الشخالات =العزم ((هايلوكس)) [الأرشيف]

m1122gl

15/06/2010, 05:20 PM

ياشباب انا محتار كانت معي هلي 2008 غمارة راعيها الاول فاك الشخالات صراحة السيارة عزمها شي وخصوصا بالبر تعطيك
وبعد مده بعتها وشريت 2009 غمارة ماشية 45000 مع راعيها وكالة ماسوى فيها شئ
جربتها بالبر والبلد ماتعطيك مثل الاوله صراحة قررت افك الشخالات بس ابستشيركم عن طريقة فكهن وش اركب بدالهن
افيدوني يا اصحاب الخبرة

حزوبر

15/06/2010, 05:28 PM

السلام عليكم ورحمة الله
لا تواخذني يا اخوي أنا ما أدري وش هي الشخالات؟
انا معي 2008 دفرنسين ، ونبي نستفيد منك ومن بقية الأخوان أفادكم الله تعالى

m1122gl

15/06/2010, 05:38 PM

الشخالات وانا اخوك دبتين بالشكمان قبل الدبة الكبيرة مهمتهن يردن الهواء ويصفنة ويسمونهن دبات تلوث ((يعني ينقن الهواء قبل لا يطلع من الشكمان))

عقاب999

15/06/2010, 07:46 PM

الشخالات فكهن وركب بدالهن ماصوره تفصيل 3بوصه وتأكد ان فيها فتحه للحساس ...واحرص انها تكون فك وتركيب يعني مسامير تفصال..((الشخالات تمنع خروج الكربون..فتمتلي وتتسدد فينكتم الموتر..فكها وتبي تفرقه ان شاء الله..

عميد سامودة

15/06/2010, 07:55 PM

ماتفرق معك الا فرق ما يذكر اسأل مجرب

حس حس2009

15/06/2010, 10:01 PM

وده لا ي محل شكامين وخله يفك الشخلات ولا تحط شي بداله لان اذا فكيت الشخلات ينشط الهايلكس هذا الشي معروف عندك حق الهايلكسات
وتبي موترك يعطيك عزم شف الشكمان اللي طالع من عند اللقزوز خله عريض يعني تركب هدرز ينشط مره بشكل ماتتصور

برايدوي عنيد

15/06/2010, 10:32 PM

هلابك اخووووووي .........

الشخالات يفكونه علشان تنشط السياره وتمد

لكن فيما يبدو ان الهلي اللي معك ماجاه مس وتفتيح لكن انت خلك عليه ومسه بنمر

وتبي تصير مثلي سيارك الاوله وازين .

تقبل مروري .......

m1122gl

15/06/2010, 10:51 PM

يعطيكم العافية لكن ابي اسألكم اقص الشخالات واركب ماصوره 2.5 والا وشئ الرأي

m1122gl

22/06/2010, 07:04 PM

وينكم ياأهل الخبرة

prof2

22/06/2010, 07:38 PM

انا مرة بغيت افك دبة التلوث وتقريبا قررت لكن مرة كنت واقف في الشارع ومر من عندي واحد راعي فان موديل في التسعينات لكنه نظيف المهم يوم مر من عندي والا ريحة ثاني اكسيد الكربون تسد خشمك على عكس السيارات الي فيها دبة التلوث ومن عقبها بطلت افكها بقوة !!!

طربان على صوت

22/06/2010, 11:08 PM

قرم العيال

23/06/2010, 11:35 AM

المعروف عن الهايلوكس الجديد من 2006 وطالع
القزوز تقول هدرز من كبره والتفريغ يفيده يجدع من الحراره ويزود العزم بالحيل

ابونبيل

23/06/2010, 12:45 PM

ياشباب الي فكين الشخال يعطوننا صور لأني ماني فاهم شي وابي افكه

وهل بيطلع صوت اذا فكيت الشخال. زي السده..؟

ابودعسان

23/06/2010, 01:00 PM

انت شد على الموتر بخط وشف الفرق
واذا فكيت الشخالات لا تخليهن عند الورشه خدهم معك لان عشان تقدر تركبهن اذا بعت الموتر

بن جعيثن

23/06/2010, 01:21 PM

السلام عليكم اخوي الشخالات انا فكيته بطريقه القص وتلحيم وهي ما تلي واحد تقص المصوره من قبل الشخال الاول بعشره سنتي تقريبا وبعده تقصه من الجهه الخلفيه بعد عشره سنتي تقريبا وبعد ذلك حمل الي قصه بالموتر لنه غاليه الثمن تقريبا يصل الي 1200 ريال وبعده يجيب ماصوره تقربيا 2بوصه حديد ويركبه وانتبه يلعب عليك يقول لك اكسر الي فيه وركبه ثانيه تنبيه حسب علمي انك ماتحتاج تقص من الجهه الاماميه لانه فيه مسميار وانا صلحتها عند السيف بالشارع ىالتجاري ببريده والله يوفقك ان شاء الله سعره تقريبا 80 ريال

m1122gl

23/06/2010, 02:31 PM

يعطيكم العافيه وما قصرتوا

أبوعبدالله900

12/01/2011, 09:02 AM

والله ياخي على كلامك مااعتقد ان السالفة شخالات هي والله العالم انه يبيله تدريب اكتم للمكينة وخل البساتم توسع وشف وان زان ولا فك الشخالات...

