سؤال عن امبير البطارية؟؟

[YOU1]

السلام عليكم ....
حبيت أسأل ياشباب بخصوص امبير البطارية يعني اذا زدت الامبير هل يضر السيارة؟؟؟
انا عندي فان جمس الحجم الكبير واذا شغلت المكيف الامامي والخلفي والثلاجة والتلفزيون مؤشر البطارية ينزل قريب الاحمر واشم ريحة الدينمو يعطب وهو يشحن لان البطارية اللي علي السيارة 76 امبير (حقت كابرس) ...
هل لو ركبت بطارية امبير عالي مثلا 78 او 100 ماتضر الضفيرة والسيارة؟؟؟ وشكرا

[ABU BAIN]

يالغالي انا احس انها ما تضر

انا موتري ددسن وكالته 55 امبير ومركب عليه 80 امبير والامور الحمد لله تمام من 6 شهور مركبها

اتمنى افدتك

[ريان2002]

وعليكم السلام ورحمة الله وبركاته
إذا كنت متأكد إن المشكله في البطاريه وليس في الدينمو فركب بطاريه أكبر ماعندك أي مشكله ولكي تتضح لك الصورة الدينمو عندك ماأضن قدرته أقل من 100 أمبير وعلشان تتأكد روح لمحل قطع غيار أصلي وأطلب منه دينمو على موديل ونوع سيارتك وقول له ( كم قوته ؟؟ ) وبعدها تقدر تحدد البطاريه اللي تناسبك بشرط ماتتجاوز الحد الأعلى لشحن الدينمو
مثلاً ( عندي يوكون 2002 والدينمو قدرته 130 أمبير وبطاريته اللي عليه 80 - 84 أمبير فلو ركبت عليه بطاريه 120 أمبير عادي جداً )
أدري طولت عليك ولكن حتى تتضح الصورة وربنا يسهل أمرك

[ذيب زلفاوي]

اتوقع مافي مشاكل انا معي ددسن مركب عليه 70 امبير والامور سالكة والكهرب ممتاز

[سوبر VTC]

ما عندك مشكلة
حتى فيه واحد معه فورد مركب 3 بطاريات
بعضهم مركب بطاريتين 90 اساسية و اضافية 80 و بعضهم اضافية 120امبير
= 210 انبير
التعب و الاستهلاك فقط على فحمة الدينمو بدل ما تعيش الفحمة 6سنوات
تعيش 4.5 سنة تقريبا لانه استهلكت بالشحن
رابط بالصور

فحص واصلاح المولد الكهربائي لسيارة كامري تويوتا 2000 (charging ... (http://www.mekshat.com/vb/showthread.php?t=158020)

[YOU1]

الله يعطيكم العافية ويطول اعماركم ويصلح ذرياتكم....الحقيقة ماقصرتوا...

[ذيبان11]

السلام عليكم
ياربع للتوضيح اول شي اهل الدداسن مافيها جهاز كمبيوتر اوانظمة كهربا
مثل اليوكن او المريكي السيارات الجداد
لونه ركب امبير اعلى من نظام قدرة السياره راح يحرق الكمبيوتر المنظم للسياره ويلعب باظفيره
لين كل سياره لها قدره محدده على حسب والسيارات القديمه الددسن مافيها كمبيوتر البطاريه تشغل السياره والانوار وكثر خيرها بس_استفسر من كهربائي كم يحتاج انبير موترك-ونا اقول يمكن100امبير
ارجوو اني افدتكم

[YOU1]

السلام عليكم
ياربع للتوضيح اول شي اهل الدداسن مافيها جهاز كمبيوتر اوانظمة كهربا
مثل اليوكن او المريكي السيارات الجداد
لونه ركب امبير اعلى من نظام قدرة السياره راح يحرق الكمبيوتر المنظم للسياره ويلعب باظفيره
لين كل سياره لها قدره محدده على حسب والسيارات القديمه الددسن مافيها كمبيوتر البطاريه تشغل السياره والانوار وكثر خيرها بس_استفسر من كهربائي كم يحتاج انبير موترك-ونا اقول يمكن100امبير
ارجوو اني افدتكم
جزاك الله خير اخي الكريم....هذا اللي انا خايف منة وأسأل عنة اذا راحت الظفيرة ماعاد تنفع السيارة خلاص.

[شبح الصحراء]

طيب يا اخوان ما تدرون كم امبير بطارية الإكستيرا؟ قبل فترة انتهت البطارية الأصلية ورحت لمحلات البطاريات واختلفوا بعضهم يقول 50 امبير وبعضهم يقول 80 امبير واحترت فحطيت 70 امبير كحل وسط بس اخاف تأثر عليها بعدين .

