أجراءات شراء سيارة من الامارات [الأرشيف]

بونشاك

14/06/2010, 01:17 PM

السلام عليكم

اخوان ناوي اروح للأمارات واشتري سيارة ... لو ما عليكم أمر تعلموني وش الاجراءات بالظبط من جمارك ومرور وخلافة .. ؟

السياراة ابشتريها ان شاء الله وارجع بها للسعودية

بعطيكم العافية

تروح وترجع بالسلامة وتلقى السيارة اللي تعجبك
اهم شى تكون مادخلت للسعودية سيارة في مدة اقل من سنة
ثانياً تكون السيارة من موديل 2005ومافوق
وتكون سليمة وباقي الأجراات تكون في الامارات ياخذون صورة جوازك ويسوون لك تسفير للسيارة لكن خذ بطاقة الاحوال معك للاحتياط لانهم يطلبونها احيانا منك

تناهيت

14/06/2010, 01:37 PM

كلام اخوي بونشاك صحيح واضيف عليه مايلي
1- مهم جدا انك تطلب ورقه المقاصه من المعرض في حال انك شريت السيارة عن طريقه طبعا .......ببلاش طبعا
2-اذا كنت بتشتري السيارة من فرد تروح للمرور دايركت ويسوون لك شهادة تسفير وتعطي الرجا ل دراهمه بعدها تروح للميناء اللي نزلت فيه السيارة عشان تاخذ المقاصه ووانت واقف بعد دفع 100 درهم رسم جمارك.
3-اذا كانت السيارة لها أكثر من سنتين لا تعطى ورقة المقاصه وتضطر تدفع جمارك عليها في الحدود 5% من القيمه الاجماليه وعلى حسب مزاج راعي الجمرك يتم احتساب القيمة للأسف الشديد ....لك الحق انك تتظلم من قيمه الجمرك ويتم التخفيظ الى النص اذا كنت راعي حجه وبال طويل .
4- تقدر تجي باكثر من سيارة باسمك في السنه وغرامه كل مره 500 ريال ويمكن تمشي بدونها انت وحظك .
5- حصولك على ورقه المقاصه لا يعني انك معفي من الجمارك تماما كل ما قل مبلغ المقاصه كل ما زاد الجمرك عليك وهكذا ...<هذي يبيلها شرح شوي مثلا موديلات 2008 وطالع ما عليها جمرك ابد بمعيه المقاصه تدفع فقط 60 ريال
6-تنزل اللوح وتركب لوحات جمركيه من المرور عندهم بعد ما تسويي المبايعه طبعا .
7- عندهم المرور يعمل حتى الساعه الــ9 مساء الله يخلف علينا + يعطونك قهوه وشاي وكلام معسول .
8- لا تنسى قبل لا تخش السعوديه تمر الشرطه ف يالمنفذ ويختمون اوراقك +الجمارك عندهم +تدفع 150 درهم تخليص جمركي .
9- بعدها الله يعينك على اخويانا في الجمارك والتعقيد والبيئه اللي فيها المكاتب والتي لا تصلح للأستهلاك الآدمي للاسف هذا الواقع ومن راح هناك يعرف وش اقصد ....
لا تخش الجمارك بعد 11 مساء لنك سوف تندم كثير وتنلطع في اقرب مسجد الى الصباح فيما يفطرون الجماعه بينما حدود الدول الأخرى 24 شغالين جمرك لو تبي تدخل بيت بكبره ضبطو امورة لا تلومني ونا اخوك

واي شي تبيه حاضرين

تحياتي