تم تركيب فاصل تركشن للسيكويا صور وعنوان

[الوعد الصمان]

تم تركيب فاصل التركشن حيث تم طلب الفاصل الاصلي من عبداللطيف جميل واحضر بعد شهرين من اليابان وتم استلامه بمبلغ 119 ريال والخطوة الثانية تم التركيب من قبل الكهربائي المشهور والمعروف الفلبيني فلب
عنوان الورشة القصيم - مدينة الخبراء - الصناعية - ورشة الفايز جوال فلب ( )

http://www.mekshat.com/pix/upload04/images168/mk32037_1n.jpg

http://www.mekshat.com/pix/upload04/images168/mk32037_2n.jpg


http://www.mekshat.com/pix/upload04/images168/mk32037_4n.jpg





تم تصغير ورفع الصور
بواسطة المشرف
بدوي جنوبي

[الوعد الصمان]

ماعليش المعذره الصور كبيرة هذا اللي قدرة عليه اذا فيه تعديل منكم لتصغير الصور تفضلو

[بدوي جنوبي]

الله يعطيك العافيه يا الوغد
http://www.mekshat.com/vb/images/rating/rating_5.gif

[الوعد الصمان]

مشرفنا شرفتنا وتفضلت طال عمرك
رأيت من المهم وضع الموضوع لان الكثيرين يرغبون تركيب فاصل للسيكويا وخاصة اللي بدون دبل

[هويدي]

يعطيك العافيه ومبروك الموتر

المفروض وكاله خصوصاً الدفع الرباعي

ولو انهم حاطينه بدون مانع انزلاق اصرف من ما يحطونه بدون فاصل :mad:

[DEVICE]

مشكور اخوي

[الوعد الصمان]

يعطيكم العافية

[باوزير]

ممكن رقم القطعة و مبروك على التركيب

[مغلي]

هالتراكشن ...وش فايدته
وليش تحط له فاصل ...وش بتستفيد

[شمالات نجد]

هالتراكشن ...وش فايدته
وليش تحط له فاصل ...وش بتستفيد

بعد أذن صاحب الموضوع

التراكشن كنترول (التحكم في الإنزلاق) وظيفته يمنع السيارة تحوص مع المنعطفات خصوصاً وقت الأمطار

الرجال فصله لأنه يشتغل اذا مشى في الرمل ويسبب ضمور في أداءها لأن الكفرات تزلق في الرمل وبكذا يغرز بسهوله كذلك ما يقدر يرقى به الطعوس الكبيرة والمتوسطة.

وبالفاصل هذا صار يقدر يشغله أو يطفيه متى ما احتاجه

===============================

أخوي صاحب الموضوع الله يعطيك من خيره ويكفيك شره

سلام

[الوعد الصمان]

مشكورين يعطيكم العافية

[albarad]

يعطيك العافيه
كم سعر التركيب ؟ وكم من الوقت يكفى للتركيب ؟ وهل هو يغير نظام الكهرباء اويضره؟
ولو تكتب رقم القطعه (الفاصل) للتوضيح تكون مشكور

[الوعد الصمان]

تفاصيل السعر لا احب ان اتكلم عنها لانها تخص المحل فيمكن من اراد التركيب الاتصال والمفاهمة مع الكهربائي
اما القطعة ما يحضرني وسعرها عند عبداللطيف 119 ريال ولكن عند طلبها بامكانك مشاهدة شاشة القطع لتعريف موظف القطع عن مكانها ليظهر رقم القطعة وهي في المفاتيح تحت الدقمه السويك بجانب مفتاح زجاج الشنطة كما في الصورة

[الوعد الصمان]

لاهمية فصل التركشن في السيكويا
والحاجة الماسة لاصحاب السيكويا للفاصل

ارجو تثبيت الموضوع لفترة ليتمكن الجميع من الاستفادة

[المساهر]

