سؤال لمن يملك مثبت السرعة وقد تم تركيبه عند "فيليب"

[الأيقونة]

بسم الله الرحمن الرحيم

اخواني المكشاتية

ركبت عند فيليب الاسبوع الماضي مثبت سرعة على السيارة

يوجد في عصى التثبيت زر On ، Off

ضغطت عليه وارفع العصى للأعلى يشتغل المثبت
ضغطت على زر Off مره أخرى وارفع العصى للأعلى ويشتغل المثبت

هل الجميع مثل حالتي ؟ او الخلل عندي انا فقط

[رحال300]

نفس الحكايه معي
واتوقع هو كذا لائني سبق وركبت بسياره ثانيه ونفس الحكايه
وعشان تريح راسك دق عليه واستفسر منه

[aljde40]

الوضع طبيعي جداٌ ، أنا مركبه عند فلب على جي إكس آر 2004 ومايشتغل ، سألت فلب قال أنا ما أشبكه لآنه صعب .

[الأيقونة]

نفس الحكايه معي
واتوقع هو كذا لائني سبق وركبت بسياره ثانيه ونفس الحكايه
وعشان تريح راسك دق عليه واستفسر منه

انا ما انتبهت للشيء هذا الا اليوم
ودقيت عليه لحد ما تكسر الجوال ما يرد
واذا الجميع عندهم نفس الشيء مو مشكلة والوضع عادي فقط حبيت استفسر للإطمئنان

[ساري 111]

انا ركبته عنده
مشكلته اذا ثبت السرعه وفصلته مايطفى نهائياً يصير على وضع الأستعداد يعني اذا رفعت العصى لفوق يرجع للسرعه اللي ثبته عليه سابقاً

ومايطفى نهائياً إلا اذا طفيت السياره

[راعي السلقه]

فليب هذا الي بالخبراء؟

[هوايتي مكشات]

افيدونا نبي مثبت سرعه تعبت رجولنا من الطريق

[KN 3.5]

السلام عليكم عندي سؤال ألا وهو
فيه أحد ركب المثبت على باث؟ وكم سعره؟؟؟؟؟؟؟؟؟؟؟؟؟:(

[B A R E K]

فليب هذا الي بالخبراء؟


نعم هو بالخبراء .. او بالسحابين .. يعني حولها ..

[sameer_1798]

موتري جكسار 2000 قير عادي
مركب المثبت عند فيليب

http://www.mekshat.com/pix/upload04/images171/mk30962_img_2488.jpg

يشتغل المثبت إذا حركة العصا إلى فوق أو إلى تحت
طبعاً تضيء كلمة CRUISE بالطبلون

وينطفي بأحد هذه الحالات : ضغط الفرامل أو سحب العصا جهتك كنك تكبس بالعالي أو ضغط زر off

لزيادة السرعة أرفع العصا فوق .... لخفض السرعه تنزيل العصا لتحت

للرجوع إلى آخر تثبيته مخزنه ..... إذا اغلقت المثبت ترجع للسرعة السابقه برفع العصا لفوق
طبعاً تنمسح الذاكره إذا طفيت السياره .
وإذا أردت تخزين سرعه جديده نزل العصا إلى تحت .

[الأيقونة]

شكرا لمروركم جميعاً
اخي sameer_1798 عندي خبر عن الي ذكرته ...
لكن السؤال هل تستطيع إقفال عصى المثبت ام لا بالضغط على زر OFF ؟
طبعاً اللمبة في الموديلات اعتقد من 2002 وأعلى لا يوجد لها مكان في الطبلون حسب كلام فيليب

[sameer_1798]

العفو ياخوي
نعم استطيع اقفاله بالضغط على زر Off
كما ذكرت ذلك


انا ركبته عنده
مشكلته اذا ثبت السرعه وفصلته مايطفى نهائياً يصير على وضع الأستعداد يعني اذا رفعت العصى لفوق يرجع للسرعه اللي ثبته عليه سابقاً

ومايطفى نهائياً إلا اذا طفيت السياره
صحيح الذي ذكرته ولكن بإستطاعتك تخزين سرعه جديده إذا سحبت العصا على تحت .



السلام عليكم عندي سؤال ألا وهو فيه أحد ركب المثبت على باث؟ وكم سعره؟؟؟؟؟؟؟؟؟؟؟؟؟:(


وعليكم السلام ورحمة الله
نعم يركبه على الباثفندر
شوف هذا الموضوع يفيدك إن شاء الله
http://www.mekshat.com/vb/showthread.php?t=205579

[نوماس1]

افيدونا نبي مثبت سرعه تعبت رجولنا من الطريق
خل معك عصا وثبت السرعه على كيفك وانصحك عن الترهيم ممكن المثبت الي يقولون عليه عند فلب يعلق ولا يفصل وقت الحاجة الى التوقف المفاجىء مما يتسبب في حدوث مالا تحمد عقباه والله يستر على الجميع

[sameer_1798]

خل معك عصا وثبت السرعه على كيفك وانصحك عن الترهيم ممكن المثبت الي يقولون عليه عند فلب يعلق ولا يفصل وقت الحاجة الى التوقف المفاجىء مما يتسبب في حدوث مالا تحمد عقباه والله يستر على الجميع
بارك الله فيك ياخوي
لكن الشغل هذا الناس مجربته ولها الآن 10 سنوات وبدون أي مشاكل
وأنا الآن جربته لي سنتين والحمدلله مريحني كثير شغل وكاله ماشاء الله .

[KN 3.5]

وعليكم السلام ورحمة الله
نعم يركبه على الباثفندر
شوف هذا الموضوع يفيدك إن شاء الله
http://www.mekshat.com/vb/showthread.php?t=205579[/quote]
كثر الله خيرك أخوي معروفك جميل:good2:

[فتى باريس نجد]

ياخوان ممكن تكتبون رقم فيليب او ترسلونه لي على الخاص الله لايهينكم

[الحبابي1]

يالربع عندي سوناتا2010 ابي اركب لها مثبت هل فيليب يركب القطعه حقت الوكاله؟؟ للسوناتا؟ او قطعه من عنده ؟؟ بعدين سالفة المثبت الي يرجع للسرعه الي كان مثبت عليها مافهمتها هل اذا فصلته مايفصل معك؟؟؟؟؟ وشكرا لتعاونكم معنا

[عيون جهجاه]

يا الربع نبي واحد يركب مثبت بالرياض

لانه الصراحة مشواار الروحة للخبراء