معلومة...ترا الشخالات مايفكن الا لا مشت يعني لا تسددن فتحات الشخال الموتر ماشي 45 يعني ماهو فارق معك شي كبير

حياك الله اخوي طربان على الصوت عندي تعقيب بسيط على كلامك

ياخوي انا ابفهم وشلون توسع الباستم الله يجزاك خير
البستم مقاسه واحد وشلون يتوسع
يعني اذا على كلامك يبيلك مخرطه علشان تخرط السرندل وتركب قمصان اكبر وتركب بيستم اكبر كذا يتوسع مقاس البستم ماهوب تجلد الموتر ويتوسع البستم على كلامك

قائد السريه

12/01/2011, 03:56 PM

مريت على قايد بالصناعيه القديمه بيفصل ماصوره مع سده ومكان الحساس بـ 350

والله اشوف انه غالي

ويمكن اهون واقصها قص

الا اذا تعرفون محل يظبطها بسعر مناسب

tariq1412

02/05/2011, 04:18 AM

شفوا اخواني اسئلوا مجرب ولاتسئلوا طبيب القصه وما فيها اني حسيت زي التكتيمه في الموتر وقمت وقصيت الشخلات او الدبات وبعدها بي ثلاث اشهر تقريبن صارت السياره تدخن دخان ابيض خفيف وقمت وديتها الشريكه وهي طبعا تحت الضمان والله ثم والله قعدوا في السياره حوالي شهر ماعرفوا المشكله ايش وفي الاخير طلعت من الشخلات خربت علي جلد الراس وغيروا لي الراس كامل الانها تحت الضمان وغيروا لي شكمان كامل الشكمان بعد الخصم طلع علي حوال 2200 ونصيحه الاحد يغير الشخلات خلهن وكاله

((ابوملاك))

02/05/2011, 02:58 PM

والله ياخي على كلامك مااعتقد ان السالفة شخالات هي والله العالم انه يبيله تدريب اكتم للمكينة وخل البساتم توسع وشف وان زان ولا فك الشخالات...

معلومة...ترا الشخالات مايفكن الا لا مشت يعني لا تسددن فتحات الشخال الموتر ماشي 45 يعني ماهو فارق معك شي كبير

من لاعبن عليك وقايلك السلندر يتوسع

انت تعرف اصلا وشلون قايل السلندر

السلندر قطعة حديد او المنيوم

ماتتوسع

اذا تبي توسعه يبيلك تفك المكينه كامل مهو مع الجد يتوسع !!!

عاشق يوكن

02/05/2011, 07:46 PM

السلام عليكم
طيب اذا فكيت الشخالات يزداد قوة الصوت السيارة
ووش مضرتها لا هنتوا
واحد من الشباب معه ارمادا
وفاك الشخالات وعزم الموتر تغير تلاحظ الفرق
وش رايكم
وانا معي نفارا 2010

بدر الحربي.

02/05/2011, 09:49 PM

جاء بالموتر كتمه وسئلت وقالو الشخالات
الشخالات وانا اخوك دبتين بالشكمان قبل الدبة الكبيرة
وانا كسرت اللي في الدبتين وللمعلوميه اختلف صوت الموتر عن اول بس صوت خفيف
والحمد لله الموتر ماجاه شي مع العلم ان الموتر هايلكس 2009 والموتر بعته على ماهو عليه

ابونصور22

03/05/2011, 05:45 AM

السلام عليكم ورحمة الله وبركاته

بخصوص تفريغ الشخالات او قصه والاستغـناء عنه

بصراحه يزووود عزم عمرك

ولكن هذا بتتعبك اذا شلت الشخالات كامله
تجي الهايلوكس الجديدهـ شل الاخير الي قبل الدبــه
وركــب ماصورهـ مكانه نفس الحجم
هذي الحركه مسويه انا الان والموتر بصراحه صوته خفيف يلاحظ بشكل معين
وع قولتهم يرمي
وتزيد العزم بشكل ملحووظ وتستطيع ارجاع الشخال بتلحيمهـ
التكلفـه تقريبــا :60 ريال
والتفريـــغ ايضا حلو وبتلاحظ عزم الموتر بيتغير
والصووت ولكن لاتستطيع ارجاعها كما كانت
التكلفه تقريبا : 150 ريال

(ابو عبدالله)

03/05/2011, 05:12 PM

يالحبايب هل فيه فرق بالصوة بين تفريق الدبات و القص والتوصيل بموصير وخاصه في الدبتين الي تحت الارجل
السياره برادو 6 سلندر

وللجميع تحياتي