يامن جهزتم سياراتكم للسفر نسيتوا اهم شغله!!! تعالوا شوفوها.

[التورنيدو]

السلام عليكم ورحمة الله وبركاته



اخي المسافر



ضع في اولى اهتماماتك تغيير عجلات مركبتك حتى ولو كانت في نصف عمرها.
اشتر روحك واهلك واولادك ب 2000 ريال تزود قليلا او تنقص. هذا مع حفظ الله لك.


الاجواء حاره جدا وامكانية انفجارها بسبب الحرارة وارد جدا.!!!!


كم من المآسي نراها بسبب تكاسلنا او بخلنا في استبدال الاطارات.!!!


نتمنى لكم السلامة في حلكم وترحالكم.


اللهم اني بللغت فاشهد.


واحلى وقت للسفر انك تشد السياره قبل ما تنام وقبل الفجر تقوم وتصحي المدام والعيال ( وشلون تصحيهم وهم ما ناموا) وتدق سلف وتتوكل على الله والعيال اللي يبي ينام ينام واللي يبي يصحى حياه الله وقبل شروق الشمس تتوقف لاداء صلاة الفجر(اكيد انت الآن خارج مدينتك ) ثم تواصل بالسلامه وما يمدي الشمس تحتر الا وانت واصل وجهتك او قريب منها. واذا شعرت بالنعاس فعليك بالفصفص فهو الطارد الاول للنوم وان ما فاد جنب وخذ لك تعسيله ( غفوه). وما فايت الا الشر باذن الله. وانتبه من ساهر تراه دايم معاك ساهر.


-

[ملقاط بن جمر]

أحسنت ..

الله يجزاك خير على التنبية ..

أضف إلى ذلك إختيار الوقت المناسب للسفر والبعد عن وقت شدة الحر ..

حفظ الله الجيمع ..

[دكتور بر]

الله يعافيك أخي تورنيدو

فائدة طيبة جت في وقتها

وكما ذكرت فالكفرات أهم شيء في السيارة

وغالبية الحوادث خلال السنوات الماضية نجمت عن انفجار الإطارات


فجزاك الله خيراً وكتب لك الأجر

[NOYEB]

جزاك الله خير

[alwssam6]

الله يعافيك أخي تورنيدو

[ابوعقل]

جزاك الله خير

اول الناس يغيرون كفرات سياراتهم كل صيفيه ((يوم الكفرات رخيصه))

اما الحين لاوالله يحلل الكفر تحليل لان الأسعار زادت ولو تجرب تسأل عن الكفر اللي تبي

خلال شهر يزيد سعرها

والله جننونا البناشر

وانا كفرات موتري رايحه فيها بس ان شاء الله اذا جاء وقت السفر قبله بيوم ابي اغير الكفرات

[فوق هام السحب]

كفووووو كلام يصدر من شخص قدوه للغير اشكرك

[الباثفندر 3.5]

جزاك الله خير

[أبوزيد20006]

الله يعافيك أخي تورنيدو

فائدة طيبة جت في وقتها

[عبدالرحمن1980]

جزاك الله خير لاحرمك الله الاجر

[ذئب الدهناء]

وفقك الله تقريرمهم جدا

[سعودي raqi]

الحمدلله مااذكر سافرت الا اغيير كل الكفرات واشيك على هواها ..

لأن سبق وطق معي كفر والله ستر وماكان قديم كان بنص عمره ..


يعطيك الف عافيه يالغــآلـي على التنبيه ..!

[الربذي]

وعليكم السرم الله سبحانه اساله ان يحفظنا وايكم وجميع المسلمين من شر الحوادث صراحة مشي الفجر اوقبله محبب جدا لدي ومبروك اكره شي عندي السفر اخر النهار متعب وغثيث بشكل وحتى الطريق يطول تصدق ماادري شي نفسي ماتاصل الا انت منهد حيلك اما الصباح الباكر غير

[الربذي]

سعودي الحمد لله على سلامتك كيف تصرفت

[عبدالرحمن السالم]

الله يجزاك الخير وجعلها من موازين اعمالك

[b.l.z 2007]

الله يجزاك الف خير وماقصرت وهذا شي بعض الناس غافلين عنه

[راكب الشفر]

عن نفسي دايم السفر
واحسن وقت بالنسبة لي بآخر الليل
الجو بارد والطريق فاضي ماهنا زحمة واهم شي مافيه تفاتيش سرعة :)

وخذ راحتك

[ولد وايل..]

