طريقة النتل لأخراج سياره مغرزه !!!

[مغلي]

السلام عليكم

اخواني المكشاتيين طريقة النتل لأخراج سياره مغرزه تغريزه قويه جدا

هل تؤثر على القير الاوتوماتك

لأني سمعت ان النتل يؤثر على القير الاوتوماتيك بشكل كبير

وقد رأيت كذا فكسار ولكزس ينتل سياره مغرزه عدة مرات (تقريبا كانت 20 مره او اكثر ) حتى يخرجه من الغراز ولما قلت له انه ممكن يتأثر القير ... قال لي عادي مايضره ابدا ...

فهل كلامه صحيح ان مافيه اي خوف على القير من النتل

وهذا مقطع من اليوتيوب يوضح النتل http://www.youtube.com/watch?v=8x_Jpfm3kCM&feature=related

[نفود حائل]

والله انا اسمع مثلك وانه يأثر على شاص السيارة وغيره

ونتلت سيارة كم مرة والحمدلله مافيه الا العافية

[ساري 111]

النتل خراااب السياره

يعدم تروس القير والكوارين ويسبب الفضاوة

ويعدم كراسي القير والمكينه وربما كراسي البدي


بس بعض الاحيان تضطر الى النتل اذا صارت السياره متعلقه ..

اذا ضطريت الى نتل احد //
ادعس للموتر وقبل يشد الواير فض الموتر اذا هو تماتيك او اضغط كلتش اذا هو عادي
بهالحاله يكفي اندفاع السياره لتطليع السياره العالقه

بها الحال تحافظ على القير والكورارين بس يبقى كراسي القير والمكينه والبدي في خطر

[AbO-iBr3hEm]

أكيد تؤثر على القير ..

أذكر واحد من الشباب نتل سيارة كبيرة ، وكان توه مغير الكلتشة ، يوم طلعة السيارة المغرز ، والله الكلتش صار ثقيل ..

فأكيد إن له تأثير على الكلتش والتروووس ..

[عذب الروح]

النتل خراااب السياره

يعدم تروس القير والكوارين ويسبب الفضاوة

ويعدم كراسي القير والمكينه وربما كراسي البدي


بس بعض الاحيان تضطر الى النتل اذا صارت السياره متعلقه ..

اذا ضطريت الى نتل احد //
ادعس للموتر وقبل يشد الواير فض الموتر اذا هو تماتيك او اضغط كلتش اذا هو عادي
بهالحاله يكفي اندفاع السياره لتطليع السياره العالقه

بها الحال تحافظ على القير والكورارين بس يبقى كراسي القير والمكينه والبدي في خطر




صدقت أخوي ومادون بالأحمر هو الحل الأمثل لمثل هذة المشكلة

إذا نتلت موتر يبيلك واير قوي لأن النتل يقطع الواير

تحيتي

[ابوحمزة 2009]

100% تأثر على شاص السيارة
عندي جيب لاندكروز 2000 جي اكس ار الشاصي الى وراء منعوج

[نسيم الريح]

بالنسبة لي اعرف واحد معه هلي 2006 راعي فزعات الله يجزاه خير اي واحد يشوفه مغرز يسحبه شوي شوي اذا مانفع معط (نتل)

السيارة ما شا الله تبارك من احسن شي

[sultan911]

مره من المرات سحبت واحد مغرس وكان معي جيب دهاتسوا يسمونه فيروز واتله وينكسر عندي ترس في القير وبعده اسحب شوي شوي طلع والا الله يعينه يدور غيري

[بو خليفه]

يفضل اولا شد واير السحب ثم السحب اذا لم تستطع تبدل المكان و تشوف مكان اسهل و افضل

و اذا لم يتم السحب يكون تل بس بشكل بسيط و سرعة بطيئة حتى لا ينقطع الواير او الشاص يتأثر

[عاشق السيل]

أولا عافاك الله على المقطع الحلو ،، وياكثر مايغرز الهمر !!!

