احذروا غش العمالة في محطات البنزين

[الرح ـال]

السلام عليكم ورحمة الله وبركاته

الصراحة .. هذا الموضوع صار لي من زمان لكن حبيت اشاركم فيه

الحذر من العمالة في محطات البنزين

وقفت في محطة لتعبئة بنزين، وقلت للعامل "عبي فل"

عقب ما خلص، قال 43 .. صراحة انا استغربت من المبلغ لأنه مستحيل اعبي بهالمبلغ الا اذا كانت السيارة فاضية بالمرة
http://lh5.ggpht.com/_tbnnKHl9ZFA/TAESphM1wrI/AAAAAAAABkg/wykmHLh-XXA/31122008134.jpg



لكن بعميلة حسابية بسيطة

63.3 ليتر × 60 هلله = 38 ريال

طبعا ،، انا ما حسبتها كذا

انا على طول نزلت من السيارة .. وقلت له لا يصفر العداد .. ورحت للجهة الثانية من البمب، وهذا اللي طلع

http://lh5.ggpht.com/_tbnnKHl9ZFA/TAESpInLueI/AAAAAAAABkc/BCJlj1fxbio/31122008133.jpg


ولمّا سألته ليه سوا كذا، تعذر بان البمب عطلان

لذلك، حبيت احذركم .. وانكم تنتبهوا للعداد قبل التعبئة ..



أخوكم

الرحال

[بوجهام]

والله لو انا منك بطيت راسه بالعجره اخوالكلب

[اسهيل]

يارجال بلدية نايمه ومافيه حماية للمواطن ليه مايطالبونهم باجهزه حديثه واخوي اذا ماكنت مطر عب من عند شركه معروفه مثل ادريس وانتبه من غيرها

[sultan911]

اصراحه انا شفت نفس المحطه في الدمام وبالضبط في حي المباركيه ونفس العداد اخاف تكون هي وحذرت العامل وقال انه سوف يتم تصليحها ولكن يأخذون السعر من الجهه الاخرى وحسبي عليهم كل يوم جايين بحركه جديده
وعلي فكره امس رحت لمحل الغاز وكان معي ثلاث اسطوانات واحده في الساعه حقتها والباقيه مافيه ساعه اعطاني ثنتين ورحت اركبتها في السياره ورجعت ابي اخذ الثالثه بعد ماغير الاسطوانه وحط الساعه ويوم اشيلها الا فيها تقريب النصف قلت ليش خفيفه قال لا كويسه يالله شيل ويحاول يركبها في السياره قلت اقول اركد وغير الاسطوانه وهو يقول مشكله الحين زبون ماياخذ قلت خلاص خلينا نشوف كم باقي فيها على طول جاب وحده ثانيه وغيرها وعرفت بعدين انهم يجبون اسطوانه مليانه واخرى فاضيه ويقسمون الغاز بينها ويبعونها بنفس سعر المليانه حسبي الله عليهم

[هآأإوي آلبر]

والله لو انا منك لآخذ الباكور وعلى راسه على طول

[Avalanche]

الله المستعان ...

المفروض مكافحة الغش التجاري تضع شمع على العداد لعدم العبث به + ملصق فيه تاريخ لأخر مرة تم فيها فحص العداد ...

[هويدي]

ليتك متصل على 905 البلديه على طول يجونك دام الدعوى فيها دراهم

[عذب الروح]

إذا جيت تعبي البنزين خلك على راسة أسلم لك ولة

ويجب أخذ الحيطة عند التعبة من محطات الطرق لأنة لارقيب عليهم بعكس محطات المدن

وطرق الحتيال تعددت وكثرت في الأونة الخيرة

تحيتي

[روق الشرقيه]

شكرا اخي على هذا الموضوع
المشكله فيناحنا يالسعوديين ؟؟؟؟ ا لواحد منا يوقف عند المحطه ويقول عب ويروح للبقاله وبعدين العامل ياخذ راحته بانواع الغش
علما انني قد حصلت معي اكثرمن خمس مرات والحمد لله امسكهم متلبسين بالجريمه
ولو يسمحولي الاداره كان علمتكم بالمحطات التي تزاول الغش من قبل 15 سنه حتى الان
هذا وتقبل تحيــــــــــــــــــــــاتي
ابو نايف

