المساعد الشخصي الرقمي

مشاهدة النسخة كاملة : وشرايكم بكفرات مشلان


مرقاب الشرق
20/05/2005, 03:01 PM
سيارتي GXR وشرايكم بكفرات ماشلان واحد يقولي أنه ركبها ويمدحها حيل سواء بالطريق أو بالبر ولاكن يقول سعرها غالي حدود 450 :hot: ريال للكفر الواحد وش رايكم يارجال زينه ولا دنلوب أحلى ؟
القناص
20/05/2005, 03:15 PM
ما فيه احسن منها
ركبها
توكل على الله
الميشلان لك وللزمن
ضمان مفتوح
احرص على وارد الجفالي منها
Bader-M
20/05/2005, 03:26 PM
ما يحتاج رايي


هذا مشلاااااااااااااااان
الدبل الثقيل
20/05/2005, 06:35 PM
غالي مرره سعره 510 ريال ومايستاهل في كفر لأنه قطعه استهلاكيه... في انواع ممتازه وارخص مثل دنلوب ب320 تقريبا وتويو 340 وكلها ياباني .. اما 500 ريال في كفر وينشق فجأه حسافه ... لكن اي كفر اذا انتبهت لممشاك ولعيار الهوا ولسرعتك باذن الله مهو جايك خلاف
طشي وامطري
20/05/2005, 11:12 PM
مشلان مثلها لا يسأل عنه
بلا شك أفضل الكفرات
اسيزو 4x4
20/05/2005, 11:32 PM
الميشلان أنواع

فية البرازيلي والتايواني و دبي

أحرص على البرازيلي وأنتبة للتاريخ وبالتوفيق يالنشمي
مرقاب الشرق
21/05/2005, 11:19 AM
القناص
طاير بالعجه
طشي وامطري
أسيزو

مشكورين على المرور والتشجيع والنصائح مانستغني عن النصائح تسلموا .

الدبل الثقيل
مشكور على توضيح سعره . بس 510 :hot: غاليه والله مره . أبصلي استخاره واتكل .
الربذي
21/05/2005, 08:15 PM
اخوي نجم مايحتاج المشلن بس فيه نوع انحش عنه بليله ظلماء ممطره !!!!!
وهو الي مكتوب عليه 4*4 تراه غثيث مره مره مره يمكن يكون لين قبل التركيب بس اذا حس بالحراره وضغط السياره صار رضمه !!!قاسي مره تصدق لو تحط فيه 10 ماتمشي بالنفود متر ويكسر السياره عليك لاني اعشق المشلن مجربه بسياره سيدان ينفقع الكفر ماتحس فيه يعني ماترج مرهه وتنتفض ويمكن ينطلق الدركسون منك لا انسيابيه مذهله ولا رجه ولا شي لانه مايكركب يفرش وبدون صوت وعليك
بالفرنسي وانتبه من حق دبي لان وكيل كفرات حذرني منه وخصوصا حقات الهند لانه يقولون يجي للمناطق البارده لكن يجيبونه هنيا لرخص سعره وغير مطابق لجونا
وبالتوفيق وتراها لك وللزمن بس ماهو مريح فيه بعض القساوه الا اذا 4*4 ولا يهون اخونا اسيزو 4*4 هج عنه تراه ماينفع بريال وسبق وتوهقت فيه لقيتهن جدد وبتراب الفلوس طبعا مستعملات(خويك قعيطي ) !!!! بس تقول مااستعملن وماخلاهن الطير وفيهن خير
محبك
الطعس الذهبي
21/05/2005, 11:24 PM
يوم تشري السيارة وش كان علية كفرات اكيد دنلوب فلذالك ركبهن
اسيزو 4x4
22/05/2005, 02:23 AM
كلام أخوي الربذي صحيح 100%

ولا يهونون الاخوان

الفرنسي هو الممتاز والاصلي

وأنتبة من اللى مكتوب علية 4x4

.
سنتافي
22/05/2005, 02:52 AM
لا تروح بعيد بريلي وبس شفتي مركبها ومرتاح لا واذا انت مركبها عند الوكيل ينفخونها نيتروجين وامسك احلى خط يعجبك
سعدسعود
22/05/2005, 05:18 PM
عليك بالمشلان الفرنسي عند الطيار بالربوة 450 لك وللزمن
أسألني مجرب
مرقاب الشرق
23/05/2005, 07:50 PM
الربذي _ الطعس الذهبي _ أٍسيزو _ سنتافي _ سعد سعود
مشكورين على المعلومات القيمه .
والله يكتب اللي بوه خير للجميع .
ماجد الشمري
24/05/2005, 08:46 PM
ميشلين عن تجارب طويلة ولا تسأل .. يكفيك الفرامل يصير على كيف كيفك .. ولاتنسى تقرا كلمة TreadWear بالكفر من الجنب وتبين لك عمر الكفر ... وغالبا تلاقي الميشلين اكثر كفرات عمر افتراضي .... وافضل كفرات احتمال للحرارة لكن يعيبها احيانا القسوة قليلا وبما ان سيارتيك جيب والدعسة مرتفعه ماراح تحس بالفرق ...






اخوكم ماجد الشمري
ونش
26/05/2005, 01:35 PM
عندي جيب فور 2005 ومركب عليه من بلده كفرات مشلان
ظلال الشمس
27/05/2005, 11:36 AM
اسمحوا لي يا أخوان أببدي وجهة نظر
المشلان للخط مامثله ممتاز ومن يوم تمسك فرامل وهو في محله
وللرمل ممتاز خفيف ولين
بس عذروبه الحصى جنبة لين ولا ينبغى ولا بريال