تفاصيل السعر لا احب ان اتكلم عنها لانها تخص المحل فيمكن من اراد التركيب الاتصال والمفاهمة مع الكهربائي
اما القطعة ما يحضرني وسعرها عند عبداللطيف 119 ريال ولكن عند طلبها بامكانك مشاهدة شاشة القطع لتعريف موظف القطع عن مكانها ليظهر رقم القطعة وهي في المفاتيح تحت الدقمه السويك بجانب مفتاح زجاج الشنطة كما في الصورة


يااخى من باب حب لاخيك ماتحب لنفسك علمنا بكلفه التقدير كامله واللى سواه وشو بالضبط


اما مساله خاصه بالمحل صعبه وطالما انها خصوصيه الاجدر عدم الدعايه للمحل او ذكر الموضوع من اصله ...


حنا هنا نحاول او نجتهد بقصر العنوه ومكابده الخساير الزايده لبعضنا البعض


فالمواطنه طيبه بهذا المجال فكيف اذا كان فيها منفعه للعموم وبالاخص الخليج كلكل


نتمنى التوضيح

ونلوووم الاجانب ؟؟؟

[المساهر]

توضيحا للسعر من قبلى

تم الاتصال بالورشه والفلبينى فيليب ويقول سعر التركيب

570 ريال

لكن مشكله الضمان لك عليها!!!!!!

[الوعد الصمان]

ماعليش لاتزعل
السعر يحدده صاحب المحل وليس له اهمية عندي والسبب اني ماخليت احد ابي يركبلي الفاصل ومالقيت حتى حضر فلب من السفر وركبه لي حتى الوكالة مايعرفون
ولولا انني اثق بمقدرة فلب ماحطيت الموضوع
وفلب غني عن التعريف اذا انت ماتعرفه مهوب ذمبي
وللمعلومية انا ما اسوي دعاية للمحل
انا اسوي خدمة لاصحاب السيكويا لان صاحب المحل والكهربائي ليسو بحاجة للدعاية
واخيرا اشكرك على شكرك

[الوعد الصمان]

بعد الاذن للرفع

[الوعد الصمان]

تم توصيل الجوال بالاو اكس عن طريق توصيله وعند ورود مكالمة ضغط الاو اكس بالمسجل واتمام المكالمة سبكر على سماعات السيارة والمكالمة صافية ارسال واستقبال روعه

[الوعد الصمان]

انتقلت ورشة فلب الى الموقع الجديد صناعية الخبراء بمدينة الخبراء
ملاحظة جربت السيكويا بالرمل واستخدام فاصل مانع الانزلاق الحقيقة قوة مهيب معقوله ما شاء الله

[باوزير]

انتقلت ورشة فلب الى الموقع الجديد صناعية الخبراء بمدينة الخبراء
ملاحظة جربت السيكويا بالرمل واستخدام فاصل مانع الانزلاق الحقيقة قوة مهيب معقوله ما شاء الله

السيكويا من تجربتك تنصح فيها

[الوعد الصمان]

الموتر تويوتا ماعليه كلام والفرق بينه وبين الجيوب الاخرى ما يلي
اوسع من الداخل والفرق كبير وخاصة سعة المراتب الخلفية خلف الوسط والاخيرة
الراحة منتهى الراحة في السفر والمطبات لا صوت ولا رجة وودع الام الظهر في السفر
القوة محركات جيب لكزس 381 حصان

عائلي درجة اولى
اذا راعي مدينة وسفر اسفلت ومسافات خذ بدون دبل
اذا راعي بر وصحاري خذ دبل
من واقع تجربة للجيوب افضل سيكويا حتى السعر ارخص من اللاندكروزر

[أبورسيل]

تم توصيل الجوال بالاو اكس عن طريق توصيله وعند ورود مكالمة ضغط الاو اكس بالمسجل واتمام المكالمة سبكر على سماعات السيارة والمكالمة صافية ارسال واستقبال روعه


جزيت خيرا على سعيك لإفادة الجميع

لكن ما هي هذه التوصيلة ؟

ووين أحصله ؟

بانتظارك

[الوعد الصمان]