الله يسلمك يوم الكفرات بـ 250 ريال أغيرها مع غيار الزيت ولا يخالف....!


بس ها الحين الله لا يفق الظالم من خلقة...

الكفر بـ 900-1000 ريال.....!!

يعني أبي أطقم كفرات بـ حول 4000!!

انا ما أشوف لها بنظرة عجز لكن إستغللللللللللللال....

والله إني أشوف الواحد يشيك على كفراته إن كانت فيها عمر (أقل من سنة أو 60-80) الف.. لا يغيرها بس يمشي بالليل...

وش يمشيه بالظهر...


النصيحة الأهم أنه ما يمشي بالظهر أبدا أبدا...لسلامته وسلامة الكفرات وراحة الموتر..


والكفر ينسلخ لو انه جديد وانا مجرب على كفرات مشلان أصليات بس حررررر ياخوك ما يرحم ...!!!

[metub1404]

يعطيك العافية

[سوبر مكشات]

السلام عليكم


اخوي جزاك الله خير عالنصيحه

اما المشي بعد الفجر هو زين اذا صار مشوارك
دون 400 كم

اما اذا مشوارك 1000 وحولها

امش بعد جمعك للمغرب والعشاء
وقصرها


تاصل قبل الفجر والحر


يصير القار اهون من النهار



تنبيهات المرور في هذي الايام بعدم المشي بعد الساعه10ص
الى الساعه4م

لان الدرجه بيني وبينك ولا يدري احد فوووق 50:s :s


واللي ملزم يسرع لايتعدى 150




موفقين

[سفاري 91 //]

الصراحة موضوع مهم لاكن السنة هذي حر العظمة لله سبحانة :f :f :f لاكن يوجد حل ممتاز مع هذي الحر وهو غاز النيتروجين :good2: :good2: وهو وقت هذي الصيف لانة يبرد الكفر وهذي معلومة لابد ان الكل يفهما وسفرا سعيدا :good: :good:

[هارون97]

مشكور يالغالي على النصيحة

[@..ابن الدلم..@]

الله يعافيك أخي تورنيدو

فائدة طيبة جت في وقتها

[((ابوملاك))]

ولا تنسى القماشات واشر الاصلي لا ترخص روح وروح اهلك

وغير الزيت والسيفون

وشيك على كل شئ بالوكاله

[سهم قيادي]

ان مشيت في النهار مشكله حرارة الشمس وان مشيت في الليل حرارة بدون شمس و مشكله الي يجهرك بنوره العالي ولا عنده في احد الله يهديهم

[حيمور]

السلام عليكم
شكرا على النصيحه والله يعيننا على تغيير الكفرات المشكله ان اسعارها هذي الايام كل يوم تزيد حسبي الله عليهم يستغلوا حاجة الناس
وانا اشوف الي كفراته نص نص يغير على الاقل الجوز الأمامي لا سمح الله اذا طق الأمامي صعب السيطره على السياره ولكن الخلفي بإذن الله عادي توقف السياره (من تجربه)
ثالثا من خبرتي البسيطه في السفر سواء بالليل او النهار وجدت ان الليل له ميزات وعيوب والنهار له ميزات وعيوب
عيوب الليل انه يجيك النعس ,الرؤيه تزغلل العين , الطريق موحش , صعب الوقوف خصوصا اذا معاك اولاد يبون يفرفرو(لا مفر منها)
ميزات الليل حراره اقل , الشاحنات نايمه بالمحطات , نقاط العساكر نايمين مافي وين رايح وين جاي الخ
ميزات النهار وعيوبه اعكس ميزات وعيوب الليل (تعبت من الكتابه)
وعلى جميع الاحوال اطلب من اخواني ما يزيدو على 150 \ لانه السرعه قاتله
ان شاءالله الجميع يوصل سالم

