ســـؤال بري..لأهل الـبر*** [الأرشيف]

_دربيل_999

11/06/2010, 10:16 AM

http://www.mekshat.com/pix/upload04/images169/mk67496_rthy.jpg
موضوعي قصير جداً وعندى سؤال..
أعتقد أن كل محب للبر تمر عليه مواقف كثيرة بعضها زين وبعضها ماني قايل شين..!
أنا حبيت أركز كلامي عن موقف واحد يمكن كلنا تعرضنا له!
وكيف كانت ردود أفعالنا لحظة هذا الموقف..!!
تخيل وانت تستمتع بأجواء البر يلوح لك من بعيد سيارة قادمة بإتجاهك(نصو)وفي لحظات تتوقف عندك..ويبادرك صاحبها بسلام لك عليه..
ثم يبدأ بأسألته اللي ترفع ضغطك..
1-من وين جاي..:)
2-وين أنت رايح..:(
3-وش عندك هنيا..:mad:
و
و
و
ولو تعطيه وجه زيادة قال عطني هويتك...!!:D
سؤالي
وش كان تصرفك مع هذا المتطفل..!!:(

أستودعكـــم الله..

الروقي

محمد-الرس

11/06/2010, 10:23 AM

أقوله ريح وتقهو - وترى اذا كنا قعدين بارضك العذر والسموحة واذا كانت ارض الله فالله حيه - أما اذا بدا يستهبل فلأفضل ان تكون حكيم بكلامك .... سبق وطلعنا أنا وأهلي لبر يبعد حول 15 كلم عن الديرة وشوي الا هاك الددسن اللي من عهد فرعون يحوم حولنا قام أخوي الكبير وانا رحت معه وأثريه شايب يقول وش جابكم هنا ,,,,,, سلامات أرض أبوك هي وش جابكم هنا وقاله أخوي توكل توكل ورحنا وهو طس ....

بلقيس

11/06/2010, 11:11 AM

الــبدو معــروف عنهم إنهم دايمــآ على نيــاتهم .. وأسألتهم وإن كــان فيها شوي حشريه فتكون عن طيبه ..

طــبعآ الإجــابه تكون دآيمآ بدبلمــاسيه .. فلو كــان بدوي طيب ماتجرحه - وإن كان شخص شراني ومن قطـاع الطرق يشوفك وآثق من حالك ومـايصيبك بأذى ..

دكتور بر

11/06/2010, 11:15 AM

موضوع جيد

وجزاك الله خير عليه

سبق وحصل لي موقف مقارب لسؤالك...

كنت وقتها في منطقة عسير وبالتحديد بالقرب من الواديين (قرب أبها) ...

خرجنا في كشتة خفافية من السكن بعد العصر لمكان منبسط وأخضر لشرب الشاهي و القهوة....طبعاً عوايل ...

وقبل لا يجهز الشاهي إلا وهاك الشايب ومعه عصاه جاي من بعيد يمشي ألف :D

وش عندكم؟؟؟:(

وش جايبكم؟؟؟ :(
يالله حيه تفضّل تفضّل....:p

الرجال مهوب فاضي ....

وش اللي جايبكم في أرضي؟؟ :mad: :mad:

طيب أنت اشرب الشاهي وخلنا نتفاهم....

وش أسوي له يا ربي !!

الرجال ملزم نمشي...

المهم مالكم بالطويلة ...

خير ان شاء الله ...

وانا اللي أجمّع أغراضي

وأقول له: ترانا في المنطقة اللي قدام وحياك الله على القهوة والشاهي ...

وتجمّلت معه في الكلام....

خذت الأغراض ونظفنا المكان وحركنا ...

وولدي الله يصلحه شايل البريق في يده ومطلعه من السيارة....

المهم وصلنا للمحل القريب ونفرش البسط ونكمل التجهيز....

إلا والرجال يجي ثاني مرة يمشي ألفين :D

الصراحة العيال خافوا :(

وش عنده هالحين بعد ؟؟؟!!!

لكن هالمرة صار شي ثاني...

قام يتعذّر ويتسمّح ويقول: لا تلومني يا خوي...

أنا اغتثيت من بعض هالناس اللي يجي ويخلي قراطيسه وبقاياه هنا ، وأنا ما غير أجمع وأنظف !!...

فقلت له : لا والله من حقك والأرض أرضك

وتقهوى الرجال وانبسط...

