تحذير من وكالة المتحدة لسيارات وكيل دودج وكرايسلر وجيب

[محمد 1429]

بسم الله الرحمن الرحيم

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

اخواني اعضاء منتدى مكشات حبيت انقل لكم شي صار معي مع الشركة المتحدة
اخواني انا معاي جراند شيروكي دخلته للوكالة وطلبت من الفني تغير التالي


الفحمات الامامية + الخلفية مع الهوبات

تغير كراسي مكينه

تغير كرسي قير

فحص رائحة البنزين لنها مره شديده بالسياره

تغير ماء الرديتر

تغير فلتر الهواء

المهم انا دخلتها بداية الاسبوع وقالو لي تنتهي يوم الثلاثاء او الاربعاء بالكثير كلمتهم يوم الثلاثاء قالو لي الاربعاء جهازه كلمتهم الاربعاء قالو بالفحص النهائي المهم قلت بجيكم الخميس استلمها وفعلا رحت الخميس جلست مع فني الاستقبال وسئلته عن الاشياء الي غيروها
وذكر كل السابق ما عدا رائحة البنزين سئلته قال خلاص ما فيه مشكله خلي يوم سبت تعال شيل قلت اوك وتركت السياره كلمتهم السبت رد علي واحد قمة الفلسفة فيه اعطيته رقم الكرت قال في الفحص النهائي وكلمته ثاني يوم الاحد قال لا زالت في الفحص النهائي قلت له من امس في الفحص النهائي وش المشكله فيها قال ما فيها مشكله بس عندنا 400 سياره لازم يسون لها فحص نهائي عاد انا هينا عصبت عليه لني حسيت اني غبي وهو يكلمني قلت له الـ 400 سياره هذي موقفينها بوكالة الجفالي المهم قلت له شف انا بجي بكره الاثنين وبستلم سيارتي وفعلا جيت ولقيت السياره جاهزه .
والفاتوره مطبوعه وفيها كم الف وما شاء الله مليانه كتابه جلست اسئل الفني عن الاشياء الي تم تغيرها وقال كل شي طلبته سويناه المهم ما ابي اطول اكثر من كذا
اول المصايب طلعت منهم ورحت للبيت لما جيت اطلع العصر الا الكفر الخلفي ناقص الهوا فيه رحت للبنشر فك الكفر اول صدمه الهوبات الخلفيه والفحمات ما غيروها اطالع ماني مصدق على طول رحت طريق فيه مطبات وحفر الا كرسي القير انواع الطقطقه قسم بالله حسيت اني احلم واروح لورشه قلت شيك لي ماء الرديتر قال ما فيه الا ماء عادي قلت شف كرسي القير جديد قال لا من زمان شكلك ما غيرته
المهم رجعت اليوم للوكالة وقلت لمديرهم عن الي صار قال بكل برود ممكن القطع المطلوبه ما كنت متوفره قلت طيب والفاتوره ليه مسجلين فيها قطع ما ركبتوها وشغل يد ما سويتوه المهم هم وعدوني بكره وبشوف وش اخر كذبهم

[Cyber]

متعودين على الناس ركب وهو مايدري هم ركبوا او لا
وياليت تنشر موضوعك حتى ينتهون الناس
معوض خير

[aboeyade]

من أمن العقوبة أساء الأدب

والله الوكالات لا عبين علينا وللأسف لا حسيب ولا رقيب , ولو الواحد بيروح يطالب بحقه بيخسر أضعاف قيمة التعويض كله في المراجعات والمشاوير للمحاكم

حسبي الله على من كان السبب في هالإستهتار , الله يعينك يا صاحب الموضوع

[عميد سامودة]

الله يعينك بس لا توفرهم ونصيحه لا تسويها عندهم جيب الشرطه وخذ فلوسك من فوق خشومهم وصلحها بالصناعيه

[قناص خلاوي]

اخوي فيه احد الاخوة بالمنتدى سبق وكتب موضوع عن تلاعب الوكالات وكيف ترفع شكوى للشركة الام عن طريق الانترنت

لو ترفع شكوى عن طريق الايميل وترفق صور الفواتير وتترك سيارتك ما تصلح فيها شي كدليل ادانة لهم

وان شاء الله يوصل الايميل ويتصلون فيك عن طريق المدير الاقليمي وتكلمه بنفسك وتقول له السيارة موجودة وافحصها بنفسك اذا كانت القطع مغيره او لا والادلة ( الفواتير واوراق دخول السيارة الوكالة اذا كان موجودة )عندي
وان شاء الله بتاخذ حقك دبل

[شبح الصحراء]