[مهداوي]

حسبي الله عليهم والله اذكر مره عبيت موتري بعشرين ووصل العداد على النص وهو كل ماعبيته بعشرين يجي فل الا ربع وذاك اليوم جلس على النص علما باني مطفي السياره وانا اعبي

[الخيال2006]

يجب الحذر من العماله في كل شيء ماعندهم ذمه الا ماقل
جزاك الله خير اخوي على التنبيه

[ممدوح 2010]

الله يعطيك العافية

[Ra3e aljeep]

بارك الله فيك اخوي على هذا الموضوع
عيبنا دائماً ما نكشف هوية الغشاش .. نحافظ على شعوره جعله البلا
افضحه وافضح ابوه بعد .. شهر فيه تشهير خل الكل يقاطعه او يحذر منه على الاقل
يمسكون الحرامي او المروج او الغشاش ويصورونه من الخلف تعبووو انفسهم
ليه ما يصورون وجهه من كل اتجاه ويفضحونه
حتى يتعرف عليه كل من سرقه او غشه
حتى في منتدانا ليه ما نكشف هويته وينفضحونحارب الغشاشين
طبعاً بضوابط يكون الموضوع عرض على الإداره وتحققوا منه وبالادله وبعدها يفضح
ندائي لمشرفيننا الشرفاء الاوفياء .. لا تاخذكم في من غشنا إلاً ولا ذمه .. لنه بكل بساطه ليس منا
قال الحبيب المصطفى عليه صلوات ربي وسلامه " من غشنا ليس منا " او كما قال
تقبلو تحياتي

[الريح]

شكرا اخي على هذا الموضوع

المشكله فيناحنا يالسعوديين ؟؟؟؟ ا لواحد منا يوقف عند المحطه ويقول عب ويروح للبقاله وبعدين العامل ياخذ راحته بانواع الغش
علما انني قد حصلت معي اكثرمن خمس مرات والحمد لله امسكهم متلبسين بالجريمه
ولو يسمحولي الاداره كان علمتكم بالمحطات التي تزاول الغش من قبل 15 سنه حتى الان
هذا وتقبل تحيــــــــــــــــــــــاتي

ابو نايف


مايحتاج يسمحون لك ياخوي والا عاجبك ان العماله تلعب على هالمسلمين

[الربذي]

وعليكم السلام ياكم مرة شكيت ومره عند ساسكوا عبى لي بمبلغ ماعمري عبيته وهو 63 بباثفيندر ولا يخلون طريق الا يسرقون معه تدري ليه الجهه الاخرى سليمة عشان لجنه مراقبة الاسعار شف هالغشاش الحرامي

[المنتدى2006]

حسبنا الله ونعم الوكيل

[عميد سامودة]

انا صارت معي على خط الرياض وقفت ورحت للبقاله
وجيت لقيت 35 والددسن ما هو فاضي يعني ما ياخذ الا 25
وانتبهت لقيت البلاستيك اللي فوق العداد مكسور بس محطوط كذا يعني يقدم المبلغ اللي يبغاه بتحريك العداد
قلت له الفلوس في السياره تعال واشغل وادعس ,, استغفر الله لا حاسبت ولا عطيته ريال لكن وش اسوي

[روق الشرقيه]

مايحتاج يسمحون لك ياخوي والا عاجبك ان العماله تلعب على هالمسلمين
اولا) اخي العزيز اعطني الاذن من الاداره او من المشرفين وتشوف طرق الغش و اسماء المحطات
ثانيا) لو ان غش العماله عاجبني مثل ماتفظلت كان ماكتبت عنهم ولا طلبت الاذن من الاداره لفظحهم
ثالثا) هذا المنتدى نحترم ونقدر كل من فيه سوآ الاداره او المشرفين او الاعضاء وانت واحد منهم و ايضا الزوار
رابعا)هنا انضمه وقوانين تحتم علينا التقيد بها
خامسا) ارجو ان تقبل ردي برحابت صدر وشكرا

[barracuda]

كلام صحيح
وبعض الاخوان الله يهديهم
يقول للعامل عبي فل
ويحاسب ويمشي من غير ما يطالع العداد

