رأيكم بالسكويا 2010 دبل

[مغلي]

السلام عليكم

السيكويا 2010 دبل

أستخدامي عائلي 90% عائلتي 7 بالغين وطفله 11 سنه وطفله اخرى 3 سنوات
السرعه لا تهمني -لأني ما اتجاوز ال 125 الا نادرا- فقط العزم والقوه والثقه والمتانه هي اهم شي عندي
عزم المحرك 55.5 كغم /متر ---- بينما الفكسار الان 41.8 كغم /متر والباترول الجديد 55 كغم /متر

الاحصنه 381 حصان --- وحسب معلوماتي الاحصنه تفيد بالسرعات العاليه
بينما العزم يفيد بقوة الفزه من الوقوف

مطلوب رأي المجربين لها

هل هي سيارتن يشد بها الظهر سواء بخط سفر او بطعوس او بجبال
هل دفرنساتها وقيرها نفس الفكسار واللكزس 2010
هل فيها اعطال مصنعيه عويصه
هل دفرنسها الخلفي عكوس او دفرنس كامل
هل قطع غيارها متوفر بكل مكان ورخيص او غالي
هل مقاعدها مريحه بالسفر مثل الفكسار او قلق مثل الجكسار
هل القير 6 نمر مثل اللكزس او 5 نمر مثل الجكسار
هل البنزين 91 او 95
هل المرايات الجانبيه يمين ويسار مأخوذه من اليوكن !!! ... الله يستر اكره شي عندي جي ام سي وشفروليه
هل ينفع للتطعيس المعقول (وليس الهبال مثل اهل الهايلوكسات وخبالهم بالتفتفه عشان يرقى ويمشي بالطعوس)
هل شكل السياره مقبول او غير مقبول خصوصا ان اغلب من يقودها الان هنود :mad:
هل فيه اي اشياء ميكانيكيه مشتركه بينه وبين الجكسار
هل ممكن تركيب ونش له
هل ممكن تركيب دعامه اماميه مثل الجكسار
هل ممكن تركيب جناح خلفي مثل الجكسار
هل الزجاجه الخلفيه بباب الشنطه = عمليه او عله لأنها تنزل وترتفع وليست رهيبه مثل الجكسار حيث تفتح لفوق مع جزء من الباب لتسهيل تحميل الاغراض
هل يأتي بتشغيل بصمه
هل يوجد ثلاجه من الوكاله بهذا الموديل 2010
هل عزل الصوت ممتاز او وسط او سيء = عند سرعة 140 واقل .... فوق ال 140 بسلامته مايهمني حدي 140 وبس
هل نظام تبريد المحرك ميكانيكي او كهربائي
ماهو افضل لون يركب عليه 100%





http://www.waraqat.net/2009/03/Sequoia_car5.jpg

http://www.waraqat.net/2009/03/Sequoia_car6.jpg

http://www.waraqat.net/2009/03/Sequoia_car8.jpg

http://www.waraqat.net/2009/03/Sequoia_car11.jpg

http://www.waraqat.net/2009/03/Sequoia_car12.jpg

http://www.waraqat.net/2009/03/Sequoia_car20.jpg

http://www.waraqat.net/2009/03/Sequoia_car21.jpg

http://www.waraqat.net/2009/03/Sequoia_car25.jpg

http://www.waraqat.net/2009/03/Sequoia_car26.jpg

http://www.sdeaf.net/vb/images/images_thumbs/3545512fa78b57455b924b488b9b0cdb.jpg

http://www.alrroya.com/node/7499

اختبار تصادم ... كفانا الله واياكم شر الحوادث http://www.youtube.com/watch?v=SjlVtRi5mPY

[bu hadi]

عليكم السلام ورحمة الله وبركاتة

اسمع وانا اخوك

السيارة هذي فكرت فيها بصراحة قبل مااخذ الكروزر

لكن للأسف ماكانت دبل وهذا كان عيب في موديل 2009

لكن موديل 2010 ماشاء الله مافية كلام وانا اكلمك وانا مقتنع فيها كأفضل سيارة

وخاصة انها تويوتا ومكينة لكسز فهي سيارة قوية مافية كلام

دخلت الكثير من المنتديات ونشدت الين عجزت والكل يمدح فيها

ما حد عاب الا صرفية البزين يقولون تصرف شوي ولو فكرنا بجدية نلقى من يقتني سيارة بهذا الحجم ومكينة كبيرة لازم بتصرف شوي

اما عيوب لا توجد ولن توجد انشاء الله وكفاية انها تويوتا

بالنسبة للهنود الله يغثهم انا زيك كرهوني من كثر ماشوف ذالسووايق بازين فيها

لكن لو فكرنا نحصلها مناسبة للعوايل وسعرها معقول لكن ماتمنعك تقتنيها

تقبل مروري واستخر وذا نويت علمني نبيع الكروزر وناخذسكويا اكبر للعوايل ومكينة صح

[بن سليمان]

اذا كنت تقدر على الباترول الجديد فلا تتردد وش جاب الثراء للثريا
والسكويا يجي مقصات واهل التويوتا يقولون المقصات ما تنفع ابد ابد في البر يعني ما يشد فيها الظهر في طعوس وجبال

[مغلي]

حياك الله يابوهادي

رأيك على العين والراس

فعلا السكويا سياره قويه وخصوصا ان المحرك + القير = لكزس = والسعر 148 الف ريال .... اقل من اللاندكروزر ال G اخس نوع قيمته 156 الف

*********************

اخي ابن سليمان

الباترول الجديد في نظري انه ارمادا بشكل جديد فقط ... تقريبا كل المحركات نفس الشي 100% .... لكن داخليته خباااااااااااااااال وجناااااااااااااان

[ابن عكاش]

للفائده الباترول الجديد نفس قاعدة الأرمادا
السكويا سعره مغري لكن اشوف انه مايصلح للبر
هل فكرت في التاهو الجديد 2010م ltبـ 128ألف
اتوقع الحكسار موتر للي بيستخدم مده طويلة خصوصاَانه يجع اشياء واجد للبر للسفر وموتر يواجه وشكل اتوقع مافيها مقارنه بس غالي
تقبل مروري

[مغلي]

صدقت يا ابن عكاش

الجكسار ... رزّه ويواجه لكن عيوبه الحاليه = السعر 192 الف + المحرك 4.7 قديم وعزمه لك عليه شوي مقارنة بالباترول والسكويا طبعا

اما سالفة التاهو ... فهي آآآآآآآآخر شي افكر فيه

والمشكله ان الباترول مهوب باترول ... اسم فقط بينما هو ارمادا مجدد بالكامل لأن الارمادا سيتوقف انتاجها نهائيا لدلاخة شكله

[عميد سامودة]

الله يعينك خذ اللي ترتاحله ولا رضا الناس غاية لا تدرك كل واحد بيمدح موتره

[علوان]

متابع



افكر انا باخو السكويا الي هو التندرا الفرق انه يجي غرفه وحوش ولا غرفتين او حوش

[بحرالحياة]

السيارة رائعة بكل المقاييس

[monsixnet]

-

×مشكور ويعطيك العافيه

[hightech]

سبق وان استأجرت السيارة لمدة يوم بقصد التجربة والحقيقة ان السيارة ماعليها كلام

والعذروب الوحيد ماكانت دبل (2009) وهذا ماجعلني اصرف عنها واستخير الله

وبالاخير اخذت تاهو 2010lt .

اقترح عليك انك تستأجر وحدة يمكن تغطي نصف استفساراتك :) ولا تنسى

الثمامة رح هناك وجربها زين اذا الموتر جازلك توكل على والله يكتب لك الصالح.

[مكشاتي الجزيرة]

سيكويا مجربه....توكل على الله...

[بعيد الهقاوي6]

الخيارات اللي انت حاطها كلها ممتازه ماعدا السيكويا

الباترول واللاند والجمس هذي المواتر لك وللزمن قوه وتحمل وكرف ورزه


السيكويا انحش عنه نحشتك عن الذيب موتر كثيرتن مشاكله وماهوب مرغوب

[الجني العبد]

السيكويا انحش عنه نحشتك عن الذيب موتر كثيرتن مشاكله وماهوب مرغوب
:D :D :D :D

من تكلم بغير فنّة أتى بالعجائب :p

[أبوعذااب707]

بعيد الهقاوي
اليوكن انا مجربه وخراباته واجد بالذات القير وطرمبة البنزين علما بأن موديله 2009
السيكويا الحمد لله ما شفت منه شيء
الباترول حجمه صغير للعايله الكبيره
الجي اكس ار لا يعلى عليه لراعي البر
اما مدينه وبر قليل سيكوياا بقووه

[anas]

انا مثلك وفي النهاية رسيت على سيكويا دبل فتحة 148000 مع الجناح الخلفي تزيد 1400 ريال مع التظليلة 1700 ريال المجموع151100 ريال
ولعلمك جربت الاكسبدشن دبل طويل موديل 2010 /137000 ريال وجربت جمس طويل 2008 / 138000 ريال تقريبا
ووجدت في الراحة على الخطوط الطويلة واقل في صوت الهواء والازعاج والقوة الرهيبة لصالح السيكويا لا تتردد وبتدعي لي وبعدها الاكسبدشن واخرها الجمس صوت الهواء وصوت الكفرات ازعاج

[سفاري959]

انا معك في انك تصرف النظر عن اليوكون والتاهو لكثره مشاكله حتى وهو جديد السكويا موتر جديد ما جرب واعتقد انه يصنع في امريكا ولكن يظل الياباني افضل من الامريكي من ناحيه الاستخدام وبمراحل وهذا راجع لرغبتك بس انا ماني معك في سالفه ان الباترول هو الارمادا واتمنى ترجع لمواقع كثيره وناس سوت بحث عشان هالشي وحصلوا الباترول مختلف تمام عن الارمادا وبعدين الارمادا وش فيه مع ناس اعرفهم ماشي ويمدحونه بس العيب الوحيد انه نفس الموتر اللي تتكلم عنه غالب شي تحصلها مع السواقين وهنا افضل حل السياره اللي ترسي عليها استأجرها وجربها يا تقتنع فيها وتاخذها او العكس وتصرف النظر تخسر 500 ريال ولا تخسر الاف الله يكتب لك اللي فيه صالح وخيره تقبل مروري