لا حول ولا قوة إلا بالله ، هذا بجد شي يرفع الضغط بس لا تستغرب من الوكلاء انا حصل لي موقف مع وكالة تويوتا فرع الفيصلية دخلت الموتر ابي اشحم العمدان لأني سمعت اصوات فيها ودفعت حق التشحيم اضعاف قيمته في البناشر ولما طلعت موتري وشفت ان الأصوات ما راحت دخلتها فرع خريص الرئيسي واكتشفت عندهم ان العمدان ما تشحمت في فرع الفيصلية وزعلت وطلعت الفاتورة حقت التشحيم كأثبات على كلامي لأن المهندس استغرب ولما شاف المهندس الفاتورة اعتذر وقال احتمال كان فيه سهو من العامل !!!!! القصة اطول من كذا بس انا جبتها بإختصار والخلاصة ان الوكالات احياناً يغشون العميل سواءً سهواً او عمداً .
وعموماً اللي حصل لك مصيبة فعلاً وطعن بالظهر لأنك وثقت بالوكالة ودفعت مبالغ كبيرة لأنك تبحث عن الأمانة والجودة في العمل فلا تسكت وطالب بحقك وكان الله في عونك .

وأنا هنا اطالب من الوكالات السماح للزبائن بدخول الورش والإشراف على صيانة سياراتهم فهذا من ابسط الحقوق فالزبائن يدفعون اموالاً كبيرة لصيانة سياراتهم ولهم الحق في التأكد من الصيانة وتركيب القطع فالثقة للأسف انعدمت مع تكرار مثل هذه القصص المحزنة .

[tiger0018]

حسبي الله عليهم والله توبة من المتحدة قبل تسع سنوات كان عندي شروكي دخلته عندهم اغير سيور وبواجي وخربولي الكمبرسر وكسرو بوجي في المكينه وبعدها على المعارض وتوبه منهم ومن سياراتهم الله لايعيدها والله يعينك عليهم

[هويدي]

حسبي الله عليهم

هذي خيانه الامانه الله لايوفقهم ومن على شاكلتهم

[التعـ King ـديل]

الله يعينك ويجيب لك حقكك

بس لاهنت صور من الاثباتات حتى يكتمل الموضوع

[مقلع الرمث]

هذولا حراميه جدااا

[nayf01]

حرام عليك فرصة العمر تودبهم الحراميه

كن وديتها لحماية المستهلك كشفت عليها بحضورهم وصورت الفاتورة
وخليت الاساس معك

الان يغيرون اللي انت شفته وكان ماشي كان

[nayf01]

ياخوان قبل سنتين شفت موضوع لااحد الاخوان يقول سيارتي جيب تايوتا
كل سنه اطلعة من البائكة وقت الصيفيه فقط

واشيك عليه في الواكاله ومستامنهم

المهم دفع كل ما طلبوا واخرج سيارته وهو في الطريق وقبل يصل الى خميس مشيط
تعطلت السيارة من القير

وشاله بسطحة للوكاله في الخميس

قالوا القير خرب بسبب قلة الزيت

واشتراء قير بمبلغ وقدرة 14000 اربعة عشر الف
واعطاهم فاتورة الصيانه ولم يعتمدوها
وجاء لرياض وحاول وفشلت محاولته ولم يتحملون (ملين) من الخسائر


اما اخوكم المتحدث دخل سيارته لصيانه الدوريه لوكالة اسوزو وعند استلام السيارة

سمعت صوات اذا هديت وفي منتصف الطريق قبل اصل بيتي وقفت عند بنشري بعد اشتباهي
ان الكفرات لم تربط صواميلها بعد تركيب فحمات وقماشات

المهم لقيت احد الكفرات قد طاح منه صامولتان والحمدلله لحقت على الباقيه والا كان رحت فيها

فامل من الجميع الاحتياط من الوكالات فانهم تنقصهم الرقابه والامانه




وبن عمي دخل سيارته شركة تايوتا وسرقوا القارمن من الدرج

ياناس حراميه ما يخافون الله فاحذروهم,

[مكتشف الهوات]

ولا تنسون وكالة الـــــــــجــــــمـــــــيـــــــــح

[faris2006]

والله ما ادري وش اقول
انا شاري دادسن 2003م وكل يوم عندهم وهم يشبكون الكمبيوتر ومافيه اي تغير وصلت الى (الشيخ) نائب شركة الحمراني ومافيه كانك تدخل السيارة في حوش وتطلعها من الباب الاخر
الجميح اشترية منهم تاهو الالف الاول قالوا مجانا قلت الكفرات محبله قالوا عادي شف هذا الهمر وهذا يوكن قلت هذه سيارتي واحصوها ما لى دخل في سيارات العالم بعد ماتهوشت معهم قالوا نسجل لك موعد واذا جاء موعدك نتصل بك الى يومك(السيارة تاهو 2007م) قالوا بالعلم ان السيارة سوف تقف لمدة ثلاث ايام (زي التهديد)
ظهرة عندي رسالة تقول الدفع الرباعي (حول الكتبة) ورحت لمهم قالوا طبيعي
جمعت الخرابات الى في السيارة:-
تحبيل الكفرات
تظهر رسالة (الدفع الرباعي.....)
صوت في المكيف عند تشغيل المكيف
ال سي دي اذا دخل مايطلع
احد حساسات الكفرات يشتغل يوم ويطفاء يومين(افحص الايطار الامامي الايسر)فع قلب من كثر ما اشوفها
طقطقة عند تشغيل الدبل او الالتفاف يمين او يسار
كذالك فيه طقه قوية شوي عند ما اخذ مطب في باب السواق
هذا الى اذكر كلمت الوكالة يقول المهندس هذا طبيعي لانه دفرنشين
رديت عليه قلت هذا طبيعي في سيارتي ولا في كل السيارات مايرد ويدخل المكتب
ولان ما لي الى ان اقول حسب الله ونعم الوكيل

