أيهم أفضل للبر والديرةمعا؟

[د.كشته]

<message>السلام عليكم .. مساء الخير ..
ناوي اشتري سيارة .. لكن محتار !!!
أمامي خيارات :
1- برادو
2- اكسبدشين
3- يوكن

قيمة ما عندي 85000 ريال

[ساري 111]

لو بتشري جديد ممكن اقولك يوكون مع انه مايتحمل البر

لكن اعتقد والله اعلم انسب مايكون لك هو البرادو

[حزوبر]

برادوا ونم وىمن
الله يوفقك

[الرحال الحزين]

براااااااااااااااااااااااااااااااااااااااااااااااا ااااااادو بدون كلام

[عاشق المطاريش]

الخيار لك ، وانا من ناحيتي افضل البرادو .......

[ذيب صبيح]

البرادو افضل
اتمنى لك التوفيق

[Nasser-ahah]

إذا كانت هذه الخيارات فقط

إذا أشتري برادو فقط الياباني ما يخرب بإذن الله إلا ما ندر

ويقول المثل "التويوتا ما يوتا"

[ادولف هتلر]

يوكون ممتاز ومريح واقتصادي جدا

وحلو بطلعات البر انت شف كم طلعاتك اذا كانها اكثر من طلعه بالشهر دور غيره

مع انه يتحمل موب سهل
تحياتي

[حر الحربي]

برادو .وتوكل على الله. تحياتي

[MOBBAK]

أنا افضل الإكسبدشن


1- مكينته اقوى وأفضل

2- عزم افضل

3- الإكسبدشن قوة الجر ( السحب ) فيه قوية جدا

4- المساحة الداخلية والوسع والراحة والخدمات اللتي تقدمها السيارة كلها لصالح الإكسبدشن

5- الوجهية مرتفعه اكثر من اليوكن

6- من ناحية الصيانة فالإكسبدشن رخيص والوكيل حقه بعد ما يحتاج

7- والإكسبدشن يتحمل حر وأي مكان بغيت تروح له فهو حاضر بعكس اليوكن

8- في الإكسبدشن يوجد تحكم يدوي او اوتوماتيكي للدبل اما اليوكن فلا فقط اوتوماتيكي



وأشياء كثيرة في الإكسبدشن يتميز بها عن البرادو واليوكن

[الشنه]

إذا كانت هذه الخيارات فقط

إذا أشتري برادو فقط الياباني ما يخرب بإذن الله إلا ما ندر

ويقول المثل "التويوتا ما يوتا"

[قمرنا]

يوكون ممتاز ومريح واقتصادي جدا

وحلو بطلعات البر انت شف كم طلعاتك اذا كانها اكثر من طلعه بالشهر دور غيره

مع انه يتحمل موب سهل
تحياتي

أنا من المؤيدين لاخونا/ادولف هتلر

أما إذا طلعاتك أكثر فمالك إلا البرادو
والله يسهل أمرك,,,:good2:

[هوايتي مكشات]

البرادو اتوقع احسن لانه تايوتا

[ابوصالح77]

شف وش يناسبك مع وضعك العائلي ؟
وطلعاتك للبر هل كثيرة وتقطع مسافة طويلة بالجلد أو لا ؟
أرشح البرادو لكن يعيبه إنه ضيق
استخر الله

[ولد وايل..]

7- والإكسبدشن يتحمل حر وأي مكان بغيت تروح له فهو حاضر بعكس اليوكن

8- في الإكسبدشن يوجد تحكم يدوي او اوتوماتيكي للدبل اما اليوكن فلا فقط اوتوماتيكي






على اي اساس تحكم ..؟:)

اليوكن من ناحية الحرارة ما فيه عيب وانا مجرب التاهو في السنه الرابعه الان معي وما عمر حرارته تعدت الحد الطبيعي...

وبعدين تقول الدبل اوتو فقط..؟

كيف هذي من وين جبتها ياعزيزي..؟

الأكسبدشن هو الي الدبل حقه محصور بأوتو وثقيل...

اما اليوكن لك ثلاث خيارات...الدبل الأوتو والخفيف والثقيل

--------------------------


لك أخوي صاحب الموضوع...

ارجوك خذ الموضوع بقناعه لا تاخذه بتوجيهات متعصبه...

افضل خيار لك بالنسبة لكونه الأجد موديل والأقل ممشى والأنظف...

للمذكور هو الإكسبدشن او اليوكن

بغض النظر عن البرادو...

لان البرادو ماتلقى الا موديلات 2004-2005 ع 85


اما بها السعر تلقى لك يوكن دبل 2007 ولا إكسبدشن دبل 2007

وتكون رابح شكل جديد وممشى اقل وأقل استخداااام


بالتوفيق...

