عاجل تكفووون يا اهل الخبرررررررررهـ سفاري ؟؟؟؟؟؟؟

[سهم ملتهب]

السلام عليكم ورحمة الله وبركاته
اخباركم
شباب تكفوووووون ابي ارفع الموتر شوي لانه احس انه نازل وقريب من الارض
الجنط اللي فيه اظنه 15 وانشاء الله اني ابغير واركب 16 ولا 17 بس شوي مو الحين .
الموتر جيب باتروووووول ربع سفاري موديل 94 ابي اغير الياي والمساعدات
وش افضل ياي ومساعدت عشان ترفع الموتر ويطلع نصب على كيف كيفك لاني ماودي اركب كعكات وطبعاً لوتكرموووا ابي محل بيعهااا لاني ماعندي خلفية واناا من الرياض وشااااااكر ومقدر من رد علي وعبراني واهتم في موضوعي من الاعضاء او المشرفين وشكرررررررررراً

[سهم ملتهب]

للرفع للاهمية وشكررررررررراً وانا ترى بإنتظاركم ومتابع للموضوع بحرص لاني ابي اخذ رايكم ومشورتكم قبل اسوي اي شي .
وتقبلوااااااا فائق احترامي وتقدري ,,,,

[الهيلا 511]

وعليكم السلام ورحمة الله وبركاته

اخوي انا معي نفس موترك ورفعته على كعكات 3سم وارتفع وطلع شكله زين

لاكن بعد فتره نزل

انصحك انك تشتري ياي استرالي من الرمايه الي في شارع المدينه ولا الي بالعليا

اما المساعد انا مركب مساعدات شاص 2000 والحمد لله ما قد شكيت منها


واي استفسار انا حاضر

[شطب]

عليكم السلام ورحمة الله وبركاته



بالنسبه لرفع الموتر


عند خيارين


الاول : بالون يحط وسط ياي البلد وينفخ بالهواء وترفعه وتنزله على كيفك بس مشكلته موب عملي لان فيه واحد من اخوياي مركبه وانشق ماكمل سنه مع انه مايطلع للبر الا قليل جداً لذلك ماانصحك فيه وانت على راحتك .



الثاني : يايات استراليه تحصلها عند الرمايه قدام وورا بالنسبه للي قدام اعتقد انها مقاس واحد بس والله اعلم

اما الخلفيه فيه 3 مقاسات تقريبا ركب المقاس اللي يناسبك مميزاتها لو تحمل ماينزل الموتر بسهوله

مادري عن سعرها بالضبط بس تقريبا 1100 الاماميه والخلفيه مع التركيب




اما المساعدات مالها دخل برفع الموتر



بس اذا كنت بتركب انصحك بمساعدات الشاص من موديل 2000 وفوق

او مساعدات استراليه اسمها مورونو لونها اصفر عمليه وسعرها معقوول وتحصلها عند أغلب محلات قطع الغيار .



أتمنى اني افدتك

وان شاء الله الشباب مايقصرون


بالتوفيق

[7044]

لا تبعد عن الياي الاسترالي ومساعدات الشاص
اذا كنت تبي تركبهن عند الرمايه فهر يرفعله لك ويوريك وش يبي يصير بعد التركيب
ومساعدات الشاص لتثبيت الموتر وشكراً

[البدايه]

كلام الشباب ميه الميه

مالك الا الياي الاسترالي لـ رفع الموتر .. تحصله عند الرماية واي ورشه يركبهن لك بـ 50 ريآل تزيد او تنقص

اما المساعدات مالها علاقه برفع الموتر .. موتري عليه مساعدات البلد ولا عمرهن خالفن

بس اللي اعرفه ان المساعد اللي لونه اصفر يمدحونه العالم هو ومساعد الشاص

[هاوي112]

مثل ما قالو الاخوان
لا تبعد عن الياي الاسترالي

[سهم ملتهب]

لبى قلوبكم جميع وماقصرتووووووووووووا كلكم واااسف اني خذيت من وقتكم ............
وبيض الله وجيهكم ولا هنتوووووووووووووا ..........

طيب شباب وش احسن مقاس الياي اللي عند الرماية تكفون لان واحد يقول ثلاث مقاسات ومدري وش احسنهم ..؟؟

[شطب]

طيب شباب وش احسن مقاس الياي اللي عند الرماية تكفون لان واحد يقول ثلاث مقاسات ومدري وش احسنهم ..؟؟




خذ المقاس اللي يناسبك



بس نصيحه كل ماصار الياي أقصر افضل للموتر هذا حسب خبرتي البسيطه


لانه لو زاد ارتفاع الياي بيصير العمود مشايز يعني مايصير مقابل للصليب مضبوط


وبيطلع لك اصوات مزعجه ويمكن يأثر على الموتر بالمستقبل


هذا اللي عندي وربي يوفقك

[سوبر VTC]

اذا ما تبي صرفية بنزين
ركب جنوط 15

اذا تبي نظرة للموتر ركب 16

و كل ماكبر الكفر زادت الصرفيه و ضعف العزم

الياي
اذا انت راعي حمل قش عزبه تانكي ركب ياي وسط
اذا انت منتب راعي حمل ركب رقم 1 اصغر شي
و كل مايكبر الياي يصير المطب عضل و قاسي
و انا ارى ان الكعكات تقوم بالواجب
لكن ضع في اعتبارك ان بعض مراكز الفحص الدوري
يسقطون الموتر اذا كنت مركب كعكات

المساعدات يركبون حقات مونرو لونه اصفر ال2 ب320ريال تقريبا و ضمان سنة
يركبونه راعين القنص و الصيد و زين للديرة و السفر
و ميزته يرسي الموتر بالخط ما يترجج يمين و يسار
ميزته مهب عضل و لا لين

[سهم ملتهب]

خذ المقاس اللي يناسبك





بس نصيحه كل ماصار الياي أقصر افضل للموتر هذا حسب خبرتي البسيطه




لانه لو زاد ارتفاع الياي بيصير العمود مشايز يعني مايصير مقابل للصليب مضبوط




وبيطلع لك اصوات مزعجه ويمكن يأثر على الموتر بالمستقبل

:good2:


هذا اللي عندي وربي يوفقك



مشكوووووووور ومقصرت يعطيك العافية ...........