[عآشق الحره]

في احد يروح البر بتريله <<<ياخي هذا اذا نشب من يسحبك ..
للمدن والسفريات والبر على خفيف تراه تيوتا لك وللزمن تيوتا بجميع فيئاتها تصبر خويي معه يارس ماخلا فيها ديره ...والسكويا امريكي خالص وكان اصلا بامريكا قبل للينزل بالسعوديه ..من زمان ..ويجي منه حوض باامريكا ...واللاندكروز لاتاخذ الا 8 سرندل ولونه غالي ولا 6 ميت ...تحياتي

[الساهر40]

أرى بأن السيكويا أغبى سيارة انتجتها تويوتا سواء من حيث الشكل الخارجي الذي تحس أنه تصميم قديم وكذلك التصميم الداخلي حيث الطبلون المقسوم إلى يمين ويساروأزرار كبيرة الحجم يسبب لك الإزعاج وأنت خلف المقود وفي هذه السيارة يتضح أن تويوتا لم تنجح في تصميم السيارات كاملة الحجم كما نجحت مع اللاندكروزر

[الشقردي 999]

ما انصحك انا مجربه
ميزنه الوحيده الراحه والكبر
وسلبياته بنزين ومشاكل كبر زايد ما يصلح للبر

[عبادييي]

انحش مشاكلها كثيرة

غير كذا ضيقه من الداخل

[درباس فرناس]

انحش مشاكلها كثيرة

غير كذا ضيقه من الداخل


أنا لا أملك السيارة وإن كان عندي نية قوية في شرائها
الا أن ماذكرت أن السيارة ضيقة من الداخل غير صحيح إطلاقا ويظهر أنك لم تشاهد السيارة من قرب
لعلك تقوم بزيارة لأقرب وكالة تويوتا وتحكم بنفسك على ماذكرت
أفضل شئ في السيارة هي سعتها الداخلية والتي لايجاريها في ذلك حتى السيارات الامريكية حتى أن المراتب يتم تسفيطها جميعا من الداخل فتعطي مساحة كبيرة بدون ماتقوم بفك المرتبة الخلفية مثل ماهو معمول به في الجمس أو تقوم بتعليقها بالجوانب مثل اللاند
ولعل السيارة استفادت ذلك من الفورد الاكسبيدشن والذي يتميز بتسفيط المراتب ولكنها حسب نظري هي أكبر سيارة من فئتها وأوسع داخليا
أما بقية ما ذكر من عيوب فلا علم لي بها وإن كانت السيارة لاتزال جديدة على السوق ولم نسمع من ملاكها في المنتديات ذم واضح وبيان عيوب واضحة للسيارة
المثير للدهشة في السيارة هي أنهيار سعر المستعمل منها من موديل 2009 والذي لم يأتي بدبل
حتى أن اعلى فئة وهي البلاتنيوم وجدتها مستعملة في حراج النسيم لدى معرض محدودة بسعر 145 الف ريال مع أن سعرها جديدة يقارب المائتين الف ريال
وهذه مصيبة أن ينزل من السيارة ما يقرب من ربع قيمتها خلال سنة حتى أن الوكالة الآن قاموا بعرض على البلانتيوم وخفضوا من سعرها عشرون الف ريال على موديل 2009 وهذا أكبر تخفيض تقوم به وكالة سيارات على حد علمي مما يوحي أن الفئة الفخمة منها غير مرغوبة إطلاقا في السوق
لذلك أظن أنه لا ينصح ابدا بشراء الفئة الأعلى من هذه السيارة
ولكن لاتزال الفئات الأقل خيار جيد لمن يفضل سيارة كبيرة الحجم وواسعة مثلها وخصوصا بعد نزول الدبل وإن كان الدبل يحتاج الى رأي الخبراء في مدى كفائته الفعلية أو أنه تحصيل حاصل مثل ما يوجد في بعض السيارات الامريكية

[هويدي]

من رأيي انك تنقز لتايوتا وتركب السكويا
ومن ثم تنقز للحمراني وتركب الباترول

وبعدين قرر ولا تنسى الاستخاره والله يدبرك على الصالح

[مغلي]

حياكم الله

انا شاهدت السكويا والجكسار والباترول ... كلهن بليله وحده
الباترول ... شيخ ورزه وضخم وداخليه البيج يخليك تعيش في عالم آخر من الفخامه مع ان وجهه غبي شوي ومقفاه ايضا ... لكن من الجوانب شيخ المواتر كلها

الجكسار ايضا شيخ ورزه بس لما تركب فيه يحسسك بالكآبه من كثر السواد في داخليته ... وبدائية مراتبه الي تقول منجدها باكستاني بالغرابي ... اجل 2010 والمرتبه فيها سحاب كنها مريول ....

السكويا ... لما تركب فيه تحس انك في الهزازي مول ... كله بلاستيك وقطعه كبيره وديكوراته كبيره كأنك في قسم البلاستيكيات حقة الغسيل(الطشوت) واغلب اموره مأخوذه من اليوكن لأنه اخوه من الام ... وكنت مفكر ان الدبل يجي فيه دفلوك ... صار مافيه ... والزر صار قفل تفاضلي لتوزيع العزم بين المحورين وليس دفلوك مثل الجكسار والباترول
بس ميزته الوسع بكل مكان ... وحركة مراتبه الوسطى والخلفيه روعه
.
.
(((فكيف اختار بينهن)))

اما اسعارهن
191 الف = باترول
193 الف = جكسار3 V8
148 الف = سكويا دبل + فتحه

فلو بغيت استأجر سكويا دبل 2010 ... وين القاه بالرياض بأي مكان ...

[كاشت...]

والله وانا اخوك السكويا مهوب موتر كشات
احس ما طلعته تويوتا الا منافسه للأرمادا ...
كبيرة ع غير سنعععععع ولا هنا بودي :(
السكويا هي سياره عائليه بس مافيه مثل الجمس سيارة عائلية ...
كل الشكر

[hightech]

اذا تبي تستأجرة وانت متجه للمطار وجاي من خريص من عند الحرس الوطني

امسك خط الخدمة بتجيك شركة ذيب على يمناك كان عندهم واحد استأجرته قبل

6 شهور وان شاء الله تحصله او تحصل اجد منه

[SIF]

ما أدري ليه إذا شفتها أتذكر الخنزير أكرمكم الله

عليك أنا أخوك بالجسكار أو الباترول

[اول 9099]

انا اشوف ياباترول
اولاندكروزر
ولاتفكر في الباقي

[خشم العرمة]

مثل مانصحوك الاخوان استأجر وجرب وأستخر وان شاء الله بيسر الله امورك

من ناحيتي قد لايستهويك اختياري ولكن أمل انك تحطة في الاعتبار وتجربة اللي هو الاكسبيدشين قوة ومتانة ودبل قوي وعزم وراحه وفخامة ورشحته لك بسبب انك في حاجة لمركبة وسيعه وفسيحة وقوية تكفيك انت وعائلتك.
في الاخير رضاء الناس غاية لاتدرك فلن تجد اتفاق من الجميع على سيارة محدده مهما كانت ولذلك مادمت استشرت فعليك بالتجربة ثم الاستخارة ويكتب الله لنا ولك الخير

[ديرتي]

جميع السيارات المذكورة للاسف لاتخدمك بسبب بسيط وفعال وهو:
7 بالغين + بنت 11 + بنت 3 سنوات .. ومدري عندك شغاله او بتجيبها بعدين انشاء الله لا
بهالحسبة اقول لك مالك الا الصالون ..كيف ؟
2 قدام + 4 + الوسط + 3 الخلف لان ام 3 بتكبر ان شاء الله + العفش ..
اتوقع الجيوب باتواعها ضيقة ..
جرب سيارة جيب وركب الجميع وقارن قبل الشراء
انا لا احب الامريكي لكن وجهه نظر ومرغما اخاك لابطل

[ذيب الهويمل]

والله انصحك بالباترول

قوه وعزم وفخامه ومنظر

[ذيب وراط]

النآس أذوآق يآ خآلي ..

وعن نفسي مآ جآز لي شكل السكويآ أبداً أبداً على أن فيه مواصفات حلووه

[المنيعي1]

أخوي مغلي
ألله يوفقك وتشري الموتر الي يرضيك

بس أبي أقولك رايي ونظرتي للموتر الصراحه عجزت اهضمه كل ماشفته أحس بلغثيان رحت للوكاله قلت أبي أركب غمارته يمكن تتغير نضرتي له :زادت الحاله ونزلت على طول عجزت أصبر وجتن حالت الغثيان وش الحل الا بجنبي GX-R في الصاله المهم فتحت بابه وركبت في غمارته وبدت الحاله تهدا شوي حتي ضبط الوضع وبعدين خلاص غسلت يدي منه !!!! هههههه لاتزعل مجرد دعابه وراي شخصي .