[التورنيدو]

السلام عليكم





اخوي جزاك الله خير عالنصيحه


اما المشي بعد الفجر هو زين اذا صار مشوارك
دون 400 كم


اما اذا مشوارك 1000 وحولها


امش بعد جمعك للمغرب والعشاء
وقصرها



تاصل قبل الفجر والحر



يصير القار اهون من النهار




تنبيهات المرور في هذي الايام بعدم المشي بعد الساعه10ص
الى الساعه4م


لان الدرجه بيني وبينك ولا يدري احد فوووق 50:s :s



واللي ملزم يسرع لايتعدى 150






موفقين



رايك مقدر ومحشوم
ولكن ممشى الليل له عيوبه منها الظلام ما تشوف الا سكتك والبعارين الله يفكنا شرها والانوار العاليه اللي تحرق صي العين والموت الحمر قطاع الطرق خصوصا اذا لحقوك ومعك عايله اما بلحالك فالامر اهون.

اما على قولتك اذا كان مشوارك طويل فالحل هو ان تقسم مشوارك وتقيل لك في احد الغرف في محطات البنزين الين تبرد الشمس ثم تواصل.( بورك لأمتي في بكورها )وانا مجرب الصبح الباكر يا برك وقته.

ولا تنسى ان ساعة الصبح الباكر بساعتين.

تحياتي

[زوم]

جزاك الله خير موضع مميز ومهم

[قائد الطائره]

شكرا على النصيحه

[ولد وايل..]

كلام اخوي التورنيدو.... على متمه....


ولو أني افضل ممشى الليل...لما روي عن الرسول قال : (عليكم بالدلجة فإن الأرض تطوى بالليل) ].

والدلجة هي ليلا...

وأنا مجرب ...


لكن الناس تختلف والمشوار يختلف...


ان كانك رايح تمشية ادعس الفجر يالله من فضلك....

وان كان سفر للاهل أو غيره الليل انسب شي ...

وللعلم..! أن الفجر وأول ساعات الصباح حرارة الأرض أقل بكثير...


أعوووووذ بالله الشمس تزول المغرب وتبقى حرررااارتها في الأرض الى ساعات متاخرة ليلا والله انها تبقى حرارتها الى الساعه 1-2 ليلا !!

اعوذ بالله اللهم اجرنا من نارك....



وان كان معك اهلك ولا ودك تمشي بالليل خل معك المعشق يالبى قلبه...

والله يحفظ الجميع بالسفر والحل والترحال....

[صقر ولد صقار]

فعلا انا مع اخوي نيسان91

غاز النايتروجين جيد جدا يطرد حرارة الكفر وهومجرب

[مخاوي الليل1]

السلام عليكم


اخوي اقولك شي






























الله يرحم والديك ويحرم جلدهم وجلدك والمسلمين عن النار

الله يجعلها في موازين حسناتك ويجزيك عنا كل خير

قبل كم يوم طلعت انا وعيال عمي تمشيه مع ان الكفرات زينه وحنا في الطريق ظرب كفر معنا وانا ساقط على تريلا

والحمدلله ربك ستر ماكنت مسرع امشي 100 ودايم السرعه المعقوله تنفعك في تحكمك بالسياره

نعم حرارة الجو سبب من اسباب انفجار الكفر فنتبهو يااخواني ولا تنسون الطريق عندنا بدون تعليق ؟؟؟؟؟


وبارك الله فيك

اخوك مخاوي الليل

[يوكن]

نصيحة مجرب الكفرات الي بالغرابي والبناشر أكثرها تجاري لاتأخذ الا من الوكيل وترى الفرق عشرة إلى عشرين ريال لكن تضمن الجودة تحياتيييييييييييييييي .

