الـــ Fj هل هو مناسب .... الرابطة لايردون ..افيدوني اثابكم الله

[ضاري حايل]

نظراً لانتقال عملي الى منطقة صحراوية (نفود) سوف اذهب بشكل شبه يومي الى مقر العمل ولي رغبه بـ Fj ولكن لااعلم عن مدى تحمل قير ومكينة Fj للنفود .
هذا وجزاكم الله خير .
لااحد يعطيني رابط الرابطة لاني طرحت الموضوع عندهم قبل عدة ايام ولم اجد تجاوب .

[مراد منصور]

أخوي ضاري حايل لي الشرف بأن أكون أول من يرد على استفسارك وأنا يا الحبيب أملك السيارة المدكورة موديل 2008 أمريكي المواصفات و القير اوتوماتيكي و السيارة ممتازة جدا و استعملها أستعمال خاص للبر والمقناص والمسافات الطويلة ولا واجهة و الحمدلله أي مشاكل حتى الان و ان كان لك خاطر بالسيارة فأنا أقول توكل على الله و ربنا يوفقك.

[لاتكب البيالة]

السيارة اشوفه بالنفود ما يرده شي لكن يعيبه الشكل فقط واذا هالشي ما يهمك فممتازه
احس شغلك وناسه كل يوم رايح جاي مع هالنفود وينه نشتغل معكم:d :)

[ضاري حايل]

أخوي ضاري حايل لي الشرف بأن أكون أول من يرد على استفسارك وأنا يا الحبيب أملك السيارة المدكورة موديل 2008 أمريكي المواصفات و القير اوتوماتيكي و السيارة ممتازة جدا و استعملها أستعمال خاص للبر والمقناص والمسافات الطويلة ولا واجهة و الحمدلله أي مشاكل حتى الان و ان كان لك خاطر بالسيارة فأنا أقول توكل على الله و ربنا يوفقك.

ياعزيزي انا اتشرف بردك وشاكر لك .

[ضاري حايل]

السيارة اشوفه بالنفود ما يرده شي لكن يعيبه الشكل فقط واذا هالشي ما يهمك فممتازه
احس شغلك وناسه كل يوم رايح جاي مع هالنفود وينه نشتغل معكم:d :)

شكراً على المشورة الطيبة يالوجه الطيب .

مامن وناسة بهالنفود مقامز:hot: كل يوم الله يستر بس

[راكب الشفر]

والله الــfj ممتازة وعملية وحتى صيانتها سهلة
بس ماقلت انت تبي الموتر بس من البر وإلى البر؟؟؟
إذا كذا أفضل لك تاخذ شاص ولا ربع لأنهم مرتفعات ويجي بهم ونش ودفلوك وقد تحتاجها
اما اذا تستخدم السيارة بتاع كلو سيارة للمدينة وللبر فالسيارة المذكورة ماعليها قصور

[بدوي جنوبي]

السيارة ممتازه
لكن افضل الاكستيرا عليها

[الستانس]

اذا كان شغلك كله يعتمد على نفود انصحك بربع ولا تدور غيره ((مجربة وايضا موديل قديم))

واذا كان فيه خطوط وروحات وجيات مع نفود انصحك في الإف جي((لم اجربه))

ولكن تأكد من البنزين كم يمشي؟ سمعت انه يمشي قليل!!

[قرناس صلا]

اخوي ضاري

السيارة عندي وجربتها بالنفوذ الكبير

السياره ما يردها شي لا نفوذ ولا جبل ,, تطربك ... نسم الكفرات وادعس

لكن عيبها صغر خزان البنزين 65 لتر فقط , فى المقناص تمشيني 300 كيلو فى البر او اقل

وكل يوم ادور محطات البنزين

وعيبها الثاني تصميمها يحجب الرؤيه جربتها بمقناص الطيور ,, ازعجتني ,,




تقبل تحياتي

[البتاااار]