[ابوطاقية]

اقترح عليك والراي لك بما ان استخدامك عائلي بنسبة 90% فالسكويا ممتازه جدا ولها عدة ايجابيات وهي كا الاتي
1-السعر مقبول مقارنة بمثيلاتها
2-الفساحه الداخليه فسيحه وملائمه للعائله
3-مكينه لكزس 5.7
4-قير 6 نمر مريح بالسفريات الطويله
5- توفر قطع الغيار
6-خدمة مابعد البيع ممتازه عند الوكيل
وقبل كل هذا الاستخاره والله يكتب الي فيه الخير

[الباثفندر 3.5]

سكويا انحش

[مغلي]

جميع السيارات المذكورة للاسف لاتخدمك بسبب بسيط وفعال وهو:
7 بالغين + بنت 11 + بنت 3 سنوات .. ومدري عندك شغاله او بتجيبها بعدين انشاء الله لا
بهالحسبة اقول لك مالك الا الصالون ..كيف ؟
2 قدام + 4 + الوسط + 3 الخلف لان ام 3 بتكبر ان شاء الله + العفش ..
اتوقع الجيوب باتواعها ضيقة ..
جرب سيارة جيب وركب الجميع وقارن قبل الشراء
انا لا احب الامريكي لكن وجهه نظر ومرغما اخاك لابطل


والله يا ديرتي
رأيك في محله
بس لم اعد اثق بالجمس 2002 بسبب الطرمبه وخرابها المفاجىء .... مع اني الان غيرتها بطرمبة فكسار ... لكني فقدت الثقه فيه واعتقد انه سينكبني بمكان ما

----يوجد موديلات 2008 -2009 تعطلت طرمبة البنزين ----

[باث2001]

يستخدمها الآن زوج اختي , 2010 بدون دبل الله يخلف عليه وعلينا فيه ما ادري كيف يفكر الله يهديه , ركبته وسيع ومريح بس اللي قهرني انه جنط 18 !!!
عسانا نلاقي كفرات 17 بشكل مريح بعد بندور على 18 ؟؟
والقزازة الخلفية تنزل وسط الباب الخلفي ,
هذا من وجهة نظري ,ما اعجبني ,,

[مسير عليهم]

انا ماشدني الا اللي يقول مكينه لكزس

واللكزس وش اساسها هي تويوتا يعني جيب اللكزس اذا فتحت الكبوت كل القطع مكتوب عليها تايوتا

ودامك دافع هالقيمة حرام تحطها في هالسيارة عندك اليوكون او التاهو صدقني انه افضل مواصفات واريح واوجه

واشوفك تقول ان الارمادا فاشل من شكله والساكويا وش تقول عنه



والساكويا من شفت طبلونه فاصلينه باللون وانا غاسل يدي منه

http://www.waraqat.net/2009/03/Sequoia_car6.jpg

تخيل كل صبح اشوف الغباء هذا قدامي


لكن شوف التانسق في التصميم

http://n4hr.com/up/uploads/31da71eff7.jpg (http://n4hr.com/up/)



معلومه اخذتها من خبراء عل ىقولتهم السيارة العائلية تنعرف بالقير العلاقي كونه بعيد عن الاطفال بينما الساكويا قير ارضي

[ابوصالح77]

الله يوفقك بالسيارة التي ترضيك وتريحك
أستخر الله
السكويا موتر عائلي
والجيب ماعليه كلام يعيبه الضيق
والباترول جديد ما ندري عنه
من وجهة نظري كانك راعي بر إذا يكفيكم الجيب فخذه وأنت مغمض
وبالنسبة للبالغين : الولد بتشري له سيارة والبنت بتزوج
والعفش سله خلفية أو فوق التندة

[الشنه]

السكويا 2010 دبل
مناسبه جداً

[راع الحيزى]

السلام عليك
من وجهة نظري يعيبها شيئين :
1. مافيها ثلاجة...وارى انها مهمه للسيارة العائلية خصوصا في السفر. النطقة هذي تغلب عليها احد الإخوان في النتدى وركب ثلاجة بدل الدرج الأوسط.
2. مشكلة التراك كونترول في البر يضعف عزم السيارة بشكل كبير. احد الإخوان طرح موضوع عن كيفية تركيب فاصل للتراك كونترول وماشاء الله مشت معاه الأمور تمام. لكن اعتقد ان الموتر أذا كان دبل لازم يجي بفاصل للتراك كونترول لتعارضه مع خاصية الدبل..يبيلك تشييك على النقطة هذي.

الموتر ماشاء الله مواصفاته كثيرة جداا مقارنه بغيره من السيارات...اما قول انه يصنع في امريكا...نعم الموتر يصنع في امريكا وثلاثة ارباع انتاج تويوتا ولكزس تصنع خارج اليابان.

للمعلومية انا ناصح اخوي ياخذ سكويا دبل ويعلم الله اني قلت له مثل ماكتبت لك في الأعلى.

موفق للخير

[مغلي]

شاكر ومقدر مشاركاتكم
اتمنى ان الموضوع يكون مفيد لكل شخص يريد شراء اي من هذه المركبات


يستخدمها الآن زوج اختي , 2010 بدون دبل الله يخلف عليه وعلينا فيه ما ادري كيف يفكر الله يهديه , ركبته وسيع ومريح بس اللي قهرني انه جنط 18 !!!
عسانا نلاقي كفرات 17 بشكل مريح بعد بندور على 18 ؟؟
والقزازة الخلفية تنزل وسط الباب الخلفي ,
هذا من وجهة نظري ,ما اعجبني ,,


هذي بلحالها قلت حيا
لوها ثابته مثل الفورتشنر تسان اهون

[الحمر احمر]

السلام عليكم اخوي الغالي نصيحه لوجه الله عليك بالفورد اكسبدشن واذا بغيت رفاهيه زياده شف اللنكن نافيجيتور واسال ولا تاخذ بكلامي والسلام ختام

[faris2006]

ياخي يكفيك انه تويوتا
زيه زي ال جي اكس ار والكزس
الباترول الجديد كثر خرابات (السلف,سيور,....) هو جميل
اسئل الى عندهم سكويا لا تسئل واحد يشوه يمشي بالشارع كل الي ردو على الموضوع ما جبربه حكم من شكله
انا كنت ابشتري واحد بس نقصت افلوسي وتركته ان شاء الله الثلاث السنوات القادمه

اذا انت محتار بينها استجر اي من السيارات وجربها خذ مشوار طويل
سيارات الاجار تكرف ويبين عيوبها عند ماتسوقها
الله يرزق ويعطيك خيره ويكفيك شرها

انا ماجربتها كلها مثل ما قلت لك اسئل المجرب

[ذعذآع]

السياره ما صنعت لك ..!

النوع هذا صنع لأمريكا وفي امريكا .. ولا نجحت ..!

متى تستوعبون ؟؟؟ اذا هم رفضوها !! تاخذونها انتم ويصرفون عليكم ؟!!!

وهناك عندهم اعلام صح وتقييم صح وعندهم الحق وحنا اهل الحق مع الاسف ما نبيه !!!

انت توحي ؟؟؟ ما نجحت .. ما نجحت .. ما نجحت .. ما نجحت

[درباس فرناس]

السياره ما صنعت لك ..!

النوع هذا صنع لأمريكا وفي امريكا .. ولا نجحت ..!

متى تستوعبون ؟؟؟ اذا هم رفضوها !! تاخذونها انتم ويصرفون عليكم ؟!!!

وهناك عندهم اعلام صح وتقييم صح وعندهم الحق وحنا اهل الحق مع الاسف ما نبيه !!!

انت توحي ؟؟؟ ما نجحت .. ما نجحت .. ما نجحت .. ما نجحت

اصلا السيارات كلها ماصنعت لك
مصنوعة لأهلها الي بديرتها
السيارات الامريكية من فورد وجي أم سي مصنوعة أصلا لهم ومع أن المبيعات من الامريكي عندنا ما توقف وهي بإدارة أكثر من وكيل في البلد الا أنه يوم أنخفضت المبيعات عندهم تسببت بإفلاس شركاتهم
لأنك ماتمثل الا هامش لهم بالربح بالنسبة لمبيعاتهم الضخمة عندهم
عرفت الحين أن كل السيارات ليست مصنوعة لك
أنت توحي وإلا بعد ماتوحي ..................؟

[ذعذآع]

اخوي درباس ندري الله يسلمك .. حنا نتكلم على الياباني خلك معي على الخط !

لو انك تتكلم على الياباني من اليابان ما قلت شي لكن حنا نتكلم على الياباني من غير منشأه ..!

هااه عساك توحي ههههه

النصيحه من اول بجمل ! والحين ناصحك ذابحك سبحان الله ..

تدري .. اشتر ما خذت من جيبي شي .. الله يوفقنا واياك ..

[درباس فرناس]

يا أخوي لا تزعل ترى الدعوى كلها كسرة حديد ماتسوى زعلك يابعد حي
والمسألة تبادل خبرات ومشاور بين الاخوان
المقصد أن مثل هذه الشركات الكبيرة لاتصنع سيارة تخسر على تصميمها ملايين وتكاليف ثم تقتصر فيها على سوق معين
العادة أن مثل هذه الشركات توجه السيارة الى سوق ثم أن أثبت نجاحه تقوم بتعميم النموذج لكافة الاسواق
العجيب أني وجدت أن سعر السكويا في أمريكا مقارب لسعرها في السعودية
أرجو يا أخوان أنكم تدققون في هذا الموقع وتشوفون فرق الاسعار
ليست الدعوى دعاية للوكيل لكن أنا مستغرب من هذا الشئ
كيف أن السيارة تصنع عندهم ثم تشحن الينا ولا يأخذون زيادة على اسعارها هناك مع أن عندنا وكلاء يحللون قيمة السيارة حتى آخر قرش
أرجو أنكم تشاهدون الموقع وتشاركون برأيكم في ذلك
تفضلوا http://www.toyota.com/sequoia/trims-prices.html#/?view=showroom&vehicle=0

[رقبة حاشي]

يا أخوي لا تزعل ترى الدعوى كلها كسرة حديد ماتسوى زعلك يابعد حي
والمسألة تبادل خبرات ومشاور بين الاخوان
المقصد أن مثل هذه الشركات الكبيرة لاتصنع سيارة تخسر على تصميمها ملايين وتكاليف ثم تقتصر فيها على سوق معين
العادة أن مثل هذه الشركات توجه السيارة الى سوق ثم أن أثبت نجاحه تقوم بتعميم النموذج لكافة الاسواق
العجيب أني وجدت أن سعر السكويا في أمريكا مقارب لسعرها في السعودية
أرجو يا أخوان أنكم تدققون في هذا الموقع وتشوفون فرق الاسعار
ليست الدعوى دعاية للوكيل لكن أنا مستغرب من هذا الشئ
كيف أن السيارة تصنع عندهم ثم تشحن الينا ولا يأخذون زيادة على اسعارها هناك مع أن عندنا وكلاء يحللون قيمة السيارة حتى آخر قرش
أرجو أنكم تشاهدون الموقع وتشاركون برأيكم في ذلك
تفضلوا http://www.toyota.com/sequoia/trims-prices.html#/?view=showroom&vehicle=0

بعد اذن الجميع انا سادلي بدلوي ..
كلامك صح ياخوي درباس فرناس.... واكبر مثال الكامري اول ما طلعت في امريكا وجلست فتره طويله وبعدين جت عندنا ...
وبعدين يكون في علمك ان السوق الخليجي كله ومعاه سوق الدول العربيه معه لا تساوي حجم مبيعات السيارات بأمريكا .... ولا يوجد مقارنه ... يعني لو ان معمد بيع السيارات علينا كان قد قفلوا واخسروا..... (توحي وال ماتوحي ههههههه) شكري للجميع ......