[moooj]

حرامية وعااااااااااااااااادي
والغريب انه فيه ناس تسوي لهم دعاية بالمجان
الله يعوضك خير
لكن لاتنسى تصور الفواتير
ومر على التجارة وحماية المستهلك
وادخل عل موقع الأدارة الاقليمية او الشركة الأم ووصل مشكلتك
والله يكون في عونك

[جعفور]

اخوي لا تعب نفسك معاهم ولا شي
قابل المدير وقله اني برفع ايميل للشركه الام بالمهزله الي صايره
وشف رده الفعل كيف بتصير هذي نصيحتي لك من تجربه شخصيه

[ملك الإحسآس]

يا رجال كل الوكالات نصب
من أولها الى أخرها
حسبي الله عليهم
انا معي لاند 2009 ولا عمري وديته لهم

[محمد الظاهري]

والله الوكالات كلها نتف في المسلمين

شف عبداللطيف جميل يلهب العالم لهب

[ترهيم]

السلام عليكم


ياخوي انا خذيت من المتحد عامود دبل لقراند شروكي وقالي عليه ضمان 6 شهور قلت مو بكره اجي تقولي الضمان وخرابيط وسوء استخدام قال ابد ابد رجعه لنا بس ونبدله لك اهم شي لاتنتهي فترت الضمان اتكلنا بالله وخذيناه ب3005 ريال الخمسه عيا ينزلها :)

بعد 4 شهور بالتمام طلعت الاعراض الاوله الي هي صوت الطقطقه بالعامود والله وفك العامود ورجعلهم . لقيت موظف هناك قالي ماقدر ابدله لك لين يجي المدير وبعدين ماعليه ضمان هذا قلت إلا عليه ضمان 6 شهور وهاذي الفاتوره معي وموقعين علي الفتره ..
قال يالحبيب اقلب الفاتوره ومير اقلبها إلا مليانه كتابه من كثرها ولا تفكر تقراها وصغير مره يبيلها تلسكوب عشان تقرى الضمان يشمل القطع الي تم تركيبها بالوكاله فقط .. ليش ماقالي هالكلام من قبل !! المهم قلت والحل قال الحل مافيه ضمان قلت والله شف الفواتير لاهي نافعتك ولا نافعتني وحقي باخذه قال اجل تفاهم مع المدير يجي العصر ومير ارجع لدوام ويوم جاء بعد صلاة العصر إلا المدير جاي ,, انا من شفت المدير سبحان الله وينغزني قلبي بكل امانه ليس محل لثقه اجنبي ملبسينه شماغ وعقال ((تذكرون طاش ماطاش لما نزلو منتج عقال اخظر واحمر واصفر )) من الطقه هاذي هو :) قلت هذا يبيله اسلوب ثاني واطق الباب ومير اخش عنده وسواليف انا وياه وامدح سياراتهم الشكوى الله من كان له حيله فليحتال حقي وابيه المهم ويوم جيت طالع واعطيه الكرت حق العمل واي شي تحتاجه انا موجود هناك ابد الرجال شفت عليه الاهتمام واخذ الكرت وحطه بالمخباه المهم بعدها قلتله انا مشكلتي كذا وكذا والله ياجماعه قام معي وراح معي للموتر ونادي فلبيني من جوا واخذ هو بنفسه القطعه من السياره وعطاها للفلبيني وقال للفلبيني جبله وحده جديده واطبعوله فاتوره ومير ياخذني داخل ويخلي الشاب السعودي يطبعلي فاتوره المهم قالي السعودي انت وش مسوي فيه شكلك قاري عليه :) ..
خذيت القطعه وركبتها وبعدها باسبوع الرجال يدق مير اخزن رقمه عشان مارد على هالاشكال ههههههههههه وابيع الموتر بعدها بشهر او شهر ونص ..

[ترهيم]

اخوي لا تعب نفسك معاهم ولا شي
قابل المدير وقله اني برفع ايميل للشركه الام بالمهزله الي صايره
وشف رده الفعل كيف بتصير هذي نصيحتي لك من تجربه شخصيه

اي شركة ام على حد علمي ان الشركة اعلنت افلاسها ....

