المساعد الشخصي الرقمي

مشاهدة النسخة كاملة : بخصوص فيبر الصندوق حق الشاص ...


راعي الصنف
31/05/2010, 12:26 AM
السلام عليكم ....
يالربع ودي اركب فيبر للصندوق لشاص تويوتا ... دلوني وش الزين وكم اسعارها .. الله لايهينكم ..
مقلع الرمث
31/05/2010, 02:02 AM
والله وانا اخوك كانك من اهل الرياض تحصل بالغرابي ومليان والاسعار وتوقعاتي على 700

بالتوفيق
نفود حائل
31/05/2010, 02:17 AM
اهم شي لا تركب اسود
عميد سامودة
31/05/2010, 04:32 PM
ليش لا يركب اسود هو اللون الماشي مع الناس ومتوفر اجل يركب اصفر !!!
تلقاه عند محلات الزينه ولا في الغرابي على 600
قفار
31/05/2010, 06:03 PM
فيه فيبر السليماني نيوزلندي ب 500 ريال
مع اللباد اللي تحت الفيبر 100 ريال
مع علبتين شحم لتشحيم الحوض عن الصدا 30 ريال
المجموع 630 ريال


وفيه فيبر الوكالة (تويوتا) منظره حلو لكن ما ادري كم سعره

وعلى كلام أخوي نفود حايل ،،، إن كان موترك بيج فلا تركب إلا بيج على لون الموتر ولا تقرب الأسود
آل زايد502
31/05/2010, 09:54 PM
عندك السليماني الناس اغلبها تركب من عنده
alwweed66
31/05/2010, 11:17 PM
السلام عليكم
طلبك يالحبيب تحصله عند السليماني في الغرابي ... مركبه أنا قبل فتره من عندهم وسعره (520) ريال.... لكن انتبه ترى المحلات في الغربي يبعونه أغلا من السليماني واذا كان موترك بيج نصيحه لاتركب إلا بيج ولاتنسى تحط تحته لاباد مثل ماتفضل وقال بعض الشباب ...وبالتوفيق للجميع
راعي الصنف
02/06/2010, 12:25 AM
السلام عليكم ...
حقيقة اشكر جميع من شاركنا في الموضوع وبيض الله وجيهكم ....
ابشركم ركبنا جديد من عند السليماني وسعره 520 ريال
بس الي حبيت اضيفه لكم ان الفيبر الي مكتوب علية تويوتا جنب الاستبنة وصناعتة نيوزلندي هو الافضل لانة يركب مضبوط على الصندوق بدون زيادة مع الجوانب .. وهذي توصية من واحد خبير في الفيبرات ... حبيت انقلها لكم ... تحياتي للجميع ....