المساعد الشخصي الرقمي

مشاهدة النسخة كاملة : شنطة البريفيا والانوفا صغيرة وابي فزعتكم بمحل يركب قلص


بعيد عنك
19/06/2010, 06:45 PM
السلام عليكم يسعد لي ايامكم جميعا اخواني

انا عندي يااخواني بريفيا وعندي انوفا وشناطهم صغيرة مايصلحون للسفر اذا كنتم خمسه اشخاص ماتشيل الشنطة عفش كثير

رحت بركب سلة للبريفيا ولكن اكثرهم قالوا ماتصلح السلة لان حجم الشاص عريض 1.50 سم والسلة 1.30 سم

فقالوا لي ركب قلص بس مابي اقطع الصدام او اخربه

وبعدين فكرت اني اجيب قلص ازين عشان اركبه للسيارتين فوين الاقي المحل اللي يركبه مضبوط لان مافيه مكان بالبريفيا عشان يركب فيه الهوك

ويسوي لي كل شغلات تركيب القلص وبسعر مناسب مع امكانية السعر اذا عندكم علم بالسعر

وشاكرين مقدما لكل من يدلوو بدلوه
ذيب زلفاوي
19/06/2010, 07:10 PM
العايله ماينفع لها الا الجمس وبسس
من كبار تجار
19/06/2010, 07:27 PM
السلام عليكم
اتمنى لك السلامه في سفرك
اخوي القلص متعب في السحب
فصل سلة الخلفية على مقاس السيارة وارتح من القلص
وبعدين تقدر تركب السلة على كثير من النواع السيارة وهي السلة تكون قواعدها متحركة بحيث تتوسع على حسب مقاس الشاص , واهم شي توزع الحمل بشكل متساوي في السلة الخلفية , وبعد لا زم تكون قواعد السلة قوية بحيث تتحمل الحمل.
بعيد عنك
19/06/2010, 07:43 PM
تسلم اخوي زلفاوي على المشاركة بس الجمس طويل ولا يصلح للوالده هي تبي سيارة طامنه

واخوي كبار التجار مشكلة البريفيا نازله ولا ركبت السلة بتكون قريبة للارض يعني اي مطب صناعي بتحك فيه

هذا اذا ماحكت بالطريق العادي اذا فيه شويه نطات
ذعذآع
19/06/2010, 08:48 PM
وعليكم السلام ورحمة الله وبركاته
والله يا اخوي سياراتكم طامنه وما تصلح لا قلص ولا سله خلفيه ..

ومن رايي تشوف لك سلة على السقف آمن وافضل وارخص .. بس احرص على الالمنيوم

وفالكم التوفيق بإذن الله ..
التاكسي
19/06/2010, 11:31 PM
الا انوفا
طالع في الكتلوج حق الساره مكتوب فيه نصح بعدم استخدام القلص

ما لك الا السله العلويه وفيه شباب كثير مركبينها طبعا تكسي ههههههههه

ويشيل ركاب والعفش فووووق وما فيه افضل منه

علي فكره انا معي انوفا تاكسي
شمالات نجد
19/06/2010, 11:48 PM
ركب سله خلفيه وركب بالون أمريكي

سلام
Avalanche
20/06/2010, 11:17 AM
السلام عليكم يسعد لي ايامكم جميعا اخواني

انا عندي يااخواني بريفيا وعندي انوفا وشناطهم صغيرة مايصلحون للسفر اذا كنتم خمسه اشخاص ماتشيل الشنطة عفش كثير

رحت بركب سلة للبريفيا ولكن اكثرهم قالوا ماتصلح السلة لان حجم الشاص عريض 1.50 سم والسلة 1.30 سم

فقالوا لي ركب قلص بس مابي اقطع الصدام او اخربه

وبعدين فكرت اني اجيب قلص ازين عشان اركبه للسيارتين فوين الاقي المحل اللي يركبه مضبوط لان مافيه مكان بالبريفيا عشان يركب فيه الهوك

ويسوي لي كل شغلات تركيب القلص وبسعر مناسب مع امكانية السعر اذا عندكم علم بالسعر

وشاكرين مقدما لكل من يدلوو بدلوه

شف هالرابط يمكن ينفعك ....

http://www.travelmate.com.sa/

http://www.mekshat.com/pix/upload04/images171/mk34212_25.jpg

تحياتي ...
بعيد عنك
20/06/2010, 05:49 PM
تسلم اخوي ذعذاع بس البريفيا فيه قزازة بالسقف اخاف تنكسر

التاكسي يعطيك العافيه على النصيحه بس شكلها بيطلع شين لكن الظاهر مافيه الا هي بالانوفا

بس باقي البريفيا مالها حل شمالات وشو البالون الامريكي

شكرا افالنوش على الموقع اتصلت فيه طلع بالدمام الرجال لكن وصاني على كم محل بالرياض قال انا مامرت علي بريفيا قبل لكن شف الاقصى وكم محل ثاني عندهم فنيين يعلمونك اذا تركب على سيارتك ولالا

مشكوورين للكل على ادلائكم وماقصرتوا
ولد وايل..
20/06/2010, 06:43 PM
شف سلمك الله...

مثل ما ذكر اخوي ان الموتر طااااامن ولا تصلح له...

الا في حال أنك تبي تحط عفش خفيييييييييف خفييييييييف جدا... وهذا غير متوقع مع العائلات...

وان ركبت فأحرص على القوي اللي ما ينزل ...!


أنا اقول أن السلة العلوية افضل...والقزاز غطة بربر مؤقت...

والقلص بعد يبي يتعببببببببببببببببببببببببببببك واسألني والله يطلع ريحتك !!



ياخووووووووي خذ موتري ياشيييييخ والله جااااد...

قسم بالله ماحب هيييييييتشة!!


لابوها سيارات ترفع ضغط...<< انقهر يبي يدوور حل عجز المخ ما يساعد....
بعيد عنك
24/06/2010, 05:21 PM
ولد وايل ماتقصر يالغالي على العرض

بس خلاص ابشرك اليوم كنت بطريق الملك فهد واشوف بريفيا حاط هوك وماصدقت خبر واقعد الاحقه واجلس اصور فيديو وانا لاصق فيه من ورا مانتبهت من اللي يسوق ويوم خلصت ومشيت واثاري راعي الموتر وسواق جنبه كلهم يناظرون وش سالفتي لاصق فيهم وكني مادريت بس اهم شي وصلت لحل

بس باقي اروح لمحل اليوم واشوف الطريقة وبعدين بصورها لكم وانزلها
ولد وايل..
24/06/2010, 06:56 PM
الله يكتب اللي فيه الخير ...


بس احرررص على الجوده ولو كلفك...
RKHW
07/12/2010, 08:02 PM
الحمدلله والصلاة والسلام على اشرف الانبياء والمرسلين
اللهم اجعله عام خير ونصر للمسلمين
ابي صور ه لانوفا تاكسي وكيف يمكن اي السيارة تتحول تاكسي؟
الصياد العضيم
07/12/2010, 08:49 PM
يفيدونك الاخوان
التاكسي
11/12/2010, 01:33 PM
الحمدلله والصلاة والسلام على اشرف الانبياء والمرسلين
اللهم اجعله عام خير ونصر للمسلمين
ابي صور ه لانوفا تاكسي وكيف يمكن اي السيارة تتحول تاكسي؟

صور ما عندي الان صور للسياره

بس كيف تتحول تاكسي ما تبي شي

سياره ورخصه عمومي وفي خانه المهنه في كرت العائله متسبب

هذا الطريقه النظاميه

وفيه غير ذااالك