متى يجب تغيير زيت المحرك ؟..

[eameh]

السلام عليكم ورحمة الله وبركاته يا اخوان حبيت اطرح عليكم هالسؤال بغيت اعرف فيه متى يجب تغيير زيت المحرك ؟ ومتى انت تغير زيت محرك سيارتك وفلتر الزيت ؟

[1231]

كل سياره تختلف عن الثانيه عندك الكتلوج بدرج السياره .


واتوقع الطبيعي كل 5 الف كيلو تغير زيت وفلتر.

لانك اذا غيرت زيت بدون فلتر كانك ماغيرت.


ويفيدونك الاعضاء اكثر.

[برايدوي عنيد]

هلا اخوووووووووي .............

بالنسبه لي انا اغير تقريبا كل 5000 كم مره سيفون ومره مع سيفون لا والحين اببداء

اغير كل4000كم علشان الحر وعلشان راعي تردد كل اسبوع ..

واهم شي تناظر لزوجه الزيت وكلن له رااي لكن انت نااظر اللي يناسبك .

تقبل مروري ...

[eameh]

اخواني 1231 و برايدوي عنيد .... شاكر لكم مروركم وردودكم :good2:

[لن أمل من العطاء]

شوف ياخي
هي المسالة لها عندة عوامل مؤثره

يعني شخصين يمشون 5000 كم في الشهر واحد خطوط وواحد داخل المدينه تجد بينهم فرق كبير

نوع المحرك نوع الزيت كلها تاثر

عندي ونيت الميتسوبيشي 6 سلندر اغيره كل 6 الاف تقريبا الترا 7
هايلوكس غمارة 2006 كنت كل 7 الاف الى ان مشى 100 الف كم الان ما اغيره الا كل 20 الف نعم 20 الف كم الترا 7 وما شاء الله ما شيء اكثر من 300 الف
جمس 99 محرك 454 اغيره كل 8 شهور تقريبا الترا 7 ما امشيه الا قليل يعني خلال 8 شهور ما يتعدى 5 الاف كم

نرجع للونيت الغمارة 2006

امشيه في اليوم لا يقل عن 250 كم يعني لازم كل 20 يوم اغير الزيت يعني عند 5 الاف كم
طيب خلال مسافة 300 الف كم احتاج اغيره 60 مره كل مره بقيمة 100 ريال

والحمد لله امس غيرت زيتها بمناسبة الراتب وحنيت عليها والا كنت باجلها للشهر الجاي والحمد لله ناقص علبه واحده فقط

اسف للاطالة

[معهم]

بالنسبة لي اغيرة كل شهر زيت وسيفون لأن السيارة خلال الشهر تمشي 6000 تقريباً

[AHH]

5000 كلم مع الفلتر كل مرة

[بعيد الهقاوي6]

حسب مواصفات الزيت

10-30 يحتاج للتغيير كل 5 الاف كم

20-50 يحتاج للتغيير كل 3 الاف كم

[asdali]

كل سياره تختلف عن الثانيه عندك الكتلوج بدرج السياره .


واتوقع الطبيعي كل 5 الف كيلو تغير زيت وفلتر.

لانك اذا غيرت زيت بدون فلتر كانك ماغيرت.


ويفيدونك الاعضاء اكثر.

هذا الكلام الصحيح وكثير من الناس يغير الزيت بس بدون الفلتر ونسى ان الفلتر يحوي زيت منتهي ورايش ممكن في اي لحظة يسكر طرمبة الزيت وتخبط المكينة

[asdali]

اغير كل شهر زيت وفلتر كل شهر اقطع 5000 الى 5500 كم والحمدلله كل شي اوكيه

[شاص2006]

انا اغير الزيت كل 2500 الى 3000 والسيفون كل 15000

[بروق ساق]

أنا أغير الزيت كل 4000 مع السيفون
نوع الزيت سوبر جي تي

[سيد القصر]

من 5000 الى 7000 وغير معه السيفون

[برق بريده]

انا اغير الزيت تقريبا مابين 3500/ 5000 كم خلال الصيف بدون خطوط
اما الشتاء مابين 4500 / 6000 بدون خطوط ايضا
ونوعية الزيت تفرق يااخوان

[عاشق المطاريش]

<?xml version="1.0" encoding="windows-1256"?>
<message><![CDATA[مثل ما تفضلو الاخوان قبلي على حسب مشي الموتر داخل المدينه او خطوط الافضل واللي انا اسويه كل 6000 ك والتغييره الثالثه مع السيفون والله الموفق .]]></message>

[عاشق البترول]

وعليكم السلاام ورحمه الله وبركاته :)
والله انا يا اخوي الكريم ابدله كل 5000 زيت وفلتر
صيف ولا شتاء على ال5000 وماتفرق سواء كنت ماسك خطوط او لا
المهم انه كل 5000 ابدل :)
تقبل مروري ...:)

[المدندن]

طيب هل لزيت مكينة السيارة عمر إفتراضي؟ يعني بعض السيارات ممكن ما تمشي الا 2000كيلو فقط خلال ستة اشهر فبالتالي هل لابد من تغييره ؟
بعباره اخرى هل يجب تغييره كل 5000كيلو تقريبا أو كل 5 اشهر (على سبيل المثال) ايهما يسبق اولا ؟

[asdali]

طيب هل لزيت مكينة السيارة عمر إفتراضي؟ يعني بعض السيارات ممكن ما تمشي الا 2000كيلو فقط خلال ستة اشهر فبالتالي هل لابد من تغييره ؟
بعباره اخرى هل يجب تغييره كل 5000كيلو تقريبا أو كل 5 اشهر (على سبيل المثال) ايهما يسبق اولا ؟


جميع كتيبات دليل المالك تنصح باستبدال الزيت بعد 5000 كم او 6 شهور ايهما يأتي اولا

المعنى لو كنت مغير الزيت وخليت السيارة واقفة 6 شهور ولا حركتها ابد فلازم تغير الزيت لانه الخواص اللي فيه تضعف او تنعدم .

