وش الحل؟؟

[رياح الشرق1]

يا الربع عندنا استراحه وبا الشتويات يجيبون الشباب كوم ها الحطب ويرجدونه با الاستراحه والحطب غظا وارطا من النفود طبعا المهم صار يطلع منه حييا وحنشان انا ما شفته لكن العامل شافه وبعض اخويانا وصارن يا اخوان يطلعن با الحر برا الحطب با الشتاء كانن خامدات من البرد لكن يوم جا الحر صارن يطلعن برالحطب ويرجعنله ..والحطب يا اخوان غمورن مهي سهله وصعب شيله مو عل كثره لكن نخاف لو نشيله ان ها الدواب الي فيه يدخلن للاستراحه والبيوت القريبه غير كذا جبنا مره تونه وحطينا فيها سم ورميناه لكن ما الضاهر انه نفع لان يقولي العامل انه شاف الحنيش يقرب من التونه وشمها وبعدين خلها ما اكل منها ورجع للحطب..فا ما ادري وش الحل والي مر عليه مثل ها الشغله يفيدنا الله يجزاكم خير

[راعي طفات]

الحل انكم ترقونه للطاية = تضعون الحطب فوق غرف الاستراحة , لكن على كلامك إنه واجد وصعب شيلته

فعليكم بالقنافذ هاتو لكم كم قنفذ واجدعوهن بالحطب فهن العدو اللدود للثعابين , وإن تركتوهن فتراهن مايخالفن الي مايحارشهن

[رياح الشرق1]

الحل انكم ترقونه للطاية = تضعون الحطب فوق غرف الاستراحة , لكن على كلامك إنه واجد وصعب شيلته

فعليكم بالقنافذ هاتو لكم كم قنفذ واجدعوهن بالحطب فهن العدو اللدود للثعابين , وإن تركتوهن فتراهن مايخالفن الي مايحارشهن
الله يعطيك العافيه تصدق عاد ان ما طرا علي القنافد فعلا:good2: :good2: وانت صاتس انهن فعلا ما يقاشرن الا الي يقربلهن بس احيانا يخوك يقرب احد للحطب ولو با الخطا يحركله حطبه وتحتها شي لو ما قصده الداب او طفل يجي كذا ولا كذا الامر ما يخلى ..الله يعطيك العافيه

[عميد سامودة]

تبا الحل الصاحي اللي مجربه ولا يخش فالحطب ولا حنش
الا وهو الديزل كل اسبوعين رش ديزل على الحطب رش بسيط
بمشيئة الله ما تقرب الاستراحه لا حنشان ولا غيرها

[دامر الصيد]

الحل يا طويل العمر حط عند العامل شوزن وخله يرجدها والجيران كان سئلو قلهم طرطعان

[بريداوي اصليm]

الحل يا طويل العمر حط عند العامل شوزن وخله يرجدها والجيران كان سئلو قلهم طرطعان

هههههههههههههههههههههههههههههههههههههههههههههههه
الله يقطع أبليسك بس ههههههه

[بريداوي اصليm]

الحل أخوي أنك تملا الإستراحه قنافذ

[بن بريك]

سبحان الله وبحمده

[رياح الشرق1]

الحل يا طويل العمر حط عند العامل شوزن وخله يرجدها والجيران كان سئلو قلهم طرطعان
حنا ليتنا نشوفهن يطلعن فجاه وبسرعه يرجعن ولا مو مشكله الشوزن نرميهن لو نشوفهن ...الضاهر ما في الا القنافد بس يا الربع يقولون في سم زين لهن ما ادري الي جربه يردلنا الله يجزاكم خير

[guns]

احفر لك برميل وخلة مساوي الارض وحط فية شحم ولا لحم

عشان يطيح في وسط البرميل

واذا تبيها تطلع وانت موجود

جيب قرن وشب فية النار حتى يدخن وارمة تحت الحطب

[رياح الشرق1]

احفر لك برميل وخلة مساوي الارض وحط فية شحم ولا لحم

عشان يطيح في وسط البرميل

واذا تبيها تطلع وانت موجود

جيب قرن وشب فية النار حتى يدخن وارمة تحت الحطب

الله يعطيك العافيه الينه حل ممتاز :good2: :good2: وفعلا سمعت فيه قبل كذا بس ابي اسالك وشو القرن القرن ما غيره قرن الطلي او التيس واشب فيه واذا دخن ارميه با الحطب ويطلعن على طول من الحطب انت مجربها..تحياتي

[guns]

رياح الشرق

يعافيك ربي

ماغيرة قرن تيس

اي نعم مجربة في غرفة طعام الغنم الله يعزكم

بس ترا ريحته قوية الله يعينك عليها

واذا حطبك واجد استخدم اكثر من قرن

والله يخلصك منها

ونتظر شو يصير معاك

[اخو سعود]

تبي الراي
رش الديزل

[الرويضة اون لاين]

شب فية..!

انا شاري لي عايدي حطب ودخل فية قطو موذي وشبيت فية

[ABU SALEM]

عليك بالديزل رش ديار ما دار عليه وان شاء الله تروح

[صقر الحراملة]

شف لك قوارير صحة فاضية و اقطعها من النص و حط فيها حلتيت مطحون و كت عليه ماء و فرق القوارير على حدود الاستراحة
و كل فترة و فترة عب القوارير ماء عشان تفوح ريحة الحلتيت
و معروف ان الديبان بشكل عام ما تداني ريحة الحلتيت و لا تقرب من المكان اللي فيه حلتيت
أتمنى أن أكون أفدتك
و تقبل تحياتي
أخوك
صقر الحراملة

[منقذ]

حط ديزل على حدود الحطب وخل نفذه بسيطه فيها برميل مساوي لوجه الارض
حتى تخرج عن طريقه وتظطر انها تجي للبرميل وفي وسط البرميل افخر انواع التونة
ولها قوة جذب قوية
وتبي تشوف النتيجة بس الصبر
ارقة تحية ولاتنسى المعوذات والورد اليومي انت والى في الاستراحة كلهم