**^^&&راعين الترهيم فزعة لاهنتو عندي باترول ربع 97 ابرهملة مكينة&&^^**

[ليالي المكشات]

مسيتو بالخير

انا عليمي بالترهيم ابي ورشة خبرة واتقان في اي مكان بالمملكة اعطيهم السيارة ويسلموني المفتاح

انا يااخوان عندي باترول ربع 97 ما يطربني عزمة

ودي اركبله مكينة كابرس اس اس زي ما يركبونة هالناس او اي مكينة ثانية تنصحوني فيها طبعا ابي استخدام يومي وللبر

السؤال اذا سلمت لورشة ((المكينة)) كم يكلف شغل اليد والقطع الاضافية تبع الترهيم!!

انا بانتظار اهل الخبرة

[GS5]

مساك الله بالنور
مكينة الإس إس حدد الجديده ولا اللي قبل
اللي قبل اسمه LS-1 و سعته 5,7 لتر
الجديده اسمه L98 و سعته 6,0 لتر
وكانك بتركب حدا هالثنتين انصحك بالأولى ازين و اكثر الشعب يعرفون له
و به مكينة الجمس الدنالي 6 لتر , lq9 ازين منهن تورك انصحك به بس $$$
والسعر يختلف و يتفااوت حسب المكينه , مير تبي رايي و اغديك تطيعن , كان الموتر ورده و نضيف ويسوا بعه لاتلعب به و دور لك موديل اقدم وعليه مكينه يعني جاهز و خذه ازين لك و اهم شي تفحصه عند اللي يشتغلون عليهن و تعرف من اللي اشتغل عليه و وش به بلاوي

و اللي يشتغلون واجدين حدد بأي منطقه انت بس

وشف ذا تراهـ مهب شين ماشاء الله تبارك الله الله لايضره
http://www.mekshat.com/vb/showthread.php?t=296156

[قرم العيال]

اول شي انت رجال .. وسيع صدركـ على الورش .. وكل شوي تبي تطلع لك شغله

ركب ال اس 1

تبي مكينه تشغلك اول الوقت .. ركب تويوتا 4500 ولا فتك 4800 مع ان الفتك مكلفه جدا ..

او خلك على مكينتك ما به مثله لا كمبيوتر ولاخرابيط .. اهم شي قل المشاكل الكهربائيه

واغلب مكاين الوقت الخراب كهربائي قبل الميكانيكي ..

[سعد الشتيلي]

نصيحه اذا السياره بتستخدمها يوميا للبر والكشتات لاترهم لها اي مكينة

لان الترهيم كل وقت تطلع لك مشكلة خاصة في القير لان المكينة كبيره عليه

راعين الترهيم اغلبهم راعين مراقى وتطعيس لكن الكشتات ماتستاهل ترهيم

يعني لو ترهم المكينه يبي لك كل شهر تحط بالموتر

غير فلوس الترهيم الاولى



بالتوفيق

[ليالي المكشات]

يااخوان اشكركم على نصحكم لكن السيارة ماشية 600وفت وكفت المكينة والسيارة مرشوشة ومسمكرة يعني ما راح اتحسف عليها

[GS5]

طيب اخوي وش رايك تركب له كام وكربريتر و بساتم اشوف انه ازين من انك تغير المكينه
و ابحث باليوتيوب عن كام كربريتر وشف وشلون ماشاء الله تبارك الله
بعضهم اللي يشتغلون صح وتلقاهم بس كام وكربريتر يساقطون فتكات فلتر وهدرز

دوك هالخلطه
حفه و بوردنق و كام ستيج تو و كربريتر (الحجم بالضبط مادري كم لكن بسألك واحد إن شاء الله ولي رجعه ثالثه) و بساتم فتك صفر و إن شاء الله العزم بيطربك طرب مهب صاحي ولنتب متوقعه من مكينتك , و كانه بعد قير عادي ركب حذاف المنيوم و كلتش و لو يحصل كرنك خفيف ازين وازين وعش حياة الطرب

[بدران9]

1- حط في الحساب مبلغ وقيمته 2000 الف.
2- قيمة الترهيم تكلف تقريبا 16000 مكينة ال اس 1
3- يبقى معك 4000 ريال قيمة الصيانة الدورية
4- الصيانة الدورية راح تكلفك من 300-500 بعد كل طلعه
5- راح تخلص ال4000 ريال بعد شهرين تقريبا
6- راح يوقف عند باب بيتكم شهر تقريبا واحد الكفرات راح ينسم مع الوقت.
7- بتمل منه من قلب.
8- بتكرهه
9- المرهم للبيع
10- للبيع اغراض باترول.. ياي.. كعكات.. تانكي.. شنابر
11- مطلوب فكتوريا نظييييفه

[راعي الركيات]

الشغله مكلفه لمن لم يدخل في هذا المجال وليس له خبرة

وحتي اكثر من اشتغل علي سيارته بنفسه ( وهذا افضل ) لقي ان الشغله

مطوله وغير مجديه انك تتعب لمدة اربع او خمس شهور لمجرد تطلع

بحدود 150 حصان فقط اما من يشتغل عند الكباتن او اصحاب الورش

المختصه فهذا امر ثاني تخيل توصل من 22 --- 26 الف ريال وانت

ماوصلت الطموح الي في بالك او الشي المرضي باقل تقدير

شغله متعبه والاكثر تعب التشيكات بعد كل طلعه


هذا مجرد راي وانت ابخص بعمرك

[ليالي المكشات]

طيب ياخوان لو ارهم مكينة ربع نيسان2004 وفوق
لربع نيسان 97 يطبق عليه عادي وهل بيصير فية مشاكل وخربات مستقبلا

ولا افضل ارهم مكينة ربع تويوتا افضل

اتمنى الرد

فهمت من كلامكم اني ابعد عن مكاين كابرس

[ترهيم]

السلام عليكم

الاخوان ماقصرو ينصحونك على اساس انك قلت سياره استخدام يومي بس دامك معزم وودك تدوخ راسك كم ميزانيتك ؟؟

[ابوعقل]

اهم شي ما تشتغل بموترك عند سباكين الاستراحات !!

لان هم اللي شوهو سمعة المرهمات

شفلك ورشه ممتازه

يعرفون شلون يفرطون الظفيره

ويجلسون المكينه صح

انت وين موقعك علشان يفيدونك الاعضاء

بالورش الزينه

وانا لو مكانك اودي الموتر للكابتن هشام الملا

اسم ورشته ((مركز الاداء العالي))

وهو مايشتغل الا امريكي جمس وشفر

ويركب مكاين امريكيه على النيسان الباترول مع برمجه

يعني تستلم موترك جاهز من عنده

[GS5]

تتركب 4500 نيسان بدال 4200 !!
خلك على قردك لايجيك اقرد منه , 4500 بقرة نيسان الله يكرمكم والقارين
مثل ماقلت لك كام وكربريتر و اقر ردي الأول :)

[مخاوى ابوه]

اللى فهمت من كلامك انك تبي الموتر استخدام يومى
وافضل مكينه استخدام يومى من وجه نضرى
اللى هى 4500 تيوتا
ولا 4700
ولاتهون مكينة الفتك
اما التركيب
لمكاين التيوتا
يركبها لك سريع الهاجرى فى قطر
تركيب وكاله ماشاء الله
بس انت حط الموتر ثم تعال استلم المفتاح
وانا مكينه الفتك
هذى عندك ولد الخضير فى القصيم
بس سعرها يكوي
المكينه لحالها بحول العشرين
والله يوفقنا واياك

[ليالي المكشات]

ماقصرتو يا خوان

بصراحة ميزانيتي 16 الف فقط

[قرم العيال]

16 الف الظاهر تخلص لك مكينه تويوتا 4500 يابانيه ..

وين موقعك بس !!

[فني الشروكيات]

16 الف

ال اس ون
مالك الاهي ومكينة تطربك صح..

ربي يوفقك ويسر امرك..

[راعي الاكورد]

طيب وش رايك بمكينة الربع 4500 زي ما قال الشباب

قوية وخرابها قليل

بس ركب لها هيدرز وفلتر بتنطرب صح

وميزانيتك اتوقع بتكفي

[جميل المغازي]

1- حط في الحساب مبلغ وقيمته 2000 الف.
2- قيمة الترهيم تكلف تقريبا 16000 مكينة ال اس 1
3- يبقى معك 4000 ريال قيمة الصيانة الدورية
4- الصيانة الدورية راح تكلفك من 300-500 بعد كل طلعه
5- راح تخلص ال4000 ريال بعد شهرين تقريبا
6- راح يوقف عند باب بيتكم شهر تقريبا واحد الكفرات راح ينسم مع الوقت.
7- بتمل منه من قلب.
8- بتكرهه
9- المرهم للبيع
10- للبيع اغراض باترول.. ياي.. كعكات.. تانكي.. شنابر
11- مطلوب فكتوريا نظييييفه


هههههههههههههههههههههههههه
هذا الي بيصير صحيح

[مكثور الخير]

هلا اخوى
ممكن تقبل نصيحتى
معك سفاري موديل 97 ومعك مبلغ 16 الف ريال
بيع السفاري وزد عليه مبلغ اخر فوق اللى معك
وخذ لك ربع تويوتا 2002 نظيف شد بلد :good2:
وحط له مروحه كهرب وفلتر بس
وصدقنى راح تنسى الورش كلها
وتكسب راحتك @ وخلك من الترهيم كله
ماغير سحب مبلغ شهرى لايقل عن 600 ريال :mad:
وانت ابوها وسمها
تقبل مرورى

[السليطين]

شف وانا اخوك ...

