ريحة القزاز بعد التركيب

[خوي السفر]

اخواني المكشاتية:
اول شيئ الله يديم الامن والامان في بلادنا والله يعطي ابو متعب طولت العمر في خدمة الاسلام والمسلمين اليوم اتم ابو متعب السنة الخامسة من البيعة الله يمتعة بالصحة والعافية

وثانياً جيب لكم طريقة للتخلص من رائحة صمغ القزار اللي يركب جديد عند محلات القزاز وهي بعد تركيب القزار مباشرة سواء رحت للبيت او اي مكن بس تكون السيارة تحت نظرك وهو انك تأخذ المبخرة حقت البيت او طاسة ( غضارة ) وتقوم بحرق ورق كيس الاسمنت في المدخنه او الطاسه لين تشب :hot:
ثم تطفئة على الفور ودخلها بالسيارة واطلع منها حفاظاً على صحتك من الدخنه لين تشوف السيارة مثل الضباب لمدة نصف ساعة على الاقل اهم شيء انك ماتخليها والعة
ملاحظة (يتم تقطيع الورق بحجم اليد )
:f ودمتم سالمين:f

[عارف الشمري]

عاد ليه ورق سمنت؟


الله يهديك وين الكمبوودي دور لك بخوور رخيص افضل واحلا؟


المعجون اسمه ( سلكون )

[رآعي شآص]

ليش ورق اسمنت بالذات

[عميد سامودة]

ريحة الصمغ افضل من ريحة ورق الاسمنت

[راعي الطلعات]

طيب حلو بس مو كأن رائحة ورق الاسمنت بتكون كذلك مزعجه هل يمكن استبداله بطيب او ببخور افظل

انا عانيت من رائحة الصمغ لمدة يومين حتى استخدمة علبة مثل علب التونه لكن علب معطره وافادتني الحمدلله

مثلا هذه
http://www.m1mall.biz/vb/imgcache/1527.imgcache (http://www.m1mall.biz/up/)

شكرا على الموضوع وبالتوفيق

[خوي السفر]

كلامكم حلو
بس لو ان العود الازرق يطير ريحة الصمغ مثل ما قلتوا والفواحة كان طير ريحة الدخان من السيارة لكن الطريقة هذا مجربه ولاتجلس ريحة ورق الاسمنت وازيدكم من الشعر بيت يطرد ريحة البوية من البيت مباشرة وماكانك توك راش بوية

[guns]

الله يرحمنا برحمته

ذكرتني يوم كنا صغار تحت الجدران ماعندنا غير لف في اوراق اكياس السمنت تقول مالبورو

راعي الطلعات عطاكم الحل

ريحتة قوية

وفيه علبة ثانية بس سائل مثل علبة ابوقوس يفوح فوح في السيارة

[برج المعيدي]

يامل العافيه ومنكم نستفيد
بغير القزاز عشان بفحص الموتر
وبنجرب هاطريقه
ونحكي لكم السالفه

[خوي السفر]

الاخوان اخذوا الموضوع بالمسخرة واحد يقول ريحة الصمغ احلى والثاني يلف سجاير الظاهر ان الموضوع حولتوه لوكر محششين الله المستعان لكن انا خبري في المكشاتية الفراسه وسرعة البديهه لكن الي يبي يجرب يجرب ماراح يكلفكم شي وترى اوراق الاسمنت بالشوارع ياكثرها وعند العماير وراح تشوفون النتيجة اما الاخوان اللي يطرطقون كلام في كلام ما اقول الا الله يهديكم .............

[التل الصامت]

مشكووور يا اخوي صاحب الموضوع وما قصرت والله يوفقك كانت مشكلة عندي وانت الله يوفقك جبت الحل وبنجرب ونرد خبر ان شاء الله والله يوفق الجميع

[خوي السفر]

هاه يالاخوان ما اعطيتوا للموضوع اهمية وش صار لكم عسى ما احرقتوا السيارات
ههههههههههههههههههه
ابي واحد جاد لهذا الموضوع
وفالكم طيب