[moooj]

الأكس بدشن واليوكن نفس الفئة (اكبر من البرادو) في الحجم وقوة المكينة والسعة والتحميل
لكن استخدامك للسيارة يحدد طلبك
طلعاتك للبر واجد؟ يعني بالأسبوع اكثر من مرة ؟ وتمشي قطوع؟ وعدد افراد عائلتك ؟ وسفرياتك ؟
لو تقول لي طلعاتك للبر واجد وتمشي قطوع وعدد افراد الأسرة من 4 ونازل وسفرياتك قليلة اقول لك البرادو بدون تردد
اذا طلعاتك للبر من قريب وبالشهر مرة او مرتين فالأكسبدشن واليوكن يقومون بالمهمة ويخدمونك في التحميل والركاب وطبعا الأمريكي غني عن التعريف بالقوة والراحة
وقبل لا تقدم على شيء استخر الله والله ييسر لك الي فيه الخير

[بو خليفه]

داخل المدينة برادو بسبب المكيف ابرد وفي البر دفع رباعي دائم

و بعده يؤتي اكسبدشن وسيع و ممتاز في البر لكن داخل المدينة المزدحمة المكيف لا يعمل فقط هواء مكيف صحراوي

[عاشق مكشات]

البرادو اتوقع احسن لانه تايوتا

[ذيب المسآري]

اذا طلعاتك للبر واااجد خذ برااادو

واذا قليله خذ تاهو بدال اليوكن لانهم نفس الشي بس التاهو احلى بالشكل

بس الصراحه البرادو ماله مثيل مامن خرابات وموتر كد ومد ويجيبلك سعر لابغيت تبيع

والله يوفقك

[بن سليمان]

أنت تقول للديرة والبر اذا كان عدد الاسرة خمسة وطالع ارشح لك وبقوة الفورد الاكسبديشين أو اليوكن لكن أميل للفورد
ولو تزيد دراهمك 15 الف تاخذ اكسبديشين موديل 2009 ماشي في حدود خمسين الف كيلو
تزودها 25 الف ريال تاخذ موديل 2010 اصفار
قريب لي قبل اربع ايام اخذ 2010 ما شاء الله الموتر مركبه هادي وخفيف نفس وفيه نظام سانيك تتصل على اللي تبي بالصوت ما عليك الا انك تذكر اسم صاحب الرقم وهو يتصل عليه وتستقبل الاتصالات وانت ما رفعت يديك عن الدركسون هذا النظام موجود في أقل فئه في الاكسبديشين والموتر فيه دبل باربع خيارات
نفس اللي في الصورة ونفس اللون فضي

http://www.thesupercars.org/wp-content/uploads/2009/06/Ford-Expedition1.jpg

http://www.thetorquereport.com/2008_gmc_yukon.jpg

[الشمطري]

فعلاً كل شخص له قناعة ولكن اتمنى ان تكون مبنية على تجربة

وليس على تعصب لفئة أو موديل معيــــن

ومن نصيحتي لك زود دراهمك شوي ودور لك لاند كروزر 2003 او 2004 نظيف

أبرك لك منهم كلهم ولكن الإكسيبدشن انا ما قنيتة لكن طلعت ما واحد من الربع معه

فهو من وجهة نظري وقد أكون مخطئ لاينفع سوى بالحزوم و الأرض المتماسكة والإسفلت فقط لاغيـــــر
وهو تعيس الى أبعد درجــــة

وبتقديري اللشخصي حسب الخيارات اللي وضعتها ياعزيزي تكون على النحو التالي :

برادو
يوكن
اكسيبــديشن

تحيــاتي للجميع

[ام صتمه 87]

يوكون ممتاز ومريح واقتصادي جدا

وحلو بطلعات البر انت شف كم طلعاتك اذا كانها اكثر من طلعه بالشهر دور غيره

مع انه يتحمل موب سهل
تحياتي

مع كلام أخوي ولاتنسى الإستخارة ..

[الجئكس]

برادو يالغالي

[راعي الركيات]

تم التصويت

[الكدن1]

خذلك فتك ياخي وخل عنك المسخرة

[عاشق السيل]

تم التصويت لليوكن ،،

والله يوفقك للي فيه الخير ....

