تعويض الحوادث المرورية للسيارات (وأستشارة )

[فتى الوادي]

السلام عليكم ورحمة الله وبركاته ..
قدر الله علي وعلى سيارتي بأن صدمها أحد المفحطين المستهترين بأرواح وممتلكات المسلمين ...
المرور حمل المفحط الخطأ 100% سيارتي موديل 2000 جي اكس آر ....
والصدمة في الوجه ( الكبوت + الرفرف + الصدام + الدعامية + الكشافات + الرديترات + علبة الفيوزات + المراوح الأماية + الشبك + الأير باكات ... الخ الوجه الأمامي كامل )
وقدر شيخ المعارض فرق السيارة قبل وبعد الحادث ب 17000 ريال
وهي تقريبا سعر قطع الغيار وشغل اليد
الطرف المتسبب رفض التسعيرة بحجة ان قطع الغيار من (النهدي ) وهي غالية وأصلية كما يدعي
مع أن فيه فرق في السعر بين النهدي وبين وكالة تويوتا
أحضر الطرف الثاني تسعيرة لقطع الغيار تجارية مع فرق واضح في السعر ..
سؤالي هنا : هل نظام المرور يجبرني على قبول قطع الغيار التجارية ؟ وهل في نظام المرور ما ينص على ذلك ؟
وهل قطع الغيار عند النهدي أصلية أو فيها فرق عن الوكالة غير السعر ؟
وهل إذا طلبت تحويل المعاملة للمحكمة الشرعية للنظر في الموضوع أقدر أحصل على تعويض مناسب ؟
وهل إذا صلحت سيارتي بقطع غيار أصلية وشغل وكالة راح ينقص سعرها ؟ وهل يحق لي الممطالبة بفرق السعر بعد الإصلاح ؟
وهل الفصل في ذلك هو تقدير شيخ المعارض ؟
آمل أن أجد لديكم إجابات

[مدور الخيرة]

لا حول ولا قوة إلا بالله

أسأل الله العلي القدير أن يعوضك بالخير الكثير

لا علم لدي عن نظام المرور

ولكن من المؤسف جداً أن يكون شخص مستهتر عالة على المجتمع بأسره له الخيار في اختيار القطع الأصلية من التجارية


من المفترض والواجب أن يلزمه المرور بقطع أصلية لأن الحادث بأسره وقع من استهتار وتفحيط فيجب عليه تحمل نتيجة استهتاره , حتى يشعر بمرارة ماذاقه الغير من الضيم

[الشبل العجمي]

السلأم عليكم ورحمة الله وبركاتة

أخي العزيز المرور ماله أي تدخل في التسعيرات


أول شي يعطيك 3 تسعيرات ورش وفاتورة واحدة من قطع غيار سوى أصلية أو اذا حبيت تجارية شي راجع لكـ

أما شيخ المعارض ماله دخل في التسعيرة

واذا قام الطرف الثاني بالمماطلة يتحول لمحكمة شرعية

وتاخذ حقك على أكمل وجة

والحمد لله على السلأمة

[أبوعذااب707]

انا صدمني واحد والخطأ عليه 100%
وكانت السياره موديل سنتها مالها من طلعت من الوكاله الا 3 اسابيع
عطوني بعد المماطله التأمين 1800 قيمة سمكرة
وصلحتها بالوكاله ب 6000
والله يعوض علي

[البتار2011]

اخوي القطع لا زم تكون اصلية ..ولا تقبل ابدا بالتجارية ...مع العلم ان المحكمة ستحكم لك بالاصلي ...نصيحة اخوك لا تتنازل ابدا ...خله يتأدب

[الجاعد2005]

الحمد لله على السلامة
اخوي لاتتنازل عن حقك

[جآر الثريآ]

رح للمحكمه ولا تتنازل عن الحق ابدا

وخل اللي مايخاف ربه يتادب ويادب غيرة

[ريان السلطان]

تكفى لا تتنازل عن السربوتي

[الحربي الرياض]

لاتقبل بغيرر الاصلي
المرور يلززمه او يحولها للمحكمه
بتووفيق

[محمد الشاهر]

لاتتنازل ابد وخله يتادب هو واشكاله
والحمدلله على سلامتكم

[راكب الشفر]

كيف تجاري؟؟؟؟
الحين يصدمك ويقولك ليه تسعر قطع أصلية
والله من البجاحة اللي فيه
لا ترضى إلا بالأصلي
وان كان ولد ناس على قدهم حاول تخفف على أهله
وان كان من اللي منعم ربي عليهم لا تخليه

[كاشت وحداني]

من مصدر موثوق اتصلت عليه الان اثناء قراءتي للموضوع
ويقول القطع يتم تسعيرها اصلي وشغل اليد برا في الورش
.
اما بالنسبة للنهدي قطعه كلها ما تسوى وهو نفسه عند ردي واردى .

