المساعد الشخصي الرقمي

مشاهدة النسخة كاملة : مشورتكم ياشباب اشتري سوبربان أو يوكن اكس ال


الروض
15/06/2010, 12:44 AM
الحقيقة يا أخوان أنا عندي ميزانية كحد أعلى مئة وخمسين ألف ريال
وعندي عائلة والباترول واللاندكروزر ما تشيلنا مع العفش
ولا يناسبنا إلا السوبر أو اليوكن اكس ال
وأنا محتار ها الحين بين اليوكن والسوبربان الطويل
شوروا علي
abo_hoor
15/06/2010, 01:14 AM
هلا والله ياخوي يامرحبا والله
والله ماعندي فكره منو الافضل بينهم بس روح للوكاله وتاكد من مميزات كل وحده منهم
واسمحلي على قصور لاني ماقدر اقول شي وانا ماعرفه لان نصيحه لابد ان تكون في محلها
تقبل تحياتي لك اخوك ابو حور
ftc
15/06/2010, 01:20 AM
اليوكن حلو كا اخف من السوبر بان
اليووكن افضل عاد شف رح الوكاله وناضر الي يناسبك
ويناسب اهلك نصيحه إذا جيت تشتري رح المعارض ارخص بواجد من الوكاله
في النسيم عندك بهجت عسير
انا قبل 3 سنووات شاري جيب من المعارض بــ 120 الف وعند الوكاله 125 الف
تقبل مروري اخي الفاضل
ولد وايل..
15/06/2010, 01:22 AM
اذا تبي طووويل اكس ال اليوووكن احلى..

هو الأنسب للعائلة ...

وجهيه السوبر بان مثل التاهو والتاهو شبابي الى حد كبييير...

عموما لو انا بمكانك باخذ اليوووكن..اكس ال

أحرص على اللون الجديد (الرمادي الغااامق او يسمونه اسود كذاب ) مانزل الا موديلات 2010 ومرغوب ولاحظ بالكالات تلقاه يخلص ع طول..

والدبل لا اوصيك خاصه ان كانك راعي مكاشيت


عساااك ع لقووووة
الروض
15/06/2010, 06:19 AM
مشكورين يا شباب أنا رحت للوكالة
واحترت في الانواع فقط وش النصيحة اللي توجهني
أو ترجح اختياري هذا القصد من طلب المشورة
والا الله لا يعوق بشر
ان شاء الله فرد حمزة ثاير ثاير
ونبي مزيد من المشورة
ابو سند 2003
15/06/2010, 08:04 AM
السلام عليكم و رحمة الله و بركاته
يسعد الله صباحك
عليك بالألوان الفاتحة ( أنا ارشح لك الفضي ) مع مقابض و شبك دينالي و بالتوفيق
بوعبدالعزيز84
15/06/2010, 08:17 AM
اخوي الروض اذا تبي تاخذ الكراسي الأمامية متصل منفصل فخذ السوبربان الشفر لأن اليوكن اكس ال اذا جا متصل منفصل يكون التحكم بالمكيف الخلفي مشبوك مع الأمامي لاكن الشفر يكون فيه فرارات للمكيف في الخلف اما اذا بتاخذ مفصول راح يكون التحكم مثبت في مكان التخزين اللي بين الكراسي الأمامية سواء كان يوكن اس ال او سوبربان الشفر طبعا التجربة لموديل 2008 احتمال يكون في تعديل لل2010 وتقدر تتأكد بنفسك في الوكاله ولاتاخذ على كلام مندوب الوكاله لأنه يبي يصرف اللي عند سواء كان يوكن او سوبربان
SIF
15/06/2010, 09:31 AM
خذ يوكون أكس أل

نفس الحجم
شركة جي أم سي وإن كان كلها وحدة
شيك بالجيب إذا بغيت تبيعه

بالتوفيق
عبدالرحمن1980
15/06/2010, 01:38 PM
خذلك سافانا وريح راسك
أبو مسفر
15/06/2010, 01:53 PM
لا فرق بين الاثنين وكلهن نفس قطع الغيار

في السعودية يعشقون اسم Gmc وفي الخليج يحبون الشفر
والشفر الطويل ( السوبربان ) ارخص من الجمس ( يوكن طويل ) بسبب شعبية الثاني فقط

انا عن نفسي عندي يوكن 2007 قصير وارى ان وجه التاهو او السوبربان اجمل بكثير من اليوكن
لكن الافضل ان تأخذ دبل تحتاجه اقلها على الشاطيء عند البحر او على كتوف الطرق السريعة اللي كلها سوافي اذا بغيت تصلي ووقفت يمكن تغرز

وكل حر في اختياره
هو1ي البر
15/06/2010, 02:46 PM
و عليكم السلام
والله يا بعد حيي ما ظنتي يمشون معك هالاثنين
بحرارة الجو ذا بيطيح سوق الامريكي كله
لان عيوب الامريكي حرارته و المكيف حقه بالحر يبلشك
طقلك جيب و ريح نفسك
ابو خالد 1992
15/06/2010, 04:49 PM
سافرت على موتر اخوي يوكن xL والدفرنش فيه ونه لمكة وامشي علية 140 او 160 ماشاء الله زي الحلاوي وتكييف زي الورد وسعه في الغمارة كنك في صالة بيت والشنطة تاخذ عفش مطلقة بالراحة استخر و توكل على الله وشتر ونحصل فيه دبل افضل في الرساوه والبيع والنفود
الروض
16/06/2010, 05:48 AM
الأخوة الكرام
ابو حور
اف تي سي
ولدوايل
سند 2003
ابو عبدالعزيز 84
سيف
عبدالرحمن 1980
ابو مسفر
هو1ي البر
ابوخالد
بيض الله وجيهكم وكفيوا وفيتوا
أحلى مافي الموضوع ردودكم
ومداخلاتكم المثرية
حفظكم ربي جل وعلا