[الباثفندر 3.5]

البرادو افضل

[راكب الشفر]

اليوكن اكبر وأوسع وأقوى مكينة
واما اذا انت راعي بر 24 ساعة فلا تقرب من لمه

[هو1ي البر]

اشترلك هايلكس غمارتين و ريييح

[ذئب الدهناء]

تعليق الاخ هتلر جميل وواقعي

[tiger0018]

اذا انك راعي خطوط وسفرياتك كثيرة انصحك بالاكسبدشن وبتاخذ الشكل الجديد بقروشك اما اذا منت براعي سفريات وخطوط طويلة بدون تفكير برادو وعسى الله يوفقك بالرغم ان موتري يوكن مانصحتك فيه لاني مجرب الاكسبدشن تكييف وراحة ووسع وعزم وقيره سلس مافيه خربطة اليوكن وهدوء في المحرك وتماسك ديكوراته وتوكيلات الجزيرة ياعيني عليها تحس انهم اصدق وكالة ووووووووووووووووووووووالله يختار اللي فيه الخير للجميع

[الصقري2000]

افضل شي فيهن البرادو لاكن بنفس السعر تاخذ باترول 2003او2002وهاذا رايي

[ذيب زلفاوي]

انا اقول دراهمك تجيب لك باترول 20070 او 2008 افضل منهم كلهم ولا تنسى ان نيسان تخلصت من كل مشاكل الباترول من موديل 2005
واذا على الخيارات الي انت حاطهم ارشح البرادو ثم الاكسبدشن ثم اليوكن وتر التاهم افضل من اليوكن وارخص

[asd112]

اخى العزيز
لو هذه الخيارات فقط فهى اليوكون
واذا كان بنفتح الخيارات فنيسان باترول فتك 2006 - 2005 لك وللزمن ركوب مدينه وبر ومتعه ولا ينخاف منه
تقبل احترامى فانا عاشق فتك ونيسان بجنون
2002 فتك ذهبى رقم 1

[عميد سامودة]

اذا بس السيارات هذا فاليوكن شيخهم

[شلال الجزيره]

أنت من يحدد نوع السيارة
عيال وشغالة لازم تاخذ موتر يضفهم
عايلة خفيفة برادو مناسب

إذا كنت راعي خطوط وسفريات مركب الأمريكي أفضل
وأنصحك باليوكن أو التاهوz71

أما الإكس دبشه فلا تحرص عليه لعدة أسباب

[أبوسلطان1]

البرادوووووووووووووووووووووووووووووو السبب انك وقت الخراب للسيارة ماتتذكر راحة السيارة

[ولد الغلباء]

براااااااااااااااااااااااااااااااااااااااااااااااا اااااادو

[vtc30]

برادوو وانت بغمض

اليوكن على طول قيره شهرين وانت بالديره مالطلعت للبر تسمع طقه بالقير

وثاني شي يمكن يفصل الدبل عندك

[ولد وايل..]

^^ ياحليلك بس...

[MR.RHAL]

والله من ناحيتي الإكسبدشن

عز الله انه يكــد مــ ع ــك لك ولزمن

[ادليلة]

يخوي البرادو انبغيت تبيع شيك ونبغيت تستعمل في البراوالديره مامثله والناس اذواق

[اول 9099]

يوكن من وجهة نظري

[ولدالمكشات]

والله اقول البرادو بس لو تاخذ فاكس اّر مستعمل مثل 2003نظيف واذا كان ماودك الى باالجديد البردو افضل




ولد المكشات

[حبل الوريد]

تبي الراي

خذ لك إف جي 2008 مستعمل

[عاشق الغضا]

البرادو افضل

[فزاع المطيري]

والله ياخوي صراحة ارشح انك تشتري يوكون سيارة عائلية وتتحمل
لو تشتري يوكون دينالي يكون افضل ..

;)

[SIF]

بصراحة
البرادو الجديد مايعلى عليه
أما الأمريكي كله صلاحيته 5 سنوات وبعدين الله يخلف هرقله وإن جيب تبيعه بأبخس الأثمان
وعليك بالأستخارة

[- أبو سالم -]

السلام عليكم ...
ولله الاكسبدشن قوي و راحة في الخطوط و اليوكن راحة في الخطوط و اقتصادي لكن ان كنت راعي بر يعني في الاسبوع مرة او مرتين خذ البرادو معروف في البر و يخدم ولا يتهرقل بسرعة مثل اليوكن و الكسبدشن و لك الاختيار و صل صلاة الإستخارة .
اخوك أبو سالم.

[ك ح ن 027]

يوكون افضل واريح واوسع واقوى
وجهة نظر...!

[النتاوي]

البرادو والله أعلم أفضل .

السبب : لأنه يتحمل

أما الاكسبشن ديكورة راح يتهربد ..

واليوكن في المرتبه الثانية ..

السبب : كبر حجمه والبر يبيله سيارة رشيقة

[mamsdt]

رايي ان اليوكون افضل للبر والسفر والمدينه

[فهد773]

انت طلعاتك لبر قليله ولا فيها غراز خذ لك يوكن ولا اكسبدشن واذا كانت عكس خذ لك برادو مع انه مايصلح للعائله لانه ضيق ولاهو حق خطوط

[sultan911]

حبيت استفيد ويش ينصحون فيه الشباب دار راسي من كثر تعليقهم ولم يستقرو على راي كل واحد يمدح سيارته يأخوان الي عنده عيب في سياره يضعه والي عنده ميزه حلوه في سياره يضعها ماطلب ويش تحب انت هو يطلب الميزات في السيارات الموجوده في الاستفتاء
اقول لصاحب الموضوع الله يعينك

[ذعذآع]

ههههه بالله احد يقارن موتر ثمانيه سلندر بالبرادو ؟!!!!