المشكله ياجماعه السعوديه هي المنطقه الوحيده الي معلن الوكيل فيها شي ..

في (دبي ) تعهدت الشكره بتوفير قطع الغيار مدة 10 سنوات لان الشركة اعلنت افلاسها بيصرفون البضاعه وعندنا ياغافل لك الله بكره تبي فحمات ماتحصلها ..

[الباثفندر 3.5]

حسبي الله عليهم

[الفيصل2009]

والله شي يقهر...تكفى لا تخلي حقك
هم متعودين علينا أننا مع الأسف ما نشيك بعد شغلهم
والله معك أن شاء الله

[3bdelm7sn]

الله يكون في عونك ولا تخليهم تكفـــــــى تكفـــــــى وكان طلبت القطع القديمة منهم انا اذا وديت سيارتي الوكالة اطلب كل القطع القديمة ولا ما ادفع ولا ريال

[ولد وايل..]

حسبنا الله ونعم الوكيل...

[abo_hoor]

الله يعينك اخوي
شوف اول شي تروح له حمايةمستهلك في منطقتك وكذلك تروح الى ادرة الشركة
مدير مثلا مدير في شركة مو في كراج وتشرح له ماحصل من نصب واحتيال
وهذا اهداف حماية مستهلك في السعوديه

تنطلق في السعودية الشهر المقبل "جمعية حماية المستهلك" التي وافق مجلس الوزراء السعودي على تنظيمها الشهر الماضي برأس مال قدره 15 مليون ريال. وجاء تأسيس الجمعية لتلعب دوراً توعوياً للمستهلك السعودي عقب موجة غلاء الأسعار التي أجتاحت جميع مناحي حياة المجتمع السعودي في العام الماضي.
وتبرع الملك عبد الله بن عبد العزيز لجمعية "حماية المستهلك" بمبلغ عشرة ملايين ريال فيما تبرع ولي العهد السعودي الأمير سلطان بن عبد العزيز بباقي المبلغ.
وصدر قرار مجلس الوزراء بالموافقة على النظام الأساسي للجمعية الشهر الماضي, حيث تهدف الجمعية إلى العناية بشؤون المستهلك ورعاية مصالحه والمحافظة على حقوقه والدفاع عنها وتبني قضاياه لدى الجهات العامة والخاصة.
ومن مسئوليات الجمعية أيضاً حماية المستهلك في المملكة من جميع أنواع الغش والتقليد والاحتيال والخداع والتدليس في جميع السلع والخدمات والمبالغة في رفع أسعارها ونشر الوعي الاستهلاكي لدى المستهلك وتبصيره بسبل ترشيد الاستهلاك.
وأكد الدكتور هاشم بن عبد الله يماني وزير التجارة والصناعة السعودي في تصريح صحافي على أهمية جمعية حماية المستهلك، مبيناً أنها ستعمل على مساندة جهود الأجهزة الحكومية المعنية بحماية المستهلك وتحقيق تطلعات المستهلكين.
وأوضح يماني أن جمعية حماية المستهلك جمعية أهلية تتمتع بالشخصية الاعتبارية المستقلة ومقرها الرئيسي مدينة الرياض ولها إنشاء فروع ومكاتب داخل السعودية. كما أوضح الوزير السعودي أن الجمعية لها الحق في اقتراح الأنظمة ذات الصلة بحماية المستهلك وتطويرها، وتمثيله في اللجان والهيئات المحلية والدولية ذات العلاقة بحماية المستهلك والتعاون معها والمشاركة في أنشطتها.
وأضاف يماني أن قرار تنظيم جمعية حماية المستهلك حدد أهداف الجمعية واختصاصاتها وأنواع العضوية وشروطها والتزامات الأعضاء والجهاز الإداري للجمعية واللجان التي تتكوّن منها ومصادر إيراداتها.
وأفاد يماني أن قرار مجلس الوزراء نص على استثناء الحكم الوارد في المادة العاشرة من تنظيم الجمعية، لأن الجمعية العمومية تقدمت إلى وزارة التجارة والصناعة بطلب إنشاء جمعية لحماية المستهلك.
وقال يماني: أن القرار نص على قيام وزارة التجارة والصناعة باختيار خمسة أشخاص على الأقل من هؤلاء المتقدمين ليتولوا التحقق من توافر تلك الشروط فيمن يتقدم بطلب إنشاء الجمعية ومن يتقدم بطلب الانضمام إليها، كما يتولون الإعداد لاجتماع الجمعية العمومية الأول والدعوة إليه وتنتهي مهمة هذه اللجنة بانعقاد هذا الاجتماع الذي يجب أن يكون خلال ثلاثين يوماً من تاريخ العمل بالتنظيم وأن يكون من بين جدول الأعمال انتخاب المجلس التنفيذي للجمعية بمن فيهم رئيس الجمعية ونائبه.
وذكر أن المجلس التنفيذي للجمعية يتكوّن من تسعة من الأعضاء العاملين من بينهم رئيس الجمعية ونائبه تنتخبهم الجمعية العمومية بطريق الاقتراع السري، ويشترط تفرغ الرئيس ونائبه للعمل فيها، ومدة العضوية في المجلس ثلاث سنوات قابلة للتجديد لمرة واحدة بقرار من الجمعية العمومية، ويتولى المجلس إدارة أعمال الجمعية بما يحقق أهدافها، ويكون الرئيس هو المسؤول التنفيذي عن إدارة الجمعية وما يقرره المجلس، لافتا إلى أن قرار مجلس الوزراء بإنشاء الجمعية أكد على قيام الجهات المعنية بتقديم التسهيلات اللازمة لتمكين جمعية حماية المستهلك من ممارسة مهماتها.