[سهم ملتهب]

اذا ما تبي صرفية بنزين
ركب جنوط 15

اذا تبي نظرة للموتر ركب 16

و كل ماكبر الكفر زادت الصرفيه و ضعف العزم

الياي
اذا انت راعي حمل قش عزبه تانكي ركب ياي وسط
اذا انت منتب راعي حمل ركب رقم 1 اصغر شي
و كل مايكبر الياي يصير المطب عضل و قاسي
و انا ارى ان الكعكات تقوم بالواجب
لكن ضع في اعتبارك ان بعض مراكز الفحص الدوري
يسقطون الموتر اذا كنت مركب كعكات

المساعدات يركبون حقات مونرو لونه اصفر ال2 ب320ريال تقريبا و ضمان سنة
يركبونه راعين القنص و الصيد و زين للديرة و السفر
و ميزته يرسي الموتر بالخط ما يترجج يمين و يسار
ميزته مهب عضل و لا لين

اسمع يا قلبي عندي الجنط 15 وكفرات ااحس انهاا موعالية اظن انهاا 265 ماكسس على 70 حلوووو بس مدري تشووف ان الياي الوسط زين للموتر ولا لا بالنسبة للمساعد اللي ورى جبريل واللي قدام مدري اظن انه شد بلد لونه اسوووود واللي على اليسار منفقع طالع زيته وش رايك اغير اللي قدام وش لان لو غير واحد يمكن مايضبط زين يمكن لازم اغير الثنين بالنسبة للموتر احس ان الياي اللي ورى لين مرة مع المطبات احس انه يخبط مدري كيف اوصف لك اتوقع وصلت لك المعلومة وشاكر ومقدر لك .........:good2: :good2: :good2: :good2: :good2: :good:

[هويدي]

ركب مونرو امامي بـ 300 ريال وكيله بالصناعيه القديمه

والمطب الخلفي لين بسبب نزول الموتر ( المساعد منفعص :)

فمجرد ما ترفعه بيزين مطبه وانصحك ما ترفعه اكثر من 3 سم علشان العامود

وعلى طاري العامود موترك باب ولا صالون ؟

[سهم ملتهب]

موتري باب يا قلبي ربع وشاكر ومقدر مرورك

[سهم ملتهب]

بعدين شباب الله يعطيكم العافية ابي اعرف كم كيلووووو الياي تتحمل يعني افضل شي كم كيلو ؟؟؟؟؟؟؟؟؟؟؟؟؟؟؟؟؟

[هويدي]

200 كيلو مطبه حليو ولا ينزل واجد اذا حملت

وهو اللي مركبه على موتري بالتوقيع ارتفاع 3 سم :good2:

[ذيبان11]

السلام عليكم
يعطيكم العافيه /اما بالنسبه للجنط اكيد مايبيله نشده احذفه وخذلك جنط16ونا انصح بالأستراليه توني مركبها وحسيت بالفرق خفيفه وذربه وانتبه لاتاخذ جنوط السفاري الجديد التجاريه من2005وطالع توني حاذفها ثقيله ومساميرها تخرب على طول طق منها
امابخصوص الرفع خذ مساعدات الصفر تلقاها عند السليماني وكيلها بارياض مركبها انا صارلها سنه وزود الحمدلله مطبها حلو وثبات للسياره بالمطب مع السرعه ولايهما ثقل العزبه ماتنزل واجد وضيف ورا كعكه وكل شغلك تلقاه بالغرابي بارياض وسلامتك ارجو اني افدتك موتري اللي بتوقيع مطبق عليه

[حبل الوريد]

يا اخوي نصيحه لا تشقله خله على ماهوي عليه

بيبلشك صوت العمود ولا يروح الا اذا نزلت القير

[سهم ملتهب]

يعطيكم العافية بس شباب بالنسبه لتنزيل القير وش السوات فيه ؟

[التعـ King ـديل]

ركب يايات استراليه ارتفاع الوكاله طبعا هو نفس الارتفاع بس مع التركيب بتلاحظ ان الارتفاع زاد 2سم

والمساعدات ركب مساعدات شاص من 2000 وفوق

بالنسبه للكفرات والجنوط ركب جنوط استراليه او هلل مبرزه تجاريه واحرص على اللي قفاها اسود مع كفرات بالون 900

وركب فرارات سودا من السليماني بتلاحظ وقتها ان الموتر خفيف والصرفيه خفيفه

[سهم ملتهب]

يعطيكم العافية وجاري التركيب انشاء الله ودمتم ولو في اي إضافة علموني ......؟

[شاعر الكتمان]

سهم ملتهب ركب لك كعكه اذا انت ماتطلع واجد وريح بالك واحد من العيال كان زيك توه شاري واحد قلت له ركب كعكه وريح مخك ما يطلع واجد