[hgrkhw]

انا اقول السكويا ممتاز بس غاليييييييييييييييي

[ذعذآع]

يا أخوي لا تزعل ترى الدعوى كلها كسرة حديد ماتسوى زعلك يابعد حي
والمسألة تبادل خبرات ومشاور بين الاخوان
المقصد أن مثل هذه الشركات الكبيرة لاتصنع سيارة تخسر على تصميمها ملايين وتكاليف ثم تقتصر فيها على سوق معين
العادة أن مثل هذه الشركات توجه السيارة الى سوق ثم أن أثبت نجاحه تقوم بتعميم النموذج لكافة الاسواق
العجيب أني وجدت أن سعر السكويا في أمريكا مقارب لسعرها في السعودية
أرجو يا أخوان أنكم تدققون في هذا الموقع وتشوفون فرق الاسعار
ليست الدعوى دعاية للوكيل لكن أنا مستغرب من هذا الشئ
كيف أن السيارة تصنع عندهم ثم تشحن الينا ولا يأخذون زيادة على اسعارها هناك مع أن عندنا وكلاء يحللون قيمة السيارة حتى آخر قرش
أرجو أنكم تشاهدون الموقع وتشاركون برأيكم في ذلك
تفضلوا http://www.toyota.com/sequoia/trims-prices.html#/?view=showroom&vehicle=0






هلااا بك اخوي درباس .. ما هنا زعل الله يسلمك .. والمكان للجميع


طيب هالحين حسب ردك ان السعر واحد في امريكا وعندنا صح .. تتوقع ليش ؟؟


انا اتوقع انها بارت عندهم عقب الفضايح اللي صارت والحين بيصرفونها علينا على انها رخيصه
والله انها ورطه بجد .. لكن وش نقول .. العتب على التجارة وهيئة المقاييس المفروض ما تنزل عندنا
الا بعد اختبار شامل .. اجل ارواح الناس وفلوسهم ما تسوى !!!!

[السليطين]

السكويا موتر عائلي بالدرجه الاولى مثله مثل الصالون يعني مهوب موتر مطامر وبران .. موتر ركاده ويبي له رجل خفيفه .... فاذا انت يهمك العائله فهو لها .. لكن بعد نزول الباترول 2010
فانا ارشح لك الباترول . لانه لايوجد فرق بالوسع ..
كذلك يتميز الباترول بالفخامه والوجاهه ..

واستبعد الـ gxr من المقارنه . لانه هو اضيق سياره بنهن واضعف مكينه . واقل تقنيات وسعره غالي على غير سنع ...

[بو خليفه]

ارمادا افضلهم

[xterra ارن 09]

السيكويا موتر جميل وقوي جدا مع 380 حصان ..


الله يكتب لك الي فيه الخير

[اليكي]

الى الان ماسمعنا مشاكل السكويا ... وسعره مناسب ... وموتر عائلي ... وتويوتا ...

[الباثفندر 3.5]

ارمادا افضلهم

و الله غلطان الارمادا افشل سياره و حتى وقفو بيعه
كلامي من واقع تجربه

[ارمااداا LE]

و الله غلطان الارمادا افشل سياره و حتى وقفو بيعه
كلامي من واقع تجربه

اخوي مو صحيح كلامك ارمادا ما توقف وهذا هو موجود بالوكاله وش قصتك؟
يمكن انت مجرب وحده لكن انا مجرب 2006 دبل و 2007 عادي و 2008 عادي والحين 2009 دبل

والله ما عرفت تشيك بالوكاله ولا خراب اللهم فحمات وكفرات فقط ليش الافتراء والتعصب والغش بالنصيحه؟

انا ما اقول اشتر لصاحب الموضوع انا اقول جرب واجرها وقارن واسأل الورش وش خرابات الارمادا ما راح يحصل

تقبل ردة فعلي الله يسلمك مو عادتي بس انفعلت شوي وعلى فكره للحين الاربع سيارات موجوده ولا عليها اي ملاحظات نهائي

[المنيعي1]

و الله غلطان الارمادا افشل سياره و حتى وقفو بيعه
كلامي من واقع تجربه
بالعكس الارمادا بشكل الخارجي والداخلي أفضل من السوكيا ألف مرة

[براوننق]

اخوي نصيحه لاتدور غير الاكسبدشن رح لتوكيلات الجزيره وشفه فخامه وسيع ويصبر انت بالخيار لاكن قبل ماتشتري استخر والله يوفقك

[ابن علوان]

السياره ما صنعت لك ..!



النوع هذا صنع لأمريكا وفي امريكا .. ولا نجحت ..!


متى تستوعبون ؟؟؟ اذا هم رفضوها !! تاخذونها انتم ويصرفون عليكم ؟!!!


وهناك عندهم اعلام صح وتقييم صح وعندهم الحق وحنا اهل الحق مع الاسف ما نبيه !!!



انت توحي ؟؟؟ ما نجحت .. ما نجحت .. ما نجحت .. ما نجحت

انا معك في ماقلته حرفا حرفا وهو فعلا ماحدث فشلت السياره في امريكا فشلا ذريعا

فلم يجدوا غير العرب الاعراب لتصريف جثثهم

عن نفسي مااشتري سياره تشبه فرس النهر اخاف اصير اشبهها

[Saad 11]

تبي مركب الشيوخ .. وموتر لك وللزمن .. وقيمته ثابته ويمسك سعره ..
مالك الا مفخرة الارض [ اللاند كروزر ] .. سواءا جي اكس ار او في اكس ار ..
ولو تصبر شوي لين ينزل موديل 2011 احسن لك لان مكينته بتصير 5700 :)


فخامه + قوة + مسكة سعر .. هالاشياء كلها تلقاها بـ مفخرة الارض !!

[فلر]

السلام عليكم ودي اشارك ممكن :d
التانكي حق البنزين ما يمشي الا 350 كيلو نكبه
هذا الي اعرف عن ها السياره
وسلامتكم

[درباس فرناس]

السلام عليكم ودي اشارك ممكن :d
التانكي حق البنزين ما يمشي الا 350 كيلو نكبه
هذا الي اعرف عن ها السياره
وسلامتكم

يظهر أنك عكست في الارقام
ما أظن أنه يوجد سيارة ماتمشي الا 350 كيلو فقط .....؟ إلا إن كان قصدك دباب .....
يمكن قصدك 530
حسب ماقرأت وشاهدت عن مواصفات السيارة
وهذي مشكلة بحد ذاتها أنك عندما تطرح تسأول تفاجأ بشخص مدرعم يمشي مليون يعطيك معلومات غير صحيحة أبدا عن السيارة حتى في المواصفات المعروفة سلفا ....
لذلك لاتسأل الا من جرب السيارة فعلا وأترك عنك حكاوي المجالس ...

[أبورسيل]

.



سكويا الأفضل
راحة متناهية وقيادة سلسة




السلام عليكم ودي اشارك ممكن :d
التانكي حق البنزين ما يمشي الا 350 كيلو نكبه
هذا الي اعرف عن ها السياره
وسلامتكم


عن تجربة وليس حديث مجالس
يمشي بالتانكي داخل الديرة 480 كيلو
وبالسفر 600 إلى 630كيلو



.

[نمر977]

السلام عليكم ومساء الخير على الجميع
بصراحه أخي العزيز انا مع تجربة قيادة السياره ويعني بتخصر كم مئة ريال فقط ويطيح كل شيء وتظهر لك الحقيقه من وجهة نظرك لأنك انت جربت السياره (استأجرها يومين أو ثلاثه وممكن تسافر بها للشرقيه )

ودمتم سالمين

[عاشق المطاريش]

اخوي مغلي رح للوكاله واسالهم وبيفيدونك ولا تتعب نفسك وانا من ناحيتي ما اتوقع ان السيكويا ينفع بالبر لانه طامن ولاهوب رفيع والموتر توه جديد اكيد بيطلع فيه خرابات هذا شي معروف

[غالي]

انتم ماشاء الله عائله الله يطرح فيكم البركه

برايي المناسب لكم ((((((الجمس))))))

الي هو يوكون اكس ال


بتقولي ليش؟

لانه اكبر منهم جميعا

أنظر لكل سياره ذكرتها بالنسبه للشنطه!!!!!!!

