الإكسبدشن ياملآكه وش الحل معه تكفون ..؟!!

[تأبط شعراً]

:)


السلام عليكم


مساؤكم بهجة بنكهة الورد
على طبقٍ من عطر ..


مساؤكم مطر / شعر / حبر .....

:l


لدي تساؤل هام ..
وما لقيت له حل الـ( رااااي يالربع تكفون ) ..؟


نويت اشتري سيارة وكالة قبل اشهر ..
وبعد البحث في النت والمقارنة بينه وبين اليوكن
وجدت اشادات كبيرة في هذا الموقع لـ الإكسبدشن ..
عندها قررت وتوكلت على الله واشتريت 2010 ( دبل ).. من توكيلات الجزيرة
وبعد مااستلمته لاحظت صوت تموج في الزجاج الامامي ..

ووديته الوكاله قالوا عادي ..
المهم احبتي الصوت كموج البحر مزعج ويبدأ الصوت بعد سرعة الـ 80 ويبدأ في التزايد
صوت ارتطام الهواء بالزجاج ..

رائيكم , هل الأمر طبيعي ..؟

والا نصك الوكالة بقصيدة هجاء والاكسبدشن بعصيدة ذم ( لاحظوا عصيده )..
لانه عكر مزاجي والله


بـ انتظاركم


لاتبخلون علي في الرأي واعطاء المشورة ..

الآن ماشي 9600 كم

[ابوهتون]

السلام عليكم
ك اخوي روح للوكالة وقول لهم ان عندك مشكلة واصر على ذلك ويطلعون معاك مهندس,كالعادة في الاول بيرفضون ولكن اصر على رايك,واي شخص تقابله اصر على اعطائك اسمه وتاريخ لقائه,,لانهم بيعرفون بعد ذلك انك ممكن توصلها لدبي(مركزهم)...حتى تكون موثق كل شيء,,ولو استطعت ان تصور المشكلة بالفديو الجوال حتى تتمكن من ارسالها لدبي...وسلامتكم.

[تأبط شعراً]

طلع معي مدير الورشة
ومدير المبيعات ومدير الوكالة ..
لـ الاسف كلهم يقول لانها مو انسيابية
قلت : النقل الجماعي على عدم انسيابيته ارحم
لكن المشكلة مازالت وماغير يشتغلون في الابواب
وزن وحاسوها حوووس
..



الله يطول عمرك ولايحرمك التوفيق
واذا ممكن اخوي ابي موقعهم بدبي ..
وكل الشكر استاذي

[تأبط شعراً]

يااخوان اللي عنده 2010 اكسبدشن
هل هذا الامر طبيعي ..



افيدوني جزاكم الله خير


صوت كموج البحر / ارتطام الهواء بالزجاج
يبدأ من الـ 70 ويزيد ببطء كلما زادت السرعة ..؟

[جمل المحامل]

اخي وعزيزي
فعلا احد زملائي شاري 2010 اكسبدشن
وحصل معة نفس المشكلة تنسيم واصوات هواء مزعجة شوي
بس ابشر ابسالة لانة راح للوكالة وماادري وش صار علية

[الحسام2010]

انا شاك ان المشكله فى المريات شكلها شويه عفش وما فيها انسيابيه مما زاد حجم مقاومتها للهواء
لاحظت يوم سفطت المريات تغير الصوت شويه جرب وشوف
تونى مطلع 2010 واسمع هذه الصوت

[جمل المحامل]

سألت خوينا راعي الاكسبدشن 2010
قال انة راح للوكالة ووزنوا له الابواب بس بدون فائدة
يمكن زي ما قال الاخ الحسام 2010 ان المشكلة من المرايا
انا عندي هالوكس 2009م والصوت زي ما ذكر الاخوان بعد 120كلم

[تأبط شعراً]

بيض الله وجيهكم احبتي ..



سبق وان جرّبت في ان اطوي المرايا الجانبية بـ إحدى سفرياتي ..
لكن دون جدوى ..!


