اللي ركب مكينة لا ند وله لكزز ابس انصيحه

[بوفهدالعازمي]

السلام عليكم

بسم الله الرحمن الرحيم والصلات والسلام على رسول الله محمد صلى الله عليه وسلم خاتم الانبياء
يشباب انا عندي سفاري 1992 وذبحتني مكينته صج انها تستحمل وقويه بس مافيها عزم.......
ودي اركب مكينه لاند وله لكزز وله شفر ابي اهم افضل ومن ناحيت المكيف والعزم وقطع القيار ومكان تركيبهم الافضل ان تكون بالكويت وكراج معروف وماودي ابيعه لنه عزيزعلي الجيب ولله لايهينكم بالردود الزينه وبتفصيل الممل :f ناطر على جمر ابركبه قبل الموسم الجاي انشاء لله
وتمتم سالمين

[شمالات نجد]

ركب مكينة جمس 454 والترهيم خله استخدام يومي وليس ريس وادع لي

سلام

[ذيب زلفاوي]

ركب Ls1 مكينه كابرس اس اس عومها مهابول

[بوفهدالعازمي]

ركب مكينة جمس 454 والترهيم خله استخدام يومي وليس ريس وادع لي

سلام
عسالله يوفقك بس الشلون شرب البانزين فيه وين مركبه المكينه وكم كلفتك :D

[التعـ King ـديل]

ركب مكينه باترول 4500 عمليه ولا تكلف واجد

[مخاوى ابوه]

يا بعدى راسل العضو دارك 2
بيعطيك العلم باذن الله
عن الورشه وسعر التركيب
وان بغيت الشور
لا تعدى مكاين التيوتا والفتك
تستاهل من يحط فيها الريال
وفالك التوفيق

[سفاري959]

تبي قوه مكينه اس اس والا فتك والباقي لا يهمك ركبها بدون اضافات يعني تعديل عشان تصير حقت استخدام يومي الله يوفقك للخير

[مسريان]

تبي قوه مكينه اس اس والا فتك والباقي لا يهمك ركبها بدون اضافات يعني تعديل عشان تصير حقت استخدام يومي الله يوفقك للخير



احس ان الاخ سفاري مات قهر علشان الناس يرهمون مكينة اللاند على الباترول
مكينه اثبتت جدارتها رغم انف المتعصبين
قوة ومتانه وجوده لمحركات تايوتا فليس من الغريب ان اكثر اهل الخليج خبره بالسيارات زي الكويت وقطر يرهمون مكاين اللاند على الباترول .......

محطات الادريس يبدو انها سوف تمنع اصحاب الباترول من التعبئه لانهم يعبون ويفركووون( ثلثين الراتب بنزين) :p

[التعـ King ـديل]

مسريان

قل خيرآ او اصمت

ياليت تكون اجابتك بحدود السؤال .. انا عن نفسي ارجع واقولك ركب مكينه 4500 بخاخ

[وطن العزة]

احس ان الاخ سفاري مات قهر علشان الناس يرهمون مكينة اللاند على الباترول




مكينه اثبتت جدارتها رغم انف المتعصبين

قوة ومتانه وجوده لمحركات تايوتا فليس من الغريب ان اكثر اهل الخليج خبره بالسيارات زي الكويت وقطر يرهمون مكاين اللاند على الباترول .......




محطات الادريس يبدو انها سوف تمنع اصحاب الباترول من التعبئه لانهم يعبون ويفركووون( ثلثين الراتب بنزين) :p









^

^

^
أنا ودي أعرف , وش تحس به يوم تكتب الرد





المسلمين يموتون تعصب لدينهم في العراق وأفغانستان وفلسطين وفي كل مكان ,, وأنت باقي على تعصب




سيارات ,






وبعدين الرجال وش قال >> مجرد إنه أعطى شوره





الله يهديك






..

