أستفتاء أيهما تفضل بالبر الجيوب القديمه والا الجيوب الجديده ؟ ولماذااا؟

[مخاوي العشه]

بسم الله الرحمن الرحيم

السلام عليكم ورحمة الله وبركاته
كيف الحال عساكم بخير

أيهما تفضل بالبر الجيوب القديمه والا الجيوب الجديده ؟ ولماذااا؟

والسلام عليكم ورحمة الله وبركاته

[لاتكب البيالة]

كلهن بس هو يحصل جيب

[hhahh]

والله القديم اعطاله خفيفه وسهله تلقى لها حل احيانا وعزمه ضعيف شوي

اما الجديد اعطاله احيانا صعبه شوي ماتلقا لها حل وعزمه ممتاز

وجهة نظر

[الوايلي...501]

القديم تكرفه ولا تتحسف عليه
الجديد تكرفه ويدك على قلبك

[ولد الغلباء]

افضل الجديد عزم وراحه ولاتخاف يخرب بك بعيد والقديم ماعليه

[القناص20.20]

ولله يا طول العمر الجديد مهو حول القدم الجديد اقوى وريح بس عيبهن الحين الحجم قامو يكبرونه صار كنه جمس يعني اذا كنت صقار يصير ثقل في الطرد القصد يعني حجم الموتر مش العزم العزم طياره ام الاول خفيف حجمه بس العزم لك عليه وانا اايد كلام الوايلي قديم اكرفه ولا يهمك اما الجديد اذا ظرب المطب كنه يظرب في القلب تقول عساه ما يتفكك

[الاستراتيجي09]

سبحان الله ...طبع في بني ادم يحب كل فاني ....اقول الجديد أحسن من كل جهه من وجهه نظري

[طربان على صوت]

:eek:
كلهن بس هو يحصل جيب

:good2: ايييييييييه متى بس

[عبدالعزيز بن احمد]

الا القديم القديم كسر على كيفك ماتحسف طامر به مطامر الين يلين راسك وذا قضيت وطاح اللي براسك بعه وشتر الموتر اللي تبي .....آسف على الاطاله

[ذيب زلفاوي]

بالتايوتا القديم اقوى واصبر من الجديد طبعا بخاخ من 97 وتحت
اما النيسان القديم صبور وقوي بس الفتك غطا عليه بالقوه مو بالصبر

[ابو وافي 444]

انا والحمد لله عندي جيبين

واحد جيب سفر وعائلة (باثفندر) مثلك عارف ما تبي تاخذ اهلك للبر بقرنبع تتوهق بهم

الثاني جيب مقانيص وكشتات وتطعيس ووناسه :) ( طبعا عشة ) يا مخاوي العشة

واقتناء مثل هالمفخره "بعيني طبعا" كان حلم الطفوله والحمد لله حققناه ...كنت انتظر راعيه يبيعه لأكثر من 10 سنوات والحمد لله اكرفه ولا اتحسف ولا اخاف من الخراب. وهذا سر اعجابي فيه

دمت بود

[شمالات نجد]

القديم ازين بس وين النظيف

سلام

[مدمن فتك]

الجديد ابرك عزم واحلى مواصفات لكت القديم اقل خراب واصبر

[سفاري959]

من ناحيه القوه والمواصفات والفخامه الجديد اما من ناحيه الجوده والصبر القديم ومن وجه نظري ولا احد يزعل الى 97 افضل صناعه اذا تبون الزبده اذا كنت راعي بر دايم والا مقناص عليك بالقديم اما طلعات خفيفه وخطوط اكيد الجديد احسن تحياتي للجميع

[معاند الشوق11]

والقديم العن ابو الطيب فيهن مايقول اح اما الجديد يعور القلب والقطع نار وانا ايد من موديل 95إلى 97 هذولا افضل شي في جيوب البر

[عاشق الفتك 20]

والله سفاري97 اقو عزم ويتحمل وماا يقوول اح اكرفه

[قناص*07]

العشه يسمونه بتبوك العنكبوت لانه يتشبط تشبط ولا يحفر لان عزمه ضعيف وهذا افضل في بعض المناطق الجبليه.
اما المناطق المنبسطه فالـ 24 بالف افضل وهو من م 92 الى 98 والجديد ما يتحمل مطامر وطرد وخاصه بالجرفه لان السسته تحمل على الياي الامامي ويدنقس بخشمه على قدام وقد ينقلب على وجهه.

هذا من باب تجربه

[مخاوي العشه]

الله يجزاكم خير على المرور الطيب
ونا أحترم أرائكم

بالتوفيق