توكل على الله وخذلك أف جي صدقني ما راح تندم

موتر بشهادة الجميع وله شعبية قوية

موفق والله يعينك على دوامك

سبحان الله وبحمده سبحان الله العظيم

[فنجال شاهي]

لا تنسى الاستخارة قبل لا تشتري السياره والله يوفقك

[الاستراتيجي09]

اذا كان مايهمك الشكل ...خذ
اذا كان مايهمك الديكور الداخلي السيىء جداً ...خذ
اذا كان مايهمك سعه خزان البنزين(65 لتر فقط!!) ...خذ
اذا كان مايهمك زوايا الرؤيه بالزجاجه الاماميه (الرؤيه الاماميه صعبه للغايه وخصوصا لقصيري القامه)...خذ
..
..
..
وبيني وبينك لواني منك أخذت ربع نيسان (أريح من ربع التيوتا لاخط ولابنفود) ...او أكستيرا

[شمالات نجد]

جايز لك الشكل توكل على الله

لا تنسى الاستخاره

الله يبارك لك ولنا فيما أعطانا

سلام

[moooj]

جرب الموتر وجرب غيره اكثر من نوع
واذا كان عملك لمدة محدودة دور مستعمل لو شاص قديم
ما اعتقد راح يكون المشوار نفود باي حال من الأحوال لكن يجوز تسميته طريق صحراوي
يعني مانت مطامر سيوف ولا موطا عسر ان شاء الله
واذا ماتعرف موقع عملك بالضبط استأجر جيب وخذمعك احد يدل زين وشوف الموقع والمسافة بعد كذا تحدد الموتر الي يصلح لك
استخر الله وتوكل عليه
والله يوفقك ويحفظك

[Abu Saad]

اخوي ضاري

السيارة عندي وجربتها بالنفوذ الكبير

السياره ما يردها شي لا نفوذ ولا جبل ,, تطربك ... نسم الكفرات وادعس

لكن عيبها صغر خزان البنزين 65 لتر فقط , فى المقناص تمشيني 300 كيلو فى البر او اقل

وكل يوم ادور محطات البنزين

وعيبها الثاني تصميمها يحجب الرؤيه جربتها بمقناص الطيور ,, ازعجتني ,,




تقبل تحياتي

معقوله 65 لتر ؟؟؟

[ساري 111]

وبيني وبينك لواني منك أخذت ربع نيسان

ياشين التعصب اللي ماله سنع
ربع نيسان //
شكل قبيح
ومركب تقل قاعد بجفره
وصرفيه بنزين بجنون
وعزم خرابيط يالله يالله يقوى الـ 160
وحنه مكينه
وبعد فتره طقطه بلوف تسمع من كيلو
وضيق من الداخل


طبعاً انا مااقتنعت بشكل الاف جي
لكن السياره تتتميز بقوة رهيبه ووراحه ومتانه وصرف بنزين ممتاز لكن عيبه تانكي البنزين صغير نسبياً
وتتميز بعدد من التقنيات مثل مانع الانزلاق ومانع الانغلاق للفرامل و الآي تراك والدفلك ومثبت السرعه ... الخ

[ابو الشمقمق]

جرب الموتر وجرب غيره اكثر من نوع
واذا كان عملك لمدة محدودة دور مستعمل لو شاص قديم
ما اعتقد راح يكون المشوار نفود باي حال من الأحوال لكن يجوز تسميته طريق صحراوي
يعني مانت مطامر سيوف ولا موطا عسر ان شاء الله
واذا ماتعرف موقع عملك بالضبط استأجر جيب وخذمعك احد يدل زين وشوف الموقع والمسافة بعد كذا تحدد الموتر الي يصلح لك
استخر الله وتوكل عليه
والله يوفقك ويحفظك



الرجال يقول نفود وانت تقول ماعتقد انه نفود !!!!!!!!!!!
نصيحتي لك انحش عن ال اف جي عزمه خرابيط وترا مكينته قوتها 4000 والشاص والربع 4500

تبيرايي خذلك برادو ستة سلندر عائلي وقوي خفيف ومريح اتمنى لك التوفيق

[ضاري حايل]

الشكر الجزيل لكم اخواني مروركم مثمر ونصائحكم محل الاهتمام اشكركم واحد واحد .