[مدمن فتك]

ياخوي هالحراميه هددهم باللجوء للمحكمة وان لقيت منهم برود ارفع دعوى عليهم خل سمعتهم تطلع وخلهم يرتبكون لاتسكت عن حقك ترا عيب السعوديين طيبتهم زايده ولا فيه من يقدرها امثال ذولا الحراميه

[hightech]

افشل شركة في العالم

طلعت 1998 قراند شروكي وكان وقته مافيه إلا باجحزر واذكر مرة خرب

عندي قطعة في القير وكانوا رافضين يبيعوني القطعة بلحالها لازم القير كامل

مدري كم الف واخيرا شريتها من مكان برا 60 ريال :eek:

والله اني كل ماشفت احد راكب على سيارة من سيارات دوج اني اتحسف عليه

وعلى دراهمة اللي دفعها في شركة فاشله (اقصد الوكالة)

[.أبوعبدالرحمن]

اخوي لا تصلح سيارتك خذ فلوسك ورح للصناعية مع ايميل صغير للشركة الام

[واطي الجمرة]

كن وديتها لحماية المستهلك كشفت عليها بحضورهم وصورت الفاتورة
وخليت الاساس معك

[بواسامه]

الله يعظم اجرك
ويجيرك في مصيبتك
ويخلفك خيرا منها

النبي صلى الله عليه وسلم تعوذ من قهر الرجال
عليك بالدعاء ان الله يسمح امرك ويسهل لك حقك

والله اي واحد اشوفه يسوق هالسيارة الآنفة الذكر ارحمه
لانها ام الخوابير جديده ولا مستعمله
وتبقى وجهة نظر

[بو خليفه]

هذا خطأ من السيارة لا تحتاج صيانة

فقط تروح عند بنشري وتشييك الماء والزيت فقط

الفحمات الهوبات عندي اي ورشة هي تبيديل قطع فقط

ما هي الصيانة لا يوجد صيانة في الوكالات

الحمدلله انا من 15 سنة اشتري سيارة تخرج من الوكالة وبعد 5 سنين تروح المعارض و اشتري غيرها ولا اعرف شئ اسمه صيانة في الوكالة

لان الوكالة هدفهم واضح تلف السيارة تسويق قطع وتشغيل الصيانة

[عاشق السبيطي]

بسم الله الرحمن الرحيم



(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))


اخواني اعضاء منتدى مكشات حبيت انقل لكم شي صار معي مع الشركة المتحدة

اخواني انا معاي جراند شيروكي دخلته للوكالة وطلبت من الفني تغير التالي


الفحمات الامامية + الخلفية مع الهوبات

تغير كراسي مكينه

تغير كرسي قير

فحص رائحة البنزين لنها مره شديده بالسياره

تغير ماء الرديتر

تغير فلتر الهواء

المهم انا دخلتها بداية الاسبوع وقالو لي تنتهي يوم الثلاثاء او الاربعاء بالكثير كلمتهم يوم الثلاثاء قالو لي الاربعاء جهازه كلمتهم الاربعاء قالو بالفحص النهائي المهم قلت بجيكم الخميس استلمها وفعلا رحت الخميس جلست مع فني الاستقبال وسئلته عن الاشياء الي غيروها

