فزعة الخبره دبل ثقيل ولا خفيف !:!:!:!

[ك ح ن 027]

السلام عليكم .....!
سؤال عن استخدام الدبل للقير الاوتوماتيك فورتشنر و يوكون و.... !
المهم اذا جيت اطعس هل اشبك الدبل الخفيف ولا الثقيل مع ذكر السبب .
علما بأني سمعت ان الثقيل اذا كنت ترقى طعوس افضل والخفيف اذا كنت في ارض مستويه !
وياليت يفيدونا اهل الخبره .
وانا جربت الثقيل والخفيف طبعا الثقيل اقوى عزم ويطلع اكثر من الخفيف ..
لكن يحن الموتر :)

[VIP-503]

شف يالغالي الثقيل لاتشبكه الا انت ناشب نشوب تام اعلمك ليه لنه لو مشيت على الثقيل تروح فيها الكرونه وتسبب مشاكل

اما الخفيف فاشبكه وطعس على راحتك بس لاتنسى نسم الكفرات يعني 15 هواها

وتوكل على الله لك احترامي اخي الفاضل

[الستانس]

اذا في الفورشنر d3 اشبكة وحط الدبل الثقيل

وتمش بيديك ورجليك ماراح يخالف معك

والدبل لو خرب تراه رخيص

وازيلك من ان موترك ينعدم من كثر المطامر ولا في الأصل

الدبل الخفيف وتتمشى وهذا الصحيح في استخدام الدبل


ولكن انا نظرتي خل الدبل يخرب

ما عندك مشكله كلها 1000 ريال بعد عمر طويل من الإستعمال

وركادة في السواقة

ولا كل يوم طالعه لي علة من كثر المطامر

[صقار شياهين]

اخوي اذا كانت السيارة تمشي وواجهت بعض الطعوس الخفيفة الى المتوسطة اشبك الخفيف وانت ماشي واذا وقفت السيارة غرزت يعني خلاص اشبك الثقيل ولا طول عليه لانه يسبب حرارة ويعدم الكارونة تقبل تحياتي

[ملف علاقي]

شوف ياالخو إليك الحل الأمثل من واقع تجربه وطبقها علي كل السيارات ريح هوا الكفرات وخلك دبل خفيف وطعس براحتك اما إذا الموتر غرز وإلا تبي تسحب احد او الموتر محمل علي طول إستخدم ثقيل حتي مايعدم عليك كلتشات القير سواء عادي او تماتيك والله يوفق الجميع

[قطب 999]

اذا في الفورشنر d3 اشبكة وحط الدبل الثقيل

وتمش بيديك ورجليك ماراح يخالف معك

والدبل لو خرب تراه رخيص

وازيلك من ان موترك ينعدم من كثر المطامر ولا في الأصل

الدبل الخفيف وتتمشى وهذا الصحيح في استخدام الدبل


ولكن انا نظرتي خل الدبل يخرب

ما عندك مشكله كلها 1000 ريال بعد عمر طويل من الإستعمال

وركادة في السواقة

ولا كل يوم طالعه لي علة من كثر المطامر


دبل بس ب 1000 ريال وين هو فيه

[عميد سامودة]

طعس الهاف مون اطلعه بالفتك بالدبل الثقيل والثالث

[جيتك يابعد حيي]

ونازيت الامير وش تطلعها فيه 0

[عبدالعزيز-1]

اخوي اذا كانت السيارة تمشي وواجهت بعض الطعوس الخفيفة الى المتوسطة اشبك الخفيف وانت ماشي واذا وقفت السيارة غرزت يعني خلاص اشبك الثقيل ولا طول عليه لانه يسبب حرارة ويعدم الكارونة تقبل تحياتي

هذا الكلام الصحيح

[ولدشقراء]

شف عشق الدبل الخفيف التطعيس في رقيات خفيفه
وثقيل في الرقيات القويه ولى غرزتا

[حزوبر]

السلام عليكم
انتبه وانا اخوك من الدبل الثقيل، لا تجازف في استخدامه لغير ضرورة
الناس يطعسون من غير دبل، لأن الي بيستخدم سيارته للتطعيس يستخدم كفرات بالون، او كفرات لينه، ويلاحظ انه يجب تنسيم الكفرات، واذا الموتر دبل يكفي الدبل الخفيف
أنا معي هايلكس دبل وقير تماتيك يعني مثل سيارتك، رغم كذا استخدم الدبل الخفيف، ولا أذكر اني استخدم الدبل الثقيل لخوفي على حلالي

[مولع بالطير]

اخوي مساك الله بالخير قبل لا تدخل نفود وقف وسم بالرحمن ونسم من هواء الكفرات 10 طبعن يكون معاك ساعه وماطور هوا ودق الدبل خفيف ورق سنود اوما اذا دقيت ولا بغيت تسحب شخص دق الثقيل وسم بالله والله يستر علينا وعليك وتمني اني افدتك تقبل مروري.