وأنا أشهد إن اللي طلعه عنده خبرة الله يوفقه ،،

ثانيا بالنسبة للنتل أنا معي باترول تماتيك وكم مرة أنتل المغرزين ولاشفت إلا العافية ولله الحمد ،،

والنتل يحتاج لشروط ومنها إن الواير يكون قوي وماينقطع لأنه ممكن يسبب مشاكل ،، ومنها طريقة النتل والاتجاه الصحيح والخبرة لها دور ،، ومنها إنك تكون مضطر جدا للنتل والأولى إنك تحاول بالسحب العادي أفضل وآمن ،،،،،،

[مواسي الطعوس]

فيه حبل مطاطي مهما نتلت يسحب عادي كانه بدون نتل . مان عند السنيدي للرحلات لكن الشي الممتاز والعملي مايحبونه التجار عندنا .لانه مايخرب .

** وفيه شباب حصلوا منه بالكويت .

** اما النتل العادي اقول : الله يعين الناتل والمنتول ؟؟؟؟؟؟

[asdali]

الواير المطاطي متوفر عند اصحاب العدد والسباكة في الدمام ومتوفر عند الرماية نوع اي ار بي آمن جدا

والشكر موصول لصاحب الموضوع

[الوايلي...501]

الباترول مايضرة لان دفرنسه جبار
اما الاند اغلب اللي يتل مايطول وتجاوب معه الكرونه
لكن القير مادري انا معي باترل تماتيك سحبت تل وكل شي ماضرة ماشاء الله تبارك الله

[هويدي]

ماقصروا الاخوان عن مضار النتل على السياره

واحب اضيف ان النتل خطير خصوصاً بالسلسله (على السياره والاوادم )

احد الربع معه باترول نتله سياره كبيره عالقه بطين وكان الواير طويل بمايكفي لشد عزم قوي ..
وعينك ما تشوف الا لزخه واثر الشنكار حق الباترول اللي ملحم بالشاص انقطم وطير معه طرف الصدام وكسر الاسطب والحمدلله بالحديد ولا بالناس اللي تتفرج

اشوف الامريكان يحطون قماش قوي او فرشه على الواير بحيث انها تمنع ارتداده لو انقطع

[مغلي]

صدقت أخوي ومادون بالأحمر هو الحل الأمثل لمثل هذة المشكلة

إذا نتلت موتر يبيلك واير قوي لأن النتل يقطع الواير

تحيتي

قطع الواير ... اهون ...من دمار القير
الواير راس ماله 100 او 200 ريال لأطيب واير
والقير الاوتوماتك 20 الف واكثر

[مغلي]

مره من المرات سحبت واحد مغرس وكان معي جيب دهاتسوا يسمونه فيروز واتله وينكسر عندي ترس في القير وبعده اسحب شوي شوي طلع والا الله يعينه يدور غيري

هذا ما تخوفت منه ... وخصوصا لو كان القير اوتوماتك ...
لكن لو كان معي قير عادي ... اعتقد مافيه مشكله النتل

[abo_hoor]

بسم الله الرحمن الرحيم
والله اخوي كل شي نستخدمه يضر سياره وقير لان لازم نستخدمه بشكل صحيح
وطريقة نتل 100% تضر سياره بشكل واضح

[حبل الوريد]

النتل خراااب السياره

يعدم تروس القير والكوارين ويسبب الفضاوة

ويعدم كراسي القير والمكينه وربما كراسي البدي


بس بعض الاحيان تضطر الى النتل اذا صارت السياره متعلقه ..

اذا ضطريت الى نتل احد //
ادعس للموتر وقبل يشد الواير فض الموتر اذا هو تماتيك او اضغط كلتش اذا هو عادي
بهالحاله يكفي اندفاع السياره لتطليع السياره العالقه

بها الحال تحافظ على القير والكورارين بس يبقى كراسي القير والمكينه والبدي في خطر









نفس كلام اخوي ساري

[سوبر جابري]

الله يعطيكم العافيه
وشكر لك يا صاحب الموضوع

[راعي الصطحه]

الف شكر على الراابط
سبحاااان الله ماتلاحظوون انه دااايم الهمر هووو الظحيه
والى بس حركاات
وتحياتي

[الهاون]

احب اضيف على كلام الاخوان وخاصه بالباترول
النتل يفرط جنزير الدبل .اسأل مجرب
ودمتم

[ابو سمسم]

والله على حسب السيارة والي يسوق بالنسبه للباترول الربع شهاده لله اني انتل الين اقول بس ماجاه شي بس صراحه انتل بعقل

وكم مره يمر علي باترول ينتل ومعاد يتحرك من مكانه خرب

[المركاز]