وذكر كل السابق ما عدا رائحة البنزين سئلته قال خلاص ما فيه مشكله خلي يوم سبت تعال شيل قلت اوك وتركت السياره كلمتهم السبت رد علي واحد قمة الفلسفة فيه اعطيته رقم الكرت قال في الفحص النهائي وكلمته ثاني يوم الاحد قال لا زالت في الفحص النهائي قلت له من امس في الفحص النهائي وش المشكله فيها قال ما فيها مشكله بس عندنا 400 سياره لازم يسون لها فحص نهائي عاد انا هينا عصبت عليه لني حسيت اني غبي وهو يكلمني قلت له الـ 400 سياره هذي موقفينها بوكالة الجفالي المهم قلت له شف انا بجي بكره الاثنين وبستلم سيارتي وفعلا جيت ولقيت السياره جاهزه .
والفاتوره مطبوعه وفيها كم الف وما شاء الله مليانه كتابه جلست اسئل الفني عن الاشياء الي تم تغيرها وقال كل شي طلبته سويناه المهم ما ابي اطول اكثر من كذا
اول المصايب طلعت منهم ورحت للبيت لما جيت اطلع العصر الا الكفر الخلفي ناقص الهوا فيه رحت للبنشر فك الكفر اول صدمه الهوبات الخلفيه والفحمات ما غيروها اطالع ماني مصدق على طول رحت طريق فيه مطبات وحفر الا كرسي القير انواع الطقطقه قسم بالله حسيت اني احلم واروح لورشه قلت شيك لي ماء الرديتر قال ما فيه الا ماء عادي قلت شف كرسي القير جديد قال لا من زمان شكلك ما غيرته

المهم رجعت اليوم للوكالة وقلت لمديرهم عن الي صار قال بكل برود ممكن القطع المطلوبه ما كنت متوفره قلت طيب والفاتوره ليه مسجلين فيها قطع ما ركبتوها وشغل يد ما سويتوه المهم هم وعدوني بكره وبشوف وش اخر كذبهم



يعطيك العافية أخي محمد .. توني أشوف موضوعك رغم إنه قديم لكن حبيت أجدد الموضوع وإليكم معاناتي مع الشركة المتحدة ...

في تاريخ 30/7/2012 قمت بالذهاب إلى الشركة المتحدة لسيارات الدوج والكرايسلر والجيب الوكيل في المملكة العربية السعودية في الخبر
بسبب عطل في مكيف سيارتي دوج تشارجر 2007 RT وكنت قد أخبرت المهندس بأن العطل في
COMPRESSOR
والمزيد من المماطلة والتأخير في المواعيد وعدم المصداقية حيث أن مراجعتي للشركة كانت بعد يومين من استلامهم السيارة لكي أعرف منهم التفاصيل والتكلفة بعد الكشف على السيارة وقمت بالإتصال على المهندس في تاريخ 1/8/2012 وأخبرني المهندس من الجنسية الهندية أو الباكستانية وأخبرني بأنهم أجرو كشف شامل للسيارة وأخبرني بأنها تحتاج لبعض الإصلاحات في عضلات السيارة فــ وافقت على صيانة السيارة بشكل كامل لثقتي بالوكالة دون الورش الخارجية المحلية وأخبرني بأن هناك قطعة الثلاجة الخاصة بالمكيف لم تصل إلى الآن وسوف تصل من الرياض يوم الخميس الموافق 2/8/2012 أي بعد مكالمتي لهم بيوم واحد فـ انتظرت ولم أتصل .. وفي يوم السبت 4/8/2012 اتصلت بهم لأنهم لم يتصلو بي حيث أنني كنت قد استأجرت سيارة على حسابي وبسبب تأخير الوكالة في صيانة السيارة أنا قد دفعت لشركة تأجير السيارات 2200 ريال سعودي , وفي اتصالي بهم يوم السبت أخبرني المهندس بأن القطعة التي كننا ننتظر وصولها من الرياض بأنها لن تصل الا يوم الإثنين الموافق 6/8/2012 ف انتظرت وصبرت على ذلك أيضاً لثقتي في الوكيل وبأني كنت أسترجي ذلك أن أستلم سيارتي بعد صيانة شاملة لأستفيذ من السيارة في السفر في إجازة عيد الفطر حيث أن آخر يوم قبل إجازة الشركة المتحدة لسيارات الدوج والكرايسلر يكون يوم الخميس الموافق 16/8/2012 إلى الساعة 1:00 ظهراً
فذهبت إليهم يوم الثلاثاء 14/8/2012 لأستلم السيارة وبينما أنا في طريقي بسيارتي إلى منزلي الذي يبعد عن الشركة مسافة بعيدة فوجدت أن المشكلة نفسها لم تتغير في المكيف حيث أنه أصبح حاراً بالإضافة إلى تسرب الماء إلى داخل السيارة , وعدت إليهم يوم الأربعاء وأخبرتهم بالمشكلة وتحدثت مع مدير قسم الصيانة وأخبرته بكل الأخطاء التي حصلت بسبب موظفين الصيانة حيث أنهم لم يصلحوا المكيف وهو أول مشكلة كنت أعاني منها وبأنهم أخبروني بأن الكمبريسر ليست به مشكلة
والأخطاء التي أعانيها مع الوكيل هي كالتالي :
* عدم المصداقية في المواعيد والتأخير بسيارتي في الورشة
* عدم إصلاح الكمبريسور حيث أنهم قالو بأنه ليس فيه أية مشكلة رغم وجود صوت وعدم التبريد داخل السيارة يخرج هواء حار
*تشويه الصدام الأمامي من الأسفل حيث وجدت به شق كبير وتشويه منظر السيارة
* خلع مفتاح كبّوت السيارة وعدم تركيبه بشكل صحيح مما أدى إلى صعوبة أو عدم تمكني من فتح الكبوت
* بعد فتح كبوت السيارة وجدت أن صدام السيارة لم يتم تركيبه بشكل صحيح ودقيق حيث أن ثلاثة مسامير غير موجودة ووجدت الصدام يتحرك أي لو حركته بيدي سوف ينخلع من مكانه
* واستلم السيارة والمكيف لا زال حاراً جداً جداً لم أستفذ شيئاً من التأخير والمماطلة

