ياشباب الحقوني الحقوني الحراره في سيارتي مرتفعه

[رحااااااااااال]

بسم الله الرحمن الرحيم

مساء الخير على كل الشباب مشرفين واعضاء انا توني مسجل عندكم يعني توني ( لنك ) كيف حالكم عساكم بخير والله شي طيب اني اشوف الحلول حق المشاكل للسيارات واتمنى اني اشوف حل حق مشكلتي
لأن مشكلتي في الحراره قامت ترتفع بدون سابق انذار والمشكله انها ترتفع مع الدعسه كل مادست كل ما ارتفعت اذا خففت انزلت لين الشخطه الثانيه يعني الربع واذا دست ارتفعت مره ثانيه والله حاله :(
واذا ارتفعت الحراره يطلع الماء من الرديتر ويصب في الجربه حتى تصير ( فل )

اعطيكم شوية معلومات عن سيارتي لعل وعسى القى عندكم الحل الشافي باذن الله :
سيارتي من نوع : نيسان سفاري
الموديل :1994
طبعاً كلكم تعرفون انها بخاخ مو كربريتر .
نظفت الرديتر لكن ما في فايده .
ملاحضه : عندي الديلكو مهما اوزنه دايماً يكر لكن على خفيف وزنته عند الوكاله على الكمبيوتر نفس الشي وزنته مسدس في ورشه نفس الشي .
الله يساعدكم وتعطوني الحل الاكيد
هذا ولكم مني كل الشكر والتقدير
اخوكم الجديد الرحااااااااااال
http://www.mekshat.com/pix/upload/images/mk00099.jpg

[جواب]

وعليكم السلام
اهلا بك يارحال بين اخوانك في المنتدى

من اسباب ارتفاع الحرارة في السيارة الاتي

1طرنبة الماء لاتعمل بالشكل المطلوب او ضعيفة
وللكشف عليها اذا كانت تعمل اولا تاكد من ان الاديتر مليان بالماء وضغط على (الخرطوش )العلوي الخارج من الطرنبة الى الاديتر واذا معك احد يساعدك خلة يدوس بنزين ونت ضاغط على الخرطوش اذا حسيت ان الخرطوش ينتفخ اثناء الدعس على البنزين فهذا يدل على انها تعمل بالشكل المطلوب

2 اوتومتك المروحة
يتسبب في ارتفاع الحرارة عندما لايقوم بدفع الهواء الى الامام اتجاه الاديتر وترتفع الحرارة داخل الاديتر ثم المكينة و(تفور) السيارة
وللكشف على الاوتومتك اترك السيارة حتى ترتفع حرارتها وضع يدك في مقدمة المكينة وخلف الاديتر (ولكن انتبة على يدك من المروحة ) اذا احسست بهواء قوي يخرج من الخلف الهواية فهذا دليل على ان الاوتومتك يعمل بالشكل المطلوب

3 بلف الحرارة لا يعمل يوجد بة ترسبات وصدى
والحل
اترك السيارة تبرد و فك غطا كوع البلف في اعلى المكينة وشيل البلف ورجع الغطا الى مكانة من دون البلف واملا الاديتر ماء وشغل السيارة وترك االسيارة حتى ترتفع حرارتها فاذا كانت المشكلةوتفوير الماء موجودة فهذا يعني ان البلف سليم

4 مجاري سرند المكينة متسخة وتحتاج الى تنضيف وتسيخ اديتر

5راس المكينة سبق وان تعرض للحرارة
ولا تنحل المشكلة فية الا بتغير وجه راس المكينة ونشاء الله مايكون منة

وسلامتك

[رحااااااااااال]

هلا اخوي جواب عساك على القوه ومشكور وماقصرت على هذا الرد الجميل
لكن
ك
1 - طرنبة الماء انا غيرتها لأنها كانت رايحه فيها
2 - ونفس الشي مع الاتومتيك للمروحه انا بعد غيرته
3 - جربت هذي الطريقه لكن المشكله مازالت قائمة
4 - سويت تسييخ للرديتر لكن مافي فايده
5 - اعتقد ان لو كان البلا من راس الماكينه اعتقد ان الحراره راح ترتفع على طول لكن مشكلتي ان الحراره عندي ترتفع مع الدعسه يعني لو اخفف تنزل والله اني تعبت منها .

لكن ما اقول غير الله يعين ومشكور وماقصرت على كل اللي قدمته لي من حلول والله يجزاك خير
وتقبل تحياتي
اخوك الرحاااااااااال
:)

[((( الحر)))]

لقيتها لك وانا راعيها وعزالله انها صارت معي
اسمع يالغالي: يالرحااااااااااااااااااااااااااااااااااااااااااااا ااااااااااااااااااااااال
المشكله الي عندك مثل الي صارت من زمان عندي ترتفع الحراره مع الدعسه او مع المشي وقالي احد اهل الخبره من المهندسين ان مشكلك من الكنداسه يمكن فيها ضربه مضيقه الماسوره حقت الشكمان او ان الدبه حقت الشكمان ماتصرف العادم زين ويرجه على المكينه ويسبب ارتفاع الحراره 0 والدليل على هذا ان عزم السياره يصير ردي 0
جرب ولانتب خسران الاشي بسيط0 ارجو اني وفقت في تشخيص الحاله المستعصيه للمشكلتك وسلامك .

[شروكي]

الحل الأكيد والمضمون ان شاء الله ، انك تغيير غطاء الأديتر بس - اشتر غطاء أصلي من الوكالة.
لأن مشكلتك كانت مشكلتي من أول في موتري الشروكي ، وأنت عارف الشروكي هو أبو الحرارة.

[رحااااااااااال]

هلا والله اخواني ( الحر ) و ( الشروكي ) عساكم بخير .
اشكركم والله على هذي الحلول واتمنى ان العله تكون مثل ماقلتوا في الكنداسه او غطاء الرديتر مو مشكله عندي لو اغيرهم الاثنين اهم شي اطيح على هذي العله اللي مدوختني ومشكورين وماقصرتوا
والله يخليكم للمنتدى .
تحياتي لك يالحر و يالشروكي .
:)
وتحياتي للجميع
اخوكم الرحااااااااااال;)