نبي نصيحه : بالشيروكي

[هاوي مقناص]

السلام عليكم ورحمة الله وبركاته00 وبعد00

حيالله الربع اللى هني وحشتوني جميعااااااااااااااا ، وانا اسف على الغيبه لانى كنت مسافر 0


ابى اتوكل على الله واشترى شيروكي ان شاء الله من موديل 91 او92 ،للقنص انشاء الله، وهل تنصحوني

به، حيث انني اسرع بالبر لطرد الصيد 0 :) :) وشلون قطع غياره زينه رخيصه والا لا :(

حيث اننى غير موظف والله كريم بعباده 0


وشكرااااااااااااااااااااااا لكمممممممممممممم جميعااااااااااا
مع خالص تحياتي واشواقي لكم 0

[حجلون]

السلام عليكم ورحمه الله وبركاته
شوف يااخي الكريم انا مجرب السياره وماكل فيها مقلب وانت بكيفك
اذا تبي نصيحتي لا تشتريه وبعدين قطع غياره غاليه مو اي مهندس يصلحه لازم توديه الشركه تسويله صيانه بعدين يتهربد بسرعه ومديل واحد او اثنين وتسعين قديم

واذا تبي تشتري واحد خذ واحد اجدد من الي تبي تشتريه يعني فوق ال95

واحسن مافيه انو مريح وقوي ومثل السياره الصغيره
بس مالك الى تايوتا حتى لا جيت تبيعه كل من يشتريه وما ينقص من سعره شي كثير واذا تبي نصيحتي خذ تايوتا بيك اب فيبر بس حيكون غالي شوي ولا راح تندم شوفه في ذا الموقع ثالث صوره

http://www.abuharon.com/shas2.htm

[راعي عنيزة]

اولا موديل 91 قديم وبيذبحك بقطع الغيار

ثانيا :حساس و قطع غيار نار

ثالثا : قطع غيار غير متوفره واذا صرت معزم وابلشت الوكاله يطلبون لك القطعه من امريكا !!

رابعا : الشيروكي ماله ميزه الا في الرمل والتطعيس واذا مالك فيهم نصيحه لا تقربه

[الشيخ]

بصراحة جربت القديم مع ولد عمي دايم اقنص معه كان عنده 93 وباعه وشرى موديل 96 طبعا الجديد احسن من الي قبله لكن مهما كان يعتمد على استعمالك له وانا جربت الجديد 2001 بصراحة ممتاز بس انا يدي خفيفة عليه واعتني فيه بصورة مستمرة لانه سيارتي الخاصة ماهو بس للبر

[السرحان]

كان ودك كل يوم أتصبح بالخير على الورشه
ولك خلق وفلوسك واجده....... خذه

[هاوي مقناص]

السلام عليكم 0

اشكركم من كل قلبي يا حجلون ، راعي عنيزه ،الشيخ ، والسرحان لانكم افدتونا الله يجزاكم كل خير ، وانااااا غيرت رآي انشاء الله اني باخذ سفاري من طراز 91 ونوع كركم الله ينسمي سلوقي ، اي مرتفع عن الارض، ان شاء الله ، ومشكورين على النصحيه0


:redcar

ودمتم :good:

مع تحياتي : اخوكم هاوي مقناص 0

[قــنــاص]

اسمحولي ياشباب على الكلام الي باقوله
ان اغلب كلامكم غلط بغلط ليه
لان عند اخوي موديل 94 ودايم نطلع نصيد عليه من زمااان ولاقد خرب علينا
مثل ماانتوا ذكرتوا بس الشيروكي فيه مشكله وحده وهي الحراره بس ماقد تعدت معنا الحراره النص والمثل يقول( اسال مجرب ولا تسال طبيب )

تقبل تحياتي___
قـــــاهــــــر الــــصــــحــــــراء
~~~~~~~~~~~~~~~~~~~~~~~~~~~~~~~


http://alamassayarrat.com/images/model-pics/usa/02_hamm.jpg
~~~~~~~~~~~~~~~~~~~~~~~~~~~~~~~

[سيف السيف1]

أهلين وسهلين بالأخوان كلهم قرأت جميع أرائكم بالنسبة للشيروكي بعضها صحيح وبعضها غير صحيح شوف اخوي الناس تختلف في الاتجاها والميول بالنسبة للقيادة بعض الناس لو يصير معه طيارة غـرز,,, وتبهذ لت أنت وياه رجع قدم أخيراً نسم... شوف اذا كنت تبغى تتمتع في القيادة خاصة في الصحراء اشتر شيروكي لكن هاه لاتشتري مديل 90, أو,92 ملعـوب فيه تفحيط وتطعيس وهلم جرأ وتقول الشيروكي ماهو زين ؟ نصيحة اخـو اذا بغيت تشتري من مديل 99 فما فوق ,,, وبالنسبة للحرارة مثل ما قال اخونا قاهر الصحراء تصل النصف عادية جداً ,,, وبعدين قبل ما تشتري أبيك اتجــرب شــيروكي وتعطيه النار في نمرة واحد واثنين وعليك الحساب:D

[راعي الحمره]

وعليكم السلام ورحمت الله وبركاته


اما على الشروكي انا شريت اثنين الاول 93 والثاني 96 يا اخي الجيب هذا عجيب ما استغني عنه اما على قطع غياره خل يسمحولي الشباب فهي رخيصه اذا تبي تقارنه بالياباني تطلعلك قطع غياره بلاش اذا قارنته بالياباني , والسكراب متروس قطع غيار يعني مثلا ً مكينته بالسكراب من 150 الى 200 مع التركيب والبدل اما القير اذا كان عادي من 150 الى 200 مع التركيب والبككس مثل الشي واما على تصليحه فهو سهل جداً بالنسبه للياباني , بس فيه عيب وهو القاردن دايم يفلت اذا غشيته يعني لازم تحط سلسله .

مع تحيات اخوك راعي الحمره

[مروق السيارات]

احسن مافي الشروكي انه يطعس
2_ وحلو لشباب

[دوج رام 98]

الشروكي إذا كان نظيف
توكل على الله :D

[أبو راشد 33]

الشروكي إذا كان نظيف
توكل على الله :D
حبيبي الموضوع قبل 11 سنة صباح الفل :D

[سوبر VTC]

الله بالخير

[دحيم الفزعة]

ههههههههههههه

أتوقع راعي الموضوع توظف وتزوج وجاه عيال وأعرسو

[راشد فهد]

هههههههههههههههههه

والله يااني ضحكت ضحك مامر علي من سنين , والعجيب ان هالمنتدى صامد على مر السنين ,

بس ودنا نعرف الرجال شرا الجيب ولا ماشراه هههههههه

[2475]

شكله توظف وشرا جيب تويوتا بدال الشروكي :D

[شمس المغيب]

ههههههههههه

بعد السنين هذا
ياصاحب الموضوع عطنى علومك عساك بخيير ان شاء الله

[مولع البر 1]

تبي نصيحتي لاتشتريهه لانه كل شوي الكهرباء عله كان مع اخوي

[راعي الرود]

تبي نصيحتي لاتشتريهه لانه كل شوي الكهرباء عله كان مع اخوي


الرجال امداه جمع و طق جيب لكزس :D

[رسيس نجد]

الله يجعل اعمارنا في طاعته 0