== الفستقي ==يعود لكم في ثلاثيته = رحلة صيد =

[ريف النشاما]

بسم الله الرحمن الرحيم


أحبابي في مكشات
يسرني تقديم هذه الثلاثية العجيبة للفستقي المتجدد من أرض إلى أرض في إحدى رحلاته المعتادة والجريئة في دهاليز الصحراء الموحشة بحرارتها العالية وغبراتها
المتتابعة ورؤيتها المتدنية
هذه الرحلة بدأت في صبيحة يوم الخميس الرابع من شهر ربيع الثاني لعام ستة وعشرين للهجرة وكانت في صحبت عدد من الزملاء والأعضاء
وفي البدايه (بغت تقل الخاتمة) حيث قرقر وطرر:D شئ ما في مكان ما:D
ولاكن عدت بسلام
http://www.mekshat.com/pix/upload/images7/mk8178_IMG_64101.jpg

يالفستقي يازين الأوصاف حييت= حييت يامن للبراري تسودي
أصلك عريب ومنبعك عالي الصيت=مركوب خط وبالنوازي ترودي
والسمن قالوا بالعتاقي تحليت= جزمن على العسرات صمد ونفودي
مشيك سريع ولاخبرتك تدبيت=ولخيرأبو فريال منته جحودي
الزيت تاخذ حاجتك منه بالبيت =وليا مشيت الخط دومن نزودي
والماء لك الله ماخبرنا ترويت=كم فرقت ٍ صارت من أجلك ورودي
وحقك علينا كامل ن فيه مأهفيت =جميلك اللي ظاهرن للشهودي

عاد الفتسقي يوم سمع القصيده انتفش ورافس وترتر ودق سلفه على ربعه
http://www.mekshat.com/pix/upload/images7/mk8178_IMG_6411.jpg

لاكن عامل الوقت والجو لم يساعد على التوغل أكثر فتم التجمع بوقت متأخر
بعد عناء وسموم شخفنا مع الخط
http://www.mekshat.com/pix/upload/images7/mk8178_IMG_6418.jpg

وهنا بدأت المجزرة والسلخ
؟؟

والنتف كان له حضور
http://www.mekshat.com/pix/upload/images7/mk8178_IMG_64181.jpg


الشيف وتحضيرات الطبخ
http://www.mekshat.com/pix/upload/images7/mk8178_IMG_6419.jpg


مدمني الضبان وعملية التصفية النهائية
http://www.mekshat.com/pix/upload/images7/mk8178_IMG_64360.jpg

[ريف النشاما]

التكشينه
http://www.mekshat.com/pix/upload/images7/mk8178_IMG_6448.jpg


المرقة والطبق جاهز للكبس عليه
http://www.mekshat.com/pix/upload/images7/mk8178_IMG_6455.jpg

شبوب مادرى عني يزين الطبق للصوره :)
http://www.mekshat.com/pix/upload/images7/mk8178_IMG_6464.jpg


الخاتمه
http://www.mekshat.com/pix/upload/images7/mk8178_IMG_6467.jpg

[ريف النشاما]

**على هامش الرحلة **
http://www.mekshat.com/pix/upload/images7/mk8178_BGHYUT6YU13.jpg
"""""""
""""
http://www.mekshat.com/pix/upload/images7/mk8178_BGHYUT6YU14.jpg
"""""""
""""
http://www.mekshat.com/pix/upload/images7/mk8178_BGHYUT6YU16.jpg
"""""""
""""
http://www.mekshat.com/pix/upload/images7/mk8178_BGHYUT6YU17.jpg

"""""""
""""

أخيرا ..... هذه (المزيونة) دخلت منافسة قوية للفستقي والظاهر إنها بتطبن عليه
كان بعد ما طلقته :no:

http://www.mekshat.com/pix/upload/images7/mk8178_IMG_6477.jpg


تمت هذه الرحله وحتى نلقاكم في رحلة قادمة نترككم
في رعاية الله

***
*

[ابوفريال]

اخي ريف النشامى ...
اسعد الله ايام بكل الخير ... الحقيقه ان الفستقي لم يحصل على فرصه في هذه الرحله ... فالوقت لم يكن كافي لاظهار مواهبه في الطرد ... ولكن ان شاءالله الجايات الكثر ... واتمنى انها تكون قريبه ...
لك احترامي وتقديري وشكري على جهودك المميزه دائماً .....

