملة : يا أهل السكويا الفزعة

أبو أحمد2009

26/05/2010, 05:21 PM

أنا ناوي اشتري سكويا ومتردد لأن أحد يمدح وأحد يذم أبي واحد مجرب يعطينا المميزات والعيوب إن وجدت وأهم شيئ عند ي مدى صلاحيتها للبر والنفود ولكم جزيل شكري وتقديري
لا تتركنا يا الميكانيكي

بن سليمان

26/05/2010, 05:29 PM

والله ما جربتها ولكن من شكلها ما صنعت للبر والنفود الا على خفيف يعني ما تبعد عن القار

درباس فرناس

26/05/2010, 05:42 PM

أنا مثلك متردد في شراء السكويا
السيارة جديدة في السوق الخليجي
الدبل مانزل الا هذه السنة في وسط الانتاج
قرأت الكثير من المنتديات مابين مادح وقادح
ولكن تبين لي أن الكثير من الناس يتكلم في السيارة وهو ماجربها ولا يعرف عنها أي شئ
شاهدت لها مقاطع فديو مصورة في أمريكا تدل على أن السيارة قوية ومصنوعة للأماكن الوعرة حيث قاموا بتصويرها وهي تسير في مناطق جبلية ووحل وطين
ولكن هل هذه هي الحقيقة أما أنها دعاية شركات
لا تزال السيارة في مرحلة غموض من جهة القوة في التطعيس ودخول الصحراء لذا تجد تأثير على سعرها في المستعمل مع قلة المعروض منه حيث أني لي فترة أبحث عن مستعمل بدبل ولم أجد أي عرض ووجدت مستعمل بدون دبل يسقط من سعره قيمة خالية غير معقولة بالنسبة لسيارات تويوتا
لا يوجد حتى الآن قسم خاص في النت يهتم بهذه السيارة بعكس المواقع الاجنبية التي وضعت اقسام كثيرة للحديث عن هذه السيارة
حاول أن تتريث قبل الشراء وأسأل عنها الاشخاص الذين يستعملون هذه السيارة وابتعد عن حديث مراهقين النت الذين يتحدثون بما لايعملون ولاتشتري الا بعد قناعة تامة
وأنا معك في أنتظار مشاركات من يمتلك هذه السيارة
وفق الله الجميع

أبوعذااب707

26/05/2010, 05:42 PM

السيارة للمدينه والخطوط ممتازة جدا وعيبها مساحة الشنطه الخلفيه مقارنه بالجمس
الي عندي 2009 لمتد بدون دبل

واتمنى تفيدوني بالدبل لأني ناوي استبدل

kamalhome

26/05/2010, 08:06 PM

أنا عندي سيارة سيكويا ليمتد مع دبل وبصراحة جيدة بالبر بس لازم تنسم الكفرات أو التواير إذا مو حبب ترهق الماكينة

الجني العبد

27/05/2010, 01:41 AM

بسم الله والصلاة والسلام على رسول الله

من خلال تجربتي لقيادة السيارة الفريدة من نوعها (( سكويا )) فأنا أقولك اعقلها وتوكل ..
السيارة ممتازة عائلياً (( أكبر من اليوكن بشوي )) وبالمدينه راح تتعود عليها ..
المرتبه الخلفيه تسفط مثل طريقه الاكسبدشن ..
السيارة خفيفه جدا جدا جدا ومريحه على الآخر ومكينتها جبارة 5700 بقوة 380 حصان ..
أيضا الرفاهية بالسيارة جيدة جدا .. علما إن اللي معي ستاندر دبل
المميزات
1- تدفئه وتبريد مراتب خلفيه .
2- مكيف خلفي مستقل عن الأمامي .
3- مساحة كبيرة جدا بين المراتب .
4- مسجل سيدي فقط .
5- تقدر تفصل الايرباقات عند اللزوم .
6- حساسات من جميع الجوانب (( وتقدر تفصلهم وتشبكهن ))
7- وجود مساحة كافيه بالمرتبه الخلفه (( إذا لم تسفط ))
8- ايرباقات من من دركسون السواق إلى القزازة الخلفيه ..
9- مدخل AUX للجوال وغيرة ..
10- درجه حرارة خاصه للراكب ودرجة حرارة خاصه للسواق (( على كيفك )) ..
11- إقفال السيارة بعد دقيقه أتوماتيكياً (( لست متأكد من هذه المعلومه )) ..
12- قير عادي تماتيك .
13- جنوط 17 كفرات بريجستون .