كل الي ذكرتهم شناطهم جدا صغيره ماعدا الجمس

والشنطه مهمه جدا للعائله وغير العائله

اذا خذت لاند او باترول او اسكويا

راح تظطر لسفط المراتب الثالثه

وعددكم ماشاء الله 8 اشخاص

مايكفي

موفق اخوي لكن ابقولك شيء (((((((( السياره المنتشره اكثر بين العالم خذها ))))))))

وهي الجمس:)

[الوعد الصمان]

مجرب السيكويا سنة كاملة الموتر غير معقول
كان معي قبله سوبربان
السيكويا اريح مركب داخل البلد وخارجه
والمكينة قوة جبارة وقير قوي
الموتر ارحب من الداخل
الموتر رفيع بالبر يسابق الطيور
البنزين التانكي ياخذ 100 لتر بنزين وانا اعبي 95 يمشي داخل البلد 480 كيلو وخارج البلد بالسفر 650 كيلو

[رحال7]

الذى اعلمه من تقرير قرأته بداية الازمه العالميه وتفليس شركات السيارات ان الامريكان تراجعو عن شراء السيارات الكبيره!!! بشكل عام جى ام وشفر وغيرها ومنها تويوتا لاسباب ماليه!!! والوقود ... والسكويا تعتبر سيارة تويوتا الكبيره! وحسب التقرير قررت تويوتا تصدير 30 الف سياره سكويا...وفعلا صدق التقرير واعلن عن توفر السكويا لدى وكيل تويوتا وبدأ الاعلان عنها وتسويقها وكما ذكر احد الاخوان سعرها منافس جدا! وذلك اعتقد شبه جازم والله اعلم ان الوكيل يريد ان يدخل هذه السياره الى السوق ولا سبيل الا السعر المنافس!! وبعد تعثرها ومطالب الناس بالدبل تم توفير ميزة الدبل...هذه الزبده لمن اراد! والله اعلم

الان نتحدث عن الموتر نفسه كأى موتر متوفر فى السوق وهذا رأى شخصى فلم اسوقها ابدا:

الايجابيات:
- صناعة تويوتا
- عائليه
-قويه الى حد ما
-يعتمد عليها بعد الله اكثر من بعض السيارات الامريكيه الكثيره
-دبل
-فخامه داخليه
-وكيل متمكن من توفير الصيانه وقطع الغيار افضل من اى وكيل اخر
-سعر مناسب

السلبيات:

-شكل المقدمه قبيح
-صناعه امريكبه وهذا يعنى ان الجوده مشكوك فيها! ولكن كونها تويوتا افضل


والله اعلم

[راعي دسمه]

وعليكم السلام ورحمة الله وبركاته
شريت قبل فتره سكويا دبل والحمد لله الموتر ماخيب الضن
قوة الموتر على كيفك
الراحة لاتنشد
السعه غرض المعرس الجديد
ماعذروبها الاصوت الهواء صراحه مزعج اشوي
الباقي توكل على الله وخذها
اللون كل على رغبته بس انا اخذت ابيض لمناسبته لأجوانا وغبرتنا اللهم لك الحمد
الخراب ماشفت عليها شي ولله الحمد والمنه والموتر توه جديد مابان علمه اعلمك عنه بعد الموسم الجاي من المقناص

[جوال79]

للأمانة انا شفت سكويا 2009 عند الوكالة عطلان قيره ماشي 5000 فقط ولكن هذا ماهو دليل ممكن خطأ في هذه السيارة بالذات وسألت صاحبه انت داخل فيه للرمال ولاشديت عليه قال لي ماحصل من هذا شيء شغالته إلاالقير عطلان

[مغلي]

شكرا لكل الاخوه الي شاركو برايهم
.
.
حسب آرائكم ومشاركاتكم بالموضوع .... وايضا قرائتي بالمنتدى
قررت ان
انتظر نزول الجكسار 2011 برمضان
لعل وعسى ان يستحي على دمه وينافس الباترول 2010
بحيث ينزل بمحرك 5700 وقير 6 نمر
.
.
واذا نزل مثل السابق 2010 مكينه قديمه 4700
فالشكوى لله
نشتري سكويا
.
.
اما الباترول فهو ممتاز ... بس وكيله زلابه وكثير من الي شروه توهقوا لما احتاجوا قطع غيار له !!!!!
وايضا عليه وجه غبي جدا
.
.
اما الجمس .... فكل مافكرت فيه ... تجيني تكه ويضيق صدري :( ... اتذكر الطرمبه على طول

[مكشاتي الجزيرة]

بصراحه موتر ممتاز ... رزه وقوه ومتانه وسرعه ووسع وكل شي

[الهاجس 354]

الإستخاره الإستخاره

[ابوناهض]

والله ياخوي الباترول مااااااااااااااااااااااااااااااااااااااااااينفع فالبر مروح وموتر فخم ولا هوب حق بر ومكاشيت وماينفع بالنفود وشكله مخيس تقل فان ههههههههه والجكيار او الاند كروزر بشكل عموم فخم ومتر بر ولا احلى ون حصل gx قير عادي جنوط حديد عز الطلب لا تعدا

[عقربان البرق]

اخواني اعضاء وزوارمنتدى مكشات هل تنصحونني بأستخدام السيكويا ام لا ابي خبرتكم لا هنتم وش عيوبه وش مميزاته . دمتم بخير .

[عقربان البرق]

طبعا عادي بدون دبل بس تماتك .

[عقربان البرق]

افيدوني عن السكويا ياخواني اشتريه والا لا فزعه ارجو الرد سريعا .

[مكشاتي الجزيرة]

الي يقول السيكويا ضيقه... اتحدى اصحاب الجموس يقدر يدخل للمرتبه الثالثه بالجمس من دون قلب ظهر المقعد وبعدين تقلب الكرسي كامل مع المقعد يعني لازم رجال كبير يفتح الكرسي علشان يدخلون للصف الثالث بعكس السيكويا بمجرد الضغط على ذراع صغير ينساب كرسي المرتبه الثانيه للامام وتدخل بكل سهوله وهذا يدل على ان المسافه بين الصف الثاني والاول مساحه كبيره في السيكويا مما ادى ذلك الى امكانية انسياب الكرسي بعكس الجمس الي تضطر تصفط الكرسي صفطتين وتتمصع يالله تدخل للمرتبه الثالثه http://7ammil.me/get-8-2010-iqhmwfeu.jpg (http://7ammil.me) --------- http://7ammil.me/get-8-2010-5sjqc5r0.jpg (http://7ammil.me) ----- ايضا في السيكويا امكانية انك تنزل ظهر الكرسي الخلفي والصف الثالث كما هو موجود بمراتب الصف الاول وليس ثابت كماهو معروف في الجمس وهذا يعطي عائلتك سفر مريح مع امكانية النوم بكل راحه اثناء السفر لعائلتك واطفالك..وايضا الصف الثاني مكون من ثلاث كراسي منفصله حرة الحركه ممكن تقديمها للامام وللخلف....

[ziran]

السلام عليكم
السكويا وبس يكفي انها تويوتا شركه يابانيه
واحسن مواصفاتها بلاتينيوم بـ 198 الف
والتندرا بعد تجي نفس المكينه 5.7 بس حوض
مشكله الناس مايجربوا الجديد
تحياتي

[مكشاتي الجزيرة]

السلام عليكم
السكويا وبس يكفي انها تويوتا شركه يابانيه
واحسن مواصفاتها بلاتينيوم بـ 198 الف
والتندرا بعد تجي نفس المكينه 5.7 بس حوض
مشكله الناس مايجربوا الجديد
تحياتي

كلام سليم...لكن بالنسبه لي افضل الليمتد

[ابوظبي 987]

السلام عليك يامغلي ورحمة الله وبكاته


بخصوص السكويا انا اشتريت واحده من امريكا دبل من سنتين واستخدمها للعائله

والصراحه سياره ماعليها كلام مريحه وواسعه من الداخل

واذا انته ناوي توكل على الله

اللي عندي نوع sr5

وكلفتني مع الشحن والجمارك 145,000 الف درهم

[مكشاتي الجزيرة]

هذه لقطه اخرى تبين السعه الهائله في السيكويا http://www.automg.com/uploads/car_new_156_1266873740.jpeg (http://7ammil.me)

[((ابوملاك))]

الي يقول السيكويا ضيقه... اتحدى اصحاب الجموس يقدر يدخل للمرتبه الثالثه بالجمس من دون قلب ظهر المقعد وبعدين تقلب الكرسي كامل مع المقعد يعني لازم رجال كبير يفتح الكرسي علشان يدخلون للصف الثالث بعكس السيكويا بمجرد الضغط على ذراع صغير ينساب كرسي المرتبه الثانيه للامام وتدخل بكل سهوله وهذا يدل على ان المسافه بين الصف الثاني والاول مساحه كبيره في السيكويا مما ادى ذلك الى امكانية انسياب الكرسي بعكس الجمس الي تضطر تصفط الكرسي صفطتين وتتمصع يالله تدخل للمرتبه الثالثه http://7ammil.me/get-8-2010-iqhmwfeu.jpg (http://7ammil.me) --------- http://7ammil.me/get-8-2010-5sjqc5r0.jpg (http://7ammil.me) ----- ايضا في السيكويا امكانية انك تنزل ظهر الكرسي الخلفي والصف الثالث كما هو موجود بمراتب الصف الاول وليس ثابت كماهو معروف في الجمس وهذا يعطي عائلتك سفر مريح مع امكانية النوم بكل راحه اثناء السفر لعائلتك واطفالك..وايضا الصف الثاني مكون من ثلاث كراسي منفصله حرة الحركه ممكن تقديمها للامام وللخلف....