[أبو رداد]

مشكور ياريف النشامى على هذه الرحله الممتعه التي نقلتنا معكم فيها ...
اما الفستقي ... مافيه حيله ...
انا دائما اقرء بالسباستيل الفستقي الفستقي .. قلت في نفسي هذا اسم شعيب في السعوديه او منطقه اثريه ...
لكن الان وضحت الصور ... الله يعمرها ويطول عمر راعيها ويشبع فيها طرشات ...

[ريف النشاما]

السلام عليكم ورحمة الله

حياك الله أخي بو فريال وياهلابك

وش أخبارك عقب السريه ;)

هذا الفستقي عليه مزاج مدري كيف هو قايل مثل يوسف الثنيان :no:

لاكن الله يحييك وياك

بعدين ياخوك صلح المكيف :no: ترا الحر جاء ولاهي علومك أول يوم الشتاء والجو الزين

ورطناك ;) :cool:

تحيتي

[ريف النشاما]

السلام عليكم ورحمة الله

حي الله أخي بو رداد وياهلا بهالطله

شاكر لك المرور وتشرف الفستقي بمرورك

أجل تقول ماغير تشوفه رايح جاي ولاتدري وش سالفته -- هذي صارت على كثير من الربع ;)

هذا الله يسلمك يبيله طير

أبد ماينقصه إلا الطير :)

ولك مني صافي الود

تحيتي

[المترو]

السلام عليكم ورحمة الله وبركاته

ماشالله عليك يا خيي وكشته موفقه وصراحه انا بيني وبين الضبان موقف وخلاف دائم عليهن!!!!!!!!!!!!!!!!!! لكن من كثر ما اشوف الكبسات على العكر من الاعضاء وخصوصا صورة الكبسه بموضوعك شكلي ابي اتصالح معهم واكبس عليهم اغريتني فيهم ذنبهم برقبتك اذا ذبحت كم ضبيب
نرجع للفستقي اللي صار اشهر من نار على علم بمكشات الى درجة ان اخوي ابورداد يحسبه شعيب ؟؟؟
وبعدين تصدق انك بعد زينت المكان بتصويرك الجميل ونورته بكمرتك مع العلم اني امر من عنده ولا القي له بال واهج وشكلي نهاية الاسبوع تلقاني ملفز تحت هاك الطليحات

تحياتي لك ولاخوياك
ولكم اجمل الاماني
الرحال2003

[ريف النشاما]

السلام عليكم ورحمة الله

حياك الله أخي الغالي الرحال

وارحب مليون فيك وفي طلاتك البهييه

بس ياخوك دامك صرت بحري مالومك بالضبان وترى أخوك ماهو بعيدن عنك مامن وله عليها

لاكن مع الجمعه والوناسه كنها تزين

وأبو رداد الله يجزاه خير المفروض يفك الطير على الفستقي بس يالله

إلا وش رايكم ياهل الصقور

هو الطير يصيد الضب :no:

تعراني أمزح ياهل الطيور

يامعود هالحين يزعلون علينا

خلاص كل يصلح سيارته :p

تحيتي للرحال

[اسيزو 4x4]

أخوي الغالي ريف النشاما

الصراحة الفستقي ما قصر معكم ( مشاء الله علية ) والتنتيف حضورة قوي هههههههه


والله يعطيك العافية ونستنا يالنشمي

.

[السمح]

شف يا ريف النشاما : لا تخلينا نتزاعل حنا وأبو فريال علشان هالكابرس
الدهنا وما شاء الله ما خليتوا عرق إلا وطامرينه على هالفستقي ، ولا فيه طرش بخبة من الدهنا إلا وحلبتوا من نياقه .. أما سالفة إنكم تغزون العرمة وتطردون الضبان وما تخلون ولا تبقون هذي ما صارت .. وما لي إلا أستنجد بربعي أهل الطولات سكانة مجزل .. إلا كان أحسنت السيرة وسيرت السير :burnout2:
وبعدين تعال : وحدة من ثنتين إما إنك يجب أن تزور طبيب العيون علشان تتأكد إن ما عندك مباديء عمى ألوان وتتأكد من لون الفستقي لأني أشوفه ذهبي مهوب فستقي ، أو إن شاشة جهازي يبي لها زيارة الفوتوشوب علشان يضبط لي الألوان :no: وش تقولون يالربع هو فستقي ؟؟؟

لك كل الشكر والتقدير على جهودك المميزة أبوعبدالعزيز وننتظر المزيد باررك الله فيك .