والكثير الكثير من الميزات .. ولكن لاأستطيع حصرها الآن ..
وللعلم تراها تروح على اليوكن العادي ولا تجيب خبرة ..
شوف المقطع
http://www.youtube.com/watch?v=72quLvFKsgA (http://www.youtube.com/watch?v=72quLvFKsgA)

وهذاه راح على التاهو
http://www.youtube.com/watch?v=nP1YdtPcXLk (http://www.youtube.com/watch?v=nP1YdtPcXLk)

وأيضا راح على الآرمادا
(( أرجو كتم الصوت لوجود موسيقي ))
http://www.youtube.com/watch?v=88qlZq9zKx8 (http://www.youtube.com/watch?v=88qlZq9zKx8)

والمقاطع ذولي تؤكد قوة وحش التيوتا الجديد ( سكويا )
وهذا تسارع للسكويا من صفر إلى 100 بــ 8 ثواني (( ماشاء الله )) وهذا هو كبير هـهـهـ :p
http://www.youtube.com/watch?v=VIVHeEzZaEg (http://www.youtube.com/watch?v=VIVHeEzZaEg)

وفالك التوفيق ..

منتظر الجديد

27/05/2010, 02:47 AM

بس مو كنه باص أو فان ... يعني ماينفع ابدا اذا كنت شااب

وذا على التسارع ... هذي تسارعات ارمادا

http://www.youtube.com/watch?v=GMoHvxU5cuU&feature=player_embedded

http://www.youtube.com/watch?v=Mlq7Tamgmy4&feature=related

http://www.youtube.com/watch?v=FV2viNXll3k&feature=related

المنيعي1

27/05/2010, 02:54 AM

رايي الشخصي وبدون زعل ملاكها
منضر خارجي وداخلي قبيح جداَ

الاندكروزر123

27/05/2010, 10:02 AM

ماكل مايتمناه المرء يدركه تجري الرياح بما لاتشتهي السفن

انا عندي وحدةاستاندر والله ملكة بكل ماتعنيه الكلمة
انصحك استتخير وخذها

الجني العبد

27/05/2010, 11:18 AM

بس مو كنه باص أو فان ... يعني ماينفع ابدا اذا كنت شااب

مثله مثل اليوكن ياحبيبي ..

رايي الشخصي وبدون زعل ملاكها
منضر خارجي وداخلي قبيح جداَ
أنا راح أتفق معك إن الشكل الخارجي لك عليه ولكن الداخلي مممتاز جدا ..
كانت نظرتي له قبل ما اشتريه مثلك ولكن عقب ماشريته تغير الوضع إلى الأفضل ..

أبوعذااب707

27/05/2010, 01:19 PM

كيف الدبل بالطعوس
ياليت الي عنده مقاطع ينزلها

درباس فرناس

27/05/2010, 01:19 PM

بسم الله والصلاة والسلام على رسول الله

من خلال تجربتي لقيادة السيارة الفريدة من نوعها (( سكويا )) فأنا أقولك اعقلها وتوكل ..
السيارة ممتازة عائلياً (( أكبر من اليوكن بشوي )) وبالمدينه راح تتعود عليها ..
المرتبه الخلفيه تسفط مثل طريقه الاكسبدشن ..
السيارة خفيفه جدا جدا جدا ومريحه على الآخر ومكينتها جبارة 5700 بقوة 380 حصان ..
أيضا الرفاهية بالسيارة جيدة جدا .. علما إن اللي معي ستاندر دبل
المميزات
1- تدفئه وتبريد مراتب خلفيه .
2- مكيف خلفي مستقل عن الأمامي .
بالنسبة للمواصفات الفقرة الأولى
هل أنت متأكد أنه يوجد تسخين وتبريد للمراتب الخلفية .........؟
3- مساحة كبيرة جدا بين المراتب .
4- مسجل سيدي فقط .
5- تقدر تفصل الايرباقات عند اللزوم .
6- حساسات من جميع الجوانب (( وتقدر تفصلهم وتشبكهن ))
7- وجود مساحة كافيه بالمرتبه الخلفه (( إذا لم تسفط ))
8- ايرباقات من من دركسون السواق إلى القزازة الخلفيه ..
9- مدخل AUX للجوال وغيرة ..
10- درجه حرارة خاصه للراكب ودرجة حرارة خاصه للسواق (( على كيفك )) ..
11- إقفال السيارة بعد دقيقه أتوماتيكياً (( لست متأكد من هذه المعلومه )) ..
12- قير عادي تماتيك .
13- جنوط 17 كفرات بريجستون .