[ابوفرايديز]

الاف جي ممتاز ويركبون له تانكي اضافي يمشي 1100 كيلو ونفس الوقت مريح جدا ونشيط وخذ فل كامل يجي دفلوك واي تراك مايرده شي لانفود ولاغيره اسال مجرب

[ضاري حايل]

جرب الموتر وجرب غيره اكثر من نوع
واذا كان عملك لمدة محدودة دور مستعمل لو شاص قديم
ما اعتقد راح يكون المشوار نفود باي حال من الأحوال لكن يجوز تسميته طريق صحراوي
يعني مانت مطامر سيوف ولا موطا عسر ان شاء الله
واذا ماتعرف موقع عملك بالضبط استأجر جيب وخذمعك احد يدل زين وشوف الموقع والمسافة بعد كذا تحدد الموتر الي يصلح لك
استخر الله وتوكل عليه
والله يوفقك ويحفظك

كيف تجزم بانه ليس نفود باي حال من الاحوال ياخي انا اللي ابداوم ولاانت صراحة تفكيرك غريب ولاني محتاج اخذ احد معي لاني ماطلبت احد يدلن على الطريق. اشاور على سيارة ماعندي تصور عنها.
على العموم جزاك الله خير

[الاستراتيجي09]

ياشين التعصب اللي ماله سنع
ربع نيسان //
شكل قبيح
ومركب تقل قاعد بجفره
وصرفيه بنزين بجنون
وعزم خرابيط يالله يالله يقوى الـ 160
وحنه مكينه
وبعد فتره طقطه بلوف تسمع من كيلو
وضيق من الداخل


طبعاً انا مااقتنعت بشكل الاف جي
لكن السياره تتتميز بقوة رهيبه ووراحه ومتانه وصرف بنزين ممتاز لكن عيبه تانكي البنزين صغير نسبياً
وتتميز بعدد من التقنيات مثل مانع الانزلاق ومانع الانغلاق للفرامل و الآي تراك والدفلك ومثبت السرعه ... الخ
يالله ان تهديك لنفسك ياساري ...انا طالبك طلبه ان تدخل ملفي الشخصي وتشوف وش انا مشغل نفسي هالايام وش ادور عليه ياسبحان الله يعني اي واحد يمدح النيسان تقول عنه متعصب مع انك انت من أكبر اذا ماصرت الاكبر متعصبين هالمنتدى وانا متابعك من قبل ما اسجل فيه (أتنهى عن خلق وتأتي بمثله ،،،عار عليك اذا فعلت عظيم) الا اذا صرت عبد اللطيف جميل وداخل بمعرف (ساري111)فهنا عاد فيه كلام ثاني لكن ماقول الا لا اله الا الله استغفرك واتوب اليك ولاودي ادخل معك بنقاش عقيم

[AbdulAZiz M]

الرجال يقول نفود وانت تقول ماعتقد انه نفود !!!!!!!!!!!
نصيحتي لك انحش عن ال اف جي عزمه خرابيط وترا مكينته قوتها 4000 والشاص والربع 4500

تبيرايي خذلك برادو ستة سلندر عائلي وقوي خفيف ومريح اتمنى لك التوفيق

هههههههههههههههههههههههههههههههههههههههههههههههههه هههه

والله انك تضحكني مره وانا اخوك تنافض نفسك بنفسك

تقول الإف جي عزمه خرابيط وبعدين تنصح بالبرادو السته سلندر وتقول خفيف هههههههههههه

طيب الإف جي والبرادو نفس المكينة والقير وكل شيء والإف جي أخف من البرادو ليه تتكلم وانت مو ملم في الموضوع