هههههههههههههههههههههههههههههههههههه هههههههههههههههههههههههههههههااااااااااااااااااي

اقسم بالله انك ضحكت

انت اصلا ماتدري شلون يفتح الجمس

تشيل اللي تقعد عليه بحبل بكل بساطه والثانية بزر ترفع على فوق وتطيح قدام هههههههههههههههههههه

وبعدين لا تحدى يمديني انقز ورا بدون ما اسفط المراتب

يا رجال وخر عني بس هههههههههههههههههههههه

[اهل الردات]

خذ اي سياره من تويوتا صبور
اوخذ جي اكس ار

[دل البحار]

يا اخي افضل لك قبل الشراء تستأجر اي سياره انت راغب فيها يوم وتاخذ اكثر عدد فيها وتطلع فيه البر وتشوف كيف الوضع يناسب او لا فرضا شريت وما اقتنعت لو استأجرتها قبل الشراء يبان لك مميزاتها وعيوبها بالنسبه لك
ولعلمك اغلب الناس حتى بدول الخليج مثلا الكويت عندهم سيارات للتجربه قبل الشراء لك تجربه يوم كامل

[واحد مبسوط]

السكويا سيصبح له مستقبل باهر
المحرك قوي
واسعة من الداخل
قوية
دفع رباعي
اسعاره معقوله
لكن الناس تتهيب من شكله
انا افكر باذن الله ان اشتري سكويا
لانه افضل من سيارات كثيرة لاداعي لذكر اسمائها للمتعصبين

[kamalhome]

والله يا أخي السيكويا من أروع السيارات العائليه صار والطرق الوعرة صار لها 5 شهور عندي والحمد لله رب العالمين ما اشتكيت منها.
مريحه ورائعه في السفر والقوة لا تسأل عنها

[مكشاتي الجزيرة]

انا توكلت على الله وخذيت هالمزيون....ماشاء الله تبارك الله
http://mekshat.com/vb/showthread.php?p=5160451

[عبدالله الموسي]

فداك الصوت وراع الصوت..ولا تغير عن الجي اكس ار

[سالم بن قبوس]

اعتقد انه فيها مشكلة من ناحية الفرامل اخي الكريم تاكد افضل

[مكشاتي الجزيرة]

هنا بعض الصور


http://media.il.edmunds-media.com/toyota/sequoia/2008/ft/2008_toyota_sequoia_r34_ft_1_815.jpg (http://media.il.edmunds-media.com/toyota/sequoia/2008/ft/2008_toyota_sequoia_r34_ft_1_815.jpg)


http://www.drivearabia.com/toyota/photos/toyotasequoia1.jpg (http://www.drivearabia.com/toyota/photos/toyotasequoia1.jpg)



http://www.drivearabia.com/toyota/photos/toyotasequoia2.jpg (http://www.drivearabia.com/toyota/photos/toyotasequoia2.jpg)


http://www.drivearabia.com/toyota/photos/toyotasequoia3.jpg (http://www.drivearabia.com/toyota/photos/toyotasequoia3.jpg)

http://7ammil.me/get-10-2010-eyrfrht9.jpg (http://7ammil.me/get-10-2010-eyrfrht9.jpg)


http://7ammil.me/get-10-2010-suqh3qxz.jpg (http://7ammil.me/get-10-2010-suqh3qxz.jpg)

http://7ammil.me/get-10-2010-mag3q6la.jpg (http://7ammil.me/get-10-2010-mag3q6la.jpg)

http://sites.google.com/site/abusaif99/home/sequoia_t_1.jpg (http://sites.google.com/site/abusaif99/home/sequoia_t_1.jpg)


http://sites.google.com/site/abusaif99/home/sequoia_t_2.jpg (http://sites.google.com/site/abusaif99/home/sequoia_t_2.jpg)



http://sites.google.com/site/abusaif99/home/sequoia_t_3.jpg (http://sites.google.com/site/abusaif99/home/sequoia_t_3.jpg)


http://sites.google.com/site/abusaif99/home/sequoia_t_4.jpg (http://sites.google.com/site/abusaif99/home/sequoia_t_4.jpg)


http://sites.google.com/site/abusaif99/home/sequoia_t_5.jpg (http://sites.google.com/site/abusaif99/home/sequoia_t_5.jpg)


http://sites.google.com/site/abusaif99/home/sequoia_t_6.jpg (http://sites.google.com/site/abusaif99/home/sequoia_t_6.jpg)


http://sites.google.com/site/abusaif99/home/sequoia_t_7.jpg (http://sites.google.com/site/abusaif99/home/sequoia_t_7.jpg)


http://sites.google.com/site/abusaif99/home/sequoia_t_8.jpg (http://sites.google.com/site/abusaif99/home/sequoia_t_8.jpg)

[القناص-sniper]

الله يكتب اللي فيه الخير ويرزقك ويرزقنا معاك

[مكشاتي الجزيرة]

الله يكتب اللي فيه الخير ويرزقك ويرزقنا معاك

آمين.........

[دل البحار]

شوف أخوي اسكويا ما اافتيك فيها
لكن عندك الجمس موتر عزم وقوه ومنظر وفزه وقومه ماشاء الله عليه وكمان عندك الGXR لا يعلى عليه للبرخااااااااااصه -اما كمدينه لا يضاهي الجمس

[جبلاوي]

الله يحفظك ويحفظلك

لو عائلتي بهذا الحجم لن اشتري غير الجمس وبعده بمراحل الاسكويا

اما اللاند كرورزر فلن يكون ضمن الخيارات

سالفة موتر بر وما بر هذه ثانوية امام راحة العائلة في المركب والسعة


الله يباركلك في مالك وولدك

[طحنون]

السياره لم اجربها لاكن اي سياره مهجنه ومجمعه من كل مكان ما اقتنيها
فيه سيارات افضل منها وجوده عاليه افضل منها والناس الى الان وفيها عقده التايوتا اللي مايقهر
التايوتا اصبح جودته ضعيفه ماهي مثل اول

ونا كان على قوه المحرك والجوده والوسع للعائله والراحه
فيه الاكسدبيشن ماهوب سهل قوه محرك وجوده وشكل ممتاز مع تقنيات عاليه في التعليق وانظمته ممتازه ونظام الامان عالي
جدا كسياره عائليه افضل من السكويا فهو معقد شوي
اذا انت خايف من اليوكن والتاهو
الاكسبديشن ممتاز جدا وفيه دبل وفيه جميع الفئات
الباترول الجديد يبغاله شوي لين تبان عيوبه وتبان مشاكله يبيله على الاقل سنه لين نشوف وشهو من لحيه

[الشقردي 205]

الكل بيمدح موترة والله لو نجيب واحد عنده كرتون وله تواير بيقول موتري احسن موتر . . .

[ضيغم تميم]

إذا تبي رأيي وأنا آخوك
التويوتا كان حلو بس الآونه الاخيره
بدا يتفركش على قولتهم
بس فيه موتر اللي هو البرادو vx
صراحه موتر
ولا دور لك نيسان
خذ لك أرمادا ولا باترول جديد
ما اشوف فيها عيوب


تقبل مروري

[شيخ الرعوجي]

على فكرة ترا ماهو دفرنسات كله عكوس شغل مخك

[لاندكروزر11]

السكويا موتر لاكن فيه بعض السلبيات وكل سياره يكون فيها سابيات 1 تانمي بنزين 100لتر 2 لايوجد ثلاجه 3 الاندكروزر جيكسار 1 مكينه 4700 .281 حصان 2 المرتة الصف الثالث طامنه ومساف بين المرتب الثانيه ضغير الا اذ اتقدم مراتب الصف الثاني الباترول يعني انت تحب شكلك الفل الكامل عشان الصور لمتد وفوق 1قيمته غالي ....ابسعره تشتري فيكسار او لكزس الجمس شكله يعني >>بقره<<<الشفر املح بس يحسون الناس انك طفران لانك شاري شفر لانه يفرق عن الجمس سعر والراي يبقلك تحياتي

[لاندكروزر11]

له مقاطع في اليوتيوبhttp://www.youtube.com/watch?v=72quLvFKsgA&nofeather=True شف كيف فزة السكويا

[alhrbe]

ابصراحه اللي بيسمع كلام الناس ما عاد بيشتري ولا سياره

ناس تمدح وناس تذم 0000

يكرهونك في جميع الوكالات بأنواعها

لكن اهم شي 1- التوكل على الله 2- التجربة 3-

الله يكتب اللي فيه الخير

والدنيا حظوظ وتوافيق

والسلام عليكم ورحمة الله وبركاته ---------

[راعي الركيات]

من وجهت نظري اييدك في السكويااا لكن لابد انك تستاجر واحد للتجربه


والله يكتب مافيه الخير

[أبوعمرالمهاجر]

السكوياء ماهب زين ومهب مرغوب والدبل فريول اعكوس كل ماطعست تخرب تغيرها

اما الباترول دفرنس انصحك نصيحه لوجه الله باترول 2008
ازيلك والله

[أبوعمرالمهاجر]

السكوياء مهب زين والله

[الوعد الصمان]

من واقع تجربة

السكويا موتر لا يعلا عليه
معي 2009 بدون دبل وركبت فاصل تركشن
الموتر مهبول تدوس ولا ما تدوس ما درا عنك
محرك وقير حقاة جيب لكزس 5700
بالرمل الهواء 20 ويمشي مع اي مكان مع تحويل القير عادي

الموتر مشى معي 72000 الف
راحة بالسفر كنك بالبيت ومعك بيالة شاهي
الموتر لا يزال متماسك مثل اللاندكروزر

[منفلوط]

والله يالغالي مابي اعذرب في اي سيارة ماستخدمتها ولاشفتها
لكن الباترول ممتاز جدا اذا كنت محافظ عليه
وايضا الاكسبديتشن من تجربه مع واحد من الزملاء معي بالعمل من 2007 معه ومحافظ على صيانتة الحين ماشي فوق 120 الف السيارة ممتازة جدا من حيث الراحة والقوة والمواصفات ايضا مظهرها الخارجة جميل جدا

ملاحظة بسيطة اشوف البعض يسهب في الكلام عن قوة ماكينة السيارة وانا اشوف المكينة المتوسطة افضل شي لانك مانت داخل حلبة الريم ولا بتشارك في تطعيس عالمي

[_Abu Omar]

الموتر شكله حلو ،،

وداخليه جميل ،،

[مكشاتي الجزيرة]

الحمدلله انا الحين كملت السيارة معي 3 شهور ومحطت ابوها بالسفر...بس ماشاء الله ..لا اله الا الله...
مووووووووووووووووتررررررررررررررررررررررررررررر
في كل شي ( جمال + قوة + راحه + بر وطعوس + رحابة وسعه )

[قاطع الصحراء]

سكويا 100% ممتازة جربتها انا

[القهوه]

اقول للي يقول (انحش عنه )
كفانا تعصبااااااااا
يعني لازم نوحد الرأي غير صحيح

[Rain cloud]

والله بـاترول 2010 . .