والكثير الكثير من الميزات .. ولكن لاأستطيع حصرها الآن ..
وللعلم تراها تروح على اليوكن العادي ولا تجيب خبرة ..
شوف المقطع
http://www.youtube.com/watch?v=72quLvFKsgA (http://www.youtube.com/watch?v=72quLvFKsgA)

وهذاه راح على التاهو
http://www.youtube.com/watch?v=nP1YdtPcXLk (http://www.youtube.com/watch?v=nP1YdtPcXLk)

وأيضا راح على الآرمادا
(( أرجو كتم الصوت لوجود موسيقي ))
http://www.youtube.com/watch?v=88qlZq9zKx8 (http://www.youtube.com/watch?v=88qlZq9zKx8)

والمقاطع ذولي تؤكد قوة وحش التيوتا الجديد ( سكويا )
وهذا تسارع للسكويا من صفر إلى 100 بــ 8 ثواني (( ماشاء الله )) وهذا هو كبير هـهـهـ :p
http://www.youtube.com/watch?v=VIVHeEzZaEg (http://www.youtube.com/watch?v=VIVHeEzZaEg)

وفالك التوفيق ..

بالنسبة لتبريد وتسخين المراتب الخلفية هل أنت تقصد مكيف خلفي أو تبريد المراتب مثل اللكزس...؟

الجني العبد

27/05/2010, 01:41 PM

بالنسبة للمواصفات الفقرة الأولى
هل أنت متأكد أنه يوجد تسخين وتبريد للمراتب الخلفية .........؟

نعم متأكد 100% والسيارة اللي معي ستاندر .. أقل فئة ..

بالنسبة لتبريد وتسخين المراتب الخلفية هل أنت تقصد مكيف خلفي أو تبريد المراتب مثل اللكزس...؟
تبريد المراتب مثل اللكزس ..
يعني المرتبه نفسها منفصلة عن المكيف الخلفي بالكامل بحيث تقدر تتحكم في درجه حرارة المرتبه لحالها ودرجة حرارة المكيف لحاله ..

أتمنى إني وضحت لك ..

الجني العبد

27/05/2010, 02:41 PM

هذي صور للسكويا ومنها يتبين الحجم داخل المقصورة

http://www.mekshat.com/vb/showthread.php?t=185487 (http://www.mekshat.com/vb/showthread.php?t=185487)

وهذي مقارنه بين السكويا واليوكن والتاهو :p

http://www.almotornews.com/index.php?mod=article&cat=News&article=16 (http://www.almotornews.com/index.php?mod=article&cat=News&article=16)

بالتوفيق جميعاً ..