[حبران والمسمى]

انا صارت معي على خط الرياض وقفت ورحت للبقاله
وجيت لقيت 35 والددسن ما هو فاضي يعني ما ياخذ الا 25
وانتبهت لقيت البلاستيك اللي فوق العداد مكسور بس محطوط كذا يعني يقدم المبلغ اللي يبغاه بتحريك العداد
قلت له الفلوس في السياره تعال واشغل وادعس ,, استغفر الله لا حاسبت ولا عطيته ريال لكن وش اسوي
اخوي اذا انت متأكد ان ماله الا 25 ريال كان اعطيتها اياه احسن من تركتك له افضل من ان تكون في ذمتك وتنساه مع مرور الوقت وهي 25ريال لا راحت ولاجت
انا ما اقول عطه 35 ريال انا اقول لايصير عليك شي بس فقط لاغير :D

[ابو صاالح]

يا جماعة الخير ،، اللي يشوف غش عينك عينك ،، يبلغ الدائره المسؤوله ،، ترانا حنا نتهاون ،، المهم عندنا الواحد ياخذ حقه واللي بعده ما علي منه ،، بلغ على طول تريح نفسك واللي بعدك // فيه ناس على نياتهم تمشي عليهم

[مغلي]

كلام صحيح
وبعض الاخوان الله يهديهم
يقول للعامل عبي فل
ويحاسب ويمشي من غير ما يطالع العداد


المشكله ان العامل(البنقالي) يطفشك :mad: لما تلبق سيارتك بجوار الطرمبه ويقول لك قدم شوي عشان الي وراك يقدر يعبي :( .... او لأن الطرمبه عطلانه :eek: ... ويجبرك انك تتجاوز الطرمبه وماتقدر تشوف العدادات بشكل سهل ... وانت مالك نفس تنزل بهالشموس عشان تتابعه هو وطرمبته لا بارك الله فيهم :mad:.... وان نزلت لازم تحسب بالجوال كم لتر وكم المبلغ عشان تتأكد من صحة العداد ... وحنا داااااااااااااااااااائما عجلين وورانا اشغاااااااااال ماتنتهي :D
وبكذا البنقاليين مبسوطين جدا من وضعنا

[سفير الحزن]

حسبي الله عليهم وين ما رحت غش العمالة موجود

[سامي الجميلي]

بارك الله فيك وجزاك الله خير
والله يكفينا شر العماله اللي صار همهم أكثر من نفعهم

[نحال الجبال]

حسبى الله عليهم ويجب الحذر عند اخذ باقى الفلوس لانه فى الغالب يكون هناك متخصص خفيف يد لاكن عد فلوسك زين ولقال قدم زبره وعد فلوسك لانه لاشافك تعد يحاول يشغلك علاجهم بسيط الحذر الحذر الحذر

[أمير الصيد]

وهالبنقال خلو شي !! أهي جت على البنزين !!
ياجماعة الشق اكبر من الرقعه ؟؟؟ ولازالوا هالبنقال في تزايد ! الله المستعان بس وحسبنا الله ونعم الوكيل فيهم.
ما فيه مجال إلا دخلو ولعبو فيه بيدهم ورجليهم .
مشكور اخي صاحب الموضوع والف شكر على الملاحظة وجزاك الله الف خير .

[مغتراب]

والله المثل العربي القديم قال :

(( من امن العقوبة أسا الأداب ))

[تم اللقاء]

الله يستر على المسلمين
شي يرفع الضغط
الف شكر على مجهودك

[الرح ـال]

يا جماعة الخير .. اذا فيه مشكلة .. فهي فينا

لا جاء الواحد يعبي .. عطى عامل المحطة الثقة .. ولا حتى يطالع في العداد

يعني يعبي ويمشي .. ولا صار الوضع مثل كذا .. عز الله غشوك الا من رحم ربي

لذلك .. يجب نشر الوعي بيننا .. لأن نحن السبب

والأمر لا يقتصر على الجهات الرسمية وقيامها او عدمه بواجبها .. المفروض كل شخص فينا يقوم بما عليه .. وبذلك سوف نرى التغير للافضل

لكم مني كل الود على حرصكم .. ومشاركتكم