[ريف النشاما]

السلام عليكم ورحمة الله

حياك الله يابو حمود ويالله أبقه

وتشكر على المطالعه والمحفوضات :p

وبعدين وش قصدك من هذه الجمله


"""والتنتيف حضورة قوي هههههههه"""


ترى اللي بالصوره الله يسلمك عينات بس :mad: تاجر يصرف :D

صراحه كفشتنا ;) :)


تحيتي يالغالي ووسع الله رزقك وصدرك

[رفيع الشان]

سلمت ياذيبان ... الا لايكون فور اكس فور وهزاز بعد هالفستقي ماشاءالله عليه :D

بعدين انا اضم صوتي للسمح والله اني اذا شفته اقول مهوب فستقي لكن اتصبر في خاطري واقول عسى مافي عيوني دغابيش :D

ماعاد الا ... فمان الله يالغالي والله يعطيك العافيه خصوصا الصور الاخيره جميله جدا ...

[ريف النشاما]

*****
***

السلام عليكم ورحمت الله

حياك الله ياريس :)

الله يكافينا يابو تركي طال عمرك(على الطاعه) أبشر باللي تبي ياحيي

أنتم وأبو فريال تصالحون وأن وش خصني هو أن سميت :no:

وبعدين الله يسلمك أنا نضري سته على سته لاكن عمى الوان بلتسي :D

لاكن هاك والجماعه يحكمون لأبو فريال ولا أنا يايماعه مالي خص :j


هذا أبو فريال أتسعدوه وهرجوه راس براس :D

http://www.mekshat.com/pix/upload/images7/mk8178_oooooo-019.jpg

وهذا ياجماعه اللوز والموز :D

http://www.mekshat.com/pix/upload/images7/mk8178_IMG_64101.jpg

http://www.mekshat.com/pix/upload/images7/mk8178_untitled01jvhj.jpg


وفكوني ما أبغى أتناشب مع الريس

أما الغزوات فأنا أعدك ياريس بمواصلت الغزو مهما كان الثمن ولو نفادي بجميع الرجال

فنحن أبنا حرب :no:

وهناك من المكشاتيين جمع كثير فما هذا التولج لنا نحن المفستقون

وأبشرك لقيت من ربعنا هل مكشات معهم علم يوم شايف الفستقي وهو يقوم يومي به

وأنا كنت انضر اليه

وحقيقتا كنت أرغب في العوده له وقد توقفنا ولاكن الأمير حقنا مادرى عنا وخفنا يطردنا عن الغداء

إن نحن فارقناه

وأعتذر لأخونا إن كان قد عرفنا

ونشكر مرورك ياريس أبو تركي وقد تشرفنا بهوشاتك

وتحريشك علينا

[ريف النشاما]

السلام عليكم ورحمة الله

ياهلابك يارفيع الشان

أثرك بعدبعد فازع

أنا ياقماعه مالي ذنب

أبو فريال هو السبب

منك لله يابو فريال

والله تصدقون بديت أشك :no:

تحيتي

[ابوفريال]

اخي الكريم السمح ...
تشرف الفستقي وراعي الفستقي فيك ... والحقيقه اسمه غريب صحيح ولكن الحقيقه ان الاسم رسمي وموجود في الاستماره .. حتى انا مقتنع انه ذهبي ولكن (الشيوخ ابخص) ... والصراحه كنت ناوي ابيعه .. لكن بعد الشهره هذي الظاهر اني هونت .. خاصه انه رفيق دربي اكثر من 23 سنه ...
تحياتي وتقديري لك ....