[YOU1]

انتبة وأنا اخوك... انا سنة من السنين خرب علي الدينمو وحطيت تجاري وبعد يومين دخنت علي الماكينة والطبلون من تحت ولقيت الظفيرة ذايبة ومتلاصقة حاولت اسويها ماضبطت يوم الاشارة مولعة لحالها ويوم لمبات الطبلون ماتولع ويوم اللمبات الامامية تشتغل ويوم لا الي ان بعتها... علشان هالشي انا اسأل وخايف....!!!

[سوبر VTC]

فهم السؤال نصف الاجابة

هالحين لو تركب 3 بطاريات كل بطارية 80 انبير
= 240 انبير
لنفترض ان الموتر شد بلد من الوكالة بطاريته 240 انبير
تمام

عند شحن الدينمو للبطارية فان الجهد و الاستهلاك على فحمة الدينمو
و على المنظم و الترنس فقط لاغير

الظفيرة و الكمبيوتر ماله دخل بالخراب اطلاقا

كبر و صغر البطارية
مثل تانكي البنزين للكورولا 50لتر
بينما الجيب الشاص 180 لتر
بينما الجيب 135 لتر

قاطع الكهرب للبيت
يجي 60 انبير
و يجي 100 انبير
ليش ماخرب واحد منهن !!!

ارجو الفهم

[سلفاريو]

بسم الله الرحمن الرحيم
السلام عليكم ورحمة الله وبركاته
الان ياخوان مثل منتوا عارفين والاكيد ان البطاريه مهمتها فقط في تشغيل السياره الثواني الاولى وبعد كذا يصبح الحمل على الدينمو...وهذا الكلام مايختلف عليه اثنين...واقرب مثال هو ان اذا بغينا نختبر المشكله هي من البطاريه ولا الدينمو نشغل السياره ونفصل اصباع +اذا طفت السياره المشكله من الدينمو واذ ما طفت من البطاريه وكثير مننا يختبر المشكله بهذي الطريقه ...
طيب ياخوان الرجال الان يقول المشكله عنده بعد تشغيل السياره يعني الامبير ينزل عن المعدل الطبيعي ...يعني المشكله في الدينمو وليس في البطاريه ...
اما بالنسبه لعملية زيادة امبيرات البطاريه عن المعدل الموصى به من قبل المصنع ...ففي اعتقادي لو ان الفرق بسيط بمعنى لو ان البطاريه 50 امبير وحطيت 60 ماعتقد فيها مشكله ولكن لون انها 50 وحطيت 70 او 80 الاكيد مع مرور الوقت راح يكون فيها قولان ...والضفيره صممت على قوه معينه ولو ان مافيها مشكله بزيادة الامبيرات ونقصها كان المصانع حطوا قوه واحده لكل السيارات وريحوا انفسهم ليش 40 وليش 50 والخ....كل حاجه صنعت بمقياس وتصاميم ودراسات معينه... والشكر موصول لمشرفنا العزيز والاخوه الاعضاء وصاحب الموضوع ...ودمتم في حفظ الله ورعايته...

[ملف علاقي]

بسم الله الرحمن الرحيم
السلام عليكم ورحمة الله وبركاته
الان ياخوان مثل منتوا عارفين والاكيد ان البطاريه مهمتها فقط في تشغيل السياره الثواني الاولى وبعد كذا يصبح الحمل على الدينمو...وهذا الكلام مايختلف عليه اثنين
طيب ياخوان الرجال الان يقول المشكله عنده بعد تشغيل السياره يعني الامبير ينزل عن المعدل الطبيعي ...يعني المشكله في الدينمو وليس في البطاريه ...
اما بالنسبه لعملية زيادة امبيرات البطاريه عن المعدل الموصى به من قبل المصنع ...ففي اعتقادي لو ان الفرق بسيط بمعنى لو ان البطاريه 50 امبير وحطيت 60 ماعتقد فيها مشكله ولكن لون انها 50 وحطيت 70 او 80 الاكيد مع مرور الوقت راح يكون فيها قولان ...والشكر موصول لمشرفنا العزيز والاخوه الاعضاء وصاحب الموضوع ...ودمتم في حفظ الله ورعايته...
هذا الكلام السليم المشكله عندك في الدينمو موالبطاريه البطاريه مهمته تشغيل السياره فقط والباقي علي الدينمو والأفضل دور لك دينمو سيارة إسعاف يجي 250 امبير وريح بالك والأمبير مهمازاد ما له تأثير علي الكمبيوتر المشكله في الفولت لا يزيد عن 12

[مغلي]

الامبير الصحيح تحصله بكتلوج السياره ... موضح من قبل المصنع