مـتـى أغير زيـت القير التماتيك

[shababi]

السلام عليكم ورحمة الله ..

يا اخوان انا معي باترول قـير اتماتيك (( اول مره اشري سياره قـير تماتيك ))
ماشي معي 60 الف نصحوني بضرورة تغيير زيت القـير لكن بعضهم حذرني من تغييره
انا بصراحة احترت
تكفون اذا احد يقدر يفيدني

ومشكورين ..

[famr55]

وعليكم السلام ورحمت الله وبركاته ..


هلا اخوووي ..

اذا كان ... ما يسمى بالكاتلوج المرفق بالسياره موجود ...

فأنت حصلت على مطلبك ..

افتح الكاتلوج وتوجه للفهرس ومن ثم برنامج الصيانه ..


سوف تجد جدول منسق يفيدك عن كل ما يستهلكه المحرك ..

تحيتي

[abo s3od]

إلي أعرفة كل 65 ألف

[الوهاج]

والنصيحة الثانية بالنسبة لزيوت الدفرنس والقير لاتغير ولا تبدل الا بعد مشورة صيانة الوكالة والافضل التغيير يكون عندهم
تحياتي ،،،

[Bader-M]

في العاده

يتم تغير زيت القير اتوماتيك

كل 25 الف الى 30 الف مع السيفون

طبعا
هذا الكلام لا يتطبق على القير العادي و كذالك قير اوتوماتيك ل هوندا

ولك مني كل محبه وتقدير

[الطعس الذهبي]

على ما أضن انه 65 الف

[القناص]

على ما اجزم اسأل الوكاله
ترى القيرات غاليه
لان بعضها
زي المرسيدس الجديد
سيلد فور لايف
يعني مايغير زيته ابد
وبالتوفيق

[داب الرمث]

السلام عليكم000000000000000 يااخوي شبابي انا اايد كلام اخوي طاير حسب تجربة الوالد بالاند كروزر تماتيك انا شخصياً
اغير زيــــــــت القيــــر مع الفلتر لــه كل 25 او 30 الف كم
وإذا تبغى تتأكــــد من زيت القير حقك اسحب العيار وناظر لون الزيت اذا كان احمر احمر فهو جيد
وأذا كان احمر باهت فهو يحتاج إلى التغير
وانصحك غيره كل 30 الف كم
تــــــــــــــحـــــــــيــــــــــا تــــــــــــــــــــي

[أبو باسل]

أنا سألت المهندس حق الوكاله عن زيت القير فقال لي أن زيت القير ما يغير لاكن يزاد إذا كان ناقص وقال أنه له زيت خاص الكيلو منه ب130 ريال و إذا خطيت زيت ثاني يطلع صوت في القير ..................
وأنا مشى موتري 110 ألاف وشيكت عليه عند الوكاله ولم يغير زيت القير

[أبو باسل]

طبعا موتري باترول 2002 تماتيك

[shababi]

الأخوان ...

famr55

abo s3od

الوهاج

طايربالعجه

الطعس الذهبي

القناص

داب الرمث

أبو باسل


السلام عليكم ورحمة الله

حياكم الله جميعا وشاكر لكم المرور والمشاركة

[لبرتي]

السلام عليكم ورحمة الله وبركاتة

بحكم أني أستعملت جيب أتوماتيك وسيارات كثيرة أتوماتيك
لازم تغيير الزيت والسيفون أفضل للسيارة خاصة في الاداء

وأنت جرب بنفسك
أسحب معيار الزيت واول شي شم ريحة الزيت إذا كانت ريحة معفنه أو اللون متغير للأسود فهذا دليل أنه منتهي من فترة طويلة وأنصحك أنك تغيره عند أخصائين قيور أو الوكالة مع أنها غالية

تحياتي لكم وأسف على المداخله

[ماجد الشمري]

اخوي شبابي ...
هو على العموم من الافصل تغييره كل 40 الف كيلو تقريبا ولكن على حسب استعمالك تختلف ..
وحاول ان تضع زيوت من نوع syn ساينثتك والتي تستحمل اكثر ... عشان تريح نفسك ..
ولاتخاف لو غيرته مافيه اية مشاكل .. المشاكل كانت باللينكون القديم والفولفو ... لكن السيارات الجديدة افضل من هالناحية ..







اخوكم ماجد الشمري

[ظلال الشمس]

ترى الجماعة شاروا عليك القير التماتيك يغير زيته حسب ظروف الاستخدام من 25000 إلى 30000 كحد أقصى وانتبه لاتقعد توضب بعد
مع فائق احترامي

[المواكب]

اخوي شبابي : ودي اسئل وش موديل الباترول اذا الموديل من 2002 وطالع انا سئل الوكالة وقالو زيت القير إلى 100000 واذا الموديل من 2001 ونازل فا كل خمسة وعشرون الف بس الافلتر حديد تراه يغسل ويرجع ..... اخوك المواكب عنيـــــــــــــــــــــــــــــــزة 21/4/1426هـ

[طشي وامطري]

أهم شي تنتبه لا تغير الفلتر
ترى الياباني ما يغير فلتره مهوب مثل الأمريكي
حسب معلوماتي من أهل الخبرة
أما الزيت فحسب الحال لاصرت راعي اخطوط وسرعة وإلا طلوع نفد واجبل
أحسن طريقة اسحب العيار وشمه ان كان ريحة حراق غيره
ولا تغير بسرعة ترى هذا يضر بعد لازم يحترق اشوي لأنه يخف
والله أعلم