[السمح]

حياك يابوفريال ورفع الله من قدرك
وأدري ياعيوني إن بعض الناس يحاولون يشوهون الصورة ، ويتحينون الغفلات أثناء الرحلة ويلتقط صور يساوم عليها فيما بعد ( بالمناسبة والله يا عندي صورة لواحد أعرفه راكب له سيكل أبوثلاث عجلات في إحدى فياض الصمان :hot: هالصورة تسوى مليون ريال ) .
لكن اللي أنا مستغربه وشلون يصير لونه فستقي وهو ذهبي .. أقصد حتى لو أخطأ من كتب اللون يظل ليس فستقي إذ على مدى 31 سنة من عمري وأنا أعرف إن اللون الفستقي هو الأخضر الفاتح ... تعال أنت وأبو عبدالعزيز وشوفوا هالصورة .. إذ المقصود باللون هو ما بداخل الفستق وليس القشرة الخارجية :

http://www.mekshat.com/pix/upload/images7/mk95_pistachio.jpg

ويمكن أكون غلطان ، وكل عمري وأنا ما عندي سالفة .
أما عن الفستقي فأقول لك لا تبيعه ما دام مستمر معك كل هالمدة والله يطرح فيه البركة ، وفي الأخير اقترح عليك إنك تلبقه بالبايكة وترفعه على بلك علشان الأحفاد يشوفون سيارات الأولين :j

أحلى تحياتي

[ريف النشاما]

السلام عليكم ورحمة الله

حياك الله أخي بو فريال

أنا ماعلي ألا من هرج الحراميه قصدي الشيوخ

بس هم وش اللي حدهم على هذه التسميه

مغير ورطونا مع الربس اللي طلع الفضايح :no:

وأنت يابو تركي

تشكر على هذا التوضيح

واللي فعلا مايمه سالفه

هالحين يابو فريال أقعد بها لازم نقلب الأستماره

بس المشكله الأسم لزق ماعاد ينفع

والحمدلله إن المشكلة عدت بسلام

لكن يوقف على بلك لاوالله إلا بني نمتر فيه البران لين يلحق (جيبي) :no:

تحيتي

[aflaj12]

ماشاء الله واصل إبداعاتك يامبدع

[بــرق الشمال]

بصراحه ماادري وش اقول اخوي ريف النشاما... :no:

مشاء الله تبارك الله...مشاركه جميله...

بس كله كوم والكابرس كوم...اقول هي للبيع ولالا.... :p

الله يعطيك العافيه اخوي وماقصرت..




تحياتي لك
برق الشمال

[ريف النشاما]

السلام عليكم ورحمة الله

شكرا على زيارتك أخي الغالي
aflaj12

وسرني سرورك

تحيتي

[ريف النشاما]

السلام عليكم ورحمة الله

حياك الله أخي برق الشمال


وحي من جابك علينا لافي= ترسم حروفك على دهس الصحافي

ونور الموضوع بشوفتكم

تحيتي

[رسلان]

ماشاء الله تبارك الله ...
كعادتك أبو عبد العزيز ... تتحفنا بالجديد والمفيد والمشوق عن الرحلات والختات ..
وهالفستقي خلاص المفروض تسجله بالتابعية معك.... :)
وتشوفله دفرنس طارف وتركبله والوعد الربع الخالي :)
الله يجزاك خير ... ونحن دائما بشوق للمزيد من الفن والإبداع الفستقي ...
والقصائد الرنانة من أخونا الفاضل :ريف النشاما ,,,,,
وتقبل أجمل تحية من أخوك ....

[بــرق الشمال]

شيب عيني.... :no:

والله ياريف النشاما انت والسمح ماتتحارشون بعد...؟؟!!

ياخوي فستقي فستقي بس ولايهمك...بعدين تعال انت يالسمح الرجال موتره ويقول فستقي خل الرجال

يستانس ويسفهل..... ;)


اخوي ريف النشاما موترك فستقي ولااحد يهمك...وهذا بيت متواضع بس موهب لي... :(

وحنا على قد الحال موهب مثلك من فطالحه الشعار...

بس ابشر بعزك والجاي اكثر...


انت اللذي لاحل طاريك فزيت=فز الوحش لاشاف برقى الجناحي :hot:



تحياتي لك
ابوابراهيم

[الجاهز]

اقول ياريف النشاما ... ترى المؤيدين لك واجد وانا واحد منهم ... ياخي يكفي انك اثبت بالدليل المادي ان الفستق لونه بني على ذهبي مثل ( الفستقي المسمى ) !!!

بعدين ياخي صار اسمك مقترن بالفستقي .. يعني ريف النشاما بدون الفستقي يصير ناقصه شي !!