[المساهر]

انا اغيره كل 3000كم زيت وفلتر

[المساجدي]

اغيرة كل 5000 او 6000 بالكثير مع الفلتر

نوع الزيت حسب نوع السيارة

للباترول الفتك الترا 7

وللاندكروزر زيت تيوتا

وللأرمادا كاسترول جتي

[دغيم1]

السلام عليكم ورحمة الله وبركاته
حياك الله أخوي
تغيير الزيت يختلف باختلاف نوعية الزيت والسيارة
وكذلك الإستخدام
فكل نوع من أنواع السيارات تجد في دليل المستخدم
مايفيد باستخدام الزيت الأمثل والنوعية والمواصفات
تقبل تحياتي

[جبل طارق99]

اغير كل 5000 كم زيت مع سيفون
نوع الزيت موتر كرفت

[mds99922]

أنا أغير الزيت في عز الحر على 2500كيلو وفي الشتاء 3200كيلو ومره فلتر ومره بدون سيارتي باترول نيسان وصار ماشي 300000 والحمد لله المكينه ماتقلب الزيت والقير أشيك عليه كل 35000كيلو اشيك على اللزوجه او اذا كان ناقص وعلى فكره التشحيم للسياره ضروري العمود والصليبات خصوصا وقت الامطار وعز الحر

[eameh]

شاكر مروركم وردودكم افدتونا وجزى الله خيرا كل ما شارك ونصح

[هلي--2007--]

شوف ياخي
هي المسالة لها عندة عوامل مؤثره

يعني شخصين يمشون 5000 كم في الشهر واحد خطوط وواحد داخل المدينه تجد بينهم فرق كبير

نوع المحرك نوع الزيت كلها تاثر

عندي ونيت الميتسوبيشي 6 سلندر اغيره كل 6 الاف تقريبا الترا 7
هايلوكس غمارة 2006 كنت كل 7 الاف الى ان مشى 100 الف كم الان ما اغيره الا كل 20 الف نعم 20 الف كم الترا 7 وما شاء الله ما شيء اكثر من 300 الف
جمس 99 محرك 454 اغيره كل 8 شهور تقريبا الترا 7 ما امشيه الا قليل يعني خلال 8 شهور ما يتعدى 5 الاف كم

نرجع للونيت الغمارة 2006

امشيه في اليوم لا يقل عن 250 كم يعني لازم كل 20 يوم اغير الزيت يعني عند 5 الاف كم
طيب خلال مسافة 300 الف كم احتاج اغيره 60 مره كل مره بقيمة 100 ريال

والحمد لله امس غيرت زيتها بمناسبة الراتب وحنيت عليها والا كنت باجلها للشهر الجاي والحمد لله ناقص علبه واحده فقط

اسف للاطالة
طيب سؤال الله لا يهينك وش نوع الزيت الي تستخدم في الهايلوكس ونوع البنزين

[twts]

الانسب والاسلم وحسب ارشادات ونصائح ( وكالات السيارات ) تقريبا في السعودية

كل 5000 ومع السيفون

[ولد وايل..]

على حسب إستخدامك...

انا امسك بالموتر خطوط وكل 5000 اغير الزيت والفلتر معه ...

بالحر ما ازيد عن كذا

والشتاء اخليه الى 6000 -8000 ما يقول شي

الآن الموتر ماشي حول 200000 ما قال شي لا ينقص ولا يسود

ماشاء الله تبارك الله...

[المعشني]

كل 5 آلاف غير الزيت والفلتر
وكل 20 ألف غير الزيت والفلتر والبلاكات
وكل 50 ألف غير الزيت والفلتر والبلاكات وزيت الجير
وكل 100 ألف غير الزيت والفلتر والبلاكات وزيت الجير وسير المكينة
هذا والله أعلم

[السكين2]

10000كم
واذا بالشتاء 15000كم مع الفلتر

[S . T . M]

انا تقريبا كل 6000-8000

زيت وسيفون <<<سوبر جي تي

[هواوي الشمال]

طيب سؤال الله لا يهينكم هل زيت الترا7 مناسب للسيارات الصغيره مثل الاكسنت او الافيو ام ثقيله عليها ؟ ومالزيت المناسب لها ؟

[برق بريده]

طيب سؤال الله لا يهينكم هل زيت الترا7 مناسب للسيارات الصغيره مثل الاكسنت او الافيو ام ثقيله عليها ؟ ومالزيت المناسب لها ؟


الترا 7 اتوقع مناسب لجميع السيارات

وقريت واحد يقول زيت تايوتا زين بس مشكلته خفيف يعني مايصلح للمشي الواجد

[ساري 111]

اغير كل 8000 الى 11000 مع السيفون

الزيت سوبر جي تي