دعاسة سيارة الاسعاف احلى شي

[راعي المقانيص]

اخواني الافاضل
السلام عليكم ورحمة الله وبركاته

كنت في المستشفى لزيارة قريب الله يشفيه ويشفي كل مريض مسلم واسئل الله تعالى بان لايدخله واحد منكم من شر ولا من تحبون يارب العالمين

وجيت قبل وقت الزياره وقعدت انتظر في الخارج بالقرب من سيارات الاسعاف الله يغني عنها بالعافية
وشد انتباهي الدعاسه الخلفية مثل الصور المرفقه وفيه نوعين
دعاسة المنيوم ودعاسة حديد

http://www.gulfup.com/file3/12754237261.jpg

دعاسة الالمنيوم

http://www.gulfup.com/file3/12754237272.jpg

دعاسة الحديد

وفكرت في طريقة تخريمها او تبريزها ( مدري وش اسميها ) ولقيتها ممتازه جدًا بحيث تستخدم صاجات للغراز سواء للرمل او الطين لان الكفر مستحيل يفحط او يدور بوش بسبب التبريز هذا في اعتقادي وننتظر اهل الخبره

وقررت باذن الله اني افصل مثلها بمقاس معين ورسمت لها رسم مبدئي للفكره بحيث تكون بالشكل التالي

http://www.gulfup.com/file3/12754241421.jpg


طــــول الصاجة = ( 1 متر )
عرض الصاجة = ( 30 سم ) او اقل بحيث يتناسب مع عرض الكفر
ارتفاع الصاجة = ( 3 سم ) بحيث انها تركز في الرمل او الطين لضمان عدم حركتها مع الكفر



لكن هنا تجي المشكله

وين احصل ورشة الحداده الي راح تسوي نفس التبريزه هذي لاني مريت على ورشتين في الصناعيه على عجل وسئلتهم وقالوا ماعندنا المكينه الي تخرم مثل الشكل هذا

اتمنى احبتي في الله انكم تشاركوني الراي في الموضوع لكي نستفيد جميعا

[DEVICE]

بالنسبه لي اعجبتني فكرتك اخوي راعي المقانيص ولكن ننتظر راي الشباب

مشكور اخوي

[aah911]

فكرة ممتازة واللي اعتقده انها تجي جاهزة فقط عليك تقص على الحجم المناسب

افضل انك تشوف المستودعات الكبيره بالحديد و الالمنيوم

[ابوسعودد]

اعتقد ان فكرتك راح تكلفك ماديا ومعنويا الشي الكثير ومن وجهة نظري انك تشتري لك جاهزه افضل وموجوده عند الرمايه .

[aborajwa]

اخوي توجد نوعيات مصممة لنفس الغرض مصنوعة من الفيبر قلاس المقوى مثل دعاسات الجموس من تحت .. قرأت عنها من قبل وهي اخف وزن ..

[شبراق]

طيب عندي لك شور مادري يمكن يفيدك

بدال ماتخرق الصاجه ليش ماتلحم عليه شبك بقلاوه بحيث يكون البروز من نفس مربعات البقلاوه

[حرف الـ ع ـين]

الله يعافيك

فكره رائعه ..

[النادرتو]

مشكوور اخوي الله
يعطيك العافيه

[راعي الصطحه]

يعطيك العاافيه على الفكره

[راعي المقانيص]

احبتي الكرام اقدم لكم اعتذاري لتاخري في الرد على الموضوع بسبب انشغالي ببعض الاعمال

اولا اقدم شكري وتقديري للجميع لتشريف الموضوع ولابداء الراي والملاحظات

اخي الكريم ابو سعودد

الي موجوده عند الرمايه ياغالي ممتازه وخاصة في الرمل

ولكن فيها مشكلتين

الاولى سعرها فوق المعقول ومشكلتها مع الطين لانها ماتعطي النتيجه الناجحه بالشكل المطلوب

الثانيه غير عمليه مع كفرات البالون لان الكفر مايتشبث فيها وخاصه اذا كان الكفر منمسح شوي

وهذي طبعا مشاهدها اثناء التجربه بنفسي

اخي الكريم aborajwa (http://www.mekshat.com/vb/member.php?u=167267)

الفيبر مشكلته نفس مشكلته مع الصاجات حقت الرمايه الله يرحم والدينا ووالديك

اخوي الغالي شبراق

اقتراحك على عيني وراسي ولكن لو تكرمت ممكن تزودني بصورة لشبك البقلاوة مثل ماتفظلت لاني ماعرفته الله يزيدك من نوره ونعيمه