ابي اصير عامل بورشة

[محب الشمال]

اخواني الاعزاء اخوكم غشيم في صيانه السياره

اذا فيه احد من الاعضاء يخبر لي ورشة تعلمني ميكانيكا السيارة يا ليت يساعدني

يعني اكون عامل في ورشه لو كل اسبوع يومين او ثلاث ا يام

ومستعد اعطيك الورشة كل شهر مبلغ نظير تلعيمهم لي (( ما نختلف ))

صراحه يا اخوان انتم عارفين ان الصيانه مهمة جدا في البر وغيره

والتوفيق والتساهيل بيد الله سبحانه وتعالى

تكفون يا شباب يمكن انه طلب غريب شوي بس يا ليت تساعدوني

والله يحفظكم ويرعاكم

[القناص]

اعرض خدماتك على احدى ورش الوكالات
معظمهم عندهم برامج تدريب صيفي للشباب
بس يبون الصامل
مثلا الجفالي
الجميح
العيسى
جميل

[اسيزو 4x4]

مثل ما قال أخوي القناص صح لسانة

[محب الشمال]

مشكور اخوي القناص واخوي اسيزور

وفكره جيده بس عساهم يقبلوني عندهم مع انه اما اظن انهم يقبلوني عشان هم اكيد يبون واحد في الصباح وانا عندي عمل في الصباح عشان كذا كنت اسال عن ورشة عاديه

وانا انصح جميع الاخوان انهم يحاولون يشتغلون في اي ورشه حتى لو بنشري

وخصوصاً الميكانيكا والكهرباء لا سمح الله الواحد يتعطل في مكان ما حولك مخلوق تقدر بأذن الله تصلح سيارتك

فهي بعد توفيق الله مهمه على الاقل من باب الاحتياط

اكرر شكري لكم ولا قصرتوا والله يحفظكم ويرعاكم

[صقر]

اذا تبغى نصيحتي اشتر لك سيارة قديمة وفككها واشتغل عليها .. وراح تلقى قطع الغيار رخيص ومتوفر .

بس يبغى لك مكان وحفرة علشان تشتغل فيها.

[محب الشمال]

الاخ صقر شكراً لمرورك
والفكره جيده مع اني افضل احد يعلمني اول ويرشدني ويساعدني على الاقل تسهل على بعض الامور

لكن ممكن جداً اني اطبق فكرتك بدون مساعده اي شخص واستفيد منها واني افك واركب حتى اتعلم لوحدي بعد توفيق الله

اكرر شكري لمرورك وعلى هذي الفكره الرائعه

المكان موجود في الحوش يا ربي لك الحمد بس تهقا الشيبان بياوافقون اسوي حفره بالحوش :rolleyes: