نصيحة لأهل الجيوب

[سعدسعود]

السلام عليكم
أخواني كلكم تغيرون الزيت والسيفون طبعا الزيت معروف كيف الغش فيه وتتلافاها لكن السيفون يقولك أصلي وهو مغشوش اللهم الكرتون مثل الأصلي لا ويحسبه عليك ب25 ريال وهو مغشوش ولا يعرف الفرق بين الأصلي والمغشوش الا صاحب قطع غيار
لكن خذ هذه النصيحة :
رح ((((للوكالة )))) وخذ منهم سيفون أصلي ب(15) ريال بس وشغل اليد 5 ريال يعني يكلفك 20 ريال وأصلي مضمون بدلا من 25 ريال ومغشوش
أنا دائم أغير الزيت مع السيفون كل 5000 كلم والسيفون أصلي معي وصاحب المشحمة يقول
الزيت(ماكمل3000) قولوا ماشاء الله
جرب ووفر دراهمك وحافظ على اللاند كروزر

[مرقاب الشرق]

حلو دامك جبت طاري الزيت والسيفون ودي أسئل معي جيب Gxr اغيرله زيت ألترا سفن وش رايكم بهازيت ؟
بعدين أنا اغير الزيت كل (2000)كم وانت تقول 5000 الفرق الضعف وشوي .كل كم أغير الزيت احسن شي ؟

[عاشق الحماد]

اشكرك اخي سعد على النصيحة

على طاري الGxr ماعندكم حل ياهل الخبرة للسبير-الاستبنة-الاحظ انها تدق بالارض كل ما طلعت

للبر

الاخ نجم\

2000قليلة انا اغير الزيت بعد5000 واحيانا ياصل6000

[مرزوق]

الاخ صاحب الgxr
ركب جنطgx اسبير اوركبله كعكات من الخلف او كفرات مقاس 825
وسوف تنحل المشكله

[مرقاب الشرق]

عاشق الحماد مشكور .
وبنسبه للاستبنه مثل مقال الاخ مرزوق ركب جنط Gx .

[راعي الفزعه]

مشكور على هذه النصيحة ...
وافضل زيت في نظري هو زيت جي تي فوكس يبقى في المكينة من 4000ك الى 5000ك

[shababi]

مشكوور على النصيحة لكن الواحد يكسل يروح للوكاله عشان فلتر زيت :rolleyes:





مشكور على هذه النصيحة ...
وافضل زيت في نظري هو زيت جي تي فوكس يبقى في المكينة من 4000ك الى 5000ك

فوكس SUPER GT
:good: :good: :good:

[عاشق الحماد]

الاخ صاحب الgxr
ركب جنطgx اسبير اوركبله كعكات من الخلف او كفرات مقاس 825
وسوف تنحل المشكله
اخ مرزوق\ ياليت توضح لي اكثر عن فكرة الكعكات

اما

فكرة الجنط العادي -انا فكرت فيها-بس متعبة كل ماطلعت تبا تفك السبير واذا رجعت ترجع الاساسي

[عاشق الحماد]

الاخ صاحب الgxr
ركب جنطgx اسبير اوركبله كعكات من الخلف او كفرات مقاس 825
وسوف تنحل المشكله
اخ مرزوق ياليت تفيدني اكثر عن فكرة الكعكات

اما السبير العادي انا فكرت بها بس متعبة كل ماطلعت فك ركب لاتقول لي خلة ثابت

بيني وبينك انا رجل هواوي يعني اذا مامنظر الجيب كذا :good: مايعجبني والسبير العادي ينزع منظرة

[سعدسعود]

الزيت المضبوط جي تي أو اكسترا بترومين
خذ لك فلتر أصلي ولاتغير الا بعد 5000 كلم
جرب وتدعي لي

[المنصف]

ياإخواني زيت الفوكس أنا مجربه
بسيارتين بنصف عمرهن بعد إسبوع من تغيير الزيت بدأت اصوات الجنازير تطلع وفي النهاية غيرنا الزيت
بزيت آخر وصلحنا الجنازير ووحده منهن كنا مبدلين زيت القير وبعد يوم ماعاد يعشق زين طلع القيرثقيل
إلين غيرنا الزيت بزيت ثاني وصلح على طول
ووكيل فوكس يغري أهل المشاحم ويعطيهم هدايا على حسب الكمية اللي يشترونها يعني يرشيهم
علشان يروجون سلعته وأهل البناشر طبعا ماعليهم إلا من الكسب المادي يعني ماعليهم منك أنت وسيارتك
وبعدين ماعندهم معرفة بالزيوت كل المؤهل اللي عندهم أنهم يوم جوا من بلدهم مايعرفون شي
جلسوا اسبوع يطالعون وشلون يغير الزيت وبعدها استلموا الشغل
حتى صفحه واحده ماقروا عن تركيب الزيوت وأنواعها
وأنا الحقيقة ما أغير إلا بترومين لأن الشركة سعودية والموظفين اللي فيها سعوديين أكثرهم خريج
جامعة البترول ويطبقون المواصفات اللي درسوها بدون أي ضغوط
ماهم مثل فوكس وطقتها اللي يوظفون العمالة الرخيصة
ولو سألت أهل المشاحم وش أغلى زيت بالجمله لقالوا بترومين
وبعدين شركة أرامكو مختبراتها إعتمدت الزيت لسياراتها ومعداتها

[برق نت]

مشكورين على هالنصايح الحلوه وبعدين انا اظن احسن الزيوت هو شل .

[برق نت]

يا شباب الله يجزاكم خير انا معي جيب شاص وابغى اركب جنوط كروم وما ادري يقولون فيه نوع واحد اصلي يركب ولا ادري وشوا هالنوع او شكله والي عنده خلفيه عنها اوجربها يفيدنا الله يجزاه خير ويطول عمره.

[محب الشمال]

اخوي برق نت الله يعطيك العافيه
بس ماني خبير في الجنوط بس انت في طلبك هذا ما يكون في الرد على الزيوت والافضل انك تكتب موضوع مستقل عن الجنوط
حتى يكون واضح للجميع وان شاء الله الشباب ما يقصرون ويفيدونك وفيه من الاخوان معرفه جيده في الشاص

والله يطول في عمرك ويعافيك

[Bader-M]

بارك الله فيك

وشكرا على النصيحه

[ماجد الشمري]

كانكم تبون العلم اللي يجمد على الشارب ... خذوها مني ...
اذا تبون افضل زيوت فلكم الموبيل 1 والكاسترول ماجناتيك وهذولا صحيح غاليين الا انهم ممتازين ومشوون مسافات طويلة ...
وكلها معتمدة من مرسيدس وبي ام ... وتستعمل من قبلهم ....
اما اذا تبون العادي فايضا خذوا الموبيل العادي والكاسترول العادي بالجملة من اية محلات زيت بالجملة وتطلع رخيصة والفلاتر من اي محل قطع غيار معتمد وغير الزيت لو تبي بنفسك ...







اخوكم ماجد الشمري