الشباب عندنا مركبين على الباترول القديم 96 و 97 مكينة باترول 4500 بخاخ .. والموتر نشيط واترك عنك حتسي بعض الناس اللي يقول لك انها ماتنفع ,, المكينه عمليه لابعد الحدود ولافيه احد منهم اشتكى منها . يقرفونها كرف الويل ولا قالت اححححح ...

مشكلتها فقط اذا صارت راكبه على 98 وفوق .. لان الموتر ثقيل مرره .. وزنه اثقل من القديمات بواجد واثقل من الربع التويوتا ..
...

بالتوفيق ان شاء الله

[سوبر VTC]

تجليس مكينة ال اس ون مع الظفيرة و الكمبيوتر
+ تحويلة قير و البرمجة
يمكن توصل ال18الف
المكينة مع ظفيرته من 11 الى 13الف
تجليس من 1500 الى 2500
تحويلة اظنه ب3500 او اقل
احد الربع مركب ال اس ون لباترول سلقة م 91 و يكشت و يسافر عليه دائما للكويت
و كم شخص مركبه لباترول صالون م97 وتحت
و اكثرهم بنفود ام حزم او خل حسين
ان بغيت ورش متخصصه ببريدة علمن سواء الصمعاني او الخضير
او بالزلفي بدر الحمد او مج بعنيزة
و الافضل لك تدخل منتدى تطعيس متخصصين بالترهيم

[ابودعسان]

انا لو مكانك اركب مكينة باترول 4500 او تويوتا 4500
والله يوفقك

[التعـ King ـديل]

اذا تبي الطرب ركب فتك 4800 موديل 2004

بتكلفك تقريبآ مضبطه جاهزه حدود ال 30 بس بيطلع موتر

[ليالي المكشات]

يا اخوان صملت على مكينتين مكينة ربع تويوتا
ومكينة باترول 4500 بخاخ

ايهم احسن وايهم الي تطبق بسهولة واقل خربات
كم اسعار المكينتين بالتشليح التويوتا والنيسان!!
ومن افضل واحد يركبها لي!!!
وبكم يركبها!!!
ابي رقمة ومكانة
انا مكاني الرياض بس اروحلة باي مكان بالسعودية

[قرم العيال]

ابعطيك اسعار قد تكون قديمه

4500 تويوتا يابانيه ام كويلات .. بـ 7 ويمكن تاصل 8 الاف

مكينه نيسان 4500 بـ 12 وحوله موديل جديد اقسط مابين 2005 و 2008

[قرم العيال]

والله يوفق

[Bader-M]

فية احد الصدقائي يملك جيب باترول صالون مديل 91 او 92 مركب علية مكينة ال اس ون
مرشوش كامل و مكيف شغال واعتقد انه يحتاج كفرات فقط مع تلقطلات بسيطة جدا مثل وزن الانوار والاذرعة
سعره تقريبا 35 الف يزود شوي او ينقص
يعني لو تحسبها سيارتك تجيب لك على الاقل 25 الف مع 16 الف = 41 الف
هذا جاهز و ارخص لك ويبقى معاك كم الف صيانة له
اذا كنت تبي الموتر او ودك تشوفه راسلني على الخاص عشان اعطيك رقمة
تحياتي اليك

[سكراب الشاطر]

مساء الورد اخوي
انا ارهم لك ماكينة بالكويت
ان كنت تبغى ماكينة ماتعور راسك وشد بلد تكون يعني :
ماكينة كاملة بالظفيرة كاملة للسيارة وليس فقط ظفيرة الماكينة ويمكنك برمجتها حتى نيسان 4800 ولكن هذه مكلفة شوي وتكلفك 24000 الف ريال مع البدل
وان كنت تبغى تويوتا 6 سلند فتكون تكلفتها 17500 مع البدل لكن لايمكن برمجتها
وان كنت تبي تركب شفر ls1 فتكون التكلفة 15000 الف مع البدل
وتشمل كفالة 6 شهور على الشغل والماكينة 15 يوم لا تشمل الكسر وسوء الاستعمال
وان كنت تريد الاستفسار 0096597502896 جاسم الرجاء الاتصال صباح الاحد ان شاء الله

[بندر بريدة]

يااخي رح للقصيم وانحر الصمعاني ابووليد بالتشاليح الي ببريدة وتراه نصوح وراعي ذمه ويعلمك وشتبي والحمد لله احسنلك من دوخت الراس