المساعد الشخصي الرقمي

مشاهدة النسخة كاملة : اللـغـز الـثـلا ثون..............<<اللغزمحلول>>.................(( (صاحب الحل:صالح2)))


الناريز
11/07/2002, 01:30 AM
بنشـد اللي لهم بالولع طرقـا=عن الهـنوف اللي صعـيـب طريقـه
مملوحتن وخدودها من الدمع غرقا=ولها بزين الأسم اخت شقيقه
وحـده فوايـدها بـين غرب وشـرقا=والـثانيه قـشرا ولحـد يطــيقـه


وســلامتكم
عاشق الصحراء
11/07/2002, 01:47 PM
اعتقد الحل هو الشيهانة الجبلية.
و شكرا.
السمح
11/07/2002, 02:39 PM
يازين لغزك يالناريز ..

ودي أقول إن الحل هو : مربعانية الشتاء ومربعانية الصيف ..

قل تم إن شاء الله إنك ما ترده ..

=================

أخوي عاشق الصحراء الحمدلله على السلامة .. مشتاقين لك ولعلومك ولمشاركاتك الحلوة يالغالي .. :heart:
الناريز
11/07/2002, 05:03 PM
تـــــــــســــــــــلمون والله
بالنسبه لعاشق الصحراء رمعتك < مالك لوا > .
اما بالنسبه لرمعتك يالسمح والله انك قريب حـــــــــــــــــيــــــــــل لكن فكر بالأرض وفكر بالملح وبصعوبة الطريق بعد، يعني اللغز مافيه حشو مره وكل شطر يوضح الحل يالله همتكم ياشباب وهذا اعتبره توضيح .

* طـلـب
ودي يالسمح كانك تسمحلي ان انزل مع كل لغز توضيح له بعد كم رمعه كذا علشان الشباب ما يملون ويكون لهم حافز والمراد هو الاستمتاع وتبادل المعلومات ولا وش رايك ؟
سعد بن مطلق
11/07/2002, 05:44 PM
السلام عليكم ورحمة الله وبركاتة
الله يعينا على لغزك يا الناريز
أقول ياخوي وشرايك ب سفينة الصحراء وسفينة البحر
وعندي مضيف الغيد يرمع على الشمالية والكوس
شهاب
11/07/2002, 06:26 PM
إلى الأخ / الناريز
السلام عليكم ورحمة الله وبركاته
هي السحابة فوايدها الشرق والغرب والي ما يطقيها إذا هبة الشمالية أنزاحت
..... وأنظر إلى الغيم إذا هب الشمال إنزاح .....
قل تم أن شألله .............. تحياتي
الناريز
11/07/2002, 06:33 PM
والله ياأخوان ( مالكم لوا )
** وأنتبهوا للتوضيح وثاني مره أقول ركزو على الأرض .
الشنفرى
12/07/2002, 12:33 AM
يا الناريز

ماهو دش الماء والثاني دش القنوات
صالح2
12/07/2002, 01:51 PM
والله يالناريز حسب توضيحك اقول انها الأرض الخصبة اللي تصلح للزرع واختها الأرض الصبخا اللي كلها ملح ولا تصلح لشيء .....وش رايك ؟
الناريز
12/07/2002, 10:40 PM
يــــــــــــعـــــــــــطـــــيــــــــكم الف عافيه جميعا .
بالنسبه لرمعتك يالشنفري مالك لوا .
اما انت ياصالح(((( صح لسانك وجبتها والله )))).
واللغز الواحد والثلاثون عندك .