مطيعيس

27/05/2010, 04:28 PM

ابوسعد النجدي

27/05/2010, 06:08 PM

انصحك بشرائه وبقوة

الوالد معه واحد 2009 بدون دبل

الصراحة شيء جبااااااار بمعنى الكلمة

أنا شخصيا سافرت فيه ثلاث مرات تقريبا

الصراحة رساوة في الطريق وراحة واتساع في المركبة وقوة مكينة

وأنا أشوف شكله جدا جدا جدا رائع

وهو جمع لك بين خدمات الجمس والجيب

من ناحية الراحة والقوة

والان 2010 فيه دبل فهذا شيء اكثر من رااااااااائع

ويكفيك سيارة مكينتها 5700 سي سي وش تبغا اكثر من كذا

مكينة أقوى من اللاند

اعقلها وتوكل اخي

ولاتنس الاستخارة

وانصحك ثم أنصحك ثم أنصحك باللون اللؤلؤي

درباس فرناس

28/05/2010, 01:00 AM

السلام عليكم ورحمة الله وبركاته
بقولك شيء شف وجهية الجمس وشف وجهية السيكويا

السيكويا

http://www.glaaty.com/vb/imgcache/9299.png

الجمس

http://www.carpictures.com/media/images/640/09G8E572723766AA.jpeg

اروح شكشوكة بدون بيض مع الجمس

الجمس مركب الوجيه المسافير×××ياظالمين الجمس وين العدالة

يا أخي وش لك بالوجه تراها سيارة ماهي الدعوة زواج حتى تقارن بين الصور
أهم شئ عندي أنا في السيارة أن تكون قوية وقليلة الخراب وتكون وسيعة من داخل
والناس أذا ماتعودت على شكل سيارة نفروا منه بالبداية ثم يتقبلونها بعد فترة وخذ لك مثل اللاند كروزر أول ماطلع وجيب اللكزس
وأنا من الناس الي يعشق منظر السيارة الخشن والقوي :f الي تحس أنه مصنوع للرجاجيل وترتاع منه البعارين في الطريق وأكره منظر السيارة الناعم الي كأنه وجه خكري :D
أنا لم اشتر السيارة بعد ولكن معجب بالسيارة ولا زلت في مرحلة الاستخارة والبحث عن أراء المجربين وكذلك أبحث عن سعر مناسب لأني لاحظت وجود فروق بالاسعار بين المعارض

ساري 111

28/05/2010, 03:05 AM

بعد ماجاء دفرنسين انتشر بالرياض انتشار رهيب

صرت اشوفه اكثر من اليوكون والتاهو

والحقيقه بالنسبه لي مااقتنعت بشكله مااعدا الفل الكامل مقبول نوعاً ما

softy

29/05/2010, 10:10 AM

السلام عليكم

الاخوة الي جرب السيكويا كيف صرف البنزين علشان نحكم

softy

30/05/2010, 11:05 AM

مساء الخير للجميع سئلت عن السيارة

بالوكالة وقالي الموظف انها تمشي 450 كيلو في الخطوط

وداخل الديرة 550 كيلو

الموظف ما قد جرب السيارة الي مجرب الموتر يرد علينا

شبابها

30/05/2010, 11:54 AM

سكوياء
وبالنسبة للسكويا محركها نفس محرك اللكزس 5700 بقوة 381 حصان ...والسيارة اللي معي موديل 2010 دبل+فتحة
وخفيفة مرررررة انشط من السيارات الصغيرة وطبعاً حجمها عائلي يعني سوبر بان بس تويوتا ومريحة بالسفر
وتانكيها 100 لتر تعبيها اذا صارت فاضية55 ريال تقريباً وتمشيك وانت تمشي 130 الى 140 تقريباً540كم لين تولع اللمبة..
بس بالديرة كبيرة شوي يبي لك فترة وتعود عليها بالزحمة :D وانا بالنسبة لي مخليها للعائلة والسفريات البعيدة لأن معي سيارة ثانية للبر والصيد ...........اتكل على الله واستخر واشترها

المساهر

30/05/2010, 01:02 PM

شف ياخوى انا عندى سكويا بلانتيوم فل كامل

السياره مريحه لابعد درجه ومن ناحيه القوه لايستهان بها
السياره تمتلك الوسع بالمراتب يعنى مد رجولك على كيفك المسافات متابعده بين المراتب افضل من السيارات الاخرى بنفس الحجم

قيادتها سهله جدا ولاتشعر بضخامتها على قولهم ((( ياليت تقيس الفورد وتقيسها نفس الابعاد ))

البنزين اقتصادى جدا بالمدينه وخارج المدينه

وازيد ملاحظه هامه

السياره تختلف من شخص لاخر بحسب الدعسه والعنف

يعنى بعض الناس امثالى اخاف على موترى بصراحه ولا اجلده ابد وبعض الناس يطلع اللى ببطنه ويطلب زود ويقول ماشريته الا كذا هههههههههههه على باله الوليد بن طلال

نصيحه اخرى

استاجرها لمده اسبوع تجربه قياده وشوف مانت خسران غير قيمه الايجار ولكن تنفعك للمستقبل بلاقتناع