2700 ريال خسائر لاصلاح الجمس واخرتها العطل من هذا الجهاز؟

[المترو]

السلام عليكم ورحمة الله وبركاته
هذه قصة حصلت لسيارة العائله الجمس موديل 98 استعمال امريكي وحبيت انبه اليها لكي لايقع احد بهذه المشكله لاحقا
القصه السياره بدت تقطع وتدخن وودينها للوكاله قالو المشكله بواجي واسلاك بواجي وضبطت السياره لمدة يومبن وعادت الى نفس المشكله رجعناها قالو البخاخ يحتاج وزن مدري وجيه المهم قلنا مايخالف وكذلك يومين وترجع نفس المشكله الغريب بالامر ان الميكانيكي يقول شف سيارتك تمام الحين اذا ماهي تمام لاتستلمها واقتنعت بالامر واستلمت السياره للمره الثاينه (علماً ان الفحص بالكميوتر يعطي كل شيء سليم )
وبعد كم يوم ترجع نفس المشكله وغيرنا طرمبة البنزين وفلاتر البنزين ووزن دليكو وتضبط وكم يوم ترجع نفس المشكله اخيراً قلت هذي فيها جني ياناس واشار على احد الاقارب اوديها ورشه فيها ميكانيكي خبير بالجموس الامريكيه سبق اشتغل بوكالة الجميح للسيارات واستلم السياره وقال بكره تعال واعلمك وش بالسياره ومن بكره مريت عليه اعطاني هالقطعه اللي هي الكمبيوتر الخاص بالتحكم بالسياره واجهزتها الكهربائية وقال تلقاه بالوكاله وامر على الوكاله قالو غير موجود عندنا الآن بعد اسبوع يصل الينا وقيمته 180 ريال على ما اعتقدفقط بعد التخفيض ودفعنا المبلغ وبعد اسبوع ركبه المكيانكي ورجع الموتر تمام التمام الى الآن والحمد لله على السلامه لكن بعد خساره بين هالورش والوكاله بلغت 2700 ريال والغلطان ابو نسب كل ما قالوا له غير القطعه هذي غيرها يقول وكاله ابخص مني ومنك

وهذه صور هذا الجهاز الصغير بشكله والكبير بفعله وهو موجود بالطبلون خلف الدرج الامامي واليكم شكله لتحذرو منه قبل التعرض للخساره

وللمعلوميه حسب كلام الميكانيكي اذا غيرت قطعه بالسياره احيانا الجهاز ما يتعرف عليها ويعتبر عطلان بهذه الحاله كما يقول تتغير برمجته وخاصه السيارات الاستعمال الامريكي


http://www.mekshat.com/pix/upload/images8/mk3016_comcar2.jpg




http://www.mekshat.com/pix/upload/images8/mk3016_comcar3.jpg



http://www.mekshat.com/pix/upload/images8/mk3016_comcar1.gif

امل ان يكفينا الله وأياكم الاعطال

وسلامتكم
الرحال2003

[الشامخ الشمالي]

مشكور أخوي الرحال 2003 على الموضوع والمعلومات المفيدة .
والحمد لله أن السيارة صلحت والله يعوض عليك .


وشكراً .

أبوشوق

[فتيان صلالة]

معوض خير يالرحال وحمد ربك ماقولك اكثر من كذا وكل الى غيرته غيرته لسيارتك ما في خسارة

وصراحة موضوع جيد ياليت يستفيد منه الاخوان
ومن مر به موقف مشابه يعرضه عشان تعم الفايده

وياليت تعلمني بسم الورشة ومكانها لأن واحد من خوياي جننته لومينا سبوع عنده وسبوع في الورشة
وطرمبة البنزين ماتاخذ شهر الا ويغيرها .
وسلامتكم

[رفيع الشان]

الله يعطيك العافيه ويجزاك خير على حرصك لنشر الفائده للجميع ...


ولك الشكر

[اسيزو 4x4]

الله يعوض عليك يالغالي و أنشاء الله ما تعود

وسلامات

[محب الشمال]

الله يجزاك خير والله لا يعطلنا ولا اياك ... آمين

ويا ليت تنشر اسم الورشه وموقعها مدام فيها خبير عشان تعم الفايده لجميع الاعضاء والزوار الي عنده جموس
واولهم اخوك عندي جمس 2001 تولع مرات لمبه Abs ومرات ما تولع وابي ورشه اشوف ايش المشكله بالظبط لاني للحين مافكيت شي في الكفرات لان بعض الورش قالوا الحساسات ويبي لها تنظيف والبعض قالوا فحمات او اقمشه (نسيت)
والله يحفظك ويعافيك

[الربذي]

