ارجو حل مشكلتي مع الباثفاندر

[الجديع]

السلام عليكم ورحمة الله وبركاته

انا يا اخوان اواجه مشكله وان شاء الله احصلها عندكم حل

المشكله

شريت قبل يومين جيب باثفندر مديل 2005 المهم يوم مسكت الطريق السريع الا يوم ارتفعت الحراره

المهم صبرت عليه الين برد ويوم شغلته الا ترجع الحراره طبيعيه وروح لاقرب ورشه وقال مافيه اي مشكله

المهم يوم مشيت ودخلت الرياض الا الحراره يوم ارتفعت الحراره قرابت لااتش

ووديه ووقفته المهم وديت الى كذا ورشه ماطلعو مشكله مقنعه اخر شي قالو غير المكينه

بس ماني مقتنع

الي عنده حل او واجه مثل هالمشكله يفيدني وجزاكم الله خير

[الموسيقار6]

ورشه الثنيان في صناعيه الدائري مخرج 18 المهندس: ابو ابراهيم 0554889337 ميكانيكي سعودي ممتاز ومختص باثفيندر ,,, ...أن شاء الله بيفيدك ,,,

[الجديع]

الموسيقار يعطيك العافيه ماقصرت
وانشاء الله يلقا المشكله

تحياتي

[الليث الذهبي]

اخوي انا معي نفس موترك بهذلني بالحراره خسرت الله لايغير قرابت 6 الاف لاكن مافيه فايده لان الباث 2005- 2004 رديتره مايصبر رصه وحده وهذا عيب فيه شفهم تفادوه فالجديد - فصرت اغير كل سنه رديتر ويالله
وقبل شهر نصحوني برديتر رصتين مصمم للباث طبعا فتوكلت على الله وركبته والى الان الحمد لله مع العلم ان الاول كان ترتفع الحراره على النص
وهذا رقمه انكانك تبيه - 0555425574-ابو صالح وسعره حلو
والله اني رحمتك لاني معاني منه واجد
لا تنسانا من دعاك
اتمنا اني اكون افتك اخوي موفق

[الليث الذهبي]

حبيت انبهك بالنسبه ل الزيت انتبهله لاني اعرف كذا واحد خبط عليه بسبب ان مافيه زيت
احرص كل 200او100تعايره حاصه فالصيف لانه يتخر واجد او مع مسكت الخط
ماحبيت اخوفك لكن على قولتهم (الوقايه خير من العلاج) موفق اخوي الله يطعمك من خيره وكفيك شره

[الليث الذهبي]

اخوي انا معي نفس موترك بهذلني بالحراره خسرت الله لايغير قرابت 6 الاف لاكن مافيه فايده لان الباث 2005 2004 رديتره مايصبر رصه وحده وهذا عيب فيه شفهم تفادوه فالجديد - فصرت اغير كل سنه رديتر وياله
وقبل شهر نصحوني برديتر رصتين مصمم للباث طبعا فتوكلت على الله وركبته والى الان الحمد لله مع العلم ان الاول كان ترتفع الحراره على النص
وهذا رقمه انكانك تبيه - 0555425574-ابو صالح وسعره حلو
اتمنا اني اكون افتك اخوي

[Abo Nader]

وعليكم السلام ورحمة الله وبركاتة...

أخوي تأكد من الرديتر هل هو نحاس ولا ألمنيوم, لأنه ممكن يصير راعيه الأول مغيره. تأكد من زيت القير. ممكن يصير فيه تهريب بالرديتر الداخلي عند مرتبت الراكب الأمامي. عموما حرارة الباث فايندر بارده.

[مركز حراره]

الغ الباف الداخلي احسن واغلب مشكلت الباثفندر الرديتر

[ابو وافي 444]

أول ما تسوي طال عمرك

تصييخ اديتر وتغيير مويه بأصليه
ولعلها تنحل بكذا لاني مثل سالفتك وريحت راسي بتصييخ ب 40 ر يال
ونصيحتي لك لا تشيل بلف ولا تخربط ما حطوه عبث

اللي عليك تسويه اذا ما زبط التصييخ انك تثقف نفسك بحكاية الحرارة ومشاكلها وتبدا من الاسهل حتى الاصعب
حتى لا تخسر الكثير
ووفقك الله

[ابن هادي502]

السلام عليكم يا جماعة الخير انا معي باث فندر 2004 واربعة وارتفعت علي الحرارة مره من المرات وانا على طريق الشرقية الرياض ورحت به للورشه ومن ورش الى ورشه وابو هنود يضحكون علي واح قال غير اطرمبة ماء وتماتيك مروحة وغيرتها وماش نفس المشكلة وتعبت ودلني واحد من الزملاء على محل رديترات في الصناعية القديمة يوم رحت له صيخ الرديتر والحين الموتر له اسنتين ما شفت عداد الحرارة مرتفع من يومها لين الحين سنتين سيخ الرديتر وريح.

[SRX200]

فيه احتمال
قد يكون اوتماتيك المروحه... تأكد منه


والله يوفق إن شاء الله