تكفون الفزعه ياجماعة

[datsun 1984]

السلام عليكم ورحمة الله وبركاته
ياجماعه انا محتار جدا جدا انا انشالله ابشري جيب سفاري جديد لكن اللي محيرن هل اخذ قير اوتوماتيك وعادي او اخذ قير عادي فقط علما اني اروح لمناطق شينه حصى وبطناج وغبار ولاعمري شريت موتر قير اوتوماتيك تكفون ياجماعه اللي جرب السفاري الاوتماتيك وعادي جميع يفيدن هل هو عملي ويعشق مظبوط والاعطال خصوصا مع البر وجزاكم الله خير












.................................................. ..................................................

[آل علي]

وعليك السلام والله منصك بتماتيك
العايدي افضل 0والتحكم اكثر 0والعمر الطول ان شاء الله
ومبروك يعطيك خيره ويكفيك شره

[الفحل 2003]

مساك الله بالخير اخوي ددسن 84

تبي النصيحة ( خذ العايدي ) تبي تقول ليه ؟ والسبب أن العايدي أفضل من التماتيك بالف مره . هذي وحده ، الثانية أنا عندي واحد من الزملاء معه سوبر سفاري 2005 تماتيمك وعادي لكن اذا طب النفود طبعا بعد التنسيم تلقاه ما يسوى قيمته اللي شراها به وذلك بسبب كون التماتيك يبغالك قبل ما تطب النفود تعشق الدبل وبعدين تطب مهوب مثل العايدي اذا دخلت في بداية النفود تمشي مسافه واذا دقر الموتر تعطيه الدبل يمشي على طول . والثالثة اللي هي الخاتمة وش لك وللتماتيك غير فلتر قير ، غير زيت قير ، خلك وانا اخوك على العايدي وبكره تشوف .

الله يطعمك خيره ويكفيك شره

اخوك

الفحل 2003

الرياض

[عاشق الحماد]

انحش عن التماتيك انا جربتة واللة ياءنك بالبر تقل سواقن اطرم

[ابو دحيم]

و عليكم السلام ورحمة الله وبركاته

ولا ازوود على كلام الشباااب شي مايبلها نشدت شيخ خذ القير العادي وانشاء الله منتب متحسف

وشكرا.......

[ابو فالح]

وعليكم السلام ورحمة الله وبركاته

هلا بك اخوي يمكن انا ختلف مع الاخوان لان الموضوع يعتمد على حسب حاجتك اكثر يعني:
اذا كانت طلعاتك الى اماكن وعره كثيره وطلعات البر بأستمرار فأنصحك بالعادي لأنه صبور ويتحمل وما عليه خوف ان شاءالله.
أما اذا كان طلعاتك بس في المناسبات وايام الربيع واستخدامك للسيارة على طول وبكثرة داخل المدينة قالتوماتيك انسب وافضل وأريح لأن العادي في الزحمات وكثرة التقاطعات والمطبات وجع رأس.
وفي الاخير القرار لك.
تحياتي............. :p

[طحنون]

هلابك ددسن 84
الشباب ماقصرووانت اخوي اعرف وش احتياجاتك من السياره وقرر اناجربت الباترول سفاري 2 مشريه قبل اربعه شهور قير تمتتيك وعادي
ولاتشيل هم القير جدا ممتاز في الطعوس والسحب مجرد ماتخش في التغاريز حوله الى القير العادي وحسب شده الرمله تتحكم بالتعشيق
مثل العادي بكل دلع ونت مرتاح واهم شي يكون الهواء ضغط التواير20 او اقل بقليل واتكل على الله ومبروك مقدما وانتبه لاتركب كفرات بالون تعدم عليك الموتر

[datsun 1984]

اشكر جميع الاخوه على تفاعلهم وآرائهم وأنا معكم ان القير العايدي ماعليه كلام ويطرب بالنفود لكن مثل ماقال أخوي ابو فالح داخل الديره والزحمات الصراحه فرق كبير جدا ويعني لو انه تماتيك بس يمكن بالنفود ماينفع لكن نيسان ماقصرت حطت لك عادي مع التماتيك لا وخمس تعشيقات بعد لكن ياجماعه انا خايف من شي واحد بس هو السلف اذا خرب السلف مالك الا تقلصه للصناعيه مايمكن يشتغل خصوصا اذا كنت طالع بعيد لكن القير العادي مايبيله الا دفه شوي ويشتغل هذي المشكلة اللي مكرهتن بالتماتيك
وشكرا لكم جميعا




.................................................. ..........................................