[التل الصامت]

مشكووور يا اخوي صاحب الموضوع وان شاء الله راح نشيك على الكفرات والله يقدم اللي فيه الخير والله يوفق الجميع

[نديم السهر]

يعطيك العافية نصيحه طيبه

بالنسبه لوقت السفر احسن شي عندي اخر النهار خاصه بالصيف يعني لو بتسافر اكثر من الف كيلو راح

يكون الممشى كله بالبراد

[أبو هاجوس2000]

جزاك الله خير على هذا التنبيه . الذي جاء في وقته . وأحب أقول اذا كان طريق سفرك أغلبه خط سريع فأرى أن تمشي في الليل حتى يكون الجو نوعاً ما بارد خصوصاً على السيارة . وشكرآآآ

[سلفاريو]

صدقت ...بارك الله فيك تغيير الكفرات من الاشياء المهمه جدا يكفي انها شايله الجمل بما حمل ...

[ابو وليد2008]

مشكور على النصيحة ويمكن من الافضل تعبئة السيارة بغاز النتروجين لانه بارد ولا يسخن

[ابونبيل]

صادق جزاك الله خير

[A.B.A]

بيض الله وجهك

وتسلم على النصيحة

[ayaqaz]

معلومات قيمة..

جزاكم الله كل خير..

[اليوكناوي]

دعاء السفر
"الله أكبر، الله أكبر، الله أكبر، ( سُبْحانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ * وَإِنَّا إِلَى رَبِّنَا لَمُنقَلِبُونَ )
" اللهم إنا نسألُكَ في سفرنا هذا البرَّ والتقوى، ومن العمل ما ترضى، اللهم هون علينا سفرنا هذا واطو عنا بعده، اللهم أنت الصاحب
في السفر، والخليفة في الأهل، اللهم إني أعوذ بك من وعْثاءِ السفر، وكآبة المنظر وسوء المنقلب في المال والأهل"
وإذا رجع قالهن وزاد فيهن " آيبون، تائبون، عابدون، لربنا حامدون "

من تجربه والله ما يصيبك شيئا بإذن الله

دعاء دخول القرية أو البلدة
"اللهم رب السموات السبع وما أظللن ، ورب الأرضيين السبع وما أقللن ،ورب الشياطين وما أضللن ، ورب الرياح وما ذرين.
أسألك خير هذه القرية وخير أهلها ، وخير ما فيها،وأعوذ بك من شرها،وشر أهلها ، وشر ما فيها"

[القلب المحروم]

بس اين اللي يعبون نتروجين

لان العام عبيت عند احد المحلات المشهورة والمعروفة بالرياض

وقالي يبرد ويوم وصلت مشواري 700 كم نسمت شوي وجدته حاااااار مثل الهواء العادي


وشلون تضمن انه نتروجين صدق مو نترجين كذ ب وخرطي

[راكان 11]

جزاك الله خير

لآكن إختيارك للوقت غير جيد
أفضل وقت للسفر وخصوصاً بالصيف هو ( الليل )

قال رسول الله صلى الله عليه وسلم : (عليكم بالدلجة فإن الأرض تطوى بالليل) أورد أبو داود هذه الترجمة، وهي باب في الدلجة. والدلجة: قيل: هي السير في أول الليل، وقيل: هي السير في الليل كله، وذلك لأن الليل يكون فيه النشاط، ويكون فيه البراد في الصيف، والارتياح في المشي فيه، فهو يختلف عن النهار من جهة أن النهار تكون فيه حرارة الشمس المتوقدة، ولكن بالنسبة لليل يكون قطع المسافة فيه أسهل .

وشكرآ لك

[كم كيلو باقي]

اخوي التورنيدو .. اسمك جميل جدا

السرعة والله ماتحس بخطورتها الا اذا ضرب عليك كفر وانت فوق الـ120
والله تتمنى يرجع فيك الوقت 10 ثواني وتمشي زي الناس

بعض الناس يمسك الطريق يمشي 160 او اكثر ويعمي الخلق بانواره
متناسي ان الواحد اذا معه عائلته و9 انفس بذمته وجا واحد وشطفه ولا اعماه بالعالي
ممكن يدعي عليه بأي دعوة .. ودعوووة المظلوم مستجابة .. ولو مادعى عليك بيجيك اثم ترويع المسلم

[معهم]

بارك الله فيك مشكور على النصيحة المفيدة
اخسر 2000 ولاتخسر الكثير؟؟؟؟؟؟؟؟؟؟؟؟؟؟؟؟؟