فورد اكسبلور سبورت تراك ( وانيت )

[جمهوري]

السلام عليكم ورحمة الله وبركاتة
اخواني فكر اشتري فورد اكسبلور سبورت تراك 2007 لئنه جيب وانيت غمرتين وحوض بتفس الوقت حسب رآيي بس المشكله انه ماشوفه بالطرق إلى قليل والشركه مانزلته في المعارض السؤال لمن لديه معلومه عنه هل هو عملي في البر،هل يوجد فيه سلبيات من المكينه او القير
حاولة انزل الصوره للموتر من النت بس ما نزلت على الموقع

الموتر فيه ميزات عديده لاتوجد بالوانيت الجمس او الشفر والعربانه تيوتا او نيسان

[شمالات نجد]

شفته مره وملاحظتي عليه أنه طامن ويظهر من بطنه ان استخدامه رياضي أكثر من أنه يكون مخصص للوعوره والتحميل الثقيل

سلام

[ملف علاقي]

اسدحو له صوره ياالربع خلو نشوف شكله ونحكم عليه

[ولد وايل..]

مثل هذا

http://aqarcity.org/up092/images/bfi1263208030w.jpg


http://www.jdpower.com/images/vehicles/jdpa/2008/Ford/ExplorerSportTrac/480/08-Ford-ExplorerSportTrac-F3411.jpg


الموتر مثل الإكسبلور العادي ولا يوجد فرق لكن المشكله بالشكل لك عليه...

وممكن قطع البدي ماتتوفر الا بالوكاله...

نصيحه خذ جيب افضل

[جمهوري]

[quote=شمالات نجد;4714469]شفته مره وملاحظتي عليه أنه طامن ويظهر من بطنه ان استخدامه رياضي أكثر من أنه يكون مخصص للوعوره والتحميل الثقيل

سلام[/quot
مشكور طال عمر على ملاحظتك

[جمهوري]

[quote=ملف علاقي;4714573]اسدحو له صوره ياالربع خلو نشوف شكله ونحكم عليه[/quo

ان شاء الله الاخوان ما يقصرون

[بواردي الدلم]

لا تشتريه لو بلاش

إذا جيت تبيعه ماراح تلقى له زبون

[جمهوري]

[quote=ولد وايل..;4714650]مثل هذا

http://aqarcity.org/up092/images/bfi1263208030w.jpg


http://www.jdpower.com/images/vehicles/jdpa/2008/Ford/ExplorerSportTrac/480/08-Ford-ExplorerSportTrac-F3411.jpg


الموتر مثل الإكسبلور العادي ولا يوجد فرق لكن المشكله بالشكل لك عليه...

وممكن قطع البدي ماتتوفر الا بالوكاله...

نصيحه خذ جيب افضل
-------------------------------------------
عندي سيارة عائليه بحاجة سياره للبر و الشكل صغير بالنسبه للونيت وممك يكون الانسب داخل الازدحام ومشكور على الرد والصور

[الوافي الشمري]

لا بالعكس السياااااره رائعه جدا وخدووووووومه انا معي وحده الحمدلله ما طلبت مني شي
اذا بغيت السياره بر في تماااااام انا جربته بالهافموووووووون قوووووووووووووولوووووووووو ماشاء الله رقيت طعس الهافموووون بدووووون تنسيييم :good2: وإذا بغيته بالديره فهي عمليه جدا وحجمه صغييير



وشكراً....:good2:

[((ابوملاك))]

^^^

بعيدا عن المجامله لموترك

فيه عيب الاول انه طامن مره

العيب الثاني الراديتر قريب من الارض يعني لو تصعد طعس وضرب الطعس اللوحه انشق عليك الراديتر

اقولك هالكلام من تجربه اخوي معه جيب ميركوري مونتينير وكلهم نفس الشئ اللهم ان هذا زودو به حوض

والتحميل مامن تحميل بس تشيل اشياء بسيطه

[سلكي نت]

السيارة اعجبتني شفتها من كذا شهر
لدرجة اني وقفت واخذت لها صور سرية :D:D:D
لكن خفت بسبب سمعت القير في الاكسبلورررررررررررررر
وانا ماجربت منها شيء ..... لكن زملائي مجربين واحدهم وظب قير ب 12000 بالوكالة مع انها تحت الضمان م 2008 والسبب لانه ما استمر على الصيانة
اليكم الصور:

http://store2.up-00.com/Jun11/IzK33841.jpg

http://store2.up-00.com/Jun11/hMx33841.jpg

http://store2.up-00.com/Jun11/Tcl33841.jpg

http://store2.up-00.com/Jun11/l5h33841.jpg

والله يبارك لصاحبها

[saalh123]

الموتر ممتاز
لكن تراه بيتوقف انتاجه هذا العام وسلامتك