مثل ما تفضل اخوي ساري 111 يعدم تروس القير والكوارين ويسبب الفضاوة

وصااااااااااااارت معنا مع يوكون 2001 فضاوة ولا عاد يشتغل الدبل الخفيف

نصيييييييييييييييييييييحة لا تجر احد ولا تجر حتى على الموتر في الطعوس

[سبع البوادي]

النتل أكيد بيأثر على السيارة اذا ماهو على المدى القريب فيكون على المدى البعيد

وانت تخيلوها ان قوة او ثقل كبير يكون بعكس او متعامد مع حركة الكفرات

يعني المفروض ان اتجاه السحب يكون عكس اتجاه حركة الكفرات لكن الي صاير في حالة النتل ان اتجاه السحب صار متعامد مع حركة الكفرات والضحية الشاصي وكراسي المكينة والقير

سلام

[سوبر مكشات]

اذكر نتلنا هايلكس مغرز ومنفصصخ الكفر


انقطم الشاصي اللي ورا 2سم



ماصار حديد

[وافي 00]

موضوعك هذا بيقطع المعروووووف

ويخلي كل خايف على موترة

والنتيجة ماتلقى من يساعدك اذا غرزت

!!!!!!!!!!!!!!!!!!!!!!!!!!!!!!!!

[ولد وايل..]

بالنسبة لي اعرف واحد معه هلي 2006 راعي فزعات الله يجزاه خير اي واحد يشوفه مغرز يسحبه شوي شوي اذا مانفع معط (نتل)

السيارة ما شا الله تبارك من احسن شي



وانت صادق..

انا الحمد لله ما اشوف مغرز ولو كانت تغريزته شينه الا اروح له واسحبه..

والحمد لله ماشفت الا كل خير..

مرة سحبت دينا وكنت زمل واحد معي قرقه واااجد
ولما طلعنا الا يقول ترى يخرب ويخرب و و و و

ومشينا والموتر مثل الورده...



يازين الونش بس الله لا يحوجنا لأحد...دام الموتر صار يرد عن الفزعة...

ما يغبني الا ان كان احد يقدر يفزع ويره خايف على السيارة...

[الادعج]

قطع الواير ... اهون ...من دمار القير
الواير راس ماله 100 او 200 ريال لأطيب واير
والقير الاوتوماتك 20 الف واكثر

[/center]

والله يامغلي ياويلي من الثنتين!! ..
النتل ....دمار الموتر وعذاب القير والصليبات:(
واذا انقطع الواير... ولقط دميجه أحد الكمخ اللي مسنترين عند الشنكار والياه من صيد امس يادافع البلاء عاد دبره هاك الساعه :( :eek: :D

[نجم الصداوي]

..
.. والله يا أمحاتيسك نتلنا جمس بجيب حوض ماشي اقل من 5000 وحصل فيه ميلان بالشاص
..
.. تقولون لا تبالغ.. أقولكم هذا اللي حصل.. ويكون بعلمك الجمس ماهو في الربع الخالي ..لا والله بس نزل على الردمية (بــ ريغــا) صار اللي صار ..

[aborajwa]

طيب تبون الطريقة اللي تفي بالغرض وما تحتاج تنتل ابد بسيطة جدا ..

المطلوب العفريته المطاطية الي تنفخ بالشكمان تحطها تحت الشاصي وتحط اللي بالشكمان ويرتفع بطن الموتر وكفراته عن محل الغراز وتدفنه بعدها امش وتوكل على الله ما تحتاج نتل ولا هم يحزنون .. ايضا تقدر تمشي عليها حتى توخر عن مكان التعليقة .. وهي ماتنزل عن موتري ابد ولا قد احتجت لاحد لو اتعلق بالربع الخالي ولحالي ..

[مغلي]

موضوعك هذا بيقطع المعروووووف

ويخلي كل خايف على موترة

والنتيجة ماتلقى من يساعدك اذا غرزت

!!!!!!!!!!!!!!!!!!!!!!!!!!!!!!!!

المسأله مسألة قناعات
وحنا ندور حلول
ولسنا مثبطين لاحد

لكن لما مايكون فيه حل الا النتل .... فلا بأس (كأن تكون انت ورفيقك بالبر بسيارتين لوحدكما ولاحولكم احد ابدا ....فأنتله واللي يصير يصير )

[مغلي]

طيب تبون الطريقة اللي تفي بالغرض وما تحتاج تنتل ابد بسيطة جدا ..

