يأهل الخبره ابي لي طير ..

[نسيت أنساكـ]

السلام عليكم ورحمه الله
اسعد الله ايامك منسوبي المنتدى النشاما
كيفكم

انا مغرب بصقوور لدرجه أني أحلم فيه في النوم
وأبي لي حر طلاع صايد
وكيف اعرف عمر الطير
واللي عنده للبيع يقولي وما ادري لو احط وسيله اتصال بي هنا كجوال او غيره عادي او لا

انتظركم يانشاما

[رســــــلان الوجه]

حياك الله أخوي


تلقا مطلوبك بخيمة الصيد بالصقور
على الرابط
http://www.mekshat.com/vb/forumdisplay.php?f=97

[قناص 606]

انشاء الله يفيدونك اخواني في خيمة الصقور

[وراد.]

الله يرزقك انشاء الله

[ابو فهاد0]

اخوي الله يرزقك باللي تبيه وينولك مبتغاك
بس لاحظت انا عليك بانك نقزت نقزة قويه على طول حر صايد و طلاع اخوي خذلك شيهانه او وكري تتعلم عليها وتحسن الصقارة بها ثم خذلك اللي تبيه
والله يرزقنا وياك بالحر النادر

[عبدالله فارس]

الله يرزقك

[أبو خاااالد]

الله يناولك مبتغاك

[falcon 1]

مرحبا بك اخوي ..انا مع اخوي بو فهاد...نقزت نقزة كبييرة ومثل ما قال اخذلك شيهانه او وكرية وتعلم عليها لييين تقول بس ابيي حر..واخذلك الطير الي بخاطرك ..الله يرزقك ويرزق الجميع بالنادر الابيض

اخوك فالكن 1

[ابوسمرى]

اخوي الله يرزقك باللي تبيه وينولك مبتغاك
بس لاحظت انا عليك بانك نقزت نقزة قويه على طول حر صايد و طلاع اخوي خذلك شيهانه او وكري تتعلم عليها وتحسن الصقارة بها ثم خذلك اللي تبيه
والله يرزقنا وياك بالحر النادر
انا مع ابو فهاد..

[عابر الموج]

حياك الله والله يرزقك بالطير الي ينومس بالنسبه للطير الطلاع كل صقر طلاع يختلف عن الصقر الاخر فيه صقر مايتعدى طلعه النص كيلو وفيه صقر يطلع على مسافه ماتتوقعها اما فيما يتعلق بمعرفة عمر الصقر بالنسبه للفرخ والبكر لاتوجد مشكله في معرفة عمر الصقر وحتى قرناس خامس ولكن اذا تعدا قرناس سابع اوثامن لابد من صقار له خبره طويله في الصقاره وممكن يخطي ويصيب في تقديره لعمر الصقر بالنسبه لي ومااكتسبته من خبره من رجال مثلك وشرواك اقدر عمر الصقر من كفوفه ومنخر الصقر ارجو اني افدتك وتقبل مروري

[BOOOOOOMMMMMM]

الله يرزقك بالطير الطيب