هذا اللي صار

لكن لو حصل العكس وتقاشرت معه وش كان بيصير ؟؟؟

فالشاهد من كلامي واللي أراه أنه بالتعامل الحسن تسلك أمورك وتتسهل أكثر من انك تشد معه

والله أعلم

عميد سامودة

11/06/2010, 09:46 PM

خل صدرك على الدنيا شمالي

سليمان 10

11/06/2010, 09:50 PM

قصدك عرفناه 0 وهذي طبيعة اهل الباديه لاكن مثل ماقالوا خل صدرك وسيع 000

for

12/06/2010, 09:36 PM

هالامور غالبا تحصل في الجنوب ياكثر ماصارت لي خاصه القنص يخافون على وبيراتهم خخخخخ ... لكن خلك ذرب ولا تندفع خاصه اذا كان شايب عامله مثل ابوك ووالله ان تشوف طيب المعادن نعم الرجال رجال حجر

ابو يعقوب 2

13/06/2010, 01:20 AM

ياكثرماتحصل !
**

انا مره من المرات طالع انا وواحد من الربع
شروا من يقرا :D
نصيد قميري
وكنا فيه رمضان ( الله يعيده علينا اعوام ) والساعه تقريبا 7 الصبح ..
وامر شعيب خابره قريب من الديره
وفيه شجر(ن) طيب
والله واجي واشوف لي راعي حلال
معه شاص وموقف عند حلاله
وحوله شجره
وطارت منها صفاريه
وانا الصراحه خفت الحقها ويجيني راعي الشاص
قلت خلها بس
..
ويوم اني ابعدت شوي
واطالع في المرايه
اذا اخينا في الله وراي !!<<< راعي الحلال
وامشي على الشجر واضرب بوري وانا ماشي
ابيه يبعد مابي اتمشكل معه
الا والله الرجال ناوينا
قلت بوقف اشوف وش عنده ؟
يوم وقفت
وهو يجي جمبي
قال : سلااام عليكم
قلنا وعليكم السلام
قال : وش عندكم هنيا ؟؟
قلت : والله نقنص طيور
قال : ماعندكم طيور هنا بس توكلو على الله
بعدها قال : انتم صيام ولا مفاطير ؟
قلنا :لاوالله صيام
قال : ها يالله لآ اشوفكم هنا مره ثانيه
ترى فيه راعي جيب يدوج هنيا له 4 ايام !! << :confused:
..
مااشاء الله له 4 ايام
وانا اصلا لي 4 شهور ماجيت والي يعرفون المكان قليل !!
يرجال اصلا ماحد بطالع برمضان..
ثم بعدها طلع جواله وقال شف
ترى الحين ابلغ علاكم
يالله توكلو على اهلكم
يوم جيت ابتفاهم معه
الا الرجال قال : يالله
وهو يعود لحلاله !
..
قلت الله يستر عليك والله ماجيناك
وانا اكمل مشواري وخليته ..
والله بعض الناس الله يهدينا وياه
مايتفاهم
خايف على حلاله وحنا والله ماجيناه ولا قربناه

***
ان شاء الله مانكون طولنا عليكم .. :)

بريداوي اصليm

15/06/2010, 11:33 AM

موضوع جيد

وجزاك الله خير عليه

سبق وحصل لي موقف مقارب لسؤالك...

كنت وقتها في منطقة عسير وبالتحديد بالقرب من الواديين (قرب أبها) ...

خرجنا في كشتة خفافية من السكن بعد العصر لمكان منبسط وأخضر لشرب الشاهي و القهوة....طبعاً عوايل ...

وقبل لا يجهز الشاهي إلا وهاك الشايب ومعه عصاه جاي من بعيد يمشي ألف :D

وش عندكم؟؟؟:(

وش جايبكم؟؟؟ :(
يالله حيه تفضّل تفضّل....:p

الرجال مهوب فاضي ....

وش اللي جايبكم في أرضي؟؟ :mad: :mad:

طيب أنت اشرب الشاهي وخلنا نتفاهم....

وش أسوي له يا ربي !!

الرجال ملزم نمشي...

المهم مالكم بالطويلة ...

خير ان شاء الله ...

وانا اللي أجمّع أغراضي

وأقول له: ترانا في المنطقة اللي قدام وحياك الله على القهوة والشاهي ...

وتجمّلت معه في الكلام....