اخوي الرحال 2003 الله يجزاك خير على هذا التنبيه وقصتك تدل على المستوى المنحط لعمال البناشر الي مسوين ميكانيكي وفني شف خسروك حسبنا الله عليهم 2700 ريال والتكلفه الحقيقيه اقل من ذلك بكثير جدا غير الارهاق والضغط النفسي الي تتعرض له غير الروحات والجيات للورش غير تعطل بعض الزيارات العائليه
اخونا محب الشمال طبعا وغير معلم تعرف معنى تلك الكلمات اي بي اس
معي سياره به هذا النظام ومره وانا ماشي ولعة تضايقت مره رحت حق الوكاله قال الفحص بكذا وكذا وتجينا بكره ويمكن تبي يوم كامل او يومين يقول زحمة المهم طنشت المبه وطفت من كيفيه وايضا شك انجاين كم مره تولع وتطفي من كيفه وانا اكره بحياتي ثلاث امور روتينيه وهي
الحلاقه اذا مالقيت عنده احد اقل شي 20 دقيقه وانت جالس هذا غير الي يقولون ساعة كامله نعم
غسيل السياره تبي تنتظر 45 دقيقه اقل شي بس الحمد لله فتحت عندنا ورش به غسيل 200 متر من البيت
روحات الصناعيه والورش يقول ساعه ويقعد ليله كامله
نرجع لموضوعنا وهو انك تطنش هذة المبه لان البريك اذا تعطلت يرجع زي اي سياره ثانيه بدون هذا النظام زمامنه خطر ولن يظبطوا المبه اذا انها احيانا تولع وسوف تتعقد منها يشتغلك كم ساعه ويقول تمام وباللاخير تولع اكثر الي عندهم هذا النظام يقولون انها تولع اثنى الامطار ويمكن انك ماره بحارة به ماء ولامس الهوب شي من ذلك يمكن لاني اذكر واحد دايم يقول تولع وقت الامطار يعنى اذا جات حاجتها

[Bader-M]

هنا

المشكله تكمن

في العمل اصعب شي يوجهننا هو تشخيص العطل ( اكتشاف اين موقع العطل )
وهنا يتبين لنا الفني المحترف من غيره

..........

والله يعوضعك على خسارتك

تقبل تحياتي

[}{التميمي}{]

وين مكان الورشه

[سوبر VTC]

و عليكم السلام و رحمة الله

جزاك الله خير

و الله يعوضك عليك ان شاء الله

و اهم شي ان اللي انت ركبت راحن للموتر

موفق

[H5N1]

04:00 Pm
26/05/2005
هذا تاريخ آخر رد يا سوبر Vtc

[قمة افرست]

مشكور معلومات مهمة
جزاك الله خير

[هويدي]

الله يجزاك خير ويجعل مادفعت من خساير دفعت بلا عنك وعن والديك وعيالك

[عاشق z71]

04:00 Pm
26/05/2005
هذا تاريخ آخر رد يا سوبر Vtc



الكبر شين هههههههههههههههههههههههه

[فيض العطاء]

الله يعوض عليك ان شاء الله

[سوبر VTC]

الكبر شين هههههههههههههههههههههههه



ههههههههههه
يعني انا شيبت :p:D
عموما ارفع المواضيع من اجل المصلحه العامه :good:
وش صار عليك حصلت فيوز ؟؟؟؟؟؟

[aoh200]

شكرا على المعلومه المفيده

والله يعوضك..

[barracuda]

مشكور اخوي على التنبيه
صارت لي نفس المشكله
بس الميكانيكي ضحك عليا والله مدري
قلي غيرنا ثلاجة المكينه واخذ تقريبآ 700 ريال
بس الحمد لله السياره مشي حالها
ولك كل تحيه

[مغلي]

السلام عليكم ورحمة الله وبركاته
.............. واشار على احد الاقارب اوديها ورشه فيها ميكانيكي خبير بالجموس الامريكيه سبق اشتغل بوكالة الجميح للسيارات واستلم السياره وقال بكره تعال واعلمك وش بالسياره ومن بكره مريت عليه اعطاني هالقطعه اللي هي الكمبيوتر الخاص بالتحكم بالسياره واجهزتها الكهربائية وقال تلقاه بالوكاله وامر على الوكاله قالو غير موجود عندنا الآن بعد اسبوع يصل الينا وقيمته 180 ريال على ما اعتقدفقط بعد التخفيض ودفعنا المبلغ وبعد اسبوع ركبه المكيانكي ورجع الموتر تمام التمام الى الآن والحمد لله على السلامه

http://www.mekshat.com/pix/upload/images8/mk3016_comcar2.jpg


امل ان يكفينا الله وأياكم الاعطال

وسلامتكم
الرحال2003

اخي الرحال

الورشه هذي باي مدينه وين مكانها بالضبط ووش اسم الورشه ورقم هاتف الفني

وهل هالقطعه موجوده في اليوكن 2002