والله يعوض عليك

[رفيع المقآم]

يالغالي اسمع انا اكلمك وواثق من كل كلمه اقولها لك المهم القطع اصليه ومن حقك تاخذها اصليه واما شغل الورش جب تسعيره من 3 ورش وياخذ المرور السعر الاوسط يعني مثلا 100 و1500و2000 ياخذون 1500 الوسط فخمت ولك الحق اذا حولتها محكمه تاخذ فلوسك كامله ولا يدخل السجن لين يكمل الفلوس فهمت وبعدين ما تطالبه بفرق السعر هذا مقدر ومكتوب احمد ربك اذا صلح لك موترك قطع اصلي

[فتى الوادي]

بارك الله فيك اخواني الكرام ...
وأشكر لكم مروركم وردودكم ... والحمد لله على السلامة ..
انا طلبت تحويل المعاملة للمحكمة ..
وفعلا بعض الناس ما عندي حسن للتصرف .. والطرف الثاني يستخدم اسلوب غير جيد واسلوب استفزازي وتحدي ..
والله لو انه جاء باسلوب طيب ان اطرح له يمكن النصف .. لكن اسلوب الهمج هذا رفع ضغطي ..!
اكرر شكري وتقديري لكم مرة اخرى ..
وعسى الله يكتب لنا ولكم اللي فيه الخير ..

[moooj]

ما لك بعد الله الا المحكمة (لعل ) تلقى من يكفل حقك
شين وقوي عين والله القهر يفحط ويصدم السيارة لا ويحدد قطع الغيار والتعويض
الله لا يوفق عيال الحرام
الطاسة ضايعة وما فيه نظام يكفل لك حقك وهذا هو الواقع
الله يعوض عليك
وحول القضية للمحكمة
بالتوفيق

[ابوظيف الله]

السلأم عليكم ورحمة الله وبركاتة

أخي العزيز الحمدلله على السلامه اولاً
ثانياً بالنسبه لتسعيرة شيخ المعارض يعطيك ثلاث تسعيرات وحده منه هو شخصيا وثنتين من معرضين اخرين وغالباً ماتكون متقاربه يعني وحده تقريبا ناقصه 500 ريال ووحده زايده 500 عن تسعيرته هو الي سعرها والمرور يلزم الطرف الآخر بالتسعيره الوسطاء يدفعها فوراً ولاله شغل فيك تصلح سيارتك اولا لانه من المحتمل ان تكون ترغب ببيعها ولا ترغب بتصلحيها فهل هناك من يجبرك طبعاً لا
اما بالنسبه لتصليح السياره بالوكاله واحظار فواتير من الوكاله المرور حدد بأن لايلزم الطرف الآخر بفواتير الوكاله الافي حاله وحده ان تكون موديل السياره لايتجاوز ثلاث سنوات من اخر موديل يعني نحن 2010 يلزمه المرور ان كان موديل سيارتك2007 كحد اقصى امل ان اكون قد افدتك والاجابه على ماتبحث عنه

[ساري 111]

الطرف المتسبب رفض التسعيرة بحجة ان قطع الغيار من (النهدي ) وهي غالية وأصلية كما يدعي


عور وينشق بعد



أحضر الطرف الثاني تسعيرة لقطع الغيار تجارية مع فرق واضح في السعر ..
سؤالي هنا : هل نظام المرور يجبرني على قبول قطع الغيار التجارية ؟ وهل في نظام المرور ما ينص على ذلك ؟

مااعتقد راح يجبر المرور
وانتبه تقبل بالتجاري ...
خله يدفع لك الـ 17000 عداً ونقداً ورجله فوق ظهره وقله مهب شغلك احط تجاري او اصلي او مااصلحه
كثير من الناس يقيمون له المعارض بـ 10 الاف مثلاُ ويصلحه بـ 5000 والباقي يحطه بجيبه وهي عباره تعويض عن قيمه نزول السياره عند البيع




وهل إذا صلحت سيارتي بقطع غيار أصلية وشغل وكالة راح ينقص سعرها ؟ وهل يحق لي الممطالبة بفرق السعر بعد الإصلاح ؟


ايه اكيد راح ينقص سعرها والـ 17000 هي الفرق بين قيمه السياره قبل وبعد التصليح ..