بعدين الحين اذا لترات المكينه أكبر يعني أقوى طيب ليه تويوتا غيروا مكينة الشاص والربع 2010 من 4500 القديمة إلى 4000 اللي هي مكينة إف جي هل لانها أضعف ولا لأنها أثبتت جودتها يا حبيبي
ـــــــــــــــــــــــــــ

بالنسبه لصاحب الموضوع وسؤاله عن الإف جي

الحمدلله السيارة ما عليها قصور أبد ولا فيها عذروب سوا تانكي البنزين 70 لتر تقريباً يمشي حدود 440 كم وانا اشوف انه لا بأس فيه

واذا لك في التعديل تقدر تركب التانكي الإضافي حق البرادو 2009 وتحت الخليجي ويركب مثل شربة الماء ولا فيه مشاكل

وراح يمشيك اكثر من 900 كم بالراحه

انصحك فيه وبقوه

[hamido]

تبي نصيحتي لاتاخذ جديد اذا كان عملك مؤقت خذلك شاص 2006 وتحت ولا كانك تبي الراحه خذ لك باترول ربع مثل ماقال احد الاخوان ... ياخوي حرام اشري موتر بقراطيسه ونحره النفود

[502]

السلام عليكم أخوي أذا المكان الي فيه الدوام طعوس وتغريز أنحش من القير التماتيك وخصوصاً السته سلندر لأن التمتيك يتحكم فيك ما تحكم فيه ولافيه هز قدام ورا بعدين وش تبغى في موتر تانكيه 65 لتر هذا تانكي كورلا مع أحترامي بعدين عندك الgxاطلق أوالشاص 2توانك وتقدر أتضيف تانكي ماء

[ضاري حايل]

هههههههههههههههههههههههههههههههههههههههههههههههههه هههه

والله انك تضحكني مره وانا اخوك تنافض نفسك بنفسك

تقول الإف جي عزمه خرابيط وبعدين تنصح بالبرادو السته سلندر وتقول خفيف هههههههههههه

طيب الإف جي والبرادو نفس المكينة والقير وكل شيء والإف جي أخف من البرادو ليه تتكلم وانت مو ملم في الموضوع

بعدين الحين اذا لترات المكينه أكبر يعني أقوى طيب ليه تويوتا غيروا مكينة الشاص والربع 2010 من 4500 القديمة إلى 4000 اللي هي مكينة إف جي هل لانها أضعف ولا لأنها أثبتت جودتها يا حبيبي
ـــــــــــــــــــــــــــ

بالنسبه لصاحب الموضوع وسؤاله عن الإف جي

الحمدلله السيارة ما عليها قصور أبد ولا فيها عذروب سوا تانكي البنزين 70 لتر تقريباً يمشي حدود 440 كم وانا اشوف انه لا بأس فيه

واذا لك في التعديل تقدر تركب التانكي الإضافي حق البرادو 2009 وتحت الخليجي ويركب مثل شربة الماء ولا فيه مشاكل

وراح يمشيك اكثر من 900 كم بالراحه

انصحك فيه وبقوه>
تراه يقول الباترول عزمه خرابيط مهو الاف جي . ماقصرت على الافاده

[ضاري حايل]

السلام عليكم أخوي أذا المكان الي فيه الدوام طعوس وتغريز أنحش من القير التماتيك وخصوصاً السته سلندر لأن التمتيك يتحكم فيك ما تحكم فيه ولافيه هز قدام ورا بعدين وش تبغى في موتر تانكيه 65 لتر هذا تانكي كورلا مع أحترامي بعدين عندك الgxاطلق أوالشاص 2توانك وتقدر أتضيف تانكي ماء

كلامك عين العقل بس انا احتاج السياره بالمدينه وبالسفر . لاهنت يالذيب

[bloodomen]

حقيقة انا لا املك الـ اف جي
ولكن قبل فترة استاجرت واحد 2009 قير اتوماتيك وكان فيه ديف لوك وتراكشن كنترول
السيارة طلعنا بها طعوس بدر وماشاءالله تبارك الرحمن وحش بالرغم من انه ايجار
ولكن يعيبه المساحة الضيقة والزوايا جدا ضيقة وسيئة
والله يبارك لك ويوفقك

[ضاري حايل]

تبي نصيحتي لاتاخذ جديد اذا كان عملك مؤقت خذلك شاص 2006 وتحت ولا كانك تبي الراحه خذ لك باترول ربع مثل ماقال احد الاخوان ... ياخوي حرام اشري موتر بقراطيسه ونحره النفود

كلامك طيب الله يجزاك خير .