شكلية جديدة رائعـة . . فخـامة داخلية

شاشات كاميرات

من ناحية الخط راسي . . جداً

في الرمل ممتـاز وماعليه خلاف ( نيسسآن لبى بسَ )

ولكن عيبه الوحيد الشنطة . . :)

ولكن طبعاً لو تستغني عن المقعدة الثالثة

تكون الشنطة واسعة جداً . .

مع العلم ان افضل السيارات بالشنطة الجمسَ

ولكن الجمس ( مو سيارة البر . . ولا سيارة الفخـامة من وجهة نظريَ )

ولكـن الفرق بالسعر بين الجمس 2010 والباترول 2010

والله ولي التوفيقَ

[الساري خالد]

هذي انواعه شف الى يجوزلك وتوكل على الله و الله يعطيك خيرها ويكفيك شرها


http://www.toyota.com.sa/images/car12.jpg
اس ار 5 4x2 (http://www.toyota.com.sa/modelsprices.asp?model_id=12#)
اس ار 5 4x4 (http://www.toyota.com.sa/modelsprices.asp?model_id=12#)
اس ار5 فتحة سقف 4x2 (http://www.toyota.com.sa/modelsprices.asp?model_id=12#)
اس ار 5 فتحة سقف 4x4 (http://www.toyota.com.sa/modelsprices.asp?model_id=12#)
ليمتد 4x2 (http://www.toyota.com.sa/modelsprices.asp?model_id=12#)
ليمتد 4x4 (http://www.toyota.com.sa/modelsprices.asp?model_id=12#)

[شلهوب طيري]

اول شي الله يعيطك خير الموتر الي بتشتريه ويكفيك شره السكويا ادخل الماقع الاجنبيه وسئل عنه اكثر سياره تشرب بانزيل بالعاالم علي كلامهم وفيها عطالات لاكن كان تبي النصيحه عليك بالنيسان الجديد شكل وفخامه داخليه ويستاهل كل ريال فيه اوما الج اك ار الجديد 200 الف وعليها ومخمل من داخل وكل شي عادي حتي كرسي السواق تحركه بيدك واليوكن دبل ماهو شين سعره وكاله 135000 وفخامه وعايله افخم من الجيوب الي غيره وسعره منااسب والله يوفقك تقبل مروري

[ابونبيل]

التويتا بختصار ممتاز

لاكن انا ماجربته واشوف احسن شي للعائله الكبيره الجمس الدبل

لاكن اذا راعي بران لا تبعد عن التويوتا

[hsson]

كانه مقصات لايحوشك انتبه ترا المقصات ماتنفع بالبر ولا بتبن الله يكرمكم
على طول طقطقه وخرابات وغاااليات المقصات
وكانه مقصات الدبل فيه موب زي الكروزر ولا 5%
الدبل دفرنس احسن من المقصات بمليوون مرره

تحياتي لك واستخر الا كانك ماتروح للبر ممكن نقول عادي

[نجم000الشمال]

السيكويا حلوة لاكن يبيلها وقت علشان تبين مميزاتها وعيوبها !

[ابو شكاع]

كل شخص له قناعاته
طيب ياخوي فكر في اليوكون
وخذ لك سلة خلفية وبهالطريقة ماراح تشيل المرتبة الثالثة وراح يكفيك الموتر
اليوكون لك وللزمنون <<< هي للزمان بس عشان الوزن :D
أنا معي يوكون 2002 مشتريه من الوكالة بسنته
واذا بغيت أغير ممكن أشتري مثله أو تاهو
مع ان السيكويا معجبن بسعته الداخلية ..يضاهي اليوكون والصالون
لكن آخر شي ممكن أفكر فيه الجي اكس آر
أو الفي اكس آر
سيارات ضيقة جدا ... قبل كم يوم سقت جيب ليكزس 2006
نظرت لمرتبته الخلفية ... ماتقارن أبدا باليوكون
وأعتقد بأك ستعاني لو شريت جي اكس آر
الله يوفقك

[الوزير 111]

شف ونا اخوك خذلك GXr عز الله انه موتر...
اي شي تيوتا خذه...
عسى الله يسهل عليك...
تحياااااااااتي الوزير 111
أبو خالد...

[أستاذ محتار]

السكويا سيارة عائلية ومخصصة للسحب الغرف الجاهزة والقوارب يعني تختلف عن اللاندكروزر
ثانيا البر أصلا أي سيارة تدخل البر وتمشي أهم شي السواق الفرق بس راعي الحلال الي دايم بالبر أو راعي صيد هؤلاء يحتاجون سيارات تتحمل أكثر من غيره
الأن أغلب أهل الجيوب زين اذا كمل 7ساعات بالبر

[الأسير]

شفت السياره وااااااااااسعه جدا من داخل وفخمه

بالنسبة للتجربه من رايي تمر على احد محلات تأجير السيارات وتاخذه لمدة يومين

جربه بهاليومين مع خطوط ونفود

[البهلول]

قاعد أقرأ الموضوع ..
وكل واحد يفكر بطريقة مختلفة وتضر صاحب الموضوع ! اللي يفكر بطريقة شبابية واللي على طريقة الشريطية واللي يفكر لأنه السيارة ما هي خاشة مخة ...إلخ


فيه واحد جزاه الله خير ركز على لب ومحور وأساس أختيار السيارة وهي عدد أفراد العائلة ؟!
هذا رجال عنده عائلة كبيرة أطفال وبنات وعيال وعفش وهذا طبيعي ماراح يطلع بهم للربع الخالي أو يضرب بهم خرايم ومهالك ..
يحتاج سيارة نشيطة وقليلة أعطال وواسعة وتشيل عفش .
وحسب المتوفر عندك إختيارين لا ثالث لهما في السوق :
السوبر بان , أو اليوكون الكبير .. !
أو السكيويا .. !

غيرها ما فيه .. حسب وضع الشخص , ولو ما فيه سكويا ما فتح موضوع لأنه راح يأخذ سوبربان على طول :) .

مع إني أفضل الأمريكي للرجال اللي رجله هادئة ويحترم السيارة وإستخدامها ولا يعطيها أحد ويتزود بالبنزين إذا صار في التانكي النص عشان مشكلة الطرمبة , لانها حساسة واجد .

فما فيه إختيارات أصلاً عشان أحد يفضل اللاندكروزر أو السفاري ...إلخ

قال صفو صفين قال إحنا أثنين ..

[AboBilal]

الخيارات اللي انت حاطها كلها ممتازه ماعدا السيكويا

الباترول واللاند والجمس هذي المواتر لك وللزمن قوه وتحمل وكرف ورزه


السيكويا انحش عنه نحشتك عن الذيب موتر كثيرتن مشاكله وماهوب مرغوب

اخوي لاااااا تكلم من كيسك
تكلم بشي انت مجربه لا تقولي فلان وفلان مجربيه
وبعدين رح شف المقاومات وشف مقاطع التطعيس حقته بعدين استاجر لك واحد وتعال قل رايك موب طوالي انحش عنه توقع انك محتكر نفسك على الامريكي ولا تواطن تيوتا اذا كنت من النوع هاذا فسلامي عليك لانك مع احترامي الشديد لك تكلم وانت ماتعرف انا مجربه ومطعس فيه وماسك فيه خطوط ولا فيه احلى منه ماسك خطوط الى قبل رايح الرياض ابها ولا اشتكى والرياض مكه حول 5 مرات والى اللحين الحمدلله ماشتكى
والخرده الامريكي رح شف سعرره يخفس بالارض خفس للا تقولي مريح ومن هالكلام انت اركب السيكويا اللمتد بعدين قلي رايك اما تجي من الباب لطاقه لا ياخوي
لا تحسب اني اسوي دعايه لا والله اني شايف مقاطع الى بكرا ومافيه احد اشتكى منه
وشف كيف انتشر وهو توه نازل الشرق الاوسط انتشر بكل محل
سلاااااااامي لك وتحياااااااااااااااااااااتي
ردي من اخو لخووه تقبل ردي من صدر رحب والدعوه كلها سواليف يعني ناخذ ونعطي

[سرطوقا]

انا طبعا ماجربت السياره بس ركبت فيها

الصراحه السياره لما شفت شكلها استصغرتها وماهتميت فيها

بس من جد السياره ياشيخ كأنك راكب صغيره ماشاء الله ممتازه

مريحه

واسعه

فيها عزل صوت اللهم صلي على محمد

والعيوب مدري عنها بارك الله فيك

[ابو تركي المطيري]

صراحه اضحك من بعض الردود المتعصبه لفئات معينه

اذا كنت ناوي على السيكويا توكل على الله الموتر له عندي سنتين وعليها كم شهر زود
ماشي 100 الف كيلو النوع ليمتد
الموتر ماعليه كلام تكييف ماشاء الله بارد قوه عزم راحه حراره الموتر تحت الثلث للمكينه وللقير صيف وشتاء مسرع او مهدي واقف او يمشي ثابته

وبقولك عن القطع اللي بدلتها فيها فلتر هواء سعره 136 ريال شريته مره من عبداللطيف جميل وفلتر بانزين سعره 163 ريال قماشات سعرها تقريبا 220 ريال الاماميه والخلفيه سعرها 170 تقريبا

اغلا شي فيه لان جنطه 20 الكفرات البريجستون 1200 ريال وكانت ب 1700 والبرلي 900 ريال
والبواجي 260 ريال تقريبا

[Abusliman]

وش قصة هالي ينقشون بالمواضيع القديمه هاليومين ) :

[مغلي]

اولا .... شكر خاص للاخ خليفان
.
.
ثانيا .... الموضوع ليس حكرا لي انا ... بل هو للفائده العامه للجميع .... يعني كل من يريد شراء السيكويا ... سيستفيد من الموضوع بشكل كبير جدا .... فارى ان جميع مشاركات الاخوه كلها هادفه ويشكرون عليها

[يحيى الغلابي]

يا جماعة السكويا سيارة لا يعلى عليها

من الداخل أوسع من اليوكن وما في مقارنة في الوسع الداخلي .. إذا كرسي السايق راجع للآخر الشخص إلي جالس وراه رجال يقدر يحط رجل على رجل وهو مرتاح

هادية حاطينها على الصامت حتى على السرعات العالية ..

