مدة تغيير بعض القطع للباترول

[goold6060]

بسم الله الرحمن الرحيم
اعضاء مكشات الكرام
ودي اسأل كم المدة المقررة لتغيير كل من
اسلاك البواجي
صفاية البنزين
طرمبة الماء
زيت القير والدفرانس للقير العادي
فلتر الهوى
حساس الهوى
طرمبة الزيت
السيور
علما ان السيارة جيب باترول
ولكم خالص الشكر والثناء

[بعيد الهقاوي6]

انا بتكلم عن التاهو موديل 99 ماشي نص مليون كيلو قولو ماشاء الله
بعض القطع تمشي معك ولاتحتاج تغيير مثل طرمبة الماء وطرمبة الزيت ماعمري غيرتها

وكذلك زيت الدفرنس والقير اوتو ازود عليه بس

البواجي واسلاك البواجي وصفاية البنزين وفلتر الهوى هذي كل 100 الف اغيرها

حساس الهوى ماعمري غيرته ولا ادري وين مكانه

بالنسبه للسيور عندي الموتر مايجي الا سير واحد والحمد لله ماغيرته الا مره وحده

[سفاري959]

بسم الله الرحمن الرحيم

اعضاء مكشات الكرام
ودي اسأل كم المدة المقررة لتغيير كل من
اسلاك البواجي
صفاية البنزين
طرمبة الماء
زيت القير والدفرانس للقير العادي
فلتر الهوى
حساس الهوى
طرمبة الزيت
السيور
علما ان السيارة جيب باترول

ولكم خالص الشكر والثناء

زيوت الدفرنسات ما قد غيرناها ولا زيت القير اذا معزم بس عايرها كثير من القطع اللي ذكرتها ما تتغير الا اذا خربت مثل طرمبه الماء وحساس الهواء هذي خرابها واضح السيور غير جديد واقل شي سنه اذا كنت انسان حريص اسلاك البواجي تعمر معك سنوات والدليل فيه موديلات مر عليها اكثر من 10 سنوات ما تغيرت اسلاك البواجي واكثر من يحرص على تغييرها اللي معهم امريكي لان الامريكي يستهلك اسلاك بواجي باستمرار اما الياباني انسها فلتر الهواء اذا كنت تنظفه باستمرار وهو اصلي يجلس سنوات بس احذر من فلاتر الهواء اللي عند البناشر يقول اصلي وهو تجاري خذه من الوكاله وانسه اهم شي البواجي والصفايه تتغير كل 30 او 40 الف حسب استخدامك اتمنى اكون افدتك وهذا كله من واقع تجربه وخبره في الباترول تقبل مروري

[ذيب زلفاوي]

القير العادي مايغير زيته الا اذا حست بثقل اذا جيت تعشق

[goold6060]

اشكر الجميع على مامنحوني من مساعدة وتعاون
تقبلو التحية

[الجيب الريو]

يا خوي الموضوع يعتمد عليك اولا وأخيرا
اذا تبي السلامة أمش على جدول صيانة الوكيل
مع انهم يغيرون لك كل القطع وهى لم تستهلك ولا فيها شي
والا انك تغير القطعه اذا بدت تخرب وهذا اوفر لك
انا عندي سوبر سفاري 98 ما شي أكثر من 300 الف كم فاكة جديد
البواجي أغيرها كل سنة تقريبا والاحظ ان العزم يفرق بعد التغيير
فلتر الهواء اغيره بعد حوالي 40 الف كم واعتمد فية على ابو يمن راعي الزيت
صفاية البنزين وأسلاك البواجي اول مرة غيرتهم قبل 6 أشهر
السيور كل 100 ألف كم
حساس الهواء ما اعرفة وماغيرته
زيوت القير والدفرنس مالها داعي أغيرها
طرمبة الماء غيرتها مرة وحدة بعدما قامت تهرب
طرمبة الزيت ما شية تمام
والسيارة ما شية تمام
وسلامتك

[اول 9099]

البواجي كيف ادري انها تعبانة ؟

[التل الصامت]

يا اخوي اول خرابات البواجي هي التفتفة والباقي يفيدونك الاخوان وما يقصرون ان شاء الله

[بياله شاي]

بالنسبه لطرمبة المبنزيــن// اخيرا اذا عبيت بنزين يطلع صوت تفتفه بالموتر اول ماكان
بهذا الشكل ماهي المشكله وجزاكم الله خـــير

علمنا بأنـي اعبي بنزين والسياره شغاله والمكيف شغال