اصحاب الفورشنر

[حكيم المجالس]

السلام عليكم
أخواني اصحاب الفورشنر
انا افكر اشتري واحد 6 سندل وشو من موتر في الخط في النفود
في كل مكان واي معلوه عنه عطوني وكم توصل اسعار المستعمل
وش نصيحتكم لي
وجزكم الله خير

[سفاري959]

من ناحيه القوه قوي اتكلم عن 6 سلندر بس عيبه متعب شوي في الخط راحته لك عليها انا جربته واستغربت وتراه يصنع في اندونيسيا وانصحك تجربه قبل تشتري الأسعار ما عندي خلفيه عنها موفق خير اخوي

[الصقري2000]

اخوي طبعا بالنسبه لي فان وليس جيب
لكن كقوة ونشاط قوي لا في نفود ولا قومه
لكن تمسكبه خط دماااااااااااار ورفاره تتفكك
وراحه خيااااس ينقص ضهرك
واسعار خياليه لا مستعمل ولا جديد
وانا من رايي انه موب فورنتشر هو هايلكس مصندق
.........................
الصقر الاشقر

[ولد وايل..]

ولا زود على كلام الاخوان...

الموتر ماعلية من ناحية البر ...

بحكم قوة المكينة وخف البدي النسبي...


لكن بالخط دمار خاصة أن كنت جثة هههه

وبعد فيه صوت ربلات عند الباب تطلع ريحتك....وكل ما صلحتها ترجع...

عموما أنا ما انصح فيه ولا اذمة لاني اشوف فيه شباب مبسوطين معه...

لكن لي ما يصلح...

[حبل الوريد]

قوي وما عليه

بس مشكلتة ضام على عمره

يعني مع اللفات يبي ينقلب ينقلب الاشوي

[مزدهر]

الموتر ما فيه كلام يتحمل بسسب صلابة التعليق لاكن وقت الطواري ما حولك أحد

[ابو عبووودي]

ياخي العزيز خذوه وتوكل على الله الموتر يطربك بالبر والديره وقوي لاكن عيبه الوحيد هو المطب قاسي شوي ويكفيك انه جيب تويوتا كد ومد

[502المميز]

ما راح اقول غير توكل على الله وخذه عاد لو تاخذ الفل كامل وقير عادي
عاد ما وراه شي
القوه انا مجرب ما شاء الله في النفود
والله وحش تقبل تحياتي

[نفس السحاب]

موتر ممتاز

[حكيم المجالس]

جزاكم الله خير ماقصرتو
انا سمعت ان 2007 وتحت يجي سست
و2008 وفوق يجي مساعد وهو اريح من السست هل هو صحيح

[بروق ساق]

أصلا الفوتنر ما جاء سست أبداً حيث نزل بالسوق من 2006 ولم أشاهده سست أبداً هذا كلام غير صحيح إلا أن من 2006 إلى 2008 مكيف واحد هذا عيبه أما 2009و2010 مكيفين لا تفكر إلا بالتسعه أو العشره وتوكل على الله خذ جديد

[بارق مكشات]

بارك الله فيك كل الموديلات فيها مكيفين
2006,2007,2008 في الجنب
2009,2010 في السقف

[N-xterra]

أحلى مافيه شكلة وديكوراته الداخلية

خلي معاك دايم كلبسات ومسامير 10 إذا طلعت للبر ممكن يطيح عليك الصدام الأمامي ولا ينطلق واحد من الرفارف مع طلعة طعس ولا طمرة قص

تحياتي

[N-xterra]

أصلا الفوتنر ما جاء سست أبداً حيث نزل بالسوق من 2006 ولم أشاهده سست أبداً هذا كلام غير صحيح إلا أن من 2006 إلى 2008 مكيف واحد هذا عيبه أما 2009و2010 مكيفين لا تفكر إلا بالتسعه أو العشره وتوكل على الله خذ جديد

غريبه !!!!

أنا مشتري واحد 2006 أول مانزل وقته وفيه مكيفين ، وخويي معاه 2007 برظو مكيفين بس كلهن فل كامل

[حكيم المجالس]

جزكم الله خير
والله يكتبنا الي فيه الصالح ويوفقنا وياكم

[السليطين]

أحلى مافيه شكلة وديكوراته الداخلية

خلي معاك دايم كلبسات ومسامير 10 إذا طلعت للبر ممكن يطيح عليك الصدام الأمامي ولا ينطلق واحد من الرفارف مع طلعة طعس ولا طمرة قص

تحياتي


كلامك صحيح ...
انا شايف اثنين بالمانعيه . يبي يرقون .. ويجون شادين واول مطب يردح فيه الموتر والله وبالله انه طايح الصدام الامامي قدام الموتر .

