> باترول 2010 <

[مخاوي القنص]

السلام عليكم
يقولون ما خاب من استشار : اشرايكم بارك الله فيكم في الباترول 2010 Es3 هل يستاهل سعره الحالي 200،000 ريال ، هل جرب أحد الموتر وماهي عيوبه ، او
فئة Le3 وسعره ما يقارب 240،000 ريال وما رايكم في عروض نيسان الجديده
ادفع 50 % من قيمة الموتر بدون أقساط وبعد 3 سنوات ندفع النص الباقي . .

[أبو فيصل 99]

يا رجال 240000 كايده .. خذلك بـ 185000 gxr أصرفلك أو فتك بـ 150000 ريال

وأنت صاحب القرار الأخير

[مخاوي القنص]

شكرا أبو فيصل لكن أبشوف أهل التجربه عن الباترول 2010

[عميد سامودة]

يستاهل مقارنة باللكزس التعبان اللي تعدا سعره ثلاثمية الف

[هويدي]

جربت اللي تحت التوب ابو 400 حصان مع احد الاصدقاء

ماشاء الله تبارك الله ـ فخامه ومركب على كيف كيفك
بس عيبه كبير وفخم فخامه تحسفك تطامربه بالبر

[swaswa]

اخي الكريم

انا عندي باترول se3 موديل 2010
وكان عندي قبلة لاندكروزر gxr خليجي 8 سلندر

العيب الوحيد في الباترول هو الحجم (اطول ب 19سم)
وهذي ميزة في السعة الداخلية اما بالنسبة لي تعتبر عيب لان عائلتي صغيرة

اما باقي المواصفات فهي في صالح الباترول وبكل قوة
لان الباترول يتفوق من ناحية
القوة
الفخامة
الراحة
جودة التشطيب الداخلي

وفية ميزة اظافية وهي ان الباترول سيارة (off road) يعني سيارة بر من الدرجة الاولى
والسبب هو قوة المكينة +تجهيزات خاصة بالطرق الوعرة +ارتفاع ملحوض عن الارض(وهذي مهمة جدا) حتى الصدام الخلفي والكفر الاسبير مرتفع بشكل كبير عن الارض
وتقدر تروح فية اى مكان مهما كانت وعورتة بدون مشاكل
عكس الاندكروزر الكفر الاسبر مع الصدام الخلفي قريب من الاض
وهذا يساعد في تضييع عزم الموتر مع الاحتكاك بالاض

[التعـ King ـديل]

زين مااخترت

طبعا علشان تكون بالصوره هذا يجي مكينه 5600 - 320 حصان - القير 5 نمر

للعلم احلا مواصفات فيه سعر معقول مقارنه بالمميزات وخاصه لمن تركبه موتر فخامته معقوله

قوته جباره وانا حاط عيني على نفس الفئه بالقريب العاجل ان شاء الله

[مخاوي القنص]

الله يعطيكم العافيه على معلوماتكم الرائعه . . ونحتاج المزيد من التجارب لمن جرب فاليفيدنا وهو مشكووور وكذلك بالمواصفات بين الفئه 320 و 400

[الجندي2005]

اجزم وجزمنا معك ما رادنا عنه إلا شعره (( مشروع بسيط وقرب يخلص ))،،،،

[ذيب الحرار]

الله يعطيك العافيه
والله يرزقك

[ذيب زلفاوي]

انا ماجربته بس الناس يقارنونه بالكزز
وصراحه انه افخم من الكزز وارخص 100 الف وش تبي اكثر من كذا اي ميزه راسك فيه

[مخاوي القنص]

يعطيكم العافيه على كل من شارك وافادنا ،، ولكن نحتاج مشاركات أكثر لأصحاب تجربة الموتر 00

[ZIAD_KSA]

هدد 2010 عند اليحيا 175000

[Abu Saad]

فيه مجموعه من اعظاء منتدى نيسان اريبيا معهم الباترول 2010 راح يفيدونك بحكم التجربه.. اشوفهم يمدحونه وبعضهم كان معه لكزس .
شخصيا حاط العين عليه ان شاء الله 2011
بالتوفيق

[شمالات نجد]

خذ لك سيارتين وان كانك شبعان طقه ما عليه حسوفه

اهم شي لا تنسى تستخير الله في جميع أمورك

والله ييسر ويبارك لك

سلام

[عاشق السيل]

هدد 2010 عند اليحيا 175000

ههههههههه والله الفرق !!!!