البرادو فيه عيب انه يقلب ومعروف هالشي والركب دايم تنكسر رح التشليح وشف ..

اكسبدشن او جمس .. وين ؟! تبي تصفها عند هاللي تقول جربوع بلا ذنب !

بصراحه مدري شقول بس ..

كانك تبي الراحه والوكاله الصح بالنسبه لنا او بالخارج فووووووووورد لا تعداه ..

[أبوحمييد]

ههههه بالله احد يقارن موتر ثمانيه سلندر بالبرادو ؟!!!!

البرادو فيه عيب انه يقلب ومعروف هالشي والركب دايم تنكسر رح التشليح وشف ..

اكسبدشن او جمس .. وين ؟! تبي تصفها عند هاللي تقول جربوع بلا ذنب !

بصراحه مدري شقول بس ..

كانك تبي الراحه والوكاله الصح بالنسبه لنا او بالخارج فووووووووورد لا تعداه ..

الامريكي دفرنسه يطيح هههههههههههههه وين عايشين ...

كل واحد يجيب اشاعات على كيفه .....

[تاهو دبل]

السلام عليكم ورحمة الله وبركاته

مساكم الله بالخير

الصراحه هذي اول مشاركه لي في هالمنتدى الله يخليه لكم ولي الصراحه ممتاز

وبالنسبه للموضوع

اخوي انت تبحث على الوسع والقوه والراحه والتحمــل البرادوو قوي لكنه ضيق ولا هو راعي خطوط

وخطير لانه غير راسي

الاكسبدشن وسيع ومريح لكنه لاقوي ولا يتحمل وانواع الهربده ويتفكك بسرعه شيله من بااااالك ابدا

نجي لليوكن انا معاي تاهو 2001 اخو اليوكن ابن عمه دبل المهم والله لقيتها السياره اللي تلبي كل رغباتي

من ناحيه الامان والراحه والرساوه في السفر والخطوط ومن ناحية الوسسع حدث ولا حرج ومن ناحيه القوه والله قووي وحق سحب وطعوس وكل شي اذا كانت ديرتك جبليه ماعندك مشكله واذا طعووس طق الدبل ونسم كفراته وامش ما يقول لك لا واللي يقول ان خراباته كثير حبيبي اللي عندي 2001 مر عليه عشر سنوات وفوق هذ1 انا شاريه مستعمل والله ما شالله عليه زي الحلاوه وسعره معقول وفخم يعني بالعربي انا شفت فيه كل للي كنت ابيه من فخامه وقوه ووو الخ

حبيت اضع رأيي هنا والله يوفقك للازين

تحياتي لك

[ولد وايل..]

^^

والله كلام وبدون تعصب بس منصف...


ذعذاع ههههههههههههههههههههههههه جربوع بدون ذنب ههههههههههههههههه الله يصلحك ههههه

[راعي ذرف]

بسم الله الرحمن الرحيم

1 / اخوي من وجه نظري اذا تبي النصيحة وتقول انا ابي اللي يجمع الراحة والقوة والوساع والبر والتحمل عليك بالسوبر سفاري 2004 2005 وممكن تلقى باللي معك 2006 بالخليج
2 / البرادو اذا كنت كثير طلعات البر ويتحمل بر وسفر
3 / اليوكن ممتاز اذا كنت قليل طلعات البر و مريح وقوة ووساع لكن عليك ب2006
والجديد ماانصح به
3 / الاكسبدشن الله اعلم به الوكاد انه كله حساسات

[خشم العرمة]

داخل المدينة برادو بسبب المكيف ابرد وفي البر دفع رباعي دائم

و بعده يؤتي اكسبدشن وسيع و ممتاز في البر لكن داخل المدينة المزدحمة المكيف لا يعمل فقط هواء مكيف صحراوي

ليتك توضح على اي اساس حكمت ان الاكسبدشين داخل المدينة مايعمل؟

وبودي لو تسأل احد الاخوان اصحاب الاكسبديشن وهو بيفيدك

عموما المواتر الجديدة كلها مكيفات من اروع مايكون وتتحمل الحرارة بشكل ممتاز

[ابونبيل]

البرادو حق البتاع كلووو


اخوءي معه واحد 2007 وماشاء الله

[x_vip5]

اليوكن و الاكسبدشن هذي ماهي جيوب
سيارات خط فقط وثقيله ايضا ع الخط