[ذيب الهويمل]

والله الموتر كايف اسئل مجرب

[ضاري حايل]

والله الموتر كايف اسئل مجرب

الله لا يهينك مشكور على الشور

[ابوطاقية]

ياشين التعصب اللي ماله سنع
ربع نيسان //
شكل قبيح
ومركب تقل قاعد بجفره
وصرفيه بنزين بجنون
وعزم خرابيط يالله يالله يقوى الـ 160
وحنه مكينه
وبعد فتره طقطه بلوف تسمع من كيلو
وضيق من الداخل


طبعاً انا مااقتنعت بشكل الاف جي
لكن السياره تتتميز بقوة رهيبه ووراحه ومتانه وصرف بنزين ممتاز لكن عيبه تانكي البنزين صغير نسبياً
وتتميز بعدد من التقنيات مثل مانع الانزلاق ومانع الانغلاق للفرامل و الآي تراك والدفلك ومثبت السرعه ... الخ

حياك الله ياسارى
وسع صدرك عليهم وانا اخوك وعشاق النيسان اعماهم التعصب
الحين الرجال يقول وش رايكم بالاف جي ومتعصبين النيسان يقولون خذ باترول
لو تقولهم باشترى ناقه قالو لا خذ باترول احسن

[AbdulAZiz M]

>
تراه يقول الباترول عزمه خرابيط مهو الاف جي . ماقصرت على الافاده


لا يالغالي ارجع واقرأ زين يقصد الإف جي :)


يقولك انحش عن الإف جي ( ما يبيلها واضحه ) :p

في امان الله

[ولد وايل]

انا املك الاف جي من اول رمضان 1428هـ

انصحك فيها اذا ما عندك عائله

اما اذا عندك عائله خذ فوتشنر


تقبل تحياتي

[الشنه]

اخوي الـ FJ موتر شبابي مايرده شئ في النفود

بر و ديره

بس يعيبه تانكي البنزين فقط
يعني دور لك واحد 90 لتر
وتوكل

[قرناس صلا]

الاف جي ممتاز ويركبون له تانكي اضافي يمشي 1100 كيلو ونفس الوقت مريح جدا ونشيط وخذ فل كامل يجي دفلوك واي تراك مايرده شي لانفود ولاغيره اسال مجرب



اخوي ممكن تفيدني عن التانكي الخاص الاضافي وين احصله ؟؟

اي احد من الاخوان عنده معلومه يفيدنا؟؟؟

بارك الله فيكم

[الباثفندر 3.5]

الاف جي يعيبه شكله القبيح جدا من الداخل و كله بلاستيك
و انصحك بلاند جديد 8 سلندر احسن من الف اف جي

[ربع الخالي]

سلام عليكم
نصيحه من مجرب سابق اقول جرب الاف جي ولا تشاااااور بالنسبة للتانكي فيه كم شخص ركبوا تانكي اضافي تحت فيه نوع يجي تفصيل حديد ونوع ثاني يركبون تانكي برادو الخليجي

[الوافي.]