لو قلت في إكس آر على الأقل :p

[بعيد الهقاوي6]

الله يرزقنا ويرزقك بالباترول الجديد Le3 لؤلؤي

[_دربيل_999]

اخوي..
موديل 2011 ماباقي عليه شيء وينزل إنتظر تستفيد شيئين,,!!
الإستفادة الأولى بتظهر لك عيوب الباترول أكثر وأكثر وبيكون موديل 2011 أفضل لأن الشركة بتستوعب العيوب وتقوم بمعالجتها في هذا الموديل 2011..

والفائدة الثانية بتشوف وش بتسوي تويوتا في نيسان وذلك في التغيير على محرك التويوتا اللي ربما يتفوق على النيسان وكذلك التجهيزات الجديدة لتويوتا للوقوف في وجه بطل الدروب الجامح في كل شيء حتى في سعره..:mad:

والرأي في الأخير حتماً هو لك..

وفقك المولى..

الروقي

[ولد الغلباء]

اصبر الى2011 وشف الفكسار الجديد والباترول بعدين احكم ومبروك مقدما

[N-xterra]

يا رجال 240000 كايده .. خذلك بـ 185000 gxr أصرفلك أو فتك بـ 150000 ريال

وأنت صاحب القرار الأخير

الباترول أبو 196 ألف أقوى من جيب اللكزس !!!

وأحسن من ال gxr و الفتك

يكفيك ان مكينة الباترول الجديد أبو 196 ألف تجي 8 سلندر 335 حصان وبالقوة الفعلية أقوى من مكينة اللكزس أبو 380 حصااااان

غير كذا الباترول الجديد لك وللزمن - المكينة اللي عليه ماخذة عليها نيسان براءة اختراع سنة 98 م وقتها كانت تنزل على الإنفينتي بأحجام صغيرة وألحين طوروها ونزلوها أول شي على الأرمادا ويوم صارت ناجحة بكل المقاييس نزلوها على الباترول الجديد

لايوجد فيها مشاكل حرارة نهائيا - قوية مرة - صوتها طرررب أحلى من الجمس - اقتصاااادية في البنزين

تحياتي
تحياتي

[ابونبيل]

خذلك لند مضموون اما الجديد هذا ماتدري عنه

[سوبر مكشات]

وفقك الله

وبارك لك مقدما

ما اعرف احد جربه

[عاشق البانيلي]

خذ لك هدد 2010
قير عايدي
158 الف
عند عبدالوهاب اليحيى

[اليكي]

كنت بجدة اول مانزل الارمادا ...
ودق علي واحد من العيال وقال بحولك فلوووس ابيك تشتري لي ارمادا من الوكالة مالقيت عندنا يقولون مخلص ....

قلت Ok

ورحت للوكالة وقلت ابي ارمادا .....
قالي الموضف ادفع كاش وانطر شهرين !!!

قلت ليش ؟؟

قال كثير دافعين كاااش وناطرين وماسكين سرااا ؟؟


رجعت دقيت على الرجال وقلتله صم خشمك ...

وبعد سنة بالظبط لقيت الارمادا مالي المعارض مستعمل ... والى الان .... وسعره نازل مبالغ خرافيه ... وراعيه ويدور على شرااااي


يعني شوري لك لاتتسرع وتاخذ نيسان كالعادة راح تبين علومه بعدين ... شوري لك اذا انت مصمم تاخذ نيسان اصبر سنة وحده او اقل وراح تشوف بعينك ...


اما التويوتا مهما قالو عنه يبقى تويوتا والكلام الفاصل والرد المقنع على كل شخص ينقص من قدر التويوتا قلة رح للمعارض وشف الاسعار شلون ...

يعني ان شالله تاخذ لك تويوتا الحين وتسوقه سنتين وتروح توقفه بالمعرض يوم وتبيعه وتشتري نيسان نفس موديل موترك وتوفر فلوس او تشتري موديل جديد بعد ...


ولاتستعجل فكل تاخيره فيها خيره

[حرنا بك]

اخي الكريم اولا احييك على اختيارك الراقي وحرصك على اقتناء الافضل.. واتمنى تجنب الاراء الي يغلب عليها التعصب وانت في الاخير من بيدفع الدراهم ومن بيستخدم السيارة والسيارة جديدة ولم تختبر بعد لكنها تعتمد على قاعدة عريضة ومتينة وذات تجربة ثرية تمثلت في خبرة نسيان لسنوات طويلة وجهد في تطوير سيارتها وان كانت تايوتا بتحسن موديلاتها لمنافسة الباترول راح يكون السعر حاجز من الصعب تجاوزه والفرق بالسعر بين الشركتين كبير جدا في ما يخص سيارات الدفع الرباعي.

والف مبروك مقدما وعساه مركوب العافية والسلامة

[مخاوي القنص]

نشكر كل من أعطانا رأيه وكل الحظ الموفق للجميع ،،،