عــاجـل لأهـل الـجــيـوب

[واثق الخطوه-]

السلام عليكم ورحمة الله وبركاته


اليوم قمت الصبح ولقا موتري مكسوره قزازها وماخوذمنها آيكوم وماطور هواء ونظارتين شمسيه جعلها تفقع عيون اللي سارقها وتلبيسة القير علماً بأن كل الغراض ماكانت باينه في الغماره كنت موزيها وروح لم حقين القزاز اللي في الصناعيه القديمه ولقى جيبين كلهم سفاريات وانا موتري سفاري 2 موديل 2009 قلت بس اكيد حولي في الحاره وسال الاول قلت في السويدي قال نعم وسال الثاني قال نعم صارت عصابه في السويدي على حقين الجيوب حسبي الله عليهم


سؤالي/ هل السفاري 2 له انذار امان الحرامي فاتح كل البيبان ولا صاح الموتر ولو مافيه وش افضل امان للموتر لوه غالي اخاف تسرق السياره بكبرها ولا اقاها الا في قلايع وادرين

[ابوطاقية]

الله يعوضك والحمدلله ان السياره ماراحت بكبرها

بالنسبه للامان مافيه احلا من الكراج

[bloodomen]

الله يعوضك خير
عندي اكسبلورر 2005
قبل شهر نزلت جدة وتوي واصل جدة وقفت في شارع خالد بن الوليد ونزلت المحل
رجعت للسيارة بعد حوالي 10 دقائق لقيت الزجاج مكسور الخلفي ومسروق الجهاز المحمول مه انه مخفي مكان الله يكرمكم الأرجل خلف السائق والزجاج مضلل
تخيل على الشارع العام ووقت العصر
حسبي الله عليه
ايش هذه الجرأة ؟
واللي زعلني ايضا جهاز الانذار لم يعمل

[واثق الخطوه-]

الله يعوضك والحمدلله ان السياره ماراحت بكبرها

بالنسبه للامان مافيه احلا من الكراج

أخوك مستاجر دور علوي :(

[واثق الخطوه-]

الظاهر انهم متمرسين عيال الحرام ماينفع جهاز امان يلغونه

[ولد وايل..]

ودعها ربك...

وربك الحافظ منه العوض وعليه العوض...

وحسبي الله ونعم الوكيل...

لو اليدين تقص ما تجرؤا...


الله يعوضك

[قنآص زهرآن]

والله ياخي الواحد يدعي ربه بس ما يصير معه شي..ليته مثل السيكل نربط الجيب بسلسله بالكفر وارقد وانت آمن ههههههههههه

م اقول غير حسبي الله ونعم الوكيل والله يعوضك عما انسرق ويكفيك شرهم

[راعي الطلعات]

لا حولا ولا قوة الا بالله

الله يستر منهم

نصيحه يا اخوك استودع الله سيارتك كل يوم وياليت ما تنسى تبلغ الشرطة عنهم على الاقل

ويالتوفيق

[سالم محمد]

حسبي الله ونعم الوكيل

[الاستراتيجي09]

من امن العقوبه اساء الادب

[dr7004]

ياسيدي الله يعوضك الحرامية في كل مكان اول البارح سرقو حذيان اهلي وعيالي بالحرم ببيت الله تخيل اللي ما يخافون الله
الله المستعان
قول إن لله وإن إليه راجعون والله بيعوضك

[رياح الشرق1]

حسبنا الله ونعم الوكيل ...يا اخوان نصيحه انتبهو تحطون اي جهاز بسياره لان الكلاب ذولا معهم يقولون جهاز يمرره جنب السياره ويكشفله اذا في اجهزه داخل السياره مثل الاب توب او الجوال او ايكوم وحتى لو ما معهم جهاز يكشف لا شاف اي جهاز بسياره يغريه انه يكسر القزاز وياخذ الي با السياره

[bloodomen]

لا حولا ولا قوة الا بالله

الله يستر منهم

نصيحه يا اخوك استودع الله سيارتك كل يوم وياليت ما تنسى تبلغ الشرطة عنهم على الاقل

ويالتوفيق

مااقول غير الله يرحم والديك
كلامك صحيح وفعلا استودع الله سيارتك واهلك فهو خير حافظ


حسبنا الله ونعم الوكيل ...يا اخوان نصيحه انتبهو تحطون اي جهاز بسياره لان الكلاب ذولا معهم يقولون جهاز يمرره جنب السياره ويكشفله اذا في اجهزه داخل السياره مثل الاب توب او الجوال او ايكوم وحتى لو ما معهم جهاز يكشف لا شاف اي جهاز بسياره يغريه انه يكسر القزاز وياخذ الي با السياره

انا سمعت ايضا نفس الكلام انه معاهم جهاز الله لا يبارك فيهم
لكن الحمدلله انها راحت وجات على جهاز

[مروظ الخيل]

ودعها ربك...