ولا يهمونك اللي يستغلون سلطاتهم العليا ( ومناصبهم ) لاقناع الرأي العام ان كلامهم هو الصحيح ( وتراني ما أقصد السمح :j) .. أما من ناحية الصور .. فوالله انها مشكلة ياخي لو ندري اننا اذا كبرنا ان هالصور راح تستخدم ضدنا كان ما صورنا .. بس تدري عاااادي خل اللي عنده صوره لك وانت صغير ينشرها صحيح اننا يمكن نضحك عليك .. لاكن معليش على الاقل تصير تخلصت من المساومة على كل صغيره وكبيره ( وعلشان تحرص على صورك ما عاد توزعها هنا وهناك ) ... والظاهر اني قمت الخبط مادري انا معك والا ضدك ..تدري احسن شي بنسا الموضوع كله .. وانحش..:redcar:

ولك احتراماتي وتشكراتي

[* ضب *]

يالفستقانه ..يالفستقانه ..من يشبهك يالزين

ما شاء الله عليك وعلى موترك الله يستر عليكم ويسمح امركم
اعتقد اني عرفت موقع الصور وش رايك

تحياتي لك

[راع الكحيلة]

حي الله خياّل الفستقي ....والاّ أقول البرونزي

رحلة ظريفة

لكن تصيدون ها الطويرات ثم تاكلون ضبان؟؟ كيف ؟؟ فهمني.

وش جاب لحم ها الضب للحم الطير ؟؟ مع احترامي لاخونا العضو ضب :)

موترك هذا الله يبارك فيه .. ذكرني بالذي مضى

ولكن للأسف لم أكن أملك كاميرا ذاك الوقت

كان عندي موتر نفسه ولكنه كان ليثا أبيضا مقطع للبران والخدان

ما كنت أروح يم الحلال إلا به

وإن رأى أحد من البدوان غبرة مقطعة للخطوط ليس لها راس ولا كرياس فإنه يعرف بذهانته أن الليث الابيض هو في مقدمة هذه الغبرة

لدرجة لو أن أصحاب الراليات رأوني لوضعوا كاميرات التجسس للإستفادة من المناورة المنقطعة النظير التي كان يقوم بها هذا الليث لعبور التغاريز :)

لكن عند الليث مشكلة بسييييييييييطة








إن غرز في وسط بحور الرمال وفي الصيف .... عفت البر والحلال والموتر واللي معك من المرافقين إن كانوا عديمي فائدة



للأسف ما عاد يصنعون مثل ها الليوث والا الفساتفة (جمع فستقي :) )

[ريف النشاما]

السلام عليكم ورحمة الله

حياك الله أخي الغالي رسلان

وسرني مرورك الكريم

التابعيه راهنها للشون الله يسلمك وإن كان جت ماعني وعنها

أما الدفرنس هذا أبو فريال والحاير قريب

بعدين هالحين أنتم تحسبونه لي :no:

هذا ياجماعه لبو فريال

بس الرجال ابلشنا كل رحله يقول مره ماعني وعنه

ولك مني يارسلان أجمل التحايا

لكن ربع خالي

ليه هو أنا عايف نفسي ;) مابقي إلاهي

فستقي والسواق ابو فريال والله اللي رجعنا :p

[ريف النشاما]

برق الشمال

سلمت عينك من الشيب والعيب
يارجال انت ما سمعت بالمثل اللي يقول
لاشفت الفستقي برماح هج عنه لضرمه من دون تثليث ولا يردك إلا صخيبره
هو فستقي يعني فستقي
أنا اشوفه كذا ولا لا ياخشم الحصان
وبعدين أنا حبيب وش أزقيني لكن النشبه هالريس اللي ماينحارش :no: :director:
وهاللون حظ أهل المحطات قضينا الفستق عندهم :row:

ويارجال..... قضينا ولا لا ......طواله هي :mad:

أيه طواله بن صنيتان :confused:


فكه من هالفصفص أندبلت سبدي وأنا أفستق وأفصفص :no:

