المساعد الشخصي الرقمي

مشاهدة النسخة كاملة : يا اهل الخبره>>>>>>>>>>>>.


ابو حذيفه
09/06/2010, 06:29 PM
السلام عليكم

حبيت اسأل انا عندي جيب vxr2002اوتوماتيك وابغا اغيره الى عادي

كم بيكلفني وماهي القطع اللي لازم أبدلها

أنا سمعت أني لازم أبدل الراديتر + القير طبعاً


وهل بيضبط الموتر أم بيلعوزني بعد تغيير القير


وهل أجد كراجات أو محلات سكراب تاخذ قير الأوتوماتيك اللي

عندي وتعطني قير عادي


أنتظر ردود الطيبين
ولد وايل..
09/06/2010, 08:24 PM
ودي افيدك الله لكن ماعندي علم ...

أخبر قبل 6 سنوات تقريبا كان عندنا سفاري نيسان اوتو وقلبناه عادي وكلف 4 اللآف تقريبا...


بس صار الموتر مهبووووووووووول
المساجدي
09/06/2010, 08:40 PM
شف مدام التكلفة وصلت فوق ال8 الاف ولايندرى يضبط ولا لا
تبي شوري وانا اخوك بعه مثل ماهو شد بلد بيجيبلك قيمة حلوة وزد هالثمان الاف على قيمته وخذلك مستعمل نظيف قيره عادي شد بلد وبعد يمديك على موديل احدث خصوصا ال2003 وفوق اجمل من داخل
والراي لك
ابو حذيفه
09/06/2010, 08:47 PM
مشكورين على المرورررررررررررررر

اناا اوريد وانت توريد والله يفعل ما يوريد
ياوجودي
10/06/2010, 02:44 AM
أبو حذيفه عندي فكسآر قير عادي أبادلك بكل القطع اللي تحتاجها وانا أحاسب على شغل يد سيارتي وانت تحاسب على شغل يد سيارتك وش قلت؟؟

طبعا اذا كان القير تبعك نظيف ولافيه عيوب..
سوبر VTC
11/06/2010, 03:27 AM
ببريدة تحويل الباترول الفتك التماتيك الى قير عادي
تدفع او هو يدفع لك راعي الورشة 1500 ريال
بشرط نظافة القير التماتيك
لان قيمة قير الباترول تماتيك بالتشاليح تقريبا ب70000الاف
طبعا قير الباترول العادي استخدام ياباني تقريبا راكب ب2400ريال

و مقصودي من هالكلام
ان القير التماتيك لاي موتر و نوعية مطلوب بشدة
و في هذه الحالة اذا ادرت تغيير القير
اسال عن قيمة القير التماتيك بالتشاليح
+ اسال عن قيمة القير العادي
+ الاضافات مثل دعسة كلتش علبة كلتش..الخ
لانه احتمال انك ماتدفع و لا ريال
او تدفع حق بعض القطع او شغل اليد ربما
ابوخلف الحربي
11/06/2010, 04:48 AM
يرجال وش لك بعوار الراس ويمكن ما تضبط معك وتغامر بع موترك وزد عليه وخذ قير عادي نضيف