الحقيقة الأمر مزعج والله المستعان
الوكالة تقول هذه هي السيارة ..!
استغرب في فداحة تفكير هؤلاء المخوّلين على مقابلتنا نحن زبائن هذه الشركة
وغباؤهم الـ غير مبرر ..!


كيف اشتري سيارة وكالة وهم يُزعِموننا بـ راحتها ونكتشف العكس ..
اخواني والله اني اضطر في السفر على رفع صوت
الراديو او المسجل ..


او ( اطلب من ابنائي رفع الصوت عند الشجار )..

:( وكل ذلك في سبيل ان نرتاح من الازعاج ؛ بـ إزعاج



والله شركة خذلتني ..
والحق علي انا اللي صدّقت ماقرأت من ملاك هذه السيارة
بـ انها مريحة ..




شكراً مدد لـ فيض كرمكم الإخوان ..ابو هتون , جمل المحامل , الحسام 2010

شكراً وعطراً كثيرا


طابت اوقاتكم
ولاتبخلون على اخيكم حال استجد في الأمر / امر يهمني ..
كل الود ..

[سفاري959]

اخوي هذا عيب مصنعي وغصب عنهم يتحملونه بس انت انشب لهم وطول لسانك وقلهم دامكم عارفين ان هالعيب فيه ليش ما نبهتوني انا وغيري يوم جينا نشتري اذا نفع والا راسل الشركه في دبي ترى والله اني اعرف ناس واجد ما اخذوا حقهم من هالوكالات الا بالصوت والشكاوي ياخي قهر انت دافع مبلغ وقدره وشاري جديد عشان ترتاح لا اوصيك اقلب الوكاله عليهم وقلهم بوقف قدام الباب وكل من جاء ابقوله انحش عن سياراتهم واذا تبي نفزع معك ابشر بسعدك الله يكون بعونك اخوي

[باني طوية]

حنا معنا 2008 ولا فيه شي


ياخوي يمكنه عيب صناعي

[سلطان الذوق]

انا عندي م 2010 xlt
وعادي ما اشوف فيه شي والحمد لله حتى اللي ركبوا معاي ما حسوا بشي ابد
الله يعينك اخوي وزي ما قالوا الاخوان رح الوكاله وانشب لهم
ونصيحه خذ من عندهم سياره ثانيه القياده التجريبيه وشوف هل في فرق

[حرنتش]

السلام عليكم

انا عني لك حل رح للوكاله كانك بتشتري واحد جديد وطلب منهم تجربه الاكسبدشن طبعا راح يعطونك واحد علشان تجربه خذة ودعس فيه وشوف فيه فرق ولا لا.

انا عندي اكسبديشن 2008 والحمدالله مافيه صوت

[حرنتش]

تحيه الى جميع الاعضاء

الي يسئلون عن الكفرات الحمدالله من ركبت ميشلان وانا مرتاح معاها حتى في البر افضل لانها اعرض من حقت الوكاله وبلخط افضل تحس الموتر صار ارسى من اول حتى شكلها على الموتر احلا

مقاس الكفر 275/65/18 امريكي سعرها 3000 ريال

[دندون البحور]

السلام عليكم ورحمة الله وبركاته :

أخوي .. أعتقد إن الموضوع هذا عادي ... لأنه أنا عندي 2010 xlt كمان فيه نفس صوت ارتطام الهواء ... وأعتقد إنه معظم السيارات الجديده وخصوصا الصوالين لكبر حجمها وحجم مقاومتها للهواء في الطرقات السريعه .


هذا والله أعلم .

[عبدالرحمن السالم]

هلا ومسهلا اخوي

الوالد الله يطول بعمره معه 2009 ، اذا فتح نص القزازه وهو يمشي يطلع صوت طقطقه (تك تك :D ) واذا سكرها راح رحنا للوكاله قالو عادي مافيها شى
فا اعتقد انه عادي

[الأسد07]

عااااااااااااااااااااااااااااااااااااااااااااااااا ااااااااااااااادي جدا