وخل نقلبها يابو براهيم هجيني أزين :D

ومادام الدعوى هدايا خذ الهديه

قصيده وردها بين أخوين تشرح حال رحله مرة قبل سنوات عده

قصيدة أبو مالك

ماهناني نوم في نجد وعجاجه= وصلوني ديرتن ينعش هواها
مختلط ماها قراحه مع هماجه=ماتباع بديرتن قراح ماها
في .........و......... مالي فيه حاجه= شف بالي ديرتن جدي رباها
محطبه فيها ما تشويلك دجاجه= لو تجمع رمث حمله ماشواها
خاطري يابو سعد عكر مزاجه= نجدمعرف وجهها ولا قفاها
قلبي أعرف مقصده وأعرف علاجه =ديرتن وبرانها عدد ضباها

رد أخوكم فستقي أي يابن.....أنا لله .....ريف



مرحباً بألي لفى قبل المواجه=عد ماهلت مزونن من سماها
فوق جيبن صممه فكر الخواجه= أشهبن باللون وبالصحراء دواها
وحقه الواجب علينا بأدراجه=نكرمة والنفس نلحقها هواها
ولانلوم الضيف لو عكر مزاجه=ديرتي ما مثلها لو مابغاها
ونجد مامثله ولافيها لجاجه= يشهد التاريخ وألي قد وطاها
والهماج من الأله وبالـ.........=في طرف وادي الرمه قراح ماها
والـ،،،،، نبعها بحرن رواجه=دون ،،،، ن والـ............ تلاها
ومن طمية لين عدى ضلع عاجه=والـ,,........ مسفهلن في هواها
يقنص القمري وضبه والدراجه=وينشد الرعيان عن تالي مداها
مـجنبن بالوجه في مشيه نهاجه = لين عدى سمر ........ وحصاها
حادرن للـ........ ويسابق عجاجه=صوب دارن بالحجر ربي حباها
والـ.......... قصده وفلت حجاجه=منتهى رحله من دياري بداها
حرة ٍ من شافها يبغى الهجاجه=وعذاب الموتر الي قد مشاها
ولي دليلن عند ابو فيصل خراجه=كان تطلب شاهدلي في غثاها
جمسن أدهم رابضن داخل كراجه=الـ......... ماخبرنا إنه نصاها
وبالنهايه جنة المعبود ناجه=يابومالك بالسحر كانك تباها
والعذر من قول قلته به عواجه=والهدف نفسي نخفف من عناها
والصلاة ختام ماعاش إبجاجه= البحر تسليم على الهادي زهاها

[ريف النشاما]

الجاهز

يالله حيه وأرحب مليون خشمك خشمك :D

وخلك جاهز على خط النار ترى الدعوى تبا تاصل خشم البُـندق :looney:

يعني نحشه مامن نحشه قرط بسنونك وخلك صميدع :no:
وبعدين أنا مردي وسلون اللون يصير داخل الشئ :type:

و الأسم التابعيه عند الشون ولا منها هلزت نبا نكتبها فيها :p

والسلطات كلها خير وبركه لاكن نوب ماودك تقربها

واللي يرقد فالبران هذا سنعه وسلامتك يالغالي

والبتسان معروف يابعدي

[ريف النشاما]

حياك الله أخوي ضب

http://www.mekshat.com/pix/upload/images7/mk8178_IMG_614901.jpg


وهذه الساعة المباركة يومك قالط عندنا والله مير محييك

والله يجزاك خير ولحم طير

والبتسان معورف وووووه أثره أنت اللي تنشد ماهو برق :D

======
((يالفستقانه ..يالفستقانه ..من يشبهك يالزين )) :no:

VVVVVV
VVV

أبو فريال (رد) أنا مالي شغل

:mad:


:director: :director:

[ريف النشاما]

حياك الله يابو طلال خشمك خشمك :looney:

أقول أنت طالع لنا بلون جديد مشاء الله

بكره يجي واحد ويقول ياخيال الأصفري

يامعود خلنا على فصفصنا أكسن

وأنت أضرف يابو طلال

""" :D """" تدري ليش أضحك """"تذكرت اللي بالخيشه _تكرم_ :no:

الطويرات طبخه خاصه (حوسه خاصه) وكلها راحت بالعافيه

ولحم الضب مرة بالشهر ويالله

وبعدين هذه النوعيه قوية جدا وصبوره على الجور والجرجور ولا توكلك خابور
لادست للماطور :no:

