لاند او سفاري المساعدها

[Abufehaid]

بسم الله الرحمن الرحيم

السلام عليكم ورحمة الله وبركاته

كيف حالكم ان شاءالله انكم بخير

اخواني كل ما في الموضوع ابي اشتري موتر جيب و محتار جدا بين السفاري والاند

طبعا الماديه تجيب لي سفاري 2005 وانت نازل و لاند من 2003 وانت نازل و ابي اعرف شنو تنصحوني فيه
واعرف رايكم والله يعطيكم العافيه

سبب الدوخه الي انا فيها انه كل واحد يمدح الى عندها ابي اعرف شنو احسن للبر و السفر

واسمحولي على الازعاج

[طلآل]

السلام عليكم ,,

هذا وجهي ان رسيت على حل كل من يدش هالحين مايرد على موضوعك يقعدون يتنطنزون على بعض النيساني يعذرب بالتيوتي والعكس صحيح ,,

انا شوري عليك شف نفسك وش تبي واشتره الموترين طيبات ,, الباقي يقف على ذوقك وميولك ,,

[تربو]

الله يعينك على المتعصبين حقين التايوتا ونيسان
تبي نصيحتي استخر وشف وش الي تميل له رغباتك والله يوفقك

[ولد الديره 2]

بواقع تجربتي ونصيحتي لك جي اكس ار من 99 ال 2002
:good2:

[شمالات نجد]

يا رجال اتحدى إذا ما كان في خاطرك وحده من هالسيارتين وموبد عليها بس تبي تحفيز

المهم خذ اللي يعجبك

الله يوفقك وييسر أمرك

سلام

[Abufehaid]

الله يعطيكم العافيه وشكرا لكم

وان شاءالله راح راعين العقول الكبيره راح يفيدوني

اخوي ولد الديره
شكرا لك وانتظر اني اشوف راي الباقين

[راكان 11]

من وجهة نظري الشخصيه
التويوتا افضل من النيسان

[الاستراتيجي09]

ياحبيبي لاتسأل ناس عن سياره انت تبي تسوقها وتبي تدفع دريهماتها لانك اذا سألت بمنتدى كل واحد يبي يجيك وألزم ماعليه يقولك خذ نيسان أو خذ تويوتا وبس وكن على علم يبي يقولك خذ الموتر اللي هو معه أصلا او اللي هو يهواه .....انت ماعليك من الكلام هذا كله ..انت أكيد نفسك مايله وراغبه لشي عن شي ..ولا تقولي لا مستحييييل ...شف اللي نفسك ترغب له أكثر وخذه وما عليك من الناس

[نفود حائل]

الله يوفقك بالسيارة اللى تريح بالك

وانت طلبت المشورة واقولك حاجتين

1- اذا انت راعي طعوس وقنص ومطامر وطرد خذلك باترول 2005

2- اذا انت راعي طلعات خفيفة وكشتات وسفر اكيد لاندكروزر 2002

وكلهن نفس السعر تقريبا اذا كانت السيارة نظيفة

[Abufehaid]

شمالات نجد
كلامك عدل ولكن هذا مايمنع اني في حيره شوي بالموضوع
والله يجزاك خير

راكان 11
مشكور يالغالي وان شاءالله الله يرزقني بالي فيه الخير

الاستراتيجي09
مشكور اخوي ونفس ما قلت لى اخوي شمالات نجد
صحيح انه في سياره اميل له اكثر ولكن حبيت اني اخذ رايكم لانه ماشاءالله يوجد بالمنتدي
ناس تفهم اكثر منن و استفيد منهم
والله يعطيك العافيه

نفود حائل
الله يعطيك العافيه و بفعل كلامك مفيد يالغالي والظاهر اني وصلت للي ابيه


والله يعطيكم العافيه و يجزاكم خير

[moooj]

تبي الي يعجبك والا يعجب الناس؟
خذ الي ببالك وانت بترتاح
او على اقل تقدير سق السيارتين وشف وش تميل له نفسك
والسيارتين معروف خيرهن من شرهن
ولا تنسى الأستخارة
والله يوفقك

[عميد سامودة]