وربك الحافظ منه العوض وعليه العوض...

وحسبي الله ونعم الوكيل...

(لو اليدين تقص ما تجرؤا...)


الله يعوضك
كلام من ذهب
ومن أمن العقوبه .....؟

[شمالات نجد]

حسبي الله ونعم الوكيل

بعد انت المفروض ما تخلي شي في السيارة ترا الدنيا تغيرت والمدن الكبيرة امتلت عصابات وزحمه وانسدت النفس :(

سلام

[mzarkash2000]

الله يعوضك خير ,,,,

[ابوالشيهانه.]

لا حولا ولا قوة الا بالله

الله يستر منهم

[واثق الخطوه-]

شكراً لجميع من تفاعل معي والله يجزاكم خير

بس ماجاوبتوعلى سؤالي/ هل الفتك له امان وانذار ولا مافيه لأني اذا قفلتها بالرموت تولع لمبه حمراء في الطبلون ولا حاطينها تمويه!!! واذا مافيه وش أفضل انذار امان

[سوبر مكشات]

ياجماعه
الخير

طلع جهاز
كبر الجوال
من4سنين

يشر عالسياره
ويطلع اللي فيها كله

مسجل كنود
محمول
جولات


والمشكله مب ذي المشكله
انهم يدورون بالمواقف
بصلاة الجمعه
او عند الجامعات

سيارة معها الجهاز وسيارة تسرق

المعهد الملكي

انسرقت 30 سياره قبل سنتين
بيوم واحد










ازين حل زاامن حل

واريح للبال
اذا كنت انت ماخذ احتياطك ومقفل السياره

قل يالله ان السيارة بوداعك


استودعتك الله الذي لاتضيع ودائعه ونم








موفقين

[سوبر VTC]

الله حسبيهم
و عسى الله يعوضك و الحمدلله على كل حال
فيه شريحة جوال تباع مع جهاز خاص مثل السكيورتي
يوضع في السيارة
مميزاته كثيرة منها تتصل على الشريحه و تسمع الاصوات اللي بداخل الموتر
لو احد عطيته موترك يعني تصنت
ايضا رفع النوافذ تشغيل الموتر تشغيل المكيف
تستطيع تحديد مكان الموتر
تستطيع اطفاء الموتر و هو يمشي بواسطة الجوال

[شمالات نجد]

شكراً لجميع من تفاعل معي والله يجزاكم خير

بس ماجاوبتوعلى سؤالي/ هل الفتك له امان وانذار ولا مافيه لأني اذا قفلتها بالرموت تولع لمبه حمراء في الطبلون ولا حاطينها تمويه!!! واذا مافيه وش أفضل انذار امان


يا أخوي اللمبة الحمرا اللي تشر الظاهر ما تخلي السيارة تشتغل الا بمفتاحها المبرمج حتى لو مع الحرامي مفتاح نفس السنه.

بالنسبة للإنذار الصوتي يكون موجود من الوكالة حسب فئة السيارة وأنت شف الكتلوج حق السيارة وإذا كان ما فيه رح للغرابي في الرياض واسأل هناك عدة أنواع

لكن من رأيي أنك ما تخلي شي في السيارة أفضل من جميع النواحي

ولا تنسى تقفل الاستبنه

سلام

[ftc]

كثرالسرق في السويدي الله يهديهم
قبل اسبوع سيارتين منكسره القزازه ومسروق الي في الداخل من جيرانا
الحرااااميه كثرووووو الله يستر علينا وعليكم من كل شرر

[كارديف]

هلا اخوي والله احزني اللي صار معاك مع انه احكام الشرع في السعودية صارمة ومخيفة لكن الحرامي يظل حرامي اخوي عندنا في الامارات اجهزة انذار للسيارات تصحي الفريج كامل اذا حد حاول يفتح السيارة غصب او يكسرها واسعارها مناسبة اذا عزمت خبرني وانا ارسلك جهاز وتركبه عندكم

[wlhan777]