ملاحظة : ا
آخر مرتين استلمت السيارة من الوكالة لا يسلموني سيارتي الا في آخر دقيقة من وقت دوامهم وكأنهم يخفون شيئاً من أخطائهم كي لا أتمكن من تشييك السيارة وخاصة يوم الخميس الموافق 16/8/2012 كان آخر يوم قبل إجازة عيد الفطر حتى أن ساعات العمل في هذا اليوم تنتهي في تمام الساعة 1:00 ظهراً ولم أستلم سيارتي الا بعد الساعة الواحدة
ولكني بينما أنا أقود سيارتي في طريق العودة للمنزل وقد تحول المكيف إلى مضخة هواء حار , وفي طريقي رأيت المهندس وهو يقطع الطريق ذاهباً إلى منزله ف أوقفته ورآني في معاناتي في الحر وركب معي سيارتي وأرجعنا السيارة إلى الوكالة حيث أن جميع الموظفين قد رحلو إلى منازلهم
مع هذه المعاناة مع الوكيل والأخطاء المتكررة قد دفعت مبلغ 12328 ريال سعودي للوكالة ولم يتم إصلاح المشكلة الرئيسية وهي الكمبرسر وبسبب الـتأخير قد دفعت أيضاً 2200 ريال لشركة تأجير السيارات
المجموع 14528 ريال سعودي كل هذا بسبب الوكيل المماطل الغير كفؤ لأن يمسك وكالة لشركة عالمية معروفة وقد يسيء لسمعة الدوج والكرايسلر وهذا ما أراه من الكثير من الناس مستخذمي الدود والكرايسلر والجيب
وإلى الآن من تاريخ 30/7/2012 سيارتي في الوكالة وقد أرسلت خطاب إلى الوكالة الأم في أمريكا يوم السبت 25/8/2012 أشتكي فيها الوكيل في السعودية وأنتظر ردهم ,.. وقد دفعت قيمة قطع لم يتم تركيبها في السيارة وهناك الكثير من الناس الذين كانو ينوون أن يشترو سيارة الدوج أو الكرايسلر فــ غيرو رأيهم بعد ما رأوه من معاناة أعانيها

[عاشق السبيطي]

نسيت أقول لكم شباب أي أحد عنده مشكلة مع الشركة المتحدة .. يراسل وكالة الدوج في أمريكا علشان يشوفوا لنا حل لأن بصراحة الشي زاد عن حدّه ومشاكلهم أكثر من إصلاحهم .. هذا إذا صلحوا شي لأن ما عمري شفت أحد أبداً يمدح فيهم أو في صيانتهم ... أسعار مبالغ فيها على لا شيء

[ابونبيل]

حط صورة للفاتوره كان تبي الفضيحه تشعلل فيهم

والصراحه المفروض الفحمات وماء رديتر وغيره تسويها بره ارخص واسرع وتحت عينك اما كراسي القير وكذا معك حق

والله يعينك عليهم وتاخذ حقك ان شاء الله

[عاشق السبيطي]

حاولت أرفع لكم الفواتير بس ما ظبط عندي أو بمعنى أصح ما عرفت :D

[الصمان 2]

الله يكون في عونك .



وهذه طريقة ادراج الصور :


طريقة إدراج الصور في المنتدى - جديد (http://www.mekshat.com/vb/showthread.php?t=124724)





.

[عاشق السبيطي]

تسلم أخوي الصمان 2 مشكور حبيبي وان شاء الله راح أشوف الطريقة وبرفق الفواتير

[يكفيني نظرة]

شئ عادي جدا شكلك ناسي انك بالسعوديه ؟؟

[عاشق السبيطي]

ههههههههههههههههههههههه
بعد ما دفعوني المبالغ والتخريبات اللي في السيارة .. بكرا تكمّل شهر عندهم
اليوم اتصلو علي يقولو :
اكتشفنا إن الكمبريسر مافيه مشكلة بس كانت ماسورة انسدّت بسبب الأوساخ وبدلناها بوحدة جديدة وظبط المكيف هههههههههههههههه
أنا ما قلت شي في المكالمة غير ( اممم - آها - أيوة - أممممم ) وانتهت المكالمة ههههههه