المطلوب العفريته المطاطية الي تنفخ بالشكمان تحطها تحت الشاصي وتحط اللي بالشكمان ويرتفع بطن الموتر وكفراته عن محل الغراز وتدفنه بعدها امش وتوكل على الله ما تحتاج نتل ولا هم يحزنون .. ايضا تقدر تمشي عليها حتى توخر عن مكان التعليقة .. وهي ماتنزل عن موتري ابد ولا قد احتجت لاحد لو اتعلق بالربع الخالي ولحالي ..



ماشاء الله عليك
:good::good::good:
هذا افضل حل لتجنب الحاجه للنتل

[المساجدي]

ياجماعة الخير والله ان النتل غشامة وماله اى داعي اساسا وهي موضه ومشوا عليها الشباب

حط موترك بالثقيل وعلى اقل من مهلك اقلص الموتر المغرز وخله يباريك بالدعسة وعلى هداوه

والله انا مجرب هالطريقة سنوات وبجميع انواع الغراز مرة طلعت هايلوكس هالش في فيضة مليانة

طين وعالق الى الشاصي وبالهداوه طلع بدون نتل ولاهم يحزنزون بس اهم شي خلك مع الموتر

المغرز على استقامة واحده قدر الاستطاعة وسلامتكم

[ابو سلطان1234]

طيب اخوي aborajwa العفريته المطاطية الي تنفخ بالشكمان
وين نلقاها ؟

[المهاوش]

طيب اخوي aborajwa العفريته المطاطية الي تنفخ بالشكمان
وين نلقاها ؟


نفس سؤال أخونا من وين ؟؟؟ وكم ممكن سعرها ... وهل في أنواع ... وتسلموا ..

[aborajwa]

المعذرة يا اخوان اللي عندي اذا لها 10 سنوات تكون قليلة .. لكن ابشروا بعزكم لادورها لين اجيب خبرها .. وسيتم وضع موقع بيعها هنا في هذا الموضوع واحداثياته ايضا ..

[dodge-ram]

انا ما اتوقع انه يعور القير

عشان السياره في تراب

بس اكيد يأثر على شي

[AMERALNET]

هاذي شفتها عند السنيدي اللي بمخرج 11
اتكلم عن اللي تنفخ عن طريق الشكمان وترفع السياره وحتى بعد تغنيك عن العفريته اذا بنشرت بدل ماتوازن بس حطها وارفع يالذيب بس فيه ملاحظه بس انتبه تحطها على الشكمان يمكن يشقها بحرارته او قريب من القزوز تحت المكينه

سعرها تقريبا فوق الـ200ريال

[مغلي]

هاذي شفتها عند السنيدي اللي بمخرج 11
اتكلم عن اللي تنفخ عن طريق الشكمان وترفع السياره وحتى بعد تغنيك عن العفريته اذا بنشرت بدل ماتوازن بس حطها وارفع يالذيب بس فيه ملاحظه بس انتبه تحطها على الشكمان يمكن يشقها بحرارته او قريب من القزوز تحت المكينه

سعرها تقريبا فوق الـ200ريال

:good2::good2::good2:


طبعا سيكون في اسواقنا منها تجاري بحت ...رخيصه وسيئه
الي يبيها ... يدور الاصليه

[alwssam6]

الله يعطيك العافيه

[موتر بر]

وعلى فكرة يجي منها مقاسات . يجي منها طنين ووثلاثة وتصل حتى اربعة طن ..


طبعاً المقصود بالطن هو حمل السيارة . وانا شفتها عند السنيدي وكذالك عند محلات بربة نسيت اسمها بحي المصيف بس اذكرة قريب من محل بساتين القصيم

[المهاوش]

هي مثل هذه ...

http://www.m5zn.com/uploads/2010/6/17/photo/061710130638uv0hsup9j.jpg (http://www.m5zn.com)

..