خذت الأغراض ونظفنا المكان وحركنا ...

وولدي الله يصلحه شايل البريق في يده ومطلعه من السيارة....

المهم وصلنا للمحل القريب ونفرش البسط ونكمل التجهيز....

إلا والرجال يجي ثاني مرة يمشي ألفين :D

الصراحة العيال خافوا :(

وش عنده هالحين بعد ؟؟؟!!!

لكن هالمرة صار شي ثاني...

قام يتعذّر ويتسمّح ويقول: لا تلومني يا خوي...

أنا اغتثيت من بعض هالناس اللي يجي ويخلي قراطيسه وبقاياه هنا ، وأنا ما غير أجمع وأنظف !!...

فقلت له : لا والله من حقك والأرض أرضك

وتقهوى الرجال وانبسط...

هذا اللي صار

لكن لو حصل العكس وتقاشرت معه وش كان بيصير ؟؟؟

فالشاهد من كلامي واللي أراه أنه بالتعامل الحسن تسلك أمورك وتتسهل أكثر من انك تشد معه

والله أعلم

ماشاء الله عليك عرفت تتصرف
وأسلوبك كااان جميل وهذا يدل ع أدبك وتفكيرك الصحيح بنفس الوقت
والا لو أنت معطيه القشرا كان صارت علوم :D
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
أشكر أخوي دربيل ع موضوعك الجميل
ماقصرت جزاااك الله خير

أخوكـــم / بريداوي أصلي

راعي الإبل999

16/06/2010, 02:23 AM

والله قد جاني رجال وأنا مع البل

على رجلي أمشي مع البل

ويجي السلام وعليكم السلام

كيف الحال؟؟
......
....
وش انتو من العربان؟؟

سألني وانا عمري 15

قلت اسمع ياشايب وأسمع ياولد

ذاك محلنا اقلط وخذ لك فنجال

وسأل الشيبان

مهوب يوم شفتني صاد برزتبي

وقمت تنشد

هذاك المحل وتعال للبيوت من ابوابها

وراح الشايب ولعاد شفناه

وسلامتكم

راعي الطلعات

16/06/2010, 03:02 AM

ان كانه جاي بأخلاق ردينا له بأخلاق وضيفناه وقهويناه

وان كانه جاي بنفس شينه جمله وحده ( توكل على الله )

ذئب الدهناء

16/06/2010, 05:24 PM

( ماكان الرفق في شئ الا زانه )

اتمنى من الاداره اغلاق هذا الموضوع 0000000000وانتم ابخص:mad: :mad: :mad: :mad: :mad:

_دربيل_999

18/06/2010, 05:12 AM

( ماكان الرفق في شئ الا زانه )

اتمنى من الاداره اغلاق هذا الموضوع 0000000000وانتم ابخص:mad: :mad: :mad: :mad: :mad:

ذئب الدهناء..

هلا فيك أخوي الغالي..

صدقني الإدارة لو رأت في الموضوع خلل يستوجب إغلاقه كان ما ينتظرون أحد يوعز لهم بحذف هذا أو ذاك الموضوع..

أخي الكريم الموضوع ما ذكر فيه شخص بعينه أو فئة أو أسرة أو قبيلة وإنما يتحدث عن ضاهرة إجتماعية تحدث في كل يوم من قبل قلة من الناس ومن كل الأعراق وكل الآلوان..:p
هل التطفل ومضايقة خلاق الله في البر صفة لأسرة أو لشخص,,أو أو..أبداً أخي...;)
المراد من الموضوع أن نستفيد من بعضنا البعض في طريقة التعامل مع هذه الفئة لتجنب ماقد يحدث من جراء الأخذ والرد عليهم لتجنب ماقد يحدث في حال إستفزازهم..لأن ماكل من يسأل في البر (شايب وعلى نياته)..

إذاً طلبك من الإدارة بإغلاق الموضوع يفتقر لمبرر فقط...

عافاك الله ومرحباً بك مليون...

أخوك

الروقي

ذئب الدهناء

18/06/2010, 09:55 PM

اخي الروقي000000سلمه الله

يبدوا اني فهمت الموضوع خطا وأعتذر واستغفر الله:r

شاكرا لك اسلوبك الراقي في الرد الذي يبين شخصيتك المتميزه

وفقك الله لكل خير

المهند511

18/06/2010, 10:04 PM

لله اكبر اخلاق الرياجيل