يا أخوان انتبهوا ما فيه أمان لاتترك أي جهاز بسيارتك يقولون مع هؤلاء الحرامية جهاز يشير إلى الأجهزة ,أنا حصلت معي مرتين الله يهدي ضال المسلمين :
مرة لأجل لعبة أطفال ( قنبوي ),ومرة قبل شهر محمول وسيارتي جيب لكزس ,وفعلاَ لم يعمل الإنذار .
كل مرة يكسرون الزجاج وفي الشارع العام عند قهوة طريق العليا .
ملحوظة :جهازي كان فيه أوراق لبحوث مهمة راحت علي الله يخلف علي وعلى كل مسلم ويهدي كل مسلم سارق لو بس يحس مرة بحر السرقة ما سرق (اناطالب دراسات عليا تخيل الصدمة تفقد كم بحث في أسرع من دقيقة والقهر يرمى في الزبالة بأعصاب باردة ) .أظن هؤلاء قلوبهم ميتة .
لم يستشعروا قوله تعالى:(وقالوا ياويلنا مال هذا الكتاب لا يُغادر صغيرة ولا كبيرة إلا أحصاها ووجدوا ماعملوا حاضراًَ ولا يظلم ربُك أحدا).
( إن تاب أنا مسامحة بشرط مايفجع مسلم بعداليوم)

[wlhan777]

الصورة جاءت خطأ ارجو حذفها من قبل الإدارة وشكرا
في ماكتبته قبل قليل ,قبل الآية جزاكم الله خيرا.

[واثق الخطوه-]

هلا اخوي والله احزني اللي صار معاك مع انه احكام الشرع في السعودية صارمة ومخيفة لكن الحرامي يظل حرامي اخوي عندنا في الامارات اجهزة انذار للسيارات تصحي الفريج كامل اذا حد حاول يفتح السيارة غصب او يكسرها واسعارها مناسبة اذا عزمت خبرني وانا ارسلك جهاز وتركبه عندكم

يعطيك العافيه أخوي وشو النوع يمكن يكون عندنا في السعوديه فيه نوع عندنا لو تلمس البودي صاحت السياره هل هذا الجهاز الي تقول ؟

[التل الصامت]

الله يعينك يا اخوي صا حب الموضوع واصبر على ما جاك وتحمد ربك وعندي بعض الافكار او الملاحظات المفيدة للجميع

قبل قراءة المشاركة يجب قول ما شاء الله تبارك الله

1 - انه اذا كنت حريص لا تترك شي مهم في السيارة مهما كان كبير او صغير

2-عندك القزاز ضد الكسر بس انا ما جربت ويقال انه غالي جدا ولكن ينفع للي يترك اي شي في السيارة او يكون اتكالي يعني مشوار يشيل الاشياء معه او يفصل الاسلاك وهذة تنفع له والله يعين ما معه الا هذا الحل او يرقب سيارته 24ساعة والله يعينه

3-ومعروف انك في زمان اللصوص يرقبوا الناس ويلحقونهم الى عند بابهم وحصلت معي انا شخصيا والله المستان

4-اكثر اللصوص من اللي تركب معك من اصدقاء السوء او تلقى واحد في الطريق وتوصله ولا تعرف نواياه وهذه حصلت معي والله المستعان

5-واقول واشدد لا تترك اي شي مهم في السيارة حتى الاستبنة والله يعين الجميع على بلاويهم والله يعوضهم اللي راح وحسبنا الله عليهم وتقبل مشاركتي ومروري والله يحفظنا من شرهم اللي الواحد يشل هم سيارته وهو على المخدة والله المستعان .

[الربذي]

وعليكم السلام مايضيع اخوي باذن الله الي يروح بالدنيا تلقاه يوم لاينفع امال ولابنون
والحمد لله

[هويدي]

حسبي الله عليهم ونعم الوكيل

سرقوا الاستبنه والكنود قبل كم سنه

نصيحه اذا نزلت من موترك قل :

استودعتك الله اللذي لاتضيع ودائعه وربك بيحماه من اللي مايخافونه

[هويدي]

بس ماجاوبتوعلى سؤالي/ هل الفتك له امان وانذار ولا مافيه لأني اذا قفلتها بالرموت تولع لمبه حمراء في الطبلون ولا حاطينها تمويه!!!

اللمبه الحمرا يالغالي حقت السكورتي حق المفتاح مالها دخل بالانذار

مالك الا تركب انذار من الغرابي وتشبكه على البوري

[الستانس]

نصيحه اذا نزلت من موترك قل :

استودعتك الله اللذي لاتضيع ودائعه وربك بيحماه من اللي مايخافونه

احسنت القول