[اسهيل]

قربت والله قربت

[بن حويرب]

السلام عليكم
ركب مكينة :good2: 6.0 ls2 حق جمس أو دينالي أو اسكليد إذا كنت بتستخدم حق بر
القطع المطلوبة :
1- مكينة + ظفيره تفصيل أو جاهزة تركب بدون تقصقيص اسمها ( Painless) الثانيه افضل
2- كراسي تفصيل تركب على المكينه + كراسي وكاله ( عشان ما تقص الشاصي)
3- كلج حق كومارو + فلاي ويل
4- التحويله الاستراليه بين قير النيسان والمكينة قيمتها في الامارات 4200 درهم
5-مكيف 805 Sanden + قواعد مكيف لنه يركب من فوق + تفصيل هدرز + مضخة بترول المرسيدس ال 560

تراني مركب من سنتين نفس الإغراض المذكورة وما شاء الله ما اشتكي من شي بر بحر جو
أي استفسار تراني حاضر فالشوفه

دمتم بود
بن حويرب

[سفاري959]

احس ان الاخ سفاري مات قهر علشان الناس يرهمون مكينة اللاند على الباترول
مكينه اثبتت جدارتها رغم انف المتعصبين
قوة ومتانه وجوده لمحركات تايوتا فليس من الغريب ان اكثر اهل الخليج خبره بالسيارات زي الكويت وقطر يرهمون مكاين اللاند على الباترول .......

محطات الادريس يبدو انها سوف تمنع اصحاب الباترول من التعبئه لانهم يعبون ويفركووون( ثلثين الراتب بنزين) :p

ضحكتني الحين ما سر نفسه من زين هالقوه عشان يسر غيره والله ما ادري بس يبدولي من اجاباتك انك صغير بالسن اتوقع انك من حقين الأرباع اللي شارينه له اهله نجاحه علشان يطعس في الثمامه وهذا واضح من ردودك ومطامرك في كل موضوع الله يصلحك ويخليك لعين ترجيك

[شمالات نجد]

عسالله يوفقك بس الشلون شرب البانزين فيه وين مركبه المكينه وكم كلفتك :D


صراحه ما ركبتها ولا أعرف عن صرفية البنزين

لكن اللي اعرفه كم واحد يرهمون على سياراتهم ونادمين انهم ما ركبوها

هي مشكلتها فقط في تسقيطها على السيارة لازم يضبط ميه في الميه والا يكون هناك مشاكل كل يوم

نقطة ثانية

مكينة الفتك سعرها غالي وعليها مشاكل وسعر التزويدات فيها الاورجنل مرتفع

مكينة 4500 حتى مع بعض التزويدات ما تنفع على الباترول الصالون الفزه فيها تعبانه شوي

فيه ميكنة ls1 مثل ما قالوا لك الأخوان وسعرها يقارب 12 ألف ريال النظيفه والتحويله 3 آلاف

وسو لها برمجه فقط (عند أحد فاهم) وغير طرمبة البنزين وبتعطيك ممشى حلو واقتصاد في الصرفيه

وحتى لو بغيت تزودها فقطع التزويد حقتها متوفرة وسعرها مقبول جداً

سلام

[فهد773]

اخوي انصحك نصيحه ركب ماكينه Ls1 احسن من ناحيه الصرفيه ولا العزم
اما 454 ثقيله جدا من ناحيه الوزن وصرفية البنزين واجد اكثر من البلد ومن ناحيه قطع غيارها والصيانه ولاتنسى انها بتبهذلك من ناحيه الحراره مو اي واحد يعرف لها
ولا انصحك بمكينة 4500 فتك يعني تقدر تقول انها افضل شي نفس مكينه البلد وعزمها ممتاز

[بو غازي]

السلام عليكم

بسم الله الرحمن الرحيم والصلات والسلام على رسول الله محمد صلى الله عليه وسلم خاتم الانبياء
يشباب انا عندي سفاري 1992 وذبحتني مكينته صج انها تستحمل وقويه بس مافيها عزم.......
ودي اركب مكينه لاند وله لكزز وله شفر ابي اهم افضل ومن ناحيت المكيف والعزم وقطع القيار ومكان تركيبهم الافضل ان تكون بالكويت وكراج معروف وماودي ابيعه لنه عزيزعلي الجيب ولله لايهينكم بالردود الزينه وبتفصيل الممل :f ناطر على جمر ابركبه قبل الموسم الجاي انشاء لله
وتمتم سالمين