تايوتا وبس والباقي خس

عليك بالبرادو مجرب

سيارة ديرة وبر

ولكن قبل كل شي وش هو النفوذ اللي تبي تروح لمه

هل هو عسر ومقامز او بسيط وصياهد

[كارديف]

الاف ما عليها كلام بامانه سيارة قوية وما ترد وتصلح للشارع والبر لكن فيها عيب واحد وهو صغر خزان البترول لكن مسالة محلولة بالنسبة ضفت خزان اضافي يشيل 110 لتر غير طبعا خزان الوكالة وانحلت المشكلة

[ضاري حايل]

لا يالغالي ارجع واقرأ زين يقصد الإف جي :)


يقولك انحش عن الإف جي ( ما يبيلها واضحه ) :p

في امان الله

صادق حصل لبس لان احد الاخوان يقول ان الباترول عزمه خرابيط .. شكراً للتوضيح

[moooj]

كيف تجزم بانه ليس نفود باي حال من الاحوال ياخي انا اللي ابداوم ولاانت صراحة تفكيرك غريب ولاني محتاج اخذ احد معي لاني ماطلبت احد يدلن على الطريق. اشاور على سيارة ماعندي تصور عنها.
على العموم جزاك الله خير



آسف طال عمرك

[ضاري حايل]

انا املك الاف جي من اول رمضان 1428هـ

انصحك فيها اذا ما عندك عائله

اما اذا عندك عائله خذ فوتشنر


تقبل تحياتي

شكراً ماقصرت .

[ضاري حايل]

اخوي الـ FJ موتر شبابي مايرده شئ في النفود

بر و ديره

بس يعيبه تانكي البنزين فقط
يعني دور لك واحد 90 لتر
وتوكل

شكراً ماقصرت

[ضاري حايل]

سلام عليكم
نصيحه من مجرب سابق اقول جرب الاف جي ولا تشاااااور بالنسبة للتانكي فيه كم شخص ركبوا تانكي اضافي تحت فيه نوع يجي تفصيل حديد ونوع ثاني يركبون تانكي برادو الخليجي

مشكور الله لايهينك

[ضاري حايل]

تايوتا وبس والباقي خس

عليك بالبرادو مجرب

سيارة ديرة وبر

ولكن قبل كل شي وش هو النفوذ اللي تبي تروح لمه

هل هو عسر ومقامز او بسيط وصياهد

مشكور مع اني ماحب التعصب

[ضاري حايل]

الاف ما عليها كلام بامانه سيارة قوية وما ترد وتصلح للشارع والبر لكن فيها عيب واحد وهو صغر خزان البترول لكن مسالة محلولة بالنسبة ضفت خزان اضافي يشيل 110 لتر غير طبعا خزان الوكالة وانحلت المشكلة

شكراً ماقصرت على التفاعل . اذا السيارة اللي بالتوقيع لك ياخوي رافعها حيل مع ان ماعندكم حرات ولا وعر والنفود ما تحتاج هالارتفاع (غيرك المعلم )

[ضاري حايل]

آسف طال عمرك

ياخوي اسفك على الراس ومقبول واذا ودك تسير اخليك تشوف الطريق راح تقول هذي ضلعان ماهي نفود
لان فيه مدارس وانا اخوك بقلب النفود شمال حايل واذا تعرف احد بخيص اساله وتاكد .

[عبدالرحمن السالم]

آسأل حقين جبه تراهم ادرا بنفوده :)
والله يرزقك ويوفقك ويسهل دربك ، انا اشوف ان الربع مامثله وابد استخر ربك وعسى الله يوفقك

[النمساوي 2008]

مرحبا اخوي . خذ العلم من واحد قطع المعارض

وجرب واستقر على موتر معين :D

بالنسبة للاف جي . اشتر ولا تشاور

طبعا الموتر له معي فترة ليست بطويلة

ان بغيتة خط فهو ماشاء الله

وان بغيت راحة فهو مريح

وان بغيت عزم ونفود فهو اهلاً لها

وغير كذا انه موتر رسمي شوي

يعني كشكلا افضل من البرادو والفورتشنر :good:

وبديـــــــــــة اقوى منهن

وبخصوص تجربتي له بحكم السفر اسبوعيا 500 كم تقريبا

التانكي يمشي 400 كم تقريبا

بسرعة مابين 150 الى 160 (مكيف شغال)