يتم توصيل الوصله بين مشبك الهد فون بالجوال وبين الاو اكس بالطبلون واذا جاك اتصال اضغط من عند المسجل الاو اكس وفتح الاتصال سبكر على سماعات السيارة
والوصله عند حقين الجوالات

[amrimh]

إذا ماني غلطان , رقم القطعه وإسمها مكتوب على كيس البلاستك في أول صوره
إسمها: Tratction Control SW
رقمها:
84988-0C020

[راعي الركيات]

الموتر تويوتا ماعليه كلام والفرق بينه وبين الجيوب الاخرى ما يلي
اوسع من الداخل والفرق كبير وخاصة سعة المراتب الخلفية خلف الوسط والاخيرة
الراحة منتهى الراحة في السفر والمطبات لا صوت ولا رجة وودع الام الظهر في السفر
القوة محركات جيب لكزس 381 حصان

عائلي درجة اولى
اذا راعي مدينة وسفر اسفلت ومسافات خذ بدون دبل
اذا راعي بر وصحاري خذ دبل
من واقع تجربة للجيوب افضل سيكويا حتى السعر ارخص من اللاندكروزر


الله يطعمك من خيره ويكفيك شره

ومبروك عليك القطعه الجديدة

[دوج 115]

مشكور ياغالي

[GXR_2005]

الله يبارك لك ويبارك فيك

بس عندي استفسار وما حبيت احطه في موضوع جديد

هل شركات السيارات ذات الدفع الرباعي غفلت عن وضع الفاصل مع أهميته للسيارة أثناء قيادتها في الأتربة؟

أقصد هل استخدامنا صحيح؟ أم لابد من اتباع تعليمات كتيب مالك السيارة؟

انا شريت سيكويا لمتد قريب ولا فيها فاصل تراكشن.

لكن كتيب مالك السيارة يقول ان التراكشن يفصل تلقائيا عند وضع تعشيقة الدبل على الثقيل 4l

فهل هذا يعني انك لا تحتاج الى فصل التراكشن اثناء التطعيس على 4h وفقط تحتاجه عند المأزق اذا استخدمت الثقيل 4l?

اترك النقاش للخبراء

ابوريان

[مكشاتي الجزيرة]

الله يبارك لك ويبارك فيك

بس عندي استفسار وما حبيت احطه في موضوع جديد

هل شركات السيارات ذات الدفع الرباعي غفلت عن وضع الفاصل مع أهميته للسيارة أثناء قيادتها في الأتربة؟

أقصد هل استخدامنا صحيح؟ أم لابد من اتباع تعليمات كتيب مالك السيارة؟

انا شريت سيكويا لمتد قريب ولا فيها فاصل تراكشن.

لكن كتيب مالك السيارة يقول ان التراكشن يفصل تلقائيا عند وضع تعشيقة الدبل على الثقيل 4l

فهل هذا يعني انك لا تحتاج الى فصل التراكشن اثناء التطعيس على 4h وفقط تحتاجه عند المأزق اذا استخدمت الثقيل 4l?

اترك النقاش للخبراء

ابوريان

نفس السؤال....

[مكشاتي الجزيرة]

طيب مين يعرف واحد ممتاز يركبه في الرياض.....

[صوعان]

الوكيل عندنا طماع مهوب صاحي ولا يستهبل
انا ودي اعرف ليش مايجي ها الفاصل شد بلد في السياره من الوكاله ..
انتم تدرون ان السكويا الامريكي والتندرا يجي فيهم الفاصل شد بلد
ياحبهم لسرقه المواطن حتى في ابسط الاشياء
....فيه فلتر امريكي (trd) تي ار دي يركب على السيكويا والتندرا الي يقدر يجيبه من امريكا ويركبه
بيشوف الفرق يصير طياره مو سياره

[سالم سند]

مافيه كهربائي في الرياض مثل فلب هذا مشوار نروح للقصيم عشان التراكشن

[الربذي]

مافيه كهربائي في الرياض مثل فلب هذا مشوار نروح للقصيم عشان التراكشن
اكيد فيه خذلك لفه على محلات الصناعيه وانا متاكد ان فيه غير فلب لا ولازم موعد عنده والبعض يقول مايعطيك وجه والسعر ماينزل ريال قال الف مايقبل 990 بمعنى اخر افهم انه غثيث بس فني صح

اخوي لازم تاخذ منه موعد قبل ضربة المشوار لانه رايح يقول يقي بعد اثنين يوم مافيه فاضي مشقول

[الربذي]

اخوي الوعد الصمان الله يبارك لك ويعطيك خيرها ويقاك شرها مبارك تركيب الفاصل هل تنصح بالسكويا وكيف عزمه بالاسفلت وايضا بالنفود
لاني متردد مره بينه وبين الارمادا

بالقومه ايهما اسرع هو والا الارمادا

هل تفقد عزمها عند تحميل العائله ولا لا وهل هي اسرع بالقومه من الفي اكس ار

[تمييم1]

بارك الله فيك

[abuhaneen]

طيب مين يعرف واحد ممتاز يركبه في الرياض.....

طيب مين يعرف واحد ممتاز يركبه في الدمام او الخبر؟

[abuhaneen]

معقول مافي واحد ممتاز يركبه في الدمام او الخبر؟

[نور البرق]

طيب كم أجرة التركيب لدى الوكالة عشان يكون أضمن من حدوث مشكلة بالكهرباء وإلتغاء الضمان؟

[mzarkash2000]

فاصل مانع الانزلاق قيمة تركيبة شغل يد 550فقط ومثبت السرعة للاند كروزر بـ 1650 مع كامل القطع

[ابوريان القحطاني]

اخوني كم فيمتها السكويا الدبل الفل كامل وهل هي افضل من الفي اكس ار

وهل فيها عيوب وهل قيمة كفراتها غاليه لان جنطها 18

وفيه شي لحظته انا بنفسي اذا ركبو فيها ناس واجد نزلت نزول غير طبيعي هل احد سال انه يركب عليها مساعدات اويايات استراليها

سؤال اخير هل فيها مثبت سرعه وهل فيه فرق بين السكويا والتندرا

تعرفون ابي اكون على بينه علشان نكون رابطه عليها الكلام ههههههههههه

[a.z]

شكرا لكم جميعا
وادعوكم لمشاهدة المقطع الذي في توقيع اخي بدوي جنوبي فهو مؤثر جدا جزاه الله خير

[ابوميس الحلوه]

والله اني من اشد الناس كراهيه لعنصرية السيارات
لكن بعض الشركات تورد سياراتها وفيها الفاصل راكب
حتى في اقل السيارات مواصفات
على قولتهم (سياحيه)
امر غريب من الشركات اللي تحاول ابتزاز العميل بالدفع في كل شي
ولا نتوب ونغير عنها :looney::looney:
شي يحير ؟؟

[ابومدى]

السلام عليكم ورحمة الله وبركاته


قرأت موضوع لأحد الشباب مركب فاصل التراكشن ( مانع الانزلاق ) عند الكهربائي فيليب بالقصيم - الخبراء وهو فلبيني وفاهم ومعروف ماختلفنا لكن مبلغ التركيب مباااااالغ فيه جداً (550) ريال !!


وقبل قراءة الموضوع هذا شفت كثير من الاخوان مركبين عند كهربائي بالغرابي بالرياض هندي اسمه (سليم) ممتاز وفاهم وركبت عنده أنا شخصياً وسعره معقول جداً جداً فقط (50) ريال والحمدلله شغال زي الحلاوة ، لا ونسيت اقول حاجه التركيب ياخذ 10 دقائق فقط .×


يعني المفتاح من الوكالة 119 + 50 شغل يد = 169 ريال


وهذا رقم الكهربائي سليم ( )الرياض




وكذالك بالشرقيه بالجبيل الصناعيه ورشة بدر ابو صالح



دعواتكم ..،

[Hail2Hail]

السلام عليكم ورحمة الله وبركاته

شباب بعد مكم كيلو فحص الوكالة للسكويا ؟؟

الله يعافيكم