مشورتكم يالربع فورد F150

[يتيمة الدهر]

مسيتم بالخير جميع
أخواني ،،، لي طلب صغير
أنا أبحث عن سيارة حوض فكرت في الجيب الشاص والباترول الحوض والفورد F150
وأعجبني الفورد والمشكلة ماعندي معلومات عن هذه السيارة ولاقد جربتها وأريد المشورة منكم كونكم أكثر خبرة وتجربة وبسألكم عن F150 ثمانية سلندر قير عادي دبل أرضي من موديل 2000 إلى 2005 من ناحية قوة الماكينة والقير وتوفر قطع الغيار وتحمل الوعر وعن حرارة السيارة وأخيراً سعر السيارة ،،،
ولكم من خالص التحية

[الجيب الريو]

اللي اقدر افيدك فية من خبرة استخدام
3 سنوات بس القير توماتيك والموديل 2008 والدبل كهرب
سعرة 170 الف اعلى فئة
بالخط اريح من السيارة الصغيرة ( غريبة )
بالتطعيس جيد جدا بس ما فيه عزم للمراقى ( القصوص )
استهلاك البنزبن جيد جدا وقليل الصرف
الصيانة ولا احلى ولا به خرابات ولا يعرف الحرارة

[سليمان الصقر]

أنا معاي واحد بس موديل 96 شريته فسقه ولا ني بحاجته وقعد عندي بالبيت من يد نشيط ليد متعافي انكد كد الويل أنواع السفريات وأنواع الصدمات وصار له معاي 4 سنوات لاختصار مايعرف الخراب والمكينه ما لك أمل تنقص وشغلات واجد حلوه بس بلشت بقطع الغيار وشغال على الترهيم

[saalh123]

عندي 2003 قير تماتيك له معي 4 سنوات تقريبا زي الحلاوة
ولا راح ابدله الا باخوه ان شاء الله
وانصحك اشتر ولا تشاور