[ذعذآع]

موتر بلد كويس ..
بس انتبه من البريك تراه يسحب ما يوقف براحه وحط في بالك تغير الفحمات وخرط هوبات كل ست شهور
التصنيع حقه لك عليه شوي ولا يسوى سعره

تبي الشور وانت راغب التويوتا خذ هايلوكس دفرنسين اصرف .. ولا دور غيره

[محمد بن سعيد]

استخر الله والله يكتب لك اللي فيه الخير

انا معي موديل 2007 ما شاء الله تبارك الله ما يحتاج موتر على كيفك بس الراحة لك عليها

[ابوعبدالله 22]

توكل على الله وانا اشوف انه احسن موتر الان سواءً في المدينة والبر وحتى الخط
وكل المميزات الاساسية فيه :
دفلوك
مكيفين
مثبت سرعه
ثلاث مراتب
رفيع مايحتاج يايات استراليه
الموتر عزمه زين وصرفيه البنزين ممتازة تانكيه 80 لتر وديكوراته من داخل ممتازة وشكله وذف ومظفوف
واسأل اللي مجربينه
بالتوفيق

[-عزيز-]

أحلى مافيه شكلة وديكوراته الداخلية

خلي معاك دايم كلبسات ومسامير 10 إذا طلعت للبر ممكن يطيح عليك الصدام الأمامي ولا ينطلق واحد من الرفارف مع طلعة طعس ولا طمرة قص

تحياتي

هههههههههههههههههههههههه اجل هو كرتون موز الله يصلحك بسس قل آمين !



اولا قبل لااقول رايي ترا مامعي فورتشنر على شان مايقال اني عنصري

ثانيا ابدا برايي

ان بديت تسمع كلام الناس تبي تتعب خاصه الي ماجربه ولا يدري وشو بس يسمع من فلان وفلان ويبهرها حبتين وينقلها !!


انا بقولك راي مجرب الموتر مع خوين لي موديله 2006 ولاحظ 2006 يعني اول ماطلع


الرجال راعي بررر وصييد يعني لابشتا ولا بصيف ماخلى به ارض ولا شعيب ماطبه

والحقيقه تقال الموتر قوي ومتماسك ولاهوب راعي خرابات مثل ماعودتنا تايوتا

والرجال ايضا راعي خطوط لكنه موهب راعي سرعه وركزلي على موهب راعي سرعه

يعني من 140 وتحت ولا اشوف انه اشتكى منه لكن الافضل انك تجربه تدور لك احد

تعرفه ولا تدور لك محل تأجير وتاخذه لك يوم وتجربه بنفسك على شان تكون على بينه ,,,



ملاحظة مهمة جداً : من موديل 2006 الى موديل 2008 تانكي البنزين 65 لتر ,, ومن موديل 2009 وفوق 80 لتر وايضا عدلو عليه تعديلات حلوه

1- صار المكيف لمس
2- اضافو ازرار بالطاره
3-المكيف الي ورا صار بالسقف
4-الجنوط صارن 17 وشكلها حلو افضل من القديمات الـ 16
5- الاصطبات الي ورا والي قدام والشبك الامامي تغيرت ايضا

وصلى الله عليه وسلم

تحياتي وبالتوفيق

[ماشي الحال 3]

.
يقولون....
يقولون....
كلام كثير لكن وين الي مجرب وصار له الشي؟؟؟
أنا معي واحد له قرابة السنه ماشفة إخلاف..
لكن الناس تختلف..منهم الغشيم ومنهم الي نازل من أمريكي فهؤلاء لايقاس عليهم!!.
.
.

[أبو كوثر]

بسم الله الرحمن الرحيم

السلام عليكم ورحمة الله وبركاته، وبعد:

أول مشاركه،،، في هذا المنتدى... لكن متابع منذ فتره طويله...

من ملاك (الفورتشنر) واليوم بالمناسبة والحمد لله، تم تحرير السياره من عبد اللطيف جميل...

الموديل 2006
مع الأسف ::: 4 سلندر...

جربته في البر... معليه ... ميزته، أنه خفيف..

فيه صوت في المرايه... اليسار... على الخط.. وفي سرعة تقريباً.. فوق 120كلم... ما لقيت لها حل.

في البر .... تمام ... لكن 6 سلندر... مسكت... من واقع تجربه.. عندنا واحد ثاني 6 سلندر.. وفرق بين 4 و 6 سلندر.. في القوه في البر...

استخدمت الـ 4 سلندر.. في بر الرياض... وما شي حاله.. واستخدمته في بــر الشرقيه... ولا عليه..

عيبه،،، أنه مش مريح بالشكل الكافي... خشن،،،

فيه صوت في المطبات.. (4 سلندر) تتبعت ها الصوت طلع من دعسة البريك... ولم أحاول أني اشوف لها حل.. وسألت آخر قالي عندي نفس المشكله..


توكل على الله،،، سافرت عليه إلى مكه المكرمه... والمدينه المنوره... والرياض الشرقيه... ولا مشكله،، غير أنه في الراحه. ليس بمثل.. الأمريكي..

والله ولي التوفيق...