رضا الناس غاية لا تدرك
خذلك وحده منهن ولا تعلمنا وش اخذت
قول اخذت صالون ونقولك مبروك
..............................................
والله فيه عالم تقول هم اللي صنعوا السياره تحرق اعصابها على لا شئ

[Abufehaid]

moooj و عميد سامودة
صح لسانكم وبيض الله وجهكم
انا ما ابي ارضي الناس ولكن حبيت اعرف رايهم بالسيارتين فقط
وشباب ما قصرو والله يعطيهم العافيه
وشكرا لكم والله يجزاكم خير على الكلمات الطيبه

[sameer_1798]

moooj و عميد سامودة
صح لسانكم وبيض الله وجهكم
انا ما ابي ارضي الناس ولكن حبيت اعرف رايهم بالسيارتين فقط
وشباب ما قصرو والله يعطيهم العافيه
وشكرا لكم والله يجزاكم خير على الكلمات الطيبه
ابحث عن مواضيع الاند أو الباترول في المنتدى عن مشاكلهم ومميزاتهم
وبتقتنع إن شاء الله
على الرابط : http://www.google.com/custom?hl=ar&lr=&ie=iso-8859-6&oe=iso-8859-6&client&domains=www.mekshat.com/&sitesearch=www.mekshat.com/&safe=active

[Abufehaid]

sameer_1798

مشكور اخوي

[عاشق الحيسية]

اخوي أهم شيء إنك تستخير..

ونصيحتي لك خذ لاندكروزر أفضل لك..

[وطن العزة]

والله يالحبيب , أنا بوصف لك الموترين من واقع تجربة

1- بالنسبة للراحة مع الخط ( السفاري : حليو مع الخط , لكن اللاند أريح منه )

2- بالنسبة للنفود ( اللاند يمشي معك تمام لكن يبيلك تجغفه شوي , السفاري أقوى دبل ويمشي وهو مرتاح )

3- صرفية البنزين ( اللاند صرفيته معقولة , السفاري يشفط شفط الله لا يوريك :D )

4- قوة التحمل والمكدة ( كل الموترين , ما شاالله حمير مكدة :p )


والراي الأول والأخير لك

وإن شاالله الأعضاء يفيدونك أكثر

بالتوفيق

[الجني العبد]

1- بالنسبة للراحة مع الخط ( السفاري : حليو مع الخط , لكن اللاند أريح منه )


من واقع تجربة الباترول أريح من الاند بمراحل وخصوصا بالطريق .. وجربت اللاند أكثر من مرة وكذلك الباترول ..



3- صرفية البنزين ( اللاند صرفيته معقولة , السفاري يشفط شفط الله لا يوريك :d )
امممم أتوقع الكلبليتر هو الدمار بالصرفيه أما الفتك صرفيته معقوله شويه ..


وبالنهايه أقول لك خذ ماتميل له نفسك لآن الموترين لهن شعبيه واجد وغير ذلك حمير مكدة

[عاشق السيل]

غريبة ........ !! لا زال الموضوع هادي هههههههههه

عموما يالغالي أبقولك شي من وجهة نظري : السيارتين كل وحدة فيها مميزات وعيوب وأنت اخترت أفضل الموجود لسيارات الدفع الرباعي لو شريت هذي وإلا هذي إن شاء الله إن ربحان !!

النيسان : أريح مركب وأخف نفس وأنشط بالنفود ،،

التويوتا : متماسك أكثر وأرغب عند البيع ( خاصة بالمناطق الجبلية ) !!

صرفية البنزين أشوفها متعادلة وخاصة إذا كان الباترول بخاخ ،،

بالأخير استخر ربك وشف اللي يعجبك والله يوفقك للي فيه الخير .....

[كرم نت]

السلام عليكم
أنا وأعوذ من كلمة انا كان معي الجي اكس ار 2004 فاكه وكالة جلس معي أربع سنوات ثم بعد بيع السيارة شريت باترول 2003 والان هو معي له سنتين يعني جربت الاند والباترول وبالنسبة لي أفضل من الاند
وسأعرض لك مميزات كل من السيارتين وعيوبها

مميزات الاند : الفخامة+الوساع داخل الغمارة + الصبر + الرساوة بالخط + قطع الغيار رخيصة بالنسبة للباترول

عيوب الاند: عزمه ثقيل وخاصة بالبر تحس انك تجر معك قلص + سعره بالنسبة للباترول غالي يعني الفرق يكون من العشرين الف واكثر + قطع غياره مشكوك فيها

مميزات الباترول : الخفة مع قوة المحرك الجبار يعني مايرده شيء + السعر مناسب للي دخله متوسط + اريح من الاند + النيسان ياباني ياباني يعني أصلي مهب مثل التويوتا .