سواقتها خفيفة كأنك تسوق كامري ..

لفتها أصغر من لفة اليوكن ..

قطع غيارها رخيصة ومتوفرة ..

إن بغيتها للبر ترى تصف مع اللاندكروز فأي مكان في البر .. وعن تجربة .

وللعلم شاصيها أطول من شاصي اليوكن الإكس إل ...

باختصار إن بغيتها عائلية للمسافات الطويلة .. وإن بغيتها لدخول البر .. ترى هي لك عون .

هذا كله من واقع استخدام السكويا واليوكن وفي السفر أنا وإخواني سكويا ونيسان فيتيك ولاندكروز ودينالي ويوكن إكس إل

[ابو يوسف GX-R]

عااااااااااااااااااااااااااااااالي لا يعلى عليه
الموتر روعه رساوه وايضا تايوتا وسعره حلو
على فكره وزنه 3 طن و300كيلو يعني ثقيل
يعني راسي توكل على الله وخذه

[HAS5SAN]

سكويا ليمتد 2011
يشهد الله سبحان وتعالى
2 من انسابي شارينها
في رمضان الي فات
الفرق بينهم اللون
واحد لؤلؤي
والثاني فضي ميكا
وانا اشهد انك تدعي لي

[almushraq]

الله يجزاكم خير انا واحد من الي يبون يشترون سيارة سيكويا

سوألي / هل اقل نوع اللي يجي دبل تكون راحته وجودته مثل اللمتد ولا لا

لأني اشوف الاخوان يوصون على اللمتد واللمتد قمتهاا في 200 الف

[رحال7]

توكل على الله خذ سكويا ...الامريكى سيارات كرتونيه هزيله الى القليل وما تخلى من المشاكل الابديه

[خ الفياض]

ولله الحمد بعد تفكير طويل تم شراء سكويا للعائله في الصيف الماضي

وعن تجربه موووووووووووتر ماشاء الله تبارك الرحمن كل ماحطيته في مكان قلت هذا مكانه(( راحه -قوه- رساوه- هدوء -متعه- سواقه- فخامه -))

وانصح اللي يأخذ لايأخذ الا لميتيد دبل لؤلؤي شييييييييييخ الله لايضره

[فرفور بريده]

والله السكويا

ما احد يمدحه لابشكل ولا شي .. غير انه تويوتا

اما الباقي فهي 100%

[أبو صالح0]

السلام عليكم

[أبو صالح0]

جرب الباترول

[أبو صالح0]

استغفر الله.........

[AMAZ]

ابعد عن سيارات التايوتا الان كلها بلاوي واعطال ... الامريكي افضل منها بمراحل السبب : انه سيارات تايوتا كان كل شي فيها عادي لكن من عام 2008 قاموا يتحولون إلى السيارات التي تعتمد على التقنيه التكنلوجيه مما سبب لهم مشاكل مثل تعليق دواس البنزين وغيرها من المشاكل الكهربائيه الاخرى ... لكن الامريكي من قديم وهم في التكنلوجيا ... واستفادوا من الكابرس موديل 1995 حيث انه كان كله كهرباء ... وتحول الجمس من عام 1999 على التقنيه الحديثه حتى وصلوا الان الى موديل 2012 وسيارتهم ما فيها اي مشاكل وبرضه لا تنسى فرق السعر عن التايوتا .. اما الاسطوره القديمه التي سيارات تايوتا مثل الشيك راحت انت لو تحسب هي نفسها انت شاري سيارت تايوتا جيب مثلا يوصل معاك اقل شي وكاله 175 الف ... بعد ثلاث سنوات تبيعه بي 100 الف ..... طيب تاهو ال تي 140 الف تبيه بعد ثلاث سنوات 80 الف اقل شي ... احسب الفرق بين السياراتين ... ولا تنسى انه الامريكي اقل صرفيه من التايوتا بحوالي 15% من ناحية البر الامريكي يمشي ما يمشية التايوتا بل يتفوق عليه ..

[دورانجو]

السياره واسعه وهذا كل الي اعرفه عنها وانت ما شاء الله عائلتك الله يطرح فيهم البركه
تبي لهم شي يتوسعون فيه الا اذا مشاويركم جميع
ماهي دايم

فخذ الباترول الشكل الجديد
قوه وشكل لا يعلى عليه
ما شاء الله
اما اذا مشاويرك مع العائله كثيره فخذ السكويا اوسع لهم واريح

[ابا الصلابيخ]

الغريب يا اخوان
ان موديل السكويا 2012 الفئة الثانية اللي يجي دبل بدون فتحة
قيمتة بموقع الوكالة 148600

ولما تجي للوكالة يقول الموقع خرطي وقيمتة 152 الف

وش السالفة ما ادري

[البعير المغوار]

سكويا ذي بقره مو سيارة،

انصحك بالجمس.

[ابو مرسال]

والله وانا اخوك انصحك بـ2010 تراه قوي وماشا الله موتر عائلي ولاعليه خلاف

[- النشمي -]

فعلا السكويا هذي بقره مهيب سياره


خذ لك جمس والا تاهو مواتر تبيض الوجه ولايهون الاكسبديشن ولد عمهم

[hadad_999]

ان كانك تبي تاخذ سكويا
الله يعينك على البنزين
ياكل اكل ماتصوره

اخوي شراء واحد وكاله واللحين يدور سياره صغير يبي يلبق السكويا بالبيت بسبت البنزين

[وحش القفار]

ضيق الشنطه يعتبر عيب شرعي لعائلة كبيره لأنك في السفر سوف تجبر على الغاء المرتبة الثالة بخلاف الجمس الطويل

[كومبو]

آه يا السكويا ما عرفوا لك

[كومبو]

ابعد عن سيارات التايوتا الان كلها بلاوي واعطال ... الامريكي افضل منها بمراحل السبب : انه سيارات تايوتا كان كل شي فيها عادي لكن من عام 2008 قاموا يتحولون إلى السيارات التي تعتمد على التقنيه التكنلوجيه مما سبب لهم مشاكل مثل تعليق دواس البنزين وغيرها من المشاكل الكهربائيه الاخرى ... لكن الامريكي من قديم وهم في التكنلوجيا ... واستفادوا من الكابرس موديل 1995 حيث انه كان كله كهرباء ... وتحول الجمس من عام 1999 على التقنيه الحديثه حتى وصلوا الان الى موديل 2012 وسيارتهم ما فيها اي مشاكل وبرضه لا تنسى فرق السعر عن التايوتا .. اما الاسطوره القديمه التي سيارات تايوتا مثل الشيك راحت انت لو تحسب هي نفسها انت شاري سيارت تايوتا جيب مثلا يوصل معاك اقل شي وكاله 175 الف ... بعد ثلاث سنوات تبيعه بي 100 الف ..... طيب تاهو ال تي 140 الف تبيه بعد ثلاث سنوات 80 الف اقل شي ... احسب الفرق بين السياراتين ... ولا تنسى انه الامريكي اقل صرفيه من التايوتا بحوالي 15% من ناحية البر الامريكي يمشي ما يمشية التايوتا بل يتفوق عليه ..

الله يرحم والديك عن النار أبي لي أي جيب من تويوتا نازل من سعره أكثر من 40%
بعد 3 سنوات استخدام هذا حسب كلامك يعني موديل 2010
لاند
برادو
فورتشنر
جيب لكزس
أنا الآن أشتريه أي جيب

[الادغش]

كل ماورد على لسان الاخوه الاكارم عن السيكويا وعن مدى قوته واختباره ومقارناته مع باقي السيارات وهو ماجعلني اتكلم عن شي انا املكه وهو السكويا ... اولا


الموتر عندي واضرب عليه الصمان + والبراري + ورمال الشواطي مطعم بالدبل = راحه قوه متانه


هذا من ناحيه


ولكن الاهم انه متماسك في الرقله والمطبات


وانصح الجميع بامتلاكه

[ساهر حايل]

ﻻيهمك اليوكن والجمس والاكسبدشن يخونك بﻻ مقدمات .. السكويا كمل معاي سنتين والله يعلم اني راعي جور بالديره والبر ماخليت مكان ماجيته وخاصة النفود ، ومشكلته الوحيده معي للذمه المساعد كسر معي مرتين بالنفود بسبب السيوف واعتقد كل السيارات تجد هالمشكله ، غير هالشي ماشفت والله اي مﻻحظه .. اما الشكل شي راجع لك ولكن غير الشكل اراهن لا جي اكس وﻻ جمس يتحمل او يمشي ممشاه على كبر حجمه ..

والله يكتب لك الخير

[عبدالسلام1900]

سكويا وبس هذا الي اقدر اقوله بعد تجربه الامريكي والجيوب التيوتا

[طير جراح]

الموضوع صار له 5 سنوات !!!

تغيرت النظرة الآن عن أول ماطلع