[2008]

السلام عليكم
أخوي تبي الكلام اللي يجمد علي الشارب
أنا حلصت لي مشكلة مع هالشركة قسم بيت الله أنهم اتصلوا علي كم مره بس علشان يراضوني والسالفه هي
أن كان عندي دورانجوا موديل 2002 وصارت لي معهم مشكله طويله ماودي اقول السالفه كامله بس بقول لكم الزبده المهم ان مفتاح السيارة ضاع ولا شغلوا لي السيارة الا بعد ما فتحت السيارة وجبتها علي سطحه وقصيت مفتاح عند محل مفاتيح برا الوكاله بس باقي برمجة المفتاح وشريت المفتاح والرموت من عندهم وبرمجوا المفتاح والرموت بعد هوشه ويوم خذيت السيارة للبيت طلع في القير التماس يبدل القير وانا ماشي رحت صوب واحد من الأخوان السعوديين يفهم في الشروكيات وعلي طول وراني اللتماس في فيش القير رغم ان القير ماعمره فك ولا أحد جاء الأسلاك
قمت علي طول صورة الأسلاك والفواتير وارسلتها للشركة الأم وشرحت لهم السالفه من طقطق لين السلام عليكم وبعد اربع وعشرين ساعه كلمتني شركة جيب من أمريكا وشرحت لهم السالفه بالتلفون قالوا لي ويهمك مالك الا الا يرضيك وفعلا ثاني يوم كلمني مدير صيانة الشركة المتحدة اللي علي طريق خريص بالرياض واللي كان أمس مايكلمني الا من راس خشمه يعتذر ويقول وش تبي نسوي لك كل شي علي حسابنا جب سيارتك نغير لك الزيت ونشيك لك عليها ونغير لك اي شي خربان مجانا قلته له ما ابي منكم شي ولا عاد عندي ثقه فيكم ادخل سيارتي عندكم بعد.
وبعد كذا كلمتني الشركة الأم مره ثانية وقلت لهم اللي حصل ولا أنا راضي عنهم قالوا طيب بنخليهم يراضونك ودق علي ثاني مره مدير صيانة المتحدة واعتذارات في الجوال وتطييب خاطر يالله بالقوة رضيت عنهم وكلمتني الشركة الأم ثالث مره المهم ارضوني بالأعتذارات لين قلت بس وبعدها السيارة ما طولت عندي بعتها وفتكيت منهم رغم ان السيارة كانت من اجمل السيارات اللي شريت
ما لك الأ ان ترسل للشركة الأم بس لازم تكون معك اثباتات ترسلها لهم في البريد الأكتروني وشف وش يصير والله ان يذونك بالأتصلات لين تنحل مشكلتك
والله يوفقك

[عاشق السبيطي]

يعطيك العافية حبيبي
فعلاً الشركة المتحدة أخطائهم أكثر من إصلاحهم .. وأصلاً الأشياء الزينة معدومة عندهم
ويا كثر نصباتهم للأسف .. أمس وقبل أمس مدير قسم الصيانة في الخبر يتهرب مني قبل أمس قالو عنده إجتماع وأمس قالو في الهفوف ( الأحساء )
المشكلة إني أرسلت للشركة الأم وجلست أنتظر أربعة أيام وبعدها جاني منهم إيميل حولوني على دبي وإلى الآن أرسلت أربع مرات الإيميل لدبي ولا ردو علي
لكن أخوي ما عليك أمر إذا تقدر تعطيني العنوان اللي انت أرسلت عليه يمكن يكون مختلف عن اللي عندي علشان راح أرسل وأرفق لهم حتى الإيميلات اللي أرسلتها لدبي وما ردو علي .. لأني تعبت من جد .

[2008]

ولا يهمك أخوي هذا العنوان
talkto@chrysler.com

[عاشق السبيطي]

يسلمو يا بطل
أخيراً ردو علي وأول شي جاني منهم الآن رسالة شكر وبعدها اعتذار على اللي صار لي وقالو خلاص استلمنا الشكوة وراح نبدأ في التحقيق في الموضوع وأعطوني رقم طلب

[عاشق السبيطي]

وأحسن ما في الموضوع إنهم أرسلو لي وحطو مسؤول الصيانة في الإيميل يعني الحين عرف إن عليه شكوة لأنه تهرّب مني ثلاث مرات
أول مرة قال أنا موجود للساعة 1:00 الظهر ولما رحت له الساعة 12 قالو سافر من الساعة 11
والمرة الثانية قالو عنده إجتماع
والمرة الثالثة قالو في الهفوف
كفو عليه هههههههههه

[وجعين]

الوكاله المفروض ما يشوفها الواحد الا في وقت واحد وهو شراء السياره والباقي يروح لورشه محترمه يكون معاملهم من زمان هذا رايي