عيوب الباترول : قطع الغيار غالية + الضيق بين المراتب اذا كنت ستقارن بالاند.

ولك كامل احترامي

[أبوحمييد]

السلام عليكم
أنا وأعوذ من كلمة انا كان معي الجي اكس ار 2004 فاكه وكالة جلس معي أربع سنوات ثم بعد بيع السيارة شريت باترول 2003 والان هو معي له سنتين يعني جربت الاند والباترول وبالنسبة لي أفضل من الاند
وسأعرض لك مميزات كل من السيارتين وعيوبها

مميزات الاند : الفخامة+الوساع داخل الغمارة + الصبر + الرساوة بالخط + قطع الغيار رخيصة بالنسبة للباترول

عيوب الاند: عزمه ثقيل وخاصة بالبر تحس انك تجر معك قلص + سعره بالنسبة للباترول غالي يعني الفرق يكون من العشرين الف واكثر + قطع غياره مشكوك فيها

مميزات الباترول : الخفة مع قوة المحرك الجبار يعني مايرده شيء + السعر مناسب للي دخله متوسط + اريح من الاند + النيسان ياباني ياباني يعني أصلي مهب مثل التويوتا .

عيوب الباترول : قطع الغيار غالية + الضيق بين المراتب اذا كنت ستقارن بالاند.

ولك كامل احترامي

من قال ان لاند مهوب ياباني ياباني واريح من الباترول بمراحل شكلك ماجربت الفكس ار بالهيدروليك كنك راكب كدلك ماشاء الله و اذا على التلفيق حتى النيسان الحمراني يلفق..
والكتاوتات الي في الباترول صينيه والدليل اخل الرابط...
http://www.mekshat.com/vb/showthread.php?t=285697

[VXR2000]

انشد رجال مجرب النيسان و التويوتا
وانت اخوي المسلم واحب لك مثل واحب لنفسي
عليك بالتويوتا وبس ان بغيت بر و سفر وصيف والحرارة ماتعرفه والله يوفقك

[Abufehaid]

الله يعطيكم العافيه جميعنا

ومشكورين و ما قصرتو وبيض الله وجهكم

واتمنى عدم التعصب بالموضوع و ذكر فقط عيوب و مميزات الجيب

ومن ناحيتي الحمدالله الاستشاره و تمت وباقي اني استخير و ان شاءالله خير

ولكن الحمدالله الى الان ما شفت المعصبين هنا وان شاءالله ما يدخلون و الله يهديهم و يهدينا جميعنا
لانه واجد الى مثلي يبون يعرفون هالاشياء

والله يجزاكم خير و يعطيكم العافيه ان شاءالله

[الأول دائما]

اللاند يبي دراهم فمشتراه ويريحك ...

والسفاري رخيص فمشتراه لاكن بتصير كنك شاري تقسيط.. فالصناعيه كل شهر فيه خراب واســــــــحب دراهم ...

[المهند511]

ابك ينفعك مظهر وقوة وجملك في الخطوط وفي البر اما خيشان تويوتا من بعد 99لاتقربهن

[سفاري959]

نصيحه اخو اذا خاطرك بالتايوتا خذلك فكسار 8 سلندر اما ال 6 سلندر اللي هو جي اكس ار ما يصلح ضعيف يعني الاختيار خله بين اللاند 8 سلندر والفتك وشف وش اللي تميله نفسك وعسى الله يكتب لك اللي فيه صالح وخيره تحياتي لك

[حبل الوريد]

اخوي اذا انت تبي موتر رزه وديره وطلعات خفافيه خذلك لاند

اما اذا بغيت مطامر وتعطعيس وقنص خذلك سفاري ( الموديلات من 2005 وورى متماسكه )

واستخر ربك والله يكتب لك الي فيه الخير