وشكلك راعي فستقه من أول :p

تحيتي يامعود تعبت وانا أكتب

[الجاهز]

ياريف... ياريف النشاما انا جاهز.... جاهز ولو نرقا روس النوازي :hot: الظاهر انك شعللتها مع الريس ياريف .. انا جاهز ...بس ترى اهم حاجة الاخلاق ... خاصة مع الشيوخ ...وخاصة مرة ثانية اذا كان مثل ( السمح ) سمح الله امره في الدنيا والاخرة ;)

[ريف النشاما]

حياك الله أخوي جاهز

والأخلاق مثل ماقلت هي أهم شي

لاكن قلي == عمرك شفت ثنين يتهاوشون بخلاق :director:

وأبو تركي يستاهل كل خير فهو الجندي المجهول في هذا المنتدى

ولا تحارشه همن نبلش خلنا بعيد ياخوك

وإن كان أنت ملزم دور لنا واحدن طارف :)

نغفصه ونشويييييييييييييييييه :p :p

[الوسم]

الصراحه شغل مرتب
مشاء لله عليكم تبارك الرحمن

[ريف النشاما]

الوسم

حياك الله وبارك فيك ومشكور على الزياره

وأشكر لك مرورك ونحن في انتضارك :confused: :)

[shaiae]

الحقيقة ياجماعه شفنا مادر بين ريف النشاما وابو سمح ولعل قصد ريف النشاما بهذا الاسم حتى يعرف الماخوذ حلال القوم وسلامتكم يا الربع

[shaiae]

حيا الله هصورة ياريف النشاما الضاهر انه في الشتا تجيب صور الربيع وفي الصيف تجيب صور الضبان

[براوي قديم]

كلااااااااااااااااااااااااااااااااااااااااام

[بــح ــر الــكــرم]

http://aljaazy.jeeran.com/fasss.gif
السلام عليكم ورحمة الله وبركاته
http://aljaazy.jeeran.com/fasss.gif
شكراً لك أخي الحبيب على
الموضوع الجميل والممتع
تحياتي لك
http://aljaazy.jeeran.com/fasss.gif

[الوسم]

تسسسسسسسسسسسسسسسسسسسسسسسسسلم يا ريف النشامى

[ملوع الخليان]

الله يعطيك الف عافية على هالصور الرائعة يا ريف النشاما وصراحة كبسة الضبان مسكته .
وأعجبتني جدا جدا نومة أبو فريال وشكله مانام طول الليل من البرد ودخله النعاس يوم حس بالدفى .

[ريف النشاما]

السلام عليكم ورحمة الله وبركاته

shaiae

الله يسلمك أخي الكريم على الزيارة ومادار بيني وبين السمح ماهو إلا عمى ألوان من إنعكاس أشعة القايلة على أطراف العيون عندما تبحر في النوازي لتحدد أهدافها الأرضية من العكيرات المتخبيه :)

أما الصيف واشتاء فهذا محل شفته بالنسيم :D

براوي قديم
وعليكم السلااااااااااااااااااام :)

السهلي

الله يحيك يارع الحفنه وكلها أيام وبتشوفنا حولكم :good:

الوسم
متى نشوف الوسم والحر قفى = والليل برد والمزن يجلى الألعاس



ملوع الخليان

حياك الله يابو صالح وتشرف الموضوع بزيارتك

ونحن تلاميذيك بهذا المجال

تحيتي للجميع ولكم مني صادق الود

[LAND CRUSER]

ماشاء الله عليه الفستقى هو للبيع شكله بينبت له دبل من كثر البراان واللى يسد اللزووم ويغنيك عن النااس هوو المبرووك لو انه حماار عرج الله يكرمكم ووننتضر مزيد من رحلات الفستقى المكووكيه والسلام ختام

[سلام المحبه]

يسلام .... يسلام ..... يسلام .... مشكور ياعزيزي ..... ريف النشاما .... متعتنا الله يمتعك بالصحه والعافيه وكل عام وانت بخير ..... ولك تحياتي واشواقي

[ريف النشاما]

السلام عليكم ورحمة الله
حياكم الله وبياكم وبارك فيكم

أهلا وسهلا بكم


وصدقت يالفكسار في كلامك

Land Cruser


سلام المحبه


تشرفنا بزيارتكم