ساعه ضغط لقياس ضغط طرمبة البنزين

[مغلي]

http://www.mstaml.com/files/207601-1276079055.jpg


اشتريت اللي والساعه من محل قطع غيار تبريد بشارع العروبه بجوار البنك الاهلي بالرياض
اللي ب 10 ريال ---- والساعه ب 15 ريال
يابلاش
المهم اللي طرف منه يركب ببلف الطرمبه بالكبوت 100%
الطرف الثاني من اللي مارضى يركب بالساعه ... لأن صامولته اكبر من مسمار الساعه

فمن عنده حل لكي نربط الطرف الثاني بالساعه .... ؟؟
http://www.mstaml.com/files/207601-1276262495.jpg


شكل الموضوع يخص المشاكل وانا غلطت وحطيته هنا في التجهيزات

[ن م ر]

اتوقع المخرطه يرهمون له راس واكبس اللي عليه

[مغلي]

حياك الله يا نمر

خل المخرطه ... آخر حل
نبي حلول سهله ... ....

[ابوطاقية]

فيه محل بشارع الظهران بجوار محلات الساحه للسباكه
للاسف ناسي اسمه
متاكد انك بتحصل عنده تحويله

[ARB]

يختلف عن ساعه قياس البنزين
هذي حقت تبريد

[سوبر VTC]

اخو مغلي
الطرف الاخر من اللي الاصفر تقطعه بالسكين
و تشبكه على الساعة و تحط عليه قفيز
نفس طريقتي


طرمبة البنزين تبين لراعي الخبرة بدون فحص
مثل قوة او ضعف العزم اذا دست بنزين
و قد يكون الخلل من حساس اللهاة تي بي اس
او من البواجي او من الديلكو او من الكويلات ...الخ
بالنسبة لفحص الطرمبة
تحصل بلف فحص الطرمبة
على ماصورة البخاخات يسار وايرات اللهاة
كما تشاهد



http://www.mekshat.com/vb/../pix/upload04/images166/mk53291_lplffii.jpg

هذا عند محلات العدد مثل شارع الريل
لي مكيف ب10 او 15 ريال
الراس اللي يسار الصورة
هذا يركب على بلف ماصورة البخاخات
من اجل قياس ضغط الطرمبة
طبعا لو عندك عيار هواء تقدر مثلا تقص راس اللي حقه
و تركب عليه هذا الراس اللي يسار الصورة و تشد عليه بقفيز

http://www.mekshat.com/vb/../pix/upload04/images166/mk53291_jbiuhuh.jpg

راس اللي يمين الصورة
هذا تقصه بالسكين
و تركب مكانه ساعة فحص تحصله بالمحلات ب10 او 15ريال
او ركب ساعة ماطور هواء خربان مثل ابو جمل و غيره
تركب اللي على الساعة و تشد عليه بقفيز من محلات السباكة او العدد

http://www.mekshat.com/vb/../pix/upload04/images166/mk53291_huih0h0h.jpg

ساعة امريكية اصلية ب50ريال
و له داعي لانه غالية و يوجد البديل عنه مثل ماذكرت اعلاه

http://www.mekshat.com/vb/../pix/upload04/images166/mk53291_ojh0j0.jpg


هذا اللي بعد تركيب ساعة ماطور هواء خربان


http://www.mekshat.com/vb/../pix/upload01/prof005/mk53291_gb11.jpg


بالنسبة للطرف الايمن يمين الصورة
تقدر تلغي اللي الصغير
و تلحم عليه نحاس عند محلات الاديترات او محلات الشكامين


http://www.mekshat.com/vb/../pix/upload01/prof005/mk53291_gd22.jpg



طريقة الفحص
تطفي الموتر و تربط راس اللي على بلف ماصورة البخاخات
همن تشغل الموتر و تشوف الضغط كم يوصل
نقطة اخرى
افتح السويتش 3 مرات لكن بدون تشغيل الموتر
و ناظر ساعة الفحص اذا كان الانبير ينزل بشكل سريع نوعا ما
فمعنى كذا ان بلف الطرمبة السبرنق او الياي مايحجب البنزين بالمواصير
و لذلك يرجع البنزين للتانكي و يسبب ان الموتر مايشتغل باول دقة
ادخل موضوعي بالتوقيع جميع اعطال طرمبة البنزين بالصور
تحصل صورة بلف الطرمبة

للمزيد

قياس ضغط طرمبة البنزين للجمسات + تغير صفاية البنزين بالصور (http://www.mekshat.com/vb/showthread.php?t=207564)

[مغلي]

بيض الله وجيهكم

وشكر خاص للاخ سوبر