[monsixnet]

_

الله يعوض عليك

حل وسط انك تطلع انت وياه وتسعرون عند اى محل كلاكما تتفقان عليه والتسعيره تكون سارية المفعول الى وقت الاصلاح.

وترى الصلح خير

[ويلومني]

السلام عليكم
الله يخلف عليك ويعوض بابرك منها
قبل أسبوعين صدما شخص من الخلف والخطأعليه 100% وجاء للمرور وعطاهم التأمين وقالي أن التأمين الشركه الفلانيه ورحت للمرور من بكرا وعطوني أوراق للمعارض تقييم للسيارة قبل الحادث وبعده من ناحيه قيمه السيارة وليس تكليفها
1_62000وبعد60000
2_6000وبعد5800
3-الفرق كان ثلاثه ألف والمرور أعتمدو ألفين ريال و90 ريال حقت المعارض =2090 ريال
والاوراق رفعت للشركة بالرياض وبأنتظار صرفها
والله يخلف على الجميع

[المارينز]

ياخي المشكله مافيه نظام واضح في ذلك

النظام المتعارف عليه انك تقيم القطع وكاله والتصليح في ورشه

اذا الطرف الاخر ماقبل القيمه ,, تحول على شيخ المعارض ويكون تقييمه هو الفاصل حتى لو كان اعلى من التقييم السابق او اقل !!

الا اذا كان الحادث قوي ,, فيتحول على شيخ المعارض مباشرة


لكن اللي صاير ,, ان كل حادث له قصة .. وهل تعرف احد يتوسط لك والا ماتعرف ؟؟!

والله يعوض عليك

ويجعلها دفعة بلا وتكفير ذنوب

[العبله]

الحمد لله على السلامه
والله يعوضك خير


صراحه انا كتبت كلام كثييييييير لكن آخر شي امسح ام القهر ورفعة الضغط:hot:
عشان كذا بختصر.


المرور ما يلزمك بقطع تجاريه لان التجاري اصلا مخالف للانظمه والقوانين.


والنهدي عنده نوعين من قطع الغيار
الاول اصلي مثله مثل ابو جميل وطبعا يفرق السعر عن ابو جميل لان النهدي موزع.
والنوع الثاني مايز وهو يجيبه النهدي ويصنع خصيصا له يعني مهوب اصلي.


وتحويلها للمحكمه راح تكون انت الطرف الاقوى و ان شاء الله بتحصل خير..


طبعا بينقص السعر.
ويحق لك المطالبه بالفرق وعلى وما اظن هذا يسمى في الشرع
بـ(الارش)..
لكن يقولون العوض ما فيه خير. ولكن في حالتك هذا تعدي عليك واتلاف مالك بغير وجه حق.


اما الاخير فما ادري هل هو شيخ المعارض او شيخ المحكمه؟؟


والله يعينك على العلعله والمرمطه.


لا تبخل علينا بدعوه لي و لوالدي وللمسلمين.


تحياتي.
وش رايك بالاختصار هع هع

[اسدهم]

اخوي وشلون تركب تجاري والموتر اصلي كلش بوة الواحد مايرضا ع نفسة الموتر كان كلش اصلي وش زينة وش حليلة واخر شي اركب تجاري لالالالالاواللة ياشيخ لو تاصل اليد حرام واللة

[مدمن فتك]

اول شي الحمدلله على سلامتك وبالحديد ولابالاوادم
ثانيا شين وقوي عين يعني يفحط ويصدم ويقول ركب تجاري لاوالله اللي مايستحي
ثالثا كانك تبي الراي والعلم الوكاد لان واحد من جماعتنا قاضي وسألته عن الامر وقال اذا كان المبلغ عشرين الف وتحت فالمحكمة الجزئية هي المختصه وان كان فوق العشرين الف فالمحكمة العامة هي المختصه ولاتسكت عن حقك وارفع فيه بالمحكمة ومثل مافرط وصدم فانه يضمن قيمة المثل وهو الاصلي ان كان القطع اصلي ..