وعليكم السلام ورحمه الله وبركاته
من ناحية القوة والاستخدام واقل تكلفة هي مكينة الvxr طبعا انا ماني محترف بهاالشغلة لكن كان عندي نيسان عليه مكينة vxr 8سلندر والحمدالله ماخبره انه اشتكى من شي قوة عزم ممشى في الخط قطع مناسبة السعر قوة تحمل كد ومد باذن الله
مكينة النيسان 4800 قوية وممتازة وطيبة من ناحية الترهيم لكن اغلى باكثر من الدبل من مكينة الvxr والقطع لايخفى عليك
طبعا اكلمك من ناحية التجربة اما الشفر مادري عنها بصراحة لاني ماجربتها ولكن انصح بمكينة الvxr
وعسى الله يوفقك يارب .
:)

[ابن علوان]

احس ان الاخ سفاري مات قهر علشان الناس يرهمون مكينة اللاند على الباترول
مكينه اثبتت جدارتها رغم انف المتعصبين
قوة ومتانه وجوده لمحركات تايوتا فليس من الغريب ان اكثر اهل الخليج خبره بالسيارات زي الكويت وقطر يرهمون مكاين اللاند على الباترول .......

محطات الادريس يبدو انها سوف تمنع اصحاب الباترول من التعبئه لانهم يعبون ويفركووون( ثلثين الراتب بنزين) :p
فيه ناس للاسف تموت في اشعال الفتن والمناقشات العقيمه الله يكبرهم ويهديهم ويفتح عيون المشرفين على ردودهم اللي زي ال............................................. ماني قايل احتراما للرجال

[ashaleell]

وش رايكم في مكينة السدرك سته سلندر على شكل في قوة ثلاثة الآف قوية وناعمة ما تحس بشغلها ومن نفس الشركة

[شمالات نجد]

وش رايكم في مكينة السدرك سته سلندر على شكل في قوة ثلاثة الآف قوية وناعمة ما تحس بشغلها ومن نفس الشركة

ابعد عنها يا الغالي

سلام

[الخفاره]

والله وانا اخوك عليك بمكينة شفر 350 كحيله وديلكو وكبريتر ولا ظفيره ولاتعقيد لو يفلت عليك واير وانت فالخلا ابتلشت وطرمبه على الزنجير عاديه وفريويل جمس ودسك وصينيه وفحمه نيسان وانا مستعمله ومن احسن مايكون وكل كراج يشتغل فيها سواء كنت مسافر اوداخل الكويت والمكينه سعرها بسكراب الجهرا 130 دينار ويركبها لك بوراشد بالشويخ صناعية الحرفيين ت-99443833

[بوفهدالعازمي]

السلام عليكم
ركب مكينة :good2: 6.0 ls2 حق جمس أو دينالي أو اسكليد إذا كنت بتستخدم حق بر
القطع المطلوبة :
1- مكينة + ظفيره تفصيل أو جاهزة تركب بدون تقصقيص اسمها ( Painless) الثانيه افضل
2- كراسي تفصيل تركب على المكينه + كراسي وكاله ( عشان ما تقص الشاصي)
3- كلج حق كومارو + فلاي ويل
4- التحويله الاستراليه بين قير النيسان والمكينة قيمتها في الامارات 4200 درهم
5-مكيف 805 Sanden + قواعد مكيف لنه يركب من فوق + تفصيل هدرز + مضخة بترول المرسيدس ال 560

تراني مركب من سنتين نفس الإغراض المذكورة وما شاء الله ما اشتكي من شي بر بحر جو
أي استفسار تراني حاضر فالشوفه

دمتم بود
بن حويرب بيض الله وجه على الكلام الحلو بس بنسبه لتركيبها اي كراج الكراج داخل الكويت وله يالسعوديه
وبنسبه لشرب البانزين تشرب نفس السفاري الفديم وله اخف كأ ستعمال ........

[بوفهدالعازمي]

والله وانا اخوك عليك بمكينة شفر 350 كحيله وديلكو وكبريتر ولا ظفيره ولاتعقيد لو يفلت عليك واير وانت فالخلا ابتلشت وطرمبه على الزنجير عاديه وفريويل جمس ودسك وصينيه وفحمه نيسان وانا مستعمله ومن احسن مايكون وكل كراج يشتغل فيها سواء كنت مسافر اوداخل الكويت والمكينه سعرها بسكراب الجهرا 130 دينار ويركبها لك بوراشد بالشويخ صناعية الحرفيين ت-99443833 الله يبيض وجهك ياخوي بس بنسبه للعزم عزمها مثل السفاري 2003 وله اقل احسن بخاخ وله كبريتر واسف على الاطاله