وفي الديرة تقريبا 350 كم وعلى حسب استخدامك له

عموماً انصحك بالاف جي

ولو تقول انك راعي مشاوير طويلة

ركب له تانكي برادو مثل ماقامو يسوون له

ومبروووووووووك مقدماً

[ضاري حايل]

آسأل حقين جبه تراهم ادرا بنفوده :)
والله يرزقك ويوفقك ويسهل دربك ، انا اشوف ان الربع مامثله وابد استخر ربك وعسى الله يوفقك

الله يجزاك خير ويطول عمرك .

[ضاري حايل]

مرحبا اخوي . خذ العلم من واحد قطع المعارض



وجرب واستقر على موتر معين :D


بالنسبة للاف جي . اشتر ولا تشاور


طبعا الموتر له معي فترة ليست بطويلة


ان بغيتة خط فهو ماشاء الله


وان بغيت راحة فهو مريح


وان بغيت عزم ونفود فهو اهلاً لها


وغير كذا انه موتر رسمي شوي


يعني كشكلا افضل من البرادو والفورتشنر :good:


وبديـــــــــــة اقوى منهن


وبخصوص تجربتي له بحكم السفر اسبوعيا 500 كم تقريبا


التانكي يمشي 400 كم تقريبا


بسرعة مابين 150 الى 160 (مكيف شغال)


وفي الديرة تقريبا 350 كم وعلى حسب استخدامك له


عموماً انصحك بالاف جي


ولو تقول انك راعي مشاوير طويلة


ركب له تانكي برادو مثل ماقامو يسوون له



ومبروووووووووك مقدماً


الله يجزاك خير وان شاء الله اذا قسم الله وخذيته راح اقول يبارك فيك :good2:

[moooj]

ياخوي اسفك على الراس ومقبول واذا ودك تسير اخليك تشوف الطريق راح تقول هذي ضلعان ماهي نفود
لان فيه مدارس وانا اخوك بقلب النفود شمال حايل واذا تعرف احد بخيص اساله وتاكد .


يسلم راسك يا ضاري
كنت متوقع انك رايح لمدرسة لكن ما تخيلت انها لهالدرجة عسرة ومقطعة , واحد من عيال عمي تعين بمنطقة قريب من المدينة والله ما يحضرني اسمها كانت حول ال 80 كيلو وشاري شاص لكن يوم راح لقا السيارة الصغيرة السيدان تمشي الحال
ما اقول الا الله يكون بعونك وانا اخوك والله ييسر امرك
وما ودي تخسر نفسك اذا لك بالبرادو تراه عصاك الي ما تعصاك لك وللزمن وسعره فيه وبيعه ازين من ال FJ وسيارة عايلة ل 10 سنين ان شاء الله

[ابن علوان]

يالله ان تهديك لنفسك ياساري ...انا طالبك طلبه ان تدخل ملفي الشخصي وتشوف وش انا مشغل نفسي هالايام وش ادور عليه ياسبحان الله يعني اي واحد يمدح النيسان تقول عنه متعصب مع انك انت من أكبر اذا ماصرت الاكبر متعصبين هالمنتدى وانا متابعك من قبل ما اسجل فيه (أتنهى عن خلق وتأتي بمثله ،،،عار عليك اذا فعلت عظيم) الا اذا صرت عبد اللطيف جميل وداخل بمعرف (ساري111)فهنا عاد فيه كلام ثاني لكن ماقول الا لا اله الا الله استغفرك واتوب اليك ولاودي ادخل معك بنقاش عقيم
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههه والله انك عرفت ترد ياخي هذا اذا سمع كلمة نيسان قام يتنرفز ويصايح تقول انك سبيته
بس اكثر ماعجبني الا اذا صرت عبد اللطيف جميل وداخل بمعرف سااااااااااااااري ههههههههههههههههههههههههههههه شوف ردوده كلها عصبيه الله يهديه قولوا امين