مسافرالى بريده

[مهراس]

السلام عليكم ورحمة الله وبركاته:
تحياتي للأخوان فى المنتدى والخيمه وان شاء الله مسافر الى بريده أنا وأبني الصغير ليوم واحد فحبذا بعض المعلومات عن افضل الفنادق أو الشقق وكذلك هل يوجدبالمطار شركات تأجير سيارات، وماهي الأسواق الشعبيه واحسن الأماكن الممكن الذهاب اليها في بريده وعنيزه وفين أحصل على كليجه نمبر ون.
سمعت ان بحي الضاحي مجموعة من الأخوان عندهم مزرعه فيها بعض السيارات القديمه ، يا ليت أحد يعطيني العنوان، نتشرف بمعرفتهم
تحياتي للجميع.

[أبوأحمد98]

السلام عليكم ورحمة الله وبركاته ...
أولا حياك الله اخي ((مهراس)) في بريدة ....للمعلومية أنا ساكن بالرياض...لكن ابشر بسعدك ..
بالنسبه للفنادق فيه فندق السلمان ..بالنسبه للشقق في مجموعه كثيره من الشقق وانا انصحك تاخذ شقه أفضل لك من الفندق ..فيه شقق عند الداور الزراعي عند الكليه الزراعيه والله ما عرف أسمه لكن باذن تكون مناسبه لك وفيه كثير شقق مفروشه بس والله الان ما يحضرن شي منهن ...
بالنسبه لتاجير السيارات بالمطار والله ما دري ..لكن فيه مجموعه من محلات التاجير مثل الفهاد وعمر لتاجير السيارات مقاب أسواق الشبعان طريق الشااحنات ...فيه المديفر لتاجير السيارات الحي الزراعي ...بوسط محطة والله مادري وش أسم المحطه ...التاجير كثيررر لا تشيل هم ..فيه بشارع الخبيب محلات تاجير
بالنسبه للاسواق طبعا سوق الجرده ببريده ...هذا السوووق الشعبي ...
بالنسبه للكليجا نمبر ون ...ههههههههه تلقاه بالمخابز والى اسال العجز الي بالسوق ..
بالنسبه لحي الضاحي والله مادري يالغالي ..
هذا الي عندي ..وأسف على الاطاله ..

[مهراس]

مشكور يابو أحمد على المعلومات شي أحسن من لا شي......الحقيقه أنا رايح علشان محلات السنيدي.....تعرف في المنطقه الغربيه مافي محلات سنعه لأغراض البر وقلنا حجه في حاجه عسانا نستفيد من هالرحله القصيره.
تحياتي لك...........

[أبوأحمد98]

حياك الله أخوي ((مهراس)) وحنى بالخدمه دائما ...
بالنسبه لمحل السنيدي يعتبر من معالم بريدة التي يجب على الزار المرور عليها لا يفوتك ...وهو على طريق الشاحنات ((طريق الملك خالد))
واسال اي واحد هناك يبي يدلك على طووووول ..

وشكرا

[نهر العطاء]

والله بالنسبه لي مانيب من اهل بريده ولا كان اضيفك ببيتنا ....لا فنادق ولاهم يحزنون .... لكن للأسف بعييييييد عنها

[مهراس]

والنعم يانهر العطاء جوابك اكبر ضيافه وكانك صاحب البيت:

واني لعبد الضيف مادام نازلا...............وما شيمة غيرها تشبه العبد

[أبو فراس]

السلام عليكم ورحمة الله وبركاته

اخوي مهراس

حياك الله بالقصيم نستقبلك بالمطار ونودعك بعد

ونوديك للسنيدي واللي تبي بس بشرط

نبي نهرس لك شوي جريش قل تم

ترا الشي مهب ببلاش لاننا اذا جينا الى جدة نبي صيادية

مثل ما سووا لنا اهل الشرقية جزاهم الله كل خير

شف هالرابط
http://www.mekshat.com/vb/showthread.php?t=30085

عموما تراك حر انت تامر وحنا نجي نطامر

لعلمك يوجد في مطار القصيم سيارات تأجير وليموزين كذلك وسيارات الليموزين افضل بالنسبة لك حيث انك لا تعرف البلد معرفة طيبة والفنادق فيها الخمس نجوم والاربع كذلك

ان كانت زيارتك ليوم واحد فلا تحرمنا التعرف عليك والقيام بواجب الضيافة المكشاتية عين فراش وعين غطا

اخوك ابو فراس

[مهراس]

والله بالنسبه لي مانيب من اهل بريده ولا كان اضيفك ببيتنا ....لا فنادق ولاهم يحزنون .... لكن للأسف بعييييييد عنها

ما تقصر، تحياتي لك

[الدبل الثقيل]

مالها داعي يوم واحد من جدة الى بريدة ولو بالطيارة ولو عشان السنيدي والكليجا ... عدة السنيدي تلقاها في جدة عند ابن حميد او محل الصحراء اللي في سوق بن لادن في حي الجامعة واما الكليجا روح لهضيم اللي عند حلقة الخضار او اي محل تمور واطلب كليجة مخابز الجزيرة... هذا يوفر عليك الوقت والمال.... اما روحة القصيم يوم ماتصلح...خصوصا انه حر وماهو وقت كشتات.... نصيحة انك تأخرها الى اخر اسبوع من الأجازة الصيفية وتكون ربوع وخميس وجمعة تشوف القصيم وكل مافيها وتوافق وقت التمور عشان تخزن لرمضان عسى الله يبلغنا ... او تروح قبل الشتا بشوية... واذا جيت القصيم صراحة لازم تسير على حايل 300 كلم عن القصيم وتشوف روعة النفود الكبير سبحان الخالق... نصيحة ترا يوم ماله داعي عشلن كليجا وعدة لأن وقت المطاليع قفا... وجزاك الله خير وأرجو ان لاتزعل...

[مهراس]

الدبل الثقيل:
لو تدري كم تعنينا لهذا اليوم، الكليجا والسنيدي حطيناها في الواجهه.
وما حب الديار شغفن قلبي.............................

[مهراس]

السلام عليكم ورحمة الله وبركاته:
نعم لقد سافرت الى بريده الأربعاء 3 ربيع الأخر 1426هـ ووصلت التاسعه والنصف مساء ثم رجعت الخميس الساعه الخامسه عصرا،،،، أما مارأيت وماعملت فسوف اكتب عنه لاحقا في هذا الموضوع مرفقا به بعض الصور والسلام.