[ورد2000]

السلام عليكم ورحمة الله وبركاته

أود أن اذكر تجربتي لكي يستفيد منها غيري

سياراتي فئة فخمة من الدفع الرباعي جديدة توني مطلعها من الوكالة وباول طلعة تعلقت وحاولنا نتلها بسيارة ثانية
لاكن المفاجئة انقطاع واير الحديد وضرب الباب الشنطة الخلفي محدثا طعجة قوية وطير جزء من البوية
والحمدالله اننا سلما من الواير الي ضرب السيارة


رجائي عدم النتل بسيارة الى اذا كانت اخر الحلول ولابد ان يكون واير مطاطي لانه سوف يقلل ويمتص القوة المفاجئة بدل ماتأثر على السيارتين

عموما اذا كان هناك اكثر من سيارة للمساعدة سوف تسهل العملية لانها يفضل سحب السيارة بعدد اكثر من السيارات بتتابع
ولن يكون هناك حاجة للمتل

ودمتم سالمين

[ولد وايل]

اهم شي بالقير الاوتماتيك لا تنتل نتل ولا تخلي القير يغير نمره
لانها صارت معي وغير وانكسر قير سيارتي
بالسحب. انتبه القير يغير نمره احجره عشان مايحترق كلتشاته

[YUKON_GMC]

النتل بالحبل او الواير العادي او المطاطي الطويل من 10 متر واكثر آمن على السياره إذاكان النتل من خلف السيار بالتمام وليس على جنب..
لأن الحبل يتمدد مع النتل ولايحجز السياره بقوه

لكن العكس - النتل في الحبل القصير او السلسله او الواير الحديد هذا اللي يعدم البدي ويكسر القير ويفرط الدبل والكرونه ..
هذا أذا سلم الساحب والمسحوب من انقطاع السلسله ورجوعها على احد السيارتين وكسر الزجاج او احداث تلفيات

[HAS5SAN]

الباترول مايضرة لان دفرنسه جبار
اما الاند اغلب اللي يتل مايطول وتجاوب معه الكرونه
لكن القير مادري انا معي باترل تماتيك سحبت تل وكل شي ماضرة ماشاء الله تبارك الله

هههههههههه
وخخخخخخ
وككككك
جبارهااااااه
كذا هم اصحاب النيسان:j

[ابن علوان]

فيه حبل مطاطي مهما نتلت يسحب عادي كانه بدون نتل . مان عند السنيدي للرحلات لكن الشي الممتاز والعملي مايحبونه التجار عندنا .لانه مايخرب .

** وفيه شباب حصلوا منه بالكويت .

** اما النتل العادي اقول : الله يعين الناتل والمنتول ؟؟؟؟؟؟
كلامك عين العقل ولكن الناتل والمنتول (حللللللللللللللللوه )

[sgl2002]

والله أنا أخليه لا شد الحبل شديت على الموتر بدون نتل ،،، طلع حياه الله ماطلع خله يشوف له واحد فلوسه واجد وماهمته الورش ...

بس لو كان حالة طارئة وعائلة ومقطعه ماعندهم أحد ذيك الساعة انتله لين ما تتنتل رقبته

[mifleh]

غير النتل فيه شي اسمه شتل وهذا افضل وخاصه اذا كانت السياره عالقه يحركها من مكانها وبعدين يطلع بنفسه

[Abusliman]

الي اعرفه ان يعدم الدفرنس
اما القير مدري لاكن اتوقع انه يعدمه

[التعـ King ـديل]

هههههههههه
وخخخخخخ
وككككك
جبارهااااااه
كذا هم اصحاب النيسان:j

الله يعينك على نفسك .. الرجال يتكلم عن موتره وانت مخاشره حتى بموتره .. بالله وش موترك يومنك مسوي زحمه كامري ولا كرولا؟

[HAS5SAN]

الله يعينك على نفسك .. الرجال يتكلم عن موتره وانت مخاشره حتى بموتره .. بالله وش موترك يومنك مسوي زحمه كامري ولا كرولا؟



ركز طال عمرك ركز
يامحامي النيسان


الباترول مايضرة لان دفرنسه جبار
اما الاند اغلب اللي يتل مايطول وتجاوب معه الكرونه
لكن القير مادري انا معي باترل تماتيك سحبت تل وكل شي ماضرة ماشاء الله تبارك الله

:D

[التعـ King ـديل]

ركز طال عمرك ركز
يامحامي النيسان



:D




انا مركز يامحامي التويوتا .. بس هل انت مركز؟ ;)

[الطنب]

http://alrimaya.com.sa/rimaya/ProductDetails.aspx?ID=104&Title=بالون%20لرفع%20السيارة&Index=